#ﻛَــﻼﻡْ_ﺣَــﻮّﺍﺀ ~ • #ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚

الحلقة3

#ﻛَــﻼﻡْ_ﺣَــﻮّﺍﺀ ~ •
#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
ﺍﻟﺤـﻠﻘـﻬﻪ ﺍﻟـﺘﺎﻟـﺘـﻪ
ﻗﻌﺪﻧﺎ ﻧﺄﻛﻠﻮ ﻭ ﻛﻞ ﺷﻮﻳﻪ ﻧﻀﺤﻜﻮ ﻭ ﺑﻌﺪ ﻣﺎ ﻛﻤﻠﻨﺎ ، ﻛﻞ ﺣﺪ ﻗﻌﺪ ﻳﺸﻴﻞ ﻣﻌﺎﻩ ﻓﻲ ﻣﺠﻤﻮﻋﺔ ﺗﺒﺎﺳﻲ
ﻭ ﺍﻧﺎ ﻓﻲ ﺍﻟﻤﻄﺒﺦ ﺑﺪﻳﺖ ﻧﻐﺴﻞ ، ﺟﺎ ﺁﺩﻡ ﻗﺪﺍﻣﻲ ﻭ ﻗﺎﻝ :
ﺁﺩﻡ :: ﺗﺮﻳﺤﺘﻲ ﺗﻮﺁ ؟ !
ﺃﻧﺎ :: ﻧﻌﻢ !!
ﺁﺩﻡ :: ﺗﺮﻳﺤﺘﻲ ﺑﻌﺪ ﻣﺎ ﺣﻜﻴﺘﻲ ﻟـ ﻳﺎﺳﻴﻦ ﻛﻞ ﺷﻲ
ﺍﻧﺎ :: ﻣﺎﺯﻟﺖ ﻣﺎ ﺗﺮﻳﺤﺖ ،، ﻭ ﻩ ﻧﺘﺮﻳﺢ ﻟﻤﺎ ﺍﻟﻌﻴﻠﻪ ﻛﻠﻬﺎ ﺗﻌﺮﻓﻚ ﻉ ﺣﻘﻴﻘﺘﻚ
ﺁﺩﻡ :: ﻭ ﻉ ﺃﺳﺎﺱ ﺍﻟﻌﻴﻠﻪ ﺗﺒﻲ ﺍﺗﺼﺪﻗﻚ ﺍﻧﺘﻲ !
ﺍﻧﺎ :: ﻭ ﻛﻨﻬﻢ ﻣﺎ ﻳﺼﺪﻗﻮﻧﻲ ﺃﻥ ﺷﺎﺀ ﺍﻟﻠﻪ
ﺁﺩﻡ :: ﺷﻮﻓﻲ ﺭﻭﺣﻚ ﻋﺎﺩ ، ﻣﺎﻣﺎ ﺗﺒﻲ ﺍﺗﻜﺬﺏ ﻭﻟﺪﻫﺎ ﻭ ﺗﺼﺪﻗﻚ ﺍﻧﺘﻲ ؟ ﻭ ﻫﺬﺍ ﺑﻌﺪﻫﺎ ﻛﺎﻥ ﺻﺎﺭ ﻣﻦ ﻋﺮﺳﻚ ﺍﻧﺘﻲ ﻭ ﻳﺎﺳﻴﻦ ﺃﺳﺎﺳﺎ ،، ﺷﻦ ﻋﺮﻓﻪ ﻋﺎﺩ ﺧﻄﻴﺒﺘﻪ ﻛﺎﻧﺖ ﻣﻊ ﻣﻦ ﻗﺒﻠﻪ ! ^^
ﺍﻧﺎ :: ﺷﻦ ﺗﻘﻮﻝ ﺍﻧﺖ ! " ﻗﻌﺪﺕ ﻓﺎﺗﺤﻪ ﻓﻤﻲ ﻭ ﻛﻨﺖ ﻧﻐﺴﻞ ﻓﻲ ﻃﺎﺳﺔ ﻭ ﻃﺎﺣﺖ ﻣﻨﻲ "
ﻧﻌﻴﻤﻪ :: ﺑﺴﻢ ﺍﻟﻠﻪ ﺷﻦ ﻓﻲ " ﻭ ﺧﺸﺖ ﺗﺠﺮﻱ "
ﺁﺩﻡ :: ﻗﺘﻠﻬﺎ ﻣﺪﻳﻠﻲ ﻃﺎﺳﺔ ﺍﻣﻴﻪ ﻭ ﻃﺎﺣﺖ ﻣﻨﻲ ﺑﺲ
ﻧﻌﻴﻤﻪ :: ﺗﺄﺧﺬ ﺳﻮﻙ ﻋﺎﺩﻱ ، ﺧﻼﺹ ﺗﻮ ﻧﻌﻄﻴﻚ ﺍﻧﺎ ﻭ ﺍﻃﻠﻊ ﺧﻠﻲ ﺍﻟﺒﻨﺎﺕ ﻳﺄﺧﺬﻥ ﺭﺍﺣﺘﻬﻦ
ﺁﺩﻡ :: ﺗﻢ
ﻗﻌﺪﺕ ﻣﺎﺳﻜﻪ ﺭﻭﺣﻲ ﻭ ﻣﺶ ﻗﺎﺩﺭﻩ ﻧﺘﺤﺮﻙ ، ﻧﺤﺲ ﻓﻲ ﻧﺎﺭ ﻓﻲ ﻗﻠﺒﻲ ﻭ ﻣﺶ ﻋﺎﺭﻓﻪ ﺷﻦ ﻧﺪﻳﺮ !
ﺻﻔﺎﺀ :: ﺍﻧﺎ ﻧﻐﺴﻞ ﻭ ﺍﻧﺘﻲ ﻣﺼﻤﺼﻲ ﺍﻟﻤﻮﺍﻋﻴﻦ
ﺍﻧﺎ :: ﺷﻮﻳﻪ ﺗﻮ ﻧﺠﻲ
ﺻﻔﺎﺀ :: ﻛﻨﻚ ؟ ﺷﻦ ﻓﻲ ؟
ﺍﻧﺎ :: ﺷﻲ ﺷﻲ ﻧﺒﻲ ﻧﺄﺧﺬ ﺷﻮﻳﺔ ﻧﻔﺲ
ﻫﻨﺪ :: ﺍﻃﻠﻌﻲ ﺗﻮ ﻧﻜﻤﻞ ﺍﻧﺎ
ﺍﻧﺎ :: ﺗﻮ ﺍﻧﻜﻠﻢ ﺇﺳﺮﺍﺀ ﺍﺗﺠﻲ ﻣﻌﺎﻛﻦ
ﻫﻨﺪ :: ﻣﺎ ﻋﻠﻴﻜﻲ ﻓﻴﻨﺎ ﺍﻣﺸﻲ ﺑﺲ
ﻃﻠﻌﺖ ﻣﻦ ﺑﺎﺏ ﺍﻟﻤﻄﺒﺦ ﺍﻟﻠﻲ ﻣﻦ ﻻﻭﺭﺍ ﻭ ﻗﻌﻤﺰﺕ ﻭﺳﻂ ﺍﻟﺘﺮﺍﺏ ﻭ ﻗﻌﺪﺕ ﻧﺒﻜﻲ
ﺗﻲ ﺷﻦ ﻧﺒﻲ ﻧﺪﻳﺮ ﻓﻴﻪ ﻫﺬﺍ ! " ﻋﻄﻪ ﻣﺎ ﻳﻘﻬﺮﻩ ﻳﺎ ﺭﺏ "
ﻭ ﺍﻧﺎ ﻧﺒﻜﻲ ﺳﻤﻌﺖ ﺣﺪ ﻳﻤﺸﻲ ،، ﺯﻋﻤﻚ ﻫﻮﺍ ﺟﺎﻧﻲ ﺁﺧﺮﻩ ،، ﺷﻦ ﺍﻟﺮﻋﺐ ﻫﺬﺍ )):
ﻳﺎﺳﻴﻦ :: ﺣﻮﺍﺀ ! ﻛﻨﻚ ﻗﺎﻋﺪﻩ ﻫﻨﺎ ! ؟
ﺍﻧﺎ :: ﻻ ﺷﻲ ﻏﻴﺮ ﻧﺒﻲ ﻧﺘﺮﻳﺢ " ﻭ ﻗﻌﺪﺕ ﻧﻤﺴﺢ ﻓﻲ ﺩﻣﻮﻋﻲ "
ﻳﺎﺳﻴﻦ :: ﺗﺘﺮﻳﺤﻲ ﻫﻨﺎ ؟ ﻭ ﺷﻦ ﻫﺬﺍ ،، ﻛﻨﺘﻲ ﺗﺒﻜﻲ ! ؟
ﺍﻧﺎ :: ﻛﻞ ﻣﺎ ﺗﺸﻮﻓﻨﻲ ﻭﺣﺪﻩ ﺟﻮﺍ ﺍﺩﺯﻧﻲ ﻉ ﺣﺎﺟﻪ ، ﺟﻴﺖ ﻗﻌﻤﺰﺕ ﻫﻨﺎ ﺑﺮﻭﺣﻲ
ﻳﺎﺳﻴﻦ :: ﺑﺤﺘﻲ ﻓﻴﺎ ، ﺗﺒﻜﻲ ﻭ ﻻ ﺷﻨﻮ ! ؟
ﺍﻧﺎ :: ﺗﻲ ﻋﻠﻴﺶ ﻧﺒﻲ ﻧﺒﻜﻲ ، ﺑﺎﻟﻌﻜﺲ ﺟﻮ ﺳﻤﺢ ﺑﻜﻞ
ﻳﺎﺳﻴﻦ :: ﺻﺒﻲ ﺑﺎﻫﻲ ﻣﻦ ﺍﻟﺘﺮﺍﺏ
ﺍﻧﺎ :: ﻧﺒﻲ ﻧﻘﻌﺪ ﺷﻮﻳﻪ ﺑﺮﻭﺣﻲ
ﻳﺎﺳﻴﻦ :: ﺍﺣﻜﻴﻠﻲ ﻛﻨﻚ ! ؟ ﺻﺎﻳﺮﻩ ﻣﻌﺎﻙ ﺣﺎﺟﻪ ، ﺍﻟﻤﺸﻜﻠﻪ ﺩﻭﺑﻚ ﻛﻨﺘﻲ ﺗﻀﺤﻜﻲ ﺑﺮﺍ ،، ﻛﻨﻚ ﺍﻧﻘﻠﺒﺘﻲ ؟
ﺍﻧﺎ :: ﻳﺎﺳﻴﻦ ﻣﺎ ﻓﻴﺎ ﺷﻲ ،، ﻧﺒﻲ ﻧﻘﻌﺪ ﺑﺮﻭﺣﻲ ﺑﺲ
ﻳﺎﺳﻴﻦ :: ﻭ ﺍﻧﺎ ﻣﺶ ﻩ ﻧﺴﻴﺒﻚ ﻋﻨﺪ ﻧﻔﻬﻢ ﻛﻨﻚ ؟
ﺍﻧﺎ :: ﻣﻀﺎﻳﻘﻪ ﺑﺮﻭﺣﻲ
ﻳﺎﺳﻴﻦ :: ﻣﻦ ﺃﻣﺘﻲ ﺗﻜﻮﻧﻲ ﻣﻀﺎﻳﻘﻪ ﻭ ﻣﺎ ﺗﺤﻜﻴﻠﻴﺶ ؟
ﺍﻧﺎ :: ﻣﻮﺿﻮﻉ ﺗﺎﻓﻪ ﻓﻮﺕ
ﻳﺎﺳﻴﻦ :: ﻭ ﺍﻧﺎ ﻧﺒﻲ ﻧﻌﺮﻑ ﺷﻦ ﻫﻮﺍ ﺍﻟﻤﻮﺿﻮﻉ ﺍﻟﻠﻲ ﻳﺨﻠﻴﻚ ﻫﻜﻲ ؟
ﺍﻧﺎ :: ﻫﻜﻲ ﺗﻨﺎﻗﺮﺕ ﺍﻧﺎ ﻭ ﺻﻔﺎﺀ ﺑﺲ
ﻳﺎﺳﻴﻦ :: ﻫﺬﻩ ﺣﺪﻫﺎ ؟ ﺩﻳﻤﺎ ﺗﺘﻌﺎﺭﻛﻦ ﻭ ﺗﺼﺎﻟﺤﻦ ﻋﺎﺩﻱ
ﺍﻧﺎ :: ﺃﻫﺎ ﺻﺎﺡ
ﻳﺎﺳﻴﻦ :: ﻭﻳﻦ ﺿﺤﻜﺘﻚ ﺑﺎﻩ ^^
ﺍﻧﺎ :: ﻫﻪ
ﻳﺎﺳﻴﻦ :: ﺭﺍ ﻛﻒ
ﺍﻧﺎ :: ﻫﺎﻩ ﺷﻮﻑ ﻧﻀﺤﻚ ﻣﻦ ﺟﺪ ﺟﺪﻱ
ﻳﺎﺳﻴﻦ :: ﻭﺍﺿﺢ ﺗﺼﺪﻗﻲ !
ﺍﻧﺎ :: ﺑﻌﺪ ﺧﻄﺮﻫﺎ ﺑﻌﺪ ﺷﻮﻳﻪ ﺍﻛﻴﺪﻩ ﻧﺒﻮ ﻧﺮﻭﺣﻮ ،، ﻭ ﺭﺁﻩ ﺑﻜﺮﺍ ﻧﻔﻄﺮﻭ ﻋﻨﺪ ﺟﺪﻱ ﻵﺧﺮﻳﻦ
ﻳﺎﺳﻴﻦ :: ﻳﻴﻲ ﻋﻠﻴﻨﺎ ﻋﻠﻴﻚ ﻣﻮﺍﻝ
ﺍﻧﺎ :: ﻛﻨﻚ ﻋﺎﺩ !
ﻳﺎﺳﻴﻦ :: ﻭ ﻋﻴﺎﻝ ﺧﺎﻻﺗﻚ ﺃﻡ ﺍﻟﺪﺣﻨﺴﻪ
ﺍﻧﺎ :: ﺩﻩ ﻛﺎﻥ ﺯﻣﺎﻥ ،، ﺗﻮﺍ ﻛﻞ ﺣﺪ ﻓﻲ ﺣﺎﻟﻪ
ﻳﺎﺳﻴﻦ :: ﻫﻨﺎ ﻓﻄﺮﺗﻲ ﻗﺪﺍﻣﻬﻢ ﻭ ﺗﺤﻤﻠﺖ ﻭ ﻣﺸﻴﺘﻬﺎ ﺑﺎﻟﺠﻮ ،، ﻛﻼ ﺑﻜﺮﺍ ﻧﺴﻤﻊ ﺍﻧﻚ ﻗﻌﻤﺰﺗﻲ ﻣﻌﺎﻫﻢ ﻳﺼﻴﺮ ﻓﻴﻬﺎ ﻛﻼﻡ ﺁﺧﺮ ﺭﺍ !
ﺃﻧﺎ :: ﻻ ﺍﻃﻤﻦ ﻛﻞ ﺣﺪ ﻳﻔﻄﺮ ﺑﺮﻭﺣﻪ
ﻳﺎﺳﻴﻦ :: ﺑﺎﻩ ﺗﻤﺎﻡ ،، ﻭ ﻣﺎ ﻓﺶ ﺩﺍﻋﻲ ﺣﺪ ﻳﺸﻮﻓﻚ ﺍﺻﻼ
ﺍﻧﺎ :: ﺣﺎﺿﺮ ، ﺃﻱ ﺃﻭﺍﻣﺮ ﺁﺧﺮﻩ !
ﻳﺎﺳﻴﻦ :: ﻭ ﻣﺎ ﺍﺗﻌﺒﻴﺶ ﺭﻭﺣﻚ ﻭ ﻣﺎ ﺍﺩﻳﺮﻱ ﺷﻲ
ﺍﻧﺎ :: ﻻ ﻫﻜﻲ ﻭﺍﺟﺪ
ﻳﺎﺳﻴﻦ :: ﻭ ﺃﺧﻴﺮﺍ ﺷﻔﺖ ﺳﻨﻮﻧﻚ
ﺍﻧﺎ :: ﺣﻲ ﺫﻛﺮﺗﻨﻲ ﻧﺒﻲ ﻧﻤﺸﻲ ﻧﻐﺴﻠﻬﻦ
ﻳﺎﺳﻴﻦ :: ﻋﺪﻱ ﻋﺪﻱ ﻭ ﺍﻧﺎ ﻧﻘﻮﻝ ﻛﻨﻬﻦ ﺻﻔﺮ
ﺍﻧﺎ :: ﺑﻄﻞ ﻛﺬﺏ ﻋﺎﺩ
ﻳﺎﺳﻴﻦ :: ﺧﻼﺹ ﺧﺸﻲ ﻭ ﺍﻧﺎ ﻧﺒﻲ ﻧﻄﻠﻊ ﺍﻧﺪﺧﻦ ﻭ ﺑﻌﺪﻫﺎ ﺟﻴﺒﻴﻠﻲ ﺗﺒﺴﻲ ﻛﺴﺘﺮﺩﺍ
ﺍﻧﺎ :: ﺣﺎﺿﺮ ﺑﺎﻩ
ﺻﺒﻴﺖ ﻭ ﺧﺸﻴﺖ ﻏﺴﻠﺖ ﺳﻨﻮﻧﻲ ﻭ ﻟﻘﻴﺖ ﺍﻟﺒﻨﺎﺕ ﺍﻣﻜﻤﻼﺕ ﺍﻟﻤﻄﺒﺦ ، ﻣﺶ ﻋﺎﺭﻓﻪ ﻟﻴﺶ ﻣﺎ ﺣﻜﻴﺘﺶ ﻝ ﻳﺎﺳﻴﻦ ﺷﻦ ﻗﺎﻟﻲ ﺁﺩﻡ
ﻳﻤﻜﻦ ﺧﺎﻳﻔﻪ ﺍﻧﻪ ﺍﻳﺪﻳﺮ ﺍﻟﻠﻲ ﻳﻘﻮﻝ ﻓﻴﻪ ! ﻏﺴﻠﺖ ﻭﺟﻲ ﻭ ﻃﻠﻌﺖ ﻟﻘﻴﺘﻬﻢ ﻓﻲ ﺍﻟﺼﺎﻟﻪ ﻳﺘﻔﺮﺟﻮ ﻉ ﺑﺮﻧﺎﻣﺞ ﻟﻴﺒﻲ ﻭ ﻣﻌﺎﻫﻢ ﺑﺎﺑﺎ ﻭ ﺍﻋﻤﺎﻣﻲ ﺍﻻﺗﻨﻴﻦ
ﺧﺸﻴﺖ ﻟﻠﻤﻄﺒﺦ ﻭ ﺧﺬﻳﺖ ﺗﺒﺴﻲ ﺍﻟﻜﺴﺘﺮﺩﺍ ﻭ ﺻﺒﻴﺖ ﻃﺎﺳﺔ ﺷﺎﻫﻲ ﻝ ﺳﻌﺪ ﻭ ﻃﻠﻌﺖ
ﺧﺸﻴﺖ ﻟﻠﻤﺮﺑﻮﻋﻪ ﻭ ﻛﺎﻥ ﻓﻴﻬﺎ ﻋﻤﻲ ﺳﻌﺪ ﻭ ﻳﺎﺳﻴﻦ ﻭ ﺁﺩﻡ
ﻝ ﻟﺤﻈﻪ ﺧﻔﺖ ﺑﺲ ﺭﻓﻌﺖ ﺭﺍﺳﻲ ﻭ ﺧﺸﻴﺖ ﻋﺎﺩﻱ
ﺳﻌﺪ :: ﺍﻭﻭﻭ ﺻﺤﻴﺘﻲ ﺻﺤﻴﺘﻲ
ﻳﺎﺳﻴﻦ :: ﻧﺠﻚ ﻟﻴﺎ ، ﺗﻔﻬﻢ ﻓﻲ ﺍﻟﺠﻮ ﺍﻟﻤﺪﺍﻡ
ﺍﻧﺎ ::
ﺁﺩﻡ :: ﻛﻴﻒ ﺍﻟﻮﺍﺳﻄﺎﺕ ﻝ ﺳﻌﺪ ﻭ ﻳﺎﺳﻴﻦ ﺑﺲ
ﺍﻧﺎ :: ﻳﺎﺳﻴﻦ ﻭﻳﻦ ﺧﻮﺗﻲ ﻭ ﺳﺮﺍﺝ ؟
ﻳﺎﺳﻴﻦ :: ﻓﻮﻕ ﻗﺎﻋﺪﻳﻦ
ﺍﻧﺎ :: ﺑﺎﻫﻲ ﺗﻌﺎﻝ ﺟﻮﺍ ،، ﻧﻮﺗﻴﻠﻬﻢ ﺳﻔﺮﺍ ﻭ ﺭﻛﺒﻬﺎ ﺍﻧﺖ
ﻳﺎﺳﻴﻦ :: ﺗﻢ ﻧﺄﻛﻞ ﺑﺲ
ﺁﺩﻡ :: ﻭ ﺍﻧﺎ ؟
ﻳﺎﺳﻴﻦ :: ﺗﻮﺍ ﻣﺶ ﻗﺎﻟﺘﻠﻚ ﺃﻣﺲ ﻓﻮﺗﻨﻲ ،، ﻛﻨﻚ ﺍﺩﻭﺭ ﻓﻲ ﺍﻟﺤﺲ ،؟
ﺍﻧﺎ :: ﻳﺎﺳﻴﻦ ﻧﺮﺍﺟﻲ ﻓﻴﻚ
ﻳﺎﺳﻴﻦ :: ﻧﻌﻠﻴﺎ
ﺳﻌﺪ :: ﻃﻴﺢ ﺳﻌﺪﻙ ﺍﺗﻠﺴﻦ ﻓﻴﻚ ﺑﻜﻠﻤﻪ
ﻳﺎﺳﻴﻦ :: ﺧﻠﻮﻧﺎ ﻧﻌﻴﺸﻮ ﺍﺯﺡ
ﺁﺩﻡ ::
ﻃﻠﻌﺖ ﻣﻦ ﺍﻟﻤﺮﺑﻮﻋﻪ ﻭ ﻟﺤﻘﻨﻲ ﻳﺎﺳﻴﻦ ﻭ ﻫﺪﺭﺯﻧﺎ ﺁﺧﺮﻩ ﻭ ﺑﻌﺪﻫﺎ ﺧﺬﺍ ﺍﻟﺴﻔﺮﻩ ﻭ ﺭﻛﺐ ﺑﻴﻬﺎ ﻓﻮﻕ
ﻗﻌﺪﻧﺎ ﻋﻨﺪ ﺍﻟﺴﺎﻋﻪ 12 ﻭ ﺑﻌﺪﻫﺎ ﻛﻞ ﺣﺪ ﺭﻭﺡ ﻟﺤﻮﺷﻬﻢ
ﺇﺳﺮﺍﺀ :: ﺣﻮﺍﺀ ﻗﻮﻟﻲ ﻣﻦ ﺣﻜﻰ ﻣﻌﺎﻳﺎ ؟
ﺍﻧﺎ :: ﻣﻦ ؟
ﺇﺳﺮﺍﺀ :: ﻭﺍﺣﺪ ﻣﻦ ﺍﻟﻌﻴﻠﻪ
ﺍﻧﺎ :: ﻫﻬﻬﻬﻪ ﺣﺘﻲ ﻓﻲ ﺭﻣﻀﺎﻥ ﺗﻲ ﻋﻠﻴﻚ ﻋﻴﻠﻪ
ﺇﺳﺮﺍﺀ :: ﻧﻌﻠﻴﺎ ﻳﻬﺒﻞ ﺑﺲ
ﺍﻧﺎ :: ﻣﻦ ﻫﻮﺁ ؟؟
ﺇﺳﺮﺍﺀ :: ﺁﺩﻡ
ﺍﻧﺎ :: ﻧﻌﻢ ﻳﺎ ﺣﻨﻪ ؟؟؟؟
ﺇﺳﺮﺍﺀ :: ﻗﺘﻠﻚ ﺁﺩﻡ ، ﻛﻨﻚ ؟
ﺍﻧﺎ :: ﻭ ﺷﻦ ﺣﻜﺎﻟﻚ ﺃﻥ ﺷﺎﺀ ﺍﻟﻠﻪ ؟
ﺇﺳﺮﺍﺀ :: ﻗﺎﻟﻲ ﻋﺎﺟﺒﺘﻨﻲ ﻣﻦ ﻗﺒﻞ ﻭ ﻧﺒﻮ ﻧﻘﺮﺑﻮ ﻣﻦ ﺑﻌﻀﻨﺎ ﺃﻛﺜﺮ
ﺍﻧﺎ :: ﺭﻳﺘﻲ ﺍﻟﺤﻴﻮﺍﻥ
ﺇﺳﺮﺍﺀ :: ﻧﻘﺎﻧﻪ ﻃﺮﻑ ﻭ ﻛﻼﻣﻪ ﻋﺴﺴﺴﻞ ﺍﻟﻌﻄﻴﺐ
ﺍﻧﺎ :: ﺗﺬﻛﺮﻱ ﺍﻟﻄﺮﻳﺤﻪ ﺍﻟﻠﻲ ﻋﻄﺎﻫﺎ ﻟﻜﻲ ﻣﻔﺘﺎﺡ ﻣﻦ ﻗﺒﻞ ! ؟
ﺇﺳﺮﺍﺀ :: ﻛﻨﻬﺎ
ﺍﻧﺎ :: ﻛﺎﻥ ﻣﺎ ﺍﻃﻠﻌﻲ ﺍﻟﻘﺼﻪ ﻫﺬﻩ ﻣﻦ ﺭﺃﺳﻚ ﻩ ﻧﻤﺸﻲ ﻧﺤﻜﻴﻠﻬﻢ ﻭ ﺍﻧﺘﻲ ﺣﺮﻩ ﻋﺎﺩ
ﺇﺳﺮﺍﺀ :: ﻉ ﺃﺳﺎﺱ ﺍﻧﺘﻲ ﻭ ﻳﺎﺳﻴﻦ ﻓﻲ ﻳﻮﻡ ﻭ ﻟﻴﻠﻪ ﺍﺧﻄﺒﻚ
ﺍﻧﺎ :: ﺃﻗﻞ ﺷﻲ ﻳﺎﺳﻴﻦ ﻣﻌﺮﻭﻑ ﻭ ﻣﻦ ﺃﻭﻝ ﻣﺎ ﺑﺪﺍ ﻳﻠﻤﺤﻠﻲ ﺣﻜﻰ ﻝ ﺃﻣﻪ ﻣﺶ ﻛﻴﻒ ﻭﺍﺣﺪ ﻣﻦ ﺑﻨﺖ ﻝ ﺑﻨﺖ
ﺇﺳﺮﺍﺀ :: ﻣﻨﻮﺭﻩ ﺑﺎﻩ
ﺍﻧﺎ :: ﺧﻼﺹ ﺳﻜﺮﻱ ﻓﻤﻚ ﺍﻟﻤﺴﻠﺴﻞ ﺑﺪﺃ
ﺇﺳﺮﺍﺀ :: ﻫﺬﺍ ﻓﻴﺶ ﻓﺎﻟﺤﻪ ﺍﻧﺘﻲ
ﺍﻧﺎ :: ﺍﻗﻠﺒﻲ ﻭﺟﻚ ﺑﺎﻩ
ﻗﻌﺪﺕ ﻧﺘﻔﺮﺝ ﻉ ﺍﻟﻤﺴﻠﺴﻞ ﻭ ﻣﻊ ﺍﻟﺴﺎﻋﻪ 2 ﺻﺒﻴﺖ ﻧﻮﺗﻲ ﻓﻲ ﺍﻟﺴﺤﻮﺭ ﻭ ﺳﻤﻌﺖ ﻓﻮﻧﻲ ﺻﻮﺗﻪ ﺟﺎﻧﻲ ﻣﺴﺞ
ﻣﺸﻴﺖ ﺷﻔﺘﻪ ﻭ ﻟﻘﻴﺘﻪ ﻣﻦ ﺭﻗﻢ ﻭ ﻣﻜﺘﻮﺏ ﻓﻲ ﺍﻟﻤﺴﺞ " ﻉ ﺃﺳﺎﺱ ﻛﻨﺘﻲ ﺗﻘﻬﺮﻱ ﻓﻴﺎ ﻭ ﺍﻧﺘﻲ ﻣﻌﺎﻩ ؟ ﺗﻲ ﻟﻮ ﺷﻦ ﻳﺼﻴﺮ ﻣﺶ ﻩ ﻳﺄﺧﺬﻙ ﻭ ﺗﻮ ﺗﺸﻮﻓﻲ " "
ﻧﻌﻤﻤﻤﻤﻢ ﺗﻲ ﻓﻴﺶ ﻳﺤﺲ ﻫﺬﺍ ﻭ ﺷﻦ ﺧﻄﺮﻟﻪ ﺃﻥ ﺷﺎﺀ ﺍﻟﻠﻪ ﺍﻛﻴﺪﻩ ﺧﺬﺍ ﺭﻗﻤﻲ ﻣﻦ ﻓﻮﻥ ﻳﺎﺳﻴﻦ
ﻣﺴﺤﺖ ﺍﻟﻤﺴﺞ ﻉ ﻃﻮﻝ ﻭ ﻗﻔﻠﺖ ﻓﻮﻧﻲ ﻭ ﺣﻄﻴﺘﻠﻬﻢ ﺍﻟﻔﻄﻮﺭ ﻭ ﺧﺸﻴﺖ ﻟﺪﺍﺭ ﻭ ﻧﻔﻜﺮ ﺷﻦ ﻧﺒﻲ ﻧﺪﻳﺮ
#
#
#
ﺣﻠﻴﻤﻪ :: ﺍﺩﻡ ﻭﻳﻨﻚ ؟
ﺁﺩﻡ :: ﻧﻌﻢ ﻳﺎ ﻣﺎﻣﺎ ﻫﻨﺎ ﻫﻨﺎ ﻓﻲ ﺍﻟﺪﺍﺭ
ﻳﺎﺳﻴﻦ : ﻣﺎﻣﺎ ؟ ﺍﻟﻠﻲ ﻛﻴﻔﻚ ﻣﻔﺮﻭﺽ ﺗﻮﺍ ﻋﻴﺎﻟﻪ ﻳﻘﻮﻟﻮﻟﻪ ﺑﺎﺑﺎ ﻋﻨﺠﺪ ﻣﺎﻣﺎ ﻭ ﺧﻼﺹ D:
ﺣﻠﻴﻤﻪ :: ﺍﻭﻟﻴﺪﻱ ﺍﻟﺒﻜﺮﻱ ﺧﻠﻴﻪ ﻳﻘﻮﻝ ﺍﻟﻠﻲ ﻳﺒﻴﻪ
ﻳﺎﺳﻴﻦ :: ﻣﻦ ﻳﺸﻬﺪ ﻝ ﺍﻟﻌﺮﻭﺱ D:
ﺁﺩﻡ :: ﺟﻮﻙ ﺗﻤﺎﻡ ﺷﻜﻠﻪ /:
ﺣﻠﻴﻤﻪ :: ﺍﺩﻡ ﺣﺒﻴﺒﻲ ﻭﺗﻴﺘﻠﻚ ﺳﺤﻮﺭ ﺗﻌﺎﻝ ﻛﻮﻝ ﻭ ﺻﺒﻴﺘﻠﻚ ﻟﺒﻦ
ﺁﺩﻡ :: ﻛﺎﻥ ﻓﻲ ﺣﻠﻴﺐ ﺧﻴﺮ
ﻳﺎﺳﻴﻦ :: ﻗﺮﻳﺐ ﺗﺠﻠﻄﻮ ﺍﻟﻮﺍﺣﺪ D:
ﺣﻠﻴﻤﻪ :: ﺣﺎﺿﺮ ﺗﻮ ﻧﺸﻮﻓﻠﻚ
ﻳﺎﺳﻴﻦ :: ﻃﺎﻟﻊ ﻧﺪﺧﻦ ﻗﺒﻞ ﺍﻹﻣﺴﺎﻙ
ﺁﺩﻡ :: ﻳﺎﺳﻴﻦ ﺭﺍﺟﻲ ﺷﻮﻳﻪ
ﻳﺎﺳﻴﻦ :: ﻫﺎ ﻛﻨﻚ ؟
ﺁﺩﻡ :: ﻛﻴﻒ ﺣﺒﻴﺖ ﺣﻮﺍﺀ ؟
ﻳﺎﺳﻴﻦ :: ﻭ ﺷﻦ ﻣﻨﺎﺳﺒﺘﻪ ﺍﻟﺴﺆﺍﻝ ﻫﺬﺍ ؟
ﺁﺩﻡ :: ﻧﺒﻲ ﻧﻌﺮﻑ ﻛﻴﻒ ﺍﻟﻮﺍﺣﺪ ﻳﺘﺄﻛﺪ ﺍﻧﻪ ﻳﺤﺐ ﺟﺪﻳﺎﺕ ؟
ﻳﺎﺳﻴﻦ :: ﻣﻔﺮﻭﺽ ﺍﻧﺎ ﻧﺴﺄﻟﻚ ﻣﺎﺷﺎﺀ ﺍﻟﻠﻪ ﺏ ﺳﻼﻣﺘﻚ ﺍﻧﺖ ﺧﺒﺮﻩ
ﺁﺩﻡ :: ﻣﻦ ﺃﻭﻝ ﻣﺎ ﻭﻋﻴﺔ ﻉ ﺍﻟﺪﻧﻴﺎ ﻭ ﺍﻧﺎ ﺍﻧﻤﺸﻲ ﻓﻲ ﺟﻮﻱ ﻣﻊ ﺍﻟﺒﻨﺎﺕ ﻭ ﺍﻟﺤﻤﺪ ﻟﻠﻪ ﺭﺑﻲ ﻋﻄﻴﻨﻲ ﻭﺳﺎﻣﻪ ﺍﺗﺨﻠﻲ ﺃﻱ ﻭﺣﺪﻩ ﺍﻃﻴﺢ ﻓﻴﺎ ﺇﻻ ،
ﻳﺎﺳﻴﻦ :: ﺇﻻ ﺷﻨﻮ ؟
ﺁﺩﻡ :: ﺇﻻ ﺍﻟﻠﻲ ﺍﻧﺎ ﻃﺤﺖ ﻓﻴﻬﺎ
ﻳﺎﺳﻴﻦ :: ﺍﻭﻭﻭﻭ ﻣﻦ ﻭﺭﺍﻧﺎ D: ﺗﻲ ﻭ ﺃﺧﻴﺮﺍ
ﺁﺩﻡ :: ﺍﺣﻜﻴﻠﻲ ﺑﺎﻩ ﻛﻴﻒ ﺗﺄﻛﺪﺕ ﻣﻦ ﺣﺒﻚ ﻟﻬﺎ !
ﻳﺎﺳﻴﻦ :: ﻣﺶ ﻋﺎﺭﻑ ﻛﻴﻒ ﺟﺖ ﺍﻟﻘﺼﻪ ﺍﺻﻼ ، ﺍﻧﺖ ﻋﺎﺭﻓﻨﻲ ﻣﺎ ﻋﻨﺪﺵ ﻉ ﺟﻮ ﺍﻟﻀﺤﻚ ﻭ ﺍﻟﺒﺼﺎﺭﻩ ﻣﻊ ﺍﻟﺒﻨﺎﺕ ﻋﻨﺪ ﻳﻮﻡ ﺍﻟﻌﻴﺪ ﻫﺬﻙ ﺷﻔﺘﻬﺎ ﺩﺍﻳﺮﻩ ﺭﻭﺣﻬﺎ ﻣﺬﻳﻌﻪ ﻣﻊ ﺍﻟﺒﻨﺎﺕ ﻭ ﺩﺍﻳﺮﻩ ﺣﻔﻠﻪ ﻣﻌﺎﻫﻦ ﻭ ﺗﻐﻨﻲ ﻭ ﺗﻀﺤﻚ ، ﻛﻞ ﻣﺎ ﻧﺬﻛﺮ ﺷﻜﻠﻬﺎ ﻧﺤﺲ ﻓﻲ ﻗﻠﺒﻲ ﻗﺮﻳﺐ ﻳﻄﻴﺮ ♥
ﺁﺩﻡ :: ﻭ ﺑﻌﺪﻫﺎ ؟
ﻳﺎﺳﻴﻦ : : ﺍﻭﻝ ﻣﺮﻩ ﻳﻮﻣﻬﺎ ﻧﺮﻛﺰ ﻓﻲ ﺷﻜﻠﻬﺎ ﻭ ﺳﻤﺎﺣﺘﻬﺎ ﻭ ﺧﻔﺔ ﺩﻣﻬﺎ ،، ﻓﻄﻨﺘﻠﻲ ﻭ ﺍﻧﺎ ﺍﻣﺼﺒﻲ ﻭ ﺍﻧﺼﺪﻣﺖ ، ﺟﻴﺖ ﺷﻮﺭﻫﺎ ﻭ ﺳﻠﻤﺖ ﻭ ﻋﻴﺪﺕ ﻋﻠﻴﻬﺎ ،، ﻗﻌﺪﺕ ﺗﺒﺤﺖ ﻓﻴﺎ ﻭ ﻋﻴﻮﻧﻬﺎ ﻓﻴﻬﻦ ﻟﻤﻌﻪ ﻏﺮﻳﺒﻪ ،، ﻭ ﺗﺎﻧﻲ ﻳﻮﻡ ﺧﺬﻳﺖ ﺭﻗﻤﻬﺎ ﻣﻦ ﻧﻌﻴﻤﻪ ﻭ ﻛﻠﻤﺘﻬﺎ
ﺁﺩﻡ :: ﻭ ﺳﻠﻜﺖ ﻣﻌﺎﻙ ﻉ ﻃﻮﻝ ؟؟
ﻳﺎﺳﻴﻦ :: ﺷﻦ ﺳﻠﻜﺖ ﻫﺬﻩ ﻳﺎ ﺣﻤﺎﺭ ، ﺗﻲ ﻃﻠﻌﺖ ﺍﺻﻼ ﻣﻌﺠﺒﻪ ﺑﻴﺎ ،، ﺧﻼﺹ ﺣﻜﻴﻨﺎ ﺷﻮﻳﻪ ﻭ ﺑﻌﺪﻫﺎ ﺍﻟﺠﻮ ﻣﺸﻰ ﺑﺮﻭﺣﻪ ﻭ ﺗﺄﻛﺪﺕ ﺍﻧﻲ ﻧﺤﺒﻬﺎ ﻟﻤﺎ ﻧﺸﻮﻓﻬﺎ ﻧﻘﻌﺪ ﻓﺮﺣﺎﻥ ﻭ ﻣﺎ ﻧﺘﺤﻤﻠﺶ ﻧﺸﻮﻓﻬﺎ ﺗﺤﻜﻲ ﻣﻊ ﻏﻴﺮﻱ
ﺁﺩﻡ :: ﺗﺤﺲ ﺏ ﻏﻴﺮﻩ ﻭ ﻧﺎﺭ ﻓﻲ ﻗﻠﺒﻚ ﻟﻤﺎ ﺗﺤﻜﻲ ﻣﻊ ﻏﻴﺮﻙ ،، ﻳﻘﻌﺪ ﺧﺎﻃﺮﻙ ﺗﻘﺘﻞ ﺃﻱ ﺣﺪ ﻳﺒﺤﺖ ﻓﻴﻬﺎ
ﻳﺎﺳﻴﻦ :: ﺍﻳﻮﻭﻭﻭﺍﻩ ﺑﻀﺒﻂ ،، ﻛﺎﻧﻚ ﺗﻮﺻﻒ ﺏ ﺍﻟﻠﻲ ﻧﺤﺲ ﺑﻴﻪ
ﺁﺩﻡ :: ﻫﺬﺍ ﻫﻮﺍ ﺍﻟﺤﺐ ؟؟
ﻳﺎﺳﻴﻦ :: ﺍﻟﺤﺐ ﺃﻧﻬﺎ ﺗﻜﻤﻞ ﻛﻞ ﺣﺎﺟﻪ ﻓﻴﺎ
ﺁﺩﻡ :: ﺑﺎﻫﻲ ﻭ ﻟﻮ ﻛﺎﻧﺖ ﻝ ﺣﺪ ﺁﺧﺮ ؟
ﻳﺎﺳﻴﻦ :: ﻣﻌﻨﺎﻫﺎ ﻫﻴﺎ ﻣﻦ ﺍﻷﺳﺎﺱ ﻣﺶ ﻟﻴﺎ
ﺁﺩﻡ :: ﺑﺲ ﺍﻧﺎ ﻧﺤﺒﻬﺎ ﻭ ﻣﺶ ﻗﺎﺩﺭ ﻧﺘﺨﺎﻳﻠﻬﺎ ﻝ ﺣﺪ ﻏﻴﺮﻱ
ﻳﺎﺳﻴﻦ :: ﻣﻦ ﺳﻌﻴﺪﺓ ﺍﻟﺤﻆ ؟
ﺁﺩﻡ :: ﻭﺣﺪﻩ ﺑﺲ ﺍﻧﺎ ﺿﻴﻌﺘﻬﺎ ﻣﻦ ﻳﺪﻱ
ﻳﺎﺳﻴﻦ :: ﻟﻮ ﻛﺎﻥ ﻋﻨﺪﻙ ﻧﺼﻴﺐ ﻓﻴﻬﺎ ﻣﺶ ﻩ ﺗﻜﻮﻥ ﻟﻐﻴﺮﻙ (;
ﺁﺩﻡ :: ﺯﻋﻤﻚ ﺗﻜﻮﻥ ﻧﺼﻴﺒﻲ ؟
ﻳﺎﺳﻴﻦ :: ﻣﺎ ﻉ ﺍﻟﻠﻪ ﺻﻌﻴﺐ ﻳﺎ ﺍﻟﻬﺒﻞ
ﺁﺩﻡ :: ﻳﺴﺘﺮ ﺍﻟﻠﻪ ﻭ ﺧﻼﺹ
ﻳﺎﺳﻴﻦ :: ﺍﻭﻭﻭ ﻋﻤﺮﻫﺎ ﻃﻮﻳﻞ ﺍﻫﻲ ﺣﻮﺍﺀ ﺗﺮﻥ
ﺁﺩﻡ :: ﺧﻠﻴﻚ ﺗﻮ ﻧﻄﻠﻊ ﺍﻧﺎ
ﻳﺎﺳﻴﻦ :: ﺃﺻﻠﻲ ﻳﺎ ﺑﺮﻭ
~
~
ﺍﻧﺎ :: ﺍﺣﻤﻤﻢ ﻣﺎﺯﻟﺖ ﻭﺍﻋﻲ ؟
ﻳﺎﺳﻴﻦ :: ﻻ ﺭﺍﻗﺪ ﻭ ﻧﺤﻠﻢ ﺑﻴﻚ
ﺍﻧﺎ :: ﻧﺠﻚ ﻟﻴﺎ D:
ﻳﺎﺳﻴﻦ :: ﺷﻦ ﻗﺎﻋﺪﻩ ﺍﺩﻳﺮﻱ ﻋﻨﺪ ﺗﻮﺍ ؟
ﺍﻧﺎ :: ﻛﻨﺖ ﻣﻜﺴﺪﻩ ﻣﻊ ﺇﺳﺮﺍﺀ ﻭ ﻗﻠﺖ ﻧﺸﻮﻓﻚ ﻭﺍﻋﻲ ﻭ ﻻ ﻻ
ﻳﺎﺳﻴﻦ :: ﺃﻫﺎ ﺗﻤﺎﻡ ، ﺣﺘﻲ ﺍﻧﺎ ﻛﻨﺖ ﻧﻬﺪﺭﺯ ﻣﻊ ﺁﺩﻡ
ﺍﻧﺎ :: ﺷﻦ ﻛﻨﺘﻮ ﺗﺤﻜﻮ ؟
ﻳﺎﺳﻴﻦ :: ﺍﻭﻝ ﻣﺮﻩ ﻳﻔﺘﺤﻠﻲ ﻗﻠﺒﻪ ﻫﻜﻲ
ﺍﻧﺎ :: ﺃﻫﺎ ﺑﺎﻫﻲ ﺗﻤﺎﻡ " ﺗﻲ ﺯﻋﻤﻚ ﺷﻦ ﻛﺎﻥ ﻳﺤﻜﻴﻠﻪ "
ﻳﺎﺳﻴﻦ :: ﺑﺲ ﺗﺼﺪﻗﻲ ﻭﺟﻌﻨﻲ
ﺍﻧﺎ :: ﻋﻠﻴﺶ ؟
ﻳﺎﺳﻴﻦ :: ﺍﻭﻝ ﻣﺮﻩ ﻧﺤﺴﻪ ﻣﻜﺴﻮﺭ ﻫﻜﻲ ﺗﻲ ﺯﻣﺎﻥ ﻧﻐﺎﺭ ﻣﻨﻪ ، ﺃﺣﻠﻰ ﻣﻨﻲ ﻭ ﺷﺨﺼﻴﺘﻪ ﺟﺬﺍﺑﻪ ﻭ ﺍﻟﻴﻮﻡ ﻛﺄﻧﻪ ﺁﺩﻡ ﺍﺧﺮ
ﺍﻧﺎ :: ﺑﺪﻳﺖ ﺗﺨﻮﻑ ﻓﻴﺎ ،، ﺷﻦ ﺻﺎﻳﺮ ؟
ﻳﺎﺳﻴﻦ :: ﺷﻜﻠﻪ ﻳﺒﻲ ﻭﺣﺪﻩ ﻭ ﻣﺶ ﻗﺎﺩﺭ ﻳﻮﺻﻞ ﻓﻴﻬﺎ
ﺍﻧﺎ :: ﻫﻬﻬﻪ ﺁﺩﻡ ﺍﻟﻨﺴﻮﻧﺠﻲ ﻳﺠﺐ ؟ ﻫﻬﻬﻬﻪ ﻋﻠﻴﻚ ﻧﻜﺘﻪ
ﻳﺎﺳﻴﻦ :: ﺗﻲ ﻭ ﺍﻟﻠﻪ ﺍﻧﺎ ﺑﺮﻭﺣﻲ ﺍﺳﺘﻜﻴﺖ ﻓﻲ ﺍﻷﻭﻝ ﺑﺲ ﻛﻼﻣﻪ ﻃﺎﻟﻊ ﻣﻦ ﺍﻟﻘﻠﺐ
ﺍﻧﺎ :: ﺃﻥ ﺷﺎﺀ ﺍﻟﻠﻪ ﺧﻴﺮ
ﻳﺎﺳﻴﻦ :: ﺃﻥ ﺷﺎﺀ ﺍﻟﻠﻪ
ﺍﻧﺎ :: ﺧﻼﺹ ﻧﺒﻲ ﻧﺴﻜﺮ ﺗﻮﺍ ﻭ ﺑﻜﺮﺍ ﻧﺤﻜﻮ
ﻳﺎﺳﻴﻦ :: ﺗﻢ ﻳﺎ ﻗﻠﺒﻲ ،، ﻋﻴﻨﻚ ﻣﻦ ﺭﻭﺣﻚ
ﺃﻧﺎ :: ﺣﺎﺿﺮ ﻭ ﺣﺘﻲ ﺍﻧﺖ
ﻳﺎﺳﻴﻦ :: ﺑﺎﻫﻲ ﻣﺎ ﻓﺶ ﺣﺎﺟﻪ ﻃﺎﻳﺸﻪ ﻫﻜﻲ ﻭ ﻻ ﻫﻜﻲ !
ﺍﻧﺎ :: ﺭﺍﺟﻲ ﺷﻮﻳﻪ ﻭ ﺗﻮ ﻳﺠﻴﻚ ﺻﺎﺭﻭﺥ ﻳﻘﺮﺑﻌﻚ D:
ﻳﺎﺳﻴﻦ :: ﻣﻦ ﻧﺎﺣﻴﺔ ﺍﻧﻚ ﺭﻭﻣﻨﺴﻴﻪ ،، ﻧﻘﺎﻧﻚ ﺭﻭﻣﻨﺴﻴﻪ D:
ﺍﻧﺎ :: ﻻ ﻋﺎﺭﻓﻪ ﺭﻭﺣﻲ ﺍﻟﺤﻤﺪ ﻟﻠﻪ D:
ﻳﺎﺳﻴﻦ :: ﺑﺎﻫﻲ ﻧﺤﺒﻚ ♥
ﺍﻧﺎ :: ﺑﺎﻫﻲ ﺣﺘﻲ ﺍﻧﺎ ﻧﻤﻮﺕ ﻓﻴﻚ ♥
ﻳﺎﺳﻴﻦ :: ﺗﺼﺒﺤﻲ ﻉ ﺧﻴﺮ ﻳﺎ ﻋﻴﻮﻧﻲ
ﺍﻧﺎ :: ﺗﻼﻗﻲ ﺍﻟﺨﻴﺮ ﻳﺎ ﺑﻴﺒﻲ
~
~
ﺳﻜﺮﺕ ﻣﻨﻪ ﻭ ﻗﻌﺪﺕ ﻧﻔﻜﺮ ﻓﻲ ﻛﻼﻡ ﻳﺎﺳﻴﻦ ﻉ ﺁﺩﻡ ،، ﺯﻋﻤﻚ ﻳﺤﺐ ﺇﺳﺮﺍﺀ ؟؟ ﺗﻲ ﻛﺬﺍﺏ ﻫﺬﺍ ﻣﺎ ﻓﻴﺶ ﺍﻱ ﺛﻘﻪ -_-
ﻗﻌﺪﺕ ﻭﺍﻋﻴﻪ ﻭ ﺍﻧﻔﻜﺮ ﻋﻨﺪ ﺳﻤﻌﺖ ﺍﻷﺫﺍﻥ ﻭ ﺻﺒﻴﺖ ﺻﻠﻴﺖ ﻭ ﻧﻮﺿﺖ ﻣﺎﻣﺎ ﻭ ﺑﺎﺑﺎ ﻭ ﻃﺒﻌﺎ ﺍﺳﻮﻭﻭ ﺗﻘﻮﻝ ﻣﻴﺘﻪ ﺭﺳﻤﻲ
ﺑﻌﺪ ﺍﻟﺼﻼﻩ ﻗﺮﻳﺖ ﺷﻮﻳﻪ ﻓﻲ ﺍﻟﻤﺼﺤﻒ ﻭ ﺑﻌﺪﻫﺎ ﺭﻗﺪﺕ ﻭ ﻣﺎ ﻧﻀﺖ ﺇﻻ ﻉ ﺻﻮﺕ ﻣﺎﻣﺎ ﺗﻨﻮﺽ ﻓﻴﺎ
ﻣﺎﻣﺎ :: ﺗﻲ ﻫﻴﺎ ﺍﻟﺴﺎﻋﻪ 10
ﺍﻧﺎ :: ﺣﺮﺍﻡ ﻋﻠﻴﻚ ﻣﺎﺯﺍﻝ ﺑﺪﺭﻱ
ﺇﺳﺮﺍﺀ :: ﺧﻠﻴﻨﺎ ﻧﺮﻗﺪﻭ ﺷﻮﻳﻪ : ‏(
ﻣﺎﻣﺎ :: ﻳﻌﻨﻲ ﻧﻤﺸﻮ ﻉ ﻭﻗﺖ ﺍﻟﻔﻄﻮﺭ ﺑﻀﺒﻂ ،، ﻛﺎﻥ ﻋﻴﺖ ﺟﺪﻙ ﺍﻻﺧﺮﻳﻦ ﺭﺁﻩ ﻧﺎﻳﻀﺎﺕ ﻣﻦ ﺍﻟﻔﺠﺮ
ﺍﻧﺎ :: ﺗﻲ ﻣﺎ ﺭﻗﺪﺕ ﺇﻻ ﺍﻟﻔﺠﺮ ﻣﺎﺯﻟﺖ ﻧﻌﺴﺎﻧﻪ
ﻣﺎﻣﺎ :: ﺑﺎﺗﻚ ﻳﺴﺨﻦ ﻓﻲ ﺍﻟﺴﻴﺎﺭﻩ ﻋﻨﺪﻛﻦ 10 ﺩﻗﺎﻳﻖ ﻭ ﻧﻠﻘﺎﻛﻦ ﻭﺭﺍﻳﺎ
ﺇﺳﺮﺍﺀ :: ﻣﻨﻴﺮ ﻣﺎﺷﻲ ﺗﻮﺍ ؟
ﻣﺎﻣﺎ :: ﺃﻫﺎ ﻭ ﻣﻔﺘﺎﺡ ﺣﺘﻲ ﻫﻮﺍ ﻭﺍﺗﻲ ،، ﺣﺘﻲ ﻭ ﻫﻦ ﺑﻌﻴﺎﻟﻬﻦ ﻧﺎﺷﻄﺎﺕ ﻣﺶ ﻛﻴﻔﻜﻦ
ﺇﺳﺮﺍﺀ :: ﻳﻴﻴﻴﻴﻴﻲ ﻋﻠﻴﻨﺎ ﺧﻼﺹ ﺑﺎﻩ ﺗﻮ ﻧﺼﺒﻲ
ﻣﺎﻣﺎ :: ﻳﺎ ﺭﻳﺘﻨﻲ ﺟﺒﺖ ﺣﻴﻄﻪ ﻭ ﻻ ﺟﺒﺘﻚ ﺍﻧﺘﻲ ﻭﻳﺎﻫﺎ
ﺍﻧﺎ :: ﺗﻲ ﺻﺒﺢ ﻳﺎ ﻓﺘﺎﺡ ﻛﻨﻚ ﻭﺍﻟﻌﻪ
ﺇﺳﺮﺍﺀ :: ﻋﺸﺎﻥ ﻫﻠﻬﺎ ﻳﺎ ﺣﻨﻪ
ﺍﻧﺎ :: ﺃﻫﺎ ﺟﻮ ﺧﻮﺍﻝ ﺍﻣﻲ ﻳﺎ ﻋﺮﻭﻕ ﺍﻟﺤﻦ ﻭ ﻻ ﻣﺶ ﻋﺎﺭﻓﻪ ﺷﻨﻮ D:
ﺇﺳﺮﺍﺀ :: ﺍﻳﻮﺍﻩ D:
ﻣﺎﻣﺎ :: ﺯﻳﺪﻱ ﺧﻔﻔﻲ ﺩﻡ ﺍﻧﺘﻲ ﻭﻳﺎﻫﺎ ﻧﻤﺸﻲ ﻧﻜﻠﻢ ﻣﺤﻤﺪ ﻳﺘﻔﺎﻫﻢ ﻣﻌﺎﻛﻦ ،، ﻭ ﻻ ﻟﻴﺶ ﻣﺤﻤﺪ ﻣﺎ ﻳﻌﺮﻑ ﺩﻳﻨﻜﻦ ﺇﻻ ﻣﻔﺘﺎﺡ
ﺇﺳﺮﺍﺀ :: ﺻﺒﻴﺖ ﺍﻧﺎ ﺭﺁﻩ
ﺍﻧﺎ :: ﻭ ﺍﻧﺎ ﻓﻲ ﺍﻟﺤﻤﺎﻡ
ﻣﺎﻣﺎ :: ﺧﺰﻱ ﻳﺨﺎﻓﻦ ﻣﺎ ﻳﺘﺤﺸﻤﻦ
ﺍﻧﺎ :: ﺻﺒﻲ ﺻﺒﻲ ﺷﻜﻠﻬﺎ ﺟﺎﻳﺘﻬﺎ ﻋﻠﻴﻨﺎ ﺍﻟﻴﻮﻡ
ﺻﺒﻴﺖ ﺍﻧﺎ ﻭ ﺇﺳﺮﺍﺀ ﻭ ﻟﺒﺴﻨﺎ ﺑﺴﺮﻋﻪ ﻭ ﻃﻠﻌﻨﺎ ﻭ ﻃﻮﻝ ﺍﻟﻄﺮﻳﻖ ﻗﺮﻳﺐ ﻧﺮﻗﺪﻭ ﻉ ﺃﺭﻭﺍﺣﻨﺎ
" ﻃﺒﻌﺂ ﻋﻴﺖ ﻫﻞ ﻣﺎﻣﺎ ﻛﻮﻳﺴﻴﻦ ﻭ ﻛﻞ ﺣﺎﺟﻪ ﻣﺎﺷﺎﺀ ﺍﻟﻠﻪ ﻋﻠﻴﻬﻢ ﺑﺲ ﻧﺘﺮﻳﺤﻮ ﺃﻛﺜﺮ ﻋﻨﺪ ﺍﻵﺧﺮﻳﻦ ﻉ ﻗﻮﻟﻬﺎ D:
ﺍﻣﻲ ﻭ ﺑﺎﺗﻲ ﻋﺎﻳﺸﻴﻦ ﺍﻟﻠﻲ ﻫﻤﺎ ﺣﻨﻲ ﻭ ﺟﺪﻱ ،، ﺣﻨﻲ ﻋﺎﻳﺸﻪ ﻭ ﺟﺪﻱ ﺟﻤﻌﻪ
ﺧﻮﺍﺕ ﻣﺎﻣﺎ 3 ﻗﺼﺪﻱ ﺧﺎﻻﺗﻲ D: ،، ﻣﺎﻣﺎ ﻫﻴﺎ ﺍﻟﻜﺒﻴﺮﻩ ﻋﺎﺩ ﻭ ﺑﻌﺪﻫﺎ ﺧﺎﻟﺘﻲ ﻓﻮﺯﻳﻪ ﻭ ﻋﻨﺪﻫﺎ 3 ﺑﻨﺎﺕ ،، ﺭﺍﻧﻴﺎ ﻣﻮﺍﻟﻴﺪ ﺍﻟـ 90 ﻭ ﻣﺘﺰﻭﺟﻪ ﻭ ﺑﻌﺪﻫﺎ ﺭﻧﺪﻩ ﻭ ﻣﻮﺍﻟﻴﺪ ﺍﻟـ 93 ﻭ ﺁﺧﺮ ﻭﺣﺪﻩ ﺭﻳﻨﺎﺩ ﻣﻮﺍﻟﻴﺪ ﺍﻟـ 96
~
~
ﻭ ﺧﺎﻟﺘﻲ ﺍﻟﺘﺎﻟﺘﻪ ،، ﺧﺎﻟﺘﻲ ﺻﺎﺑﺮﻳﻦ ،، ﻫﺬﻩ ﻋﻨﺪﻫﺎ ﺑﻨﺘﻴﻦ ﻭ ﺷﺎﺑﻴﻦ
ﺍﻟﺒﻨﺎﺕ ﻭﺣﺪﻩ ﻣﻄﻠﻘﻪ ﻭ ﻋﺎﻳﺸﻪ ﻋﻨﺪ ﺟﺪﻱ ﻫﺬﻭﻡ ﺍﻟﻠﻲ ﻫﻴﺎ ﺳﻬﺎﻡ ﻭ ﻣﻮﺍﻟﻴﺪ ﺍﻟـ 89 ﻭ ﺃﺧﺘﻬﺎ ﺍﻻﺧﺮﻩ ﺳﺎﺭﻩ ﻭ ﻣﻮﺍﻟﻴﺪ ﺍﻟـ 91 ،، ﻭ ﺍﻟﺸﺒﺎﺏ ﻭﺍﺣﺪ ﻣﺘﺰﻭﺝ ﺍﻟﻠﻲ ﻫﻮﺍ ﺃﺣﻤﺪ ﻭ ﺍﻻﺧﺮ ﺧﺎﻃﺐ ﺍﻟﻠﻲ ﻫﻮﺍ ﺃﻣﻴﺮ
~
~
ﺧﻮﺍﻟﻲ 4 ،، 2 ﻣﺘﺰﻭﺟﻴﻦ ﻭ 2 ﻻ ،، ﺍﻟﻠﻲ ﻣﺘﺰﻭﺟﻴﻦ ﺧﺎﻟﻲ ﻋﺒﺪﺍﻟﻠﻪ ﻭ ﻫﺬﺍ ﻋﻨﺪﻩ ﺑﻨﺖ ﻭ ﺷﺎﺏ ،، ﺍﻟﺒﻨﺖ ﺭﻫﻒ ﻭ ﻣﻮﺍﻟﻴﺪ ﺍﻟـ 98 ﻭ ﺍﻟﺸﺎﺏ ﻭﻟﻴﺪ ﻭ ﻫﺬﺍ ﻣﻮﺍﻟﻴﺪ ﺍﻟـ 90
ﺧﺎﻟﻲ ﺍﻵﺧﺮ ،، ﺧﻠﻴﻔﻪ ﻭ ﻫﺬﺍ ﻋﻨﺪﻩ 4 ﺷﺒﺎﺏ ﺑﺲ ﺍﻟﻠﻲ ﻫﻤﺎ ﻣﻌﺎﺫ ﻣﻮﺍﻟﻴﺪ ﺍﻟـ 89 ﻭ ﺑﻌﺪﻫﺎ ﻣﻨﺬﺭ ﻣﻮﺍﻟﻴﺪ ﺍﻟـ 91 ﻭ ﺑﻌﺪﻫﺎ ﻭﺍﺋﻞ ﻣﻮﺍﻟﻴﺪ ﺍﻟـ 93 ﻭ ﺁﺧﺮ ﻭﺍﺣﺪ ﻭﺳﻴﻢ ﻣﻮﺍﻟﻴﺪ ﺍﻟـ 96
ﻭ ﺧﻮﺍﻟﻲ ﺍﻟﻠﻲ ﻣﺶ ﻣﺘﺰﻭﺟﻴﻦ :: ﺧﺎﻟﻲ ﻋﺎﺩﻝ ﻭ ﺍﻻﺧﺮ ﺳﻠﻴﻤﺎﻥ
ﻋﻴﻠﻪ ﻛﺒﻴﺮﻩ ،، ﺧﻮﺫﻭ ﻧﻔﺲ ﻭ ﺍﻧﺘﻮ ﺗﺤﻔﻈﻮ ﻑ ﺍﻷﺳﻤﺎﺀ
ﺗﻲ ﻟﻤﺎ ﻧﺴﻠﻢ ﻋﻠﻴﻬﻢ ﻧﺤﺲ ﻓﻲ ﺭﻭﺣﻲ ﻧﺒﻲ ﺍﻧﺪﻭﺥ ﻣﻦ ﻛﺜﺮ ﻣﺎ ﻫﻤﺎ ﻭﺍﺟﺪ
ﻭﺻﻠﻨﺎ ﻏﺎﺩﻱ ﻭ ﻗﻌﺪ ﻣﻔﺘﺎﺡ ﻭ ﻣﻨﻴﺮ ﻳﻨﺰﻟﻮ ﻓﻲ ﺍﻟﺤﺎﺟﺎﺕ ﻭ ﻧﺤﻦ ﺧﺸﻴﻨﺎ ﻭ ﻟﻘﻴﻨﺎ ﺑﺎﺗﻲ ﻓﻲ ﺍﻟﻤﺮﺑﻮﻋﻪ
ﺑﺎﺗﻲ :: ﺑﺎﻫﻲ ﺍﻟﻠﻲ ﺟﻴﺘﻮ
ﺍﻧﺎ :: ﻣﻦ ﺑﺪﺭﻱ ﻧﻘﻮﻟﻠﻬﻢ ﻫﻴﺎ ﻏﻴﺮ ﺑﻨﺘﻚ ﻋﺎﺭﻓﻬﺎ ﺍﻧﺖ " ﻭ ﻃﺒﺴﺖ ﺣﺒﻴﺖ ﻉ ﺭﺃﺳﻪ
ﻣﺎﻣﺎ :: ﺭﻳﺖ ﻛﻴﻒ ﺗﻜﺬﺏ D:
ﺑﺎﺗﻲ :: ﻳﺎ ﻫﻼ ﺏ ﺑﻨﺎﺕ ﺍﻟﻐﺎﻟﻴﻪ
ﺇﺳﺮﺍﺀ :: ﻛﻞ ﺳﻨﻪ ﻭ ﺍﻧﺖ ﻃﻴﺐ ﻳﺎ ﺑﺎﺗﻲ
ﺑﺎﺗﻲ :: ﻭ ﺍﻧﺘﻮ ﺑﺎﻟﺼﺤﻪ ﻭ ﺍﻟﺴﻼﻣﻪ
ﺑﺎﺑﺎ :: ﺧﻠﻴﻚ ﻣﻘﻌﻤﺰ ﻳﺎ ﺣﺎﺝ " ﻭ ﺳﻠﻢ ﺑﺎﺑﺎ ﻋﻠﻴﻪ ﻭ ﺣﺐ ﻉ ﺭﺃﺳﻪ "
ﺑﺎﺗﻲ :: ﻭﻳﻦ ﻋﻴﺎﻟﻚ ؟
ﺑﺎﺑﺎ :: ﺍﻫﻮ ﺗﻮ ﻳﺨﺸﻮ
ﺧﺸﻴﻨﺎ ﻋﺎﺩ ﺟﻮﺍ ﻭ ﻟﻘﻴﻨﺎ ﺍﻟﻌﻴﻠﻪ ﻭ ﺍﻟﻄﺒﻴﻠﻪ ﻭ ﺇﺳﺮﺍﺀ ﺗﺒﺤﺖ ﻓﻴﺎ ﻭ ﻗﺮﻳﺐ ﺗﺒﻜﻲ ،، ﺍﻟﺤﻖ ﺣﺘﻲ ﺍﻧﺎ ﻗﺮﻳﺐ ﻧﺒﻜﻲ D:
ﺳﻠﻤﻨﺎ ﻋﻠﻴﻬﻢ ﻭ ﺍﻟﻠﻲ ﻗﺎﻟﺒﻪ ﻭﺟﻬﺎ ﻗﺎﻟﺒﻪ ﻭ ﺍﻟﻠﻲ ﻣﺘﻌﺎﺭﻛﻪ ﻣﻊ ﺍﻵﺧﺮﻩ ﻭ ﺍﻟﻠﻲ ﺗﻬﺰﺏ ﻓﻲ ﺍﻟﻌﻴﺎﻝ ﻭ ﺩﻭﺷﻪ ﻣﺎ ﻧﺤﻜﻠﻴﻜﻢ ﺑﻜﻞ
ﻣﻦ ﻛﺜﺮ ﺍﻟﺰﺣﻤﻪ ﻣﺎ ﺗﻘﺪﺭﻳﺶ ﺣﺘﻲ ﺗﺴﺎﻋﺪﻳﻬﻢ ﻓﻲ ﺣﺎﺟﻪ ،، ﺗﺤﺴﻮﻫﻢ ﻣﺎ ﻳﺘﻌﺒﻮﺵ ﺑﻜﻞ ،، ﻳﺪﻳﺮﻭ ﺣﺎﺟﻪ ﻭ ﻳﻜﻤﻠﻮﻫﺎ ﺑﺮﻭﺣﻬﻢ
ﺧﺬﻳﺖ ﻣﺨﺪﻩ ﻭ ﺗﻮﻛﻠﺖ ﻉ ﺍﻟﻠﻪ ﻭ ﺧﺸﻴﺖ ﺩﺍﺭ ﺧﺎﻟﻲ ﻭ ﻧﻠﻘﻰ o: . . .
ﻳﺘﺒﻊ . .