بيتنا🧡

البارت 13

سر خباب 1
..
.
.

- لابسه توبک دا من الصباح ماشه وین وولدک صاحی
- ی ربی عایذه ارتاح شویه تعبتمن العبایات وبعدین فی ناس حتجی ف البیت التانی وانا لاذم اکون هناک ...

کنت منتظره عمو عبدالکریم یجی والشمس حارقانی اللیله حیجیبو حاجات للبیت کل مره بقعد اترقب لحدی م ینزلوها واشوف لو فی حاجه مهمه ابدا اعملها احساس ست البیت یعنی ..
رجعت ذکریاتی لورا اول مره اشوف عمو عبدالکریم وانا فی المطبخ کان قایلنی حرامیه والمشکله انی کنت متخیلاه حرامی وحیلی مات فشلت السکین وقعدت اهدد فیه کان مصدوم جدا وقال لی کیف الباب فاتح وکیف المکان کدا اللهو قصده العده ف المطبخ قلت لیه انت منو جای لی عایذ حسام قال لی حسام مافیش انتی المنو اطمنت انه بعرفه وجری لبست توبی وجیته راجعه وعرفت انه مسؤول من العمال وای شی بتعمل ف العماره ارتحت کدا وقلت لیه احنا ماجرین البیت التانی واستأذنا نشتغل هنا ف المطبخ لحدی م ناس البیت هنا یجو وظروفنا تتحسن ونعمل لینا واحد بغادی قال لی وادوک المفاتیح قلت لیه اصلو مره حسام دی کانت صاحبتی شدید قالت لی احرس لیها المکان وانضفه لیها علشان لمن تنزل تلقاه جاهز ومشت الاحوال علی کدا کل م یجیب حاجه ولا عمال بجیب مفاتیحی واستناهم ینتهو اشوف الفی شنو والمافی وعمو عبدالکریم یجی یتکلم معای انسان طیب جدا جدا بتکلم عن بناته واهله وعرفت انه کان شغال مع حسام من ذمن طویل من ایام هو فی الجامعه بعرفه ویقعد یحکی لی مواقف حصلت معاهم قال لی انتی قلتی لی اسمک منو ی بتی کل مره انساه کنت مفهماه انو انسمی سناء لکن نسیت وقلت لیه ریم بعدین عاینت کدا قلت م یکون رکز انی غلطت ولقیته بتونس وملامحه م اتغیرت نهای مشیته علی کدا ...
فی المرات الاخیره بقی م بتکلم معای ذی اول فقلت اللیله حاساله لو عنده ظروف ماری بیها ولا مشکله لانه بالجد انسان طیب م بستاهل الضیقه وبقیت مستنیاه یجی فی الشمس اللیله اتاخر ذمان کان بجی قبل م تشرق مرات بضرب الباب البیقادی علشان اصحی ادیه المفاتیح واستنی العمال ینتهو اکون عملت لیهم مویه ولا عصیر یشربوهو ویمشو واقعد اضایر فی المکان وارتب فیه وهو بقعد یحسب ف الحدید لانه بکون مشحون یعنی دی مهمته بشوف ویشتری ویکلم حسام بای شی ..
واخیرا جاء وبعد السلام مشیت لی ذکاء عملنا العصیر خباب کالعاده نایم م بصحی بدری نهای قعدنا نتونس بما انها اللیله م شغاله ورفعت العصیر بالحیطه لعمو عبدالکریم الشاله منی ورجعت اتکلم معاها کنا بنتکلم عن العید الصغیر الفات بما انه اسی فضل ایام من عید الضحیه قالت لی العید الفات کان مسیخ وانا شغاله فیه لاخر یوم قلت لیها دا لانک م سافرتی السنه الجایه اهلک حیجو هنا علشانک
- بالله انا امشی اخلیک انتی بعدین یوم العید کله اتکلم معاهم قصدی مسیخ من ناحیه المواضیع
- خلاص نعمل موضوع العید الجای
- بالله الحیضحی لینا منو
-مدام کدا کدا حتتجلط احسن نجلطها قبل العید الجای فی الاسبوع دا رایک شنو
- انتی ناویه علی شنو ورینی
- ناویه اننا نجیب خروف ونضبح ذی الناس بالله راجلنا خباب دا م عاجبک ..
- معلیش شکلک جنیتی
- یلا اناا ماشه اذا بکا م تنادینی ونسه عموعبدالکریم م بتتفوت ..
مشیت لعمو عبدالکریم النادانی وعرفت انه العمال طلعو ادانی المفتاح وکان طالع قلت لیه والله م تطلع کدا انا عارفه انک بتشرب القهوه اسی عملتها فی النار اتفضل فی الهول اجیبها لیک قال لی تعبتی روحکی بتی ..تعب شنو ولا تعب ولا شی ..قعد یشرب ف القهوه وساکت قلت لیه لیک کم یوم کدا ی عمو الحاصل شنو سکت تانی بعدین ختا الکبایه کدا لمن عملت صوت وقال لی انتی صحبت مره حسام انتی مره حسام اسمها منو ...انا هنا قلبی شح قلت لیه لی السوال دا ..سکت مسافه وقال لی وانتی اسمک منو ..قلت لیه انا اسمی سناء نسیته تانی وقعدت اضحک ..بعدین مطا خشمه کدا ودخل یدیه ف جیب الجلابیه وقال لی انتی مرة حسام مش لی ما وریتینی
من ذمان وکذبتی علی ..قلبی انقطع واتماسکت وقلت لیه حسام عرف کلمته انی هنا ..قال لی یعنی انتی ریم مرته والله ذعلتینی منک بکذبتک دی ..
قعدت ابکی وقلت لیه م یوریه انی هنا قال لی کیف م اوریه حاوریه قعدت احلف فیه بدون فایده قبل م یطلع الشارع رجعته وقلت لیه بس اقیف دقیقه علشان اوریک حاجه مشیت اجری علشان اجیب خباب لحدی م فتحت الباب بتاع الهول ودخلت وانا شایلاه کان مصدوم جدا ختیته لیه فی کرعینه وقبل م یتکلم قلت لیه حتسمعنی لی النهایه لو م عشانی علشان الانت شایله دا وبقیت بحکی لیه فی القصه بالمختصر ...
قال لی انتی متاکده البتعملی فیه دا صاح ..
قلت لیه مافی زول عارف کلهم قایلنی قاعده مع جدی فی لبنان ..
- وتقومو تقعدوا هنا بدون ولی ..
- الحافظ الله
- والله ذعلت زیاده فی ذعلی دا م حل انتی عارفه لو ابوک عرف بقتلوک اهلک م عارف اقول لیک شنو لکن انتی متاکده من البتعملی فیه دا ..
- انا عارفه انه نهایتها مشاکل بستنی لحدی م تفرج وشربکات کتیره کیف جدی یسامح حسام و کیف هو یرضی یطلقنی وکیف ارجع بیتنا اصلا فشنو اه م تشتغل بالمشاکل کتیر ..
- وانتی اذا م دایراه جنی الناس دا بترتبی فی بیته لی ومدسیه هنا لیه والله لکن نجیضه تستحملی دا کله
- البیت نصه باسمی وبیت خباب کمان کل م یتصلح بدری ویتاجر حتجینی قروشه
ٗ- شیطانه لکن خباب منو
- الشایله فی یدک دا ولدی
- ها زوله احلفی والله قایله بنیه م حالقه لیه شعره لی ومملساه لیه دی هدوم دی لبسی الولد عراقی لاسی مخلوع متاکده انه ولد
- ولد ولد ی عمی احیاا
- عمره کم
- اربعه شهور ..
- م باین علیه م بتاکلیه لیه احنا الشافع عندنا من یشبه یقوم لیه سن نحشر لیه العصیده ونسقیه العصایر
- لالا بیاخد مکملات هو بس علشان ولد سبعه شهور
- لا حوله ولا قوه الا بالله .. اسی متاکده انتن م بتخافن هنا
- لا ی عمی مافی خوف اذا جات حاجه بنکلم خباب
- ایوا اسی یعنی خباب دا عرفکم
- لا طبعا لکن بعرف مرته جارتنا
- دنیا والله سبحان الله صاحبه ومسمیه ولده علیه وساکنه جنبه وهو م عارف وهو ماجره منه بیته وم عارف بس منیتی اشوف رده شنو لمن یعرف
- شنو ی عمی حتقیف معاه من اسی وتخلینا
- اخلیکم کیف تانی انتو مسؤولیتی اسی عید الضحیه باقی منه اسبوع حتعملوا شنو
- جبتها لی براک علشان کدا انا کنت عایذا احکی لیک بس انت استعجلتنی الحیضبح لینا منو یعنی غیرک انت ..
- م بخلیکم تانی ای شی دایرنه من السوق ولا مشاویر ورنی انا م تمشو براکم واذا خفتو فای وقت انا بجی البیت الجنبکم انتو بناتی
- اصلا لو انا م خاتاک فی خانه ابونا وجدنا م وریتک لکن عارفه انک بتعز حسام جدا
شلت خباب وقدمته للباب ومشیت لی الاوضه ختیته ف السریر وقعدت انطط ..
- نزوجه لیک مدام بتجی فرحانه کدا منه
- هههای انتی قایلانی ذی ناس
- علی الاقل انا بختار شایب عنده قروش
- وای من المادیات نفسی بس اسمعک جدی بعدین انتی حقت منو وای دکتور احمد یمشی وین
- بس علیه اسی المذکرک بیه شنو
- الموجه حولت بس احلفی لی انه م سمح
- سمح سماحه اریتها سماحتی بعد دا .. لکن نسوی بیها شنو واخلاق مافی علی الاقل جدک سماحه واخلاق قروش جنتل شایب
-ههههای خلیتیه بعد م عرفتی مرته احلا منک فقدتی الامل خلاص من ذمان اخلاقه کعبه لکن کنتی منبرشه فیه اسی فرقت
- دا م انبراش دا اعجاب بمظهره الخارجی بعدین بتقولیها لی کدا لی انا اصلا کنت عایذاه مثلا علشان اتغاظ من مرته الکریهه القبیحه والله کان تحصلنی تحمد ربها ولا ربع من جمالی قال ایه قالت لیه یوصلنی معاه بدل المواصلات والزحمه عامله فیها الذوق الواثقه المابتتشلب اغیر علی احمد الجربوع دا
- هدی هدی ظاهر ضربنا وتر حساس ..
- ولا حساس ولا شی انا بتکلم معاک بکل اریحیه ی بیبی
- الحاله دی ..
قعدنا باقی الیوم مناقره وکلام واحنا متنقلین بین الهول والاوضه الفی البیت التانی لو فی امنیه ممکن اتمناها هی باب من المخزن لی الصالون الجنبه لی الاوضه الجنب الباب علشان نمشی داخلیا بدون م نتحرق بالشمس کل مره ..
عملنا الاکل وحضرنا لبن خباب وکنا منتظرین امنیه تجی ..اول کانت من الصباح تجی نعمل موضوع ترجع تانی العصر تجی مالیه لینا المکان دا غیر الاکل البتعمله لینا واکتر وحده صبوره فی شیل خباب اذا کان انا امه مرات بذهج ..
دقایق بس الا الباب یکرکب فتحناه لیها وبکل هدوء قعدت فی السریر الدبل وقالت لینا عارفین اتاخرت لی حزرو فزرو
ذکاء قالت لیها الحکومه قاعده کالعاده ..
قالت لیها غلللط لانو مشیت افحص یلا یلا بارکو لی البیبی خباب کرته حیتحرق ..
قلت لیها بجد کذااابه قعدنا نصرخ ونبارک لیها وبعد مسافه کدا وانا بعاین فی رجلینی واحرک فیهم اتذکرت کلمتها قلت لیها منو یختی الکرته بتحرق
قالت لی نفسی یوم ترقدی بی کلمه
قلت لیها بس اسی علشان احنا فرحانین حنعدیها لیک انا وخباب بمزاجنا صح ی بیبی ..
- لا انتی نصیحه.. ولا ولدک البضحک لیک نصیح
- مش ی ذکاء نفس تفکیری .