#ﻛَــﻼﻡْ_ﺣَــﻮّﺍﺀ ~ • #ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚

الحلقة14

#ﻛَــﻼﻡْ_ﺣَــﻮّﺍﺀ ~ •
#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
ﺍﻟﺤـﻠﻘـﻬﻪ ﺍﻟـﺮﺍﺑـﻌـﻬﮧ ﻋـﺸّﺮ
ﻳﺎﺳﻴﻦ :: ﺷﻦ ﻛﻨﺘﻲ ﺗﺒﻲ ﺗﺤﻜﻲ ﺑﺎﻩ ؟
ﺍﻧﺎ :: ﺷﻦ ﺭﺃﻳﻚ ﻓﻲ ﻋﺮﻭﺱ ﻝ ﺁﺩﻡ ؟
ﻳﺎﺳﻴﻦ :: ﺍﺩﻡ ! ﻭ ﺷﻦ ﺧﻄﺮﻟﻚ ﺍﻧﺘﻲ ؟
ﺍﻧﺎ :: ﺍﻟﺒﻨﺖ ﻛﻮﻳﺴﻪ ﻭ ﻏﺎﻟﻴﻪ ﻋﻠﻴﺎ ﻭ ﺧﺎﻃﺮﻱ ﺗﻨﺨﻄﺐ
ﻳﺎﺳﻴﻦ :: ﻉ ﺃﺳﺎﺱ ﺁﺩﻡ ﻩ ﻳﻮﺍﻓﻖ ؟
ﺍﻧﺎ :: ﻏﻴﺮ ﺃﻋﺮﻓﻬﺎ ﻣﻦ ﻗﺒﻞ !
ﻳﺎﺳﻴﻦ :: ﻛﻴﻒ ﻧﻌﺮﻓﻮﻫﺎ ؟
ﺍﻧﺎ :: ﺃﻫﺎ
ﻳﺎﺳﻴﻦ :: ﻣﻦ ؟
ﺍﻧﺎ :: ﻫﻨﺪ
ﻳﺎﺳﻴﻦ :: ﻫﻨﺪ ﺑﻨﺖ ﻋﻤﺘﻲ ؟؟
ﺍﻧﺎ :: ﺃﻫﺎ ﻭ ﻫﻴﺎ ﻓﻲ ﻏﻴﺮﻫﺎ ﺍﺻﻼ
ﻳﺎﺳﻴﻦ :: ﻛﻴﻒ ﺟﺖ ﻉ ﺑﺎﻟﻚ ﺑﺎﻩ ؟
ﺍﻧﺎ :: ﻋﺎﺩﻱ ﺗﻼﻗﻴﻨﺎ ﻳﻮﻣﻬﺎ ﻭ ﻫﻜﻲ ﻭ ﻗﻠﺖ ﻧﻘﻮﻟﻚ ﻛﺎﻥ ﻋﺠﺒﺎﺗﻚ ﺍﻟﻔﻜﺮﻩ ﺍﺣﻜﻲ ﻣﻊ ﺁﺩﻡ
ﻳﺎﺳﻴﻦ :: ﻋﺎﺭﻓﺘﻴﻪ ﺍﻧﺘﻲ ﺁﺩﻡ ﻣﺶ ﺣﺎﻁ ﻗﺼﺔ ﺍﻟﺰﻭﺍﺝ ﻓﻲ ﺭﺃﺳﻪ ﺑﻜﻞ
ﺍﻧﺎ :: ﻏﻴﺮ ﺟﺮﺏ ﺍﻧﺖ ﻣﺶ ﺧﺎﺳﺮ ﺣﺎﺟﻪ
ﻳﺎﺳﻴﻦ :: ﺑﺎﻫﻲ
ﺍﻧﺎ :: ﺍﺷﺮﺏ ﺍﻟﻘﻬﻮﻩ ﺑﺎﻩ
ﻳﺎﺳﻴﻦ :: ﻳﺪﻱ ﺗﻮﺟﻊ ﻓﻴﺎ
ﺍﻧﺎ :: ﻧﻌﻢ ؟؟
ﻳﺎﺳﻴﻦ :: ﻣﻌﺶ ﺗﺴﻤﻌﻲ ﻭ ﻻ ﻛﻴﻒ !
ﺃﻧﺎ :: ﺍﻟﻤﻄﻠﻮﺏ ﺷﻨﻮ !
ﻳﺎﺳﻴﻦ :: ﺷﺮﺑﻴﻨﻲ ﺍﻧﺘﻲ
ﺍﻧﺎ :: ﻫﺒﻞ ﺍﻧﺖ ؟
ﻳﺎﺳﻴﻦ :: ﻣﻌﺶ ﺗﺴﺮﻗﻲ ﻛﻼﻣﻲ ﺑﺎﻩ
ﺍﻧﺎ :: ﻣﺶ ﺍﻧﺎ ﻭ ﺍﻧﺖ ﻭﺍﺣﺪ ؟
ﻳﺎﺳﻴﻦ :: ﺍﻛﻴﺪﺩﺩﺩﺩﺩ
ﺍﻧﺎ :: ﺧﻼﺹ ﻣﻌﻨﺎﻫﺎ ﻛﻼﻣﻲ ﻫﻮﺍ ﻛﻼﻣﻚ
ﻳﺎﺳﻴﻦ :: ﻳﺎ ﻧﻌﻠﻴﺎ ﻭ ﺧﻼﺹ
ﺍﻧﺎ :: ﺑﻌﺪ ﺧﻄﺮﻫﺎ // ﺷﻦ ﺟﻮ ﺍﻣﺸﺮﻕ ﻭ ﻋﺮﺑﻬﺎ ؟
ﻳﺎﺳﻴﻦ :: ﺗﻤﺎﻡ ﺑﻜﻞ ، ﻧﺎﻗﺼﻬﻢ ﻃﻠﺘﻚ ﺍﻧﺘﻲ ﺑﺲ
ﺍﻧﺎ :: ﺯﻳﺪ ﺍﺿﺤﻚ ﻋﻠﻴﺎ
ﻳﺎﺳﻴﻦ :: ﺗﻲ ﻛﻨﻚ ﺍﻧﺘﻲ
ﺍﻧﺎ :: ﻣﺎ ﻛﻨﻲ ﺷﻲ ، ﻧﺤﺒﻚ ﺑﺲ
ﻳﺎﺳﻴﻦ :: ﺗﺤﺒﻴﻨﻲ ﻭ ﺷﻦ ﺍﺧﺮﻩ ؟
ﺍﻧﺎ :: ﻭ ﻧﻤﻮﻭﻭﻭﺕ ﻓﻴﻚ _
ﻳﺎﺳﻴﻦ :: ﺗﺬﻛﺮﻱ ﻣﻦ ﺳﻨﺘﻴﻦ ﻓﺎﺗﻦ ﻟﻤﺎ ﺷﻔﺘﻚ ﺗﻐﻨﻲ ﻓﻲ ﺍﻟﻜﻮﺟﻴﻨﻪ !
ﺃﻧﺎ :: ﻋﻠﻴﻚ ﻓﻀﺎﻳﺢ
ﻳﺎﺳﻴﻦ :: ﺍﻭﻝ ﻣﺮﻩ ﻛﻨﺖ ﻧﺮﻛﺰ ﻓﻴﻚ ﻭ ﻓﻲ ﺳﺎﻣﺤﺘﻚ
ﺍﻧﺎ :: ﻛﻨﺖ ﺭﺍﻓﻊ ﺧﺸﻤﻚ ﺍﻧﺖ ﺍﺻﻼ ﺗﺤﺴﺎﺏ ﺭﻭﺣﻚ ﺟﻮﺭﺝ ﻛﻠﻮﻧﻲ
ﻳﺎﺳﻴﻦ :: ﺧﻴﺮ ﻣﻦ 100 ﺟﻮﺭﺝ ﻳﺎ ﻋﺒﻴﻄﻪ
ﺍﻧﺎ :: ﺃﻫﺎ ﺑﻜﻞ
ﻳﺎﺳﻴﻦ :: ﻣﺶ ﻋﺎﺟﺒﻚ ﻭ ﻻ ﺷﻨﻮ ؟
ﺍﻧﺎ :: ﻋﺎﺟﺒﻨﻲ ﻭ ﻧﺺ
ﻳﺎﺳﻴﻦ :: ﺍﻳﻮﺍﻩ
ﺍﻧﺎ :: ﻧﻤﺸﻲ ﻧﺠﻴﺒﻠﻚ ﻋﺼﻴﺮ ﻭ ﻧﺠﻲ
ﻳﺎﺳﻴﻦ :: ﻗﺘﻠﻚ ﻣﻦ ﻗﺒﻞ ﺍﻧﻲ ﻣﺎ ﻧﺒﻲ ﺷﻲ ﻏﻴﺮﻙ !
ﺍﻧﺎ :: ﻫﺌﻪ
ﻳﺎﺳﻴﻦ :: ﻧﺠﻚ ﻟﻴﺎ ﻭ ﺧﻼﺹ ﻳﺎ ﻣﺮﺍﺗﻲ
ﺍﻧﺎ :: ﻳﺎ ﻣﺮﺍﺗﻲ ،، ﺷﻦ ﺗﺨﻄﺮﻟﻚ !
ﻳﺎﺳﻴﻦ :: ﻣﺎﺯﻟﺘﻲ ﻣﺬﻛﺮﺗﻴﻬﺎ ؟
ﺍﻧﺎ :: ﻫﻬﻬﻬﻪ ﻋﻠﻴﻚ ﻳﻮﻡ ﻛﻞ ﻣﺎ ﻧﺬﻛﺮ ﻣﻨﻈﺮ ﻣﻔﺘﺎﺡ ﻭ ﻫﻮﺍ ﻳﺒﻲ ﻳﻀﺮﺑﻨﻲ ﻭ ﺍﻧﺖ ﺗﺤﻠﻒ ﻧﻀﺤﻚ ﺑﺪﻣﻮﻋﻲ ﻛﻴﻒ ﻛﻨﺖ ﻫﺒﻠﻪ ﻣﻌﺎﻙ ﻳﻌﻨﻲ
ﻳﺎﺳﻴﻦ :: ﺗﻲ ﻭ ﺍﻟﻠﻪ ﻳﻮﻣﻬﺎ ﻛﻨﺖ ﻣﺴﺘﻌﺪ ﺍﻧﻌﺠﻨﻪ ﺃﻫﻢ ﺷﻲ ﻣﺎ ﻳﻤﺪﺵ ﻳﺪﻩ ﻋﻠﻴﻚ
ﺍﻧﺎ :: ﺳﺒﺤﺎﻥ ﺍﻟﻠﻪ ، ﺍﻷﻳﺎﻡ ﻣﺴﺮﻉ ﻣﺎ ﺗﻤﺸﻲ
ﻳﺎﺳﻴﻦ :: ﻣﺘﺮﻳﺤﻪ ﻣﻌﺎﻳﺎ ﺑﺎﻫﻲ ؟
ﺍﻧﺎ :: ﺗﻮﺍ ﺟﺎﻱ ﺗﺴﺄﻝ ﺍﻟﺴﺆﺍﻝ ﻫﺬﺍ ؟
ﻳﺎﺳﻴﻦ :: ﻳﻌﻨﻲ ﻣﻘﺘﻨﻌﻪ ﺑﻴﺎ ﻭ ﻣﺶ ﻩ ﺗﺸﻮﻓﻲ ﺣﺪ ﻏﻴﺮﻱ !
ﺃﻧﺎ :: ﻗﺘﻠﻚ ﻣﻦ ﻗﺒﻞ ﺍﻧﻲ ﻣﺴﺘﺤﻴﻠﻪ ﻧﺤﺐ ﻏﻴﺮﻙ !
ﻳﺎﺳﻴﻦ :: ﻫﺌﻪ ﻉ ﻗﻮﻟﻚ
ﺍﻧﺎ :: ﺗﻲ
ﻳﺎﺳﻴﻦ :: ﺍﻭﻭﻭ ﺳﺎﻣﻲ ﻳﺮﻥ
ﺍﻧﺎ :: ﻣﺎﺯﻟﺘﻮ ﺃﺻﺤﺎﺏ
ﻳﺎﺳﻴﻦ :: ﻋﺸﺮﺓ ﻋﻤﺮ ﻳﺎ ﺍﻟﺤﺐ
ﻭ ﺧﺬﺍ ﻧﻘﺎﻟﻪ ﻭ ﺭﺩ ﻋﻠﻴﻪ ،، ﺟﻴﺖ ﻧﺒﻲ ﻧﺼﺒﻲ ، ﺑﺲ ﻣﺴﻚ ﻳﺪﻱ ﻭ ﻗﻌﺪ ﻳﻬﺪﺭﺯ ﻭ ﺍﻧﺎ ﺍﻣﻘﻌﻤﺰﻩ ﺟﻨﺒﻪ ﻭ ﻋﺎﺯﻗﻪ ﻭﺫﻧﻲ ﻑ ﺍﻟﻔﻮﻥ ﻋﺸﺎﻥ ﻧﻌﺮﻑ ﺷﻦ ﻳﺒﻲ
ﻳﺎﺳﻴﻦ :: ﻻ ﺗﻤﺎﻡ ، ﺷﻦ ﺍﻟﻮﺿﻊ ﻏﺎﺩﻱ ؟
ﺳﺎﻣﻲ :: ﻓﻲ ﻧﻌﻤﻪ ، ﺷﻦ ﻓﻲ ﻣﺎ ﻓﻲ ؟
ﻳﺎﺳﻴﻦ :: ﻛﻞ ﺷﻲ ﻣﻤﺘﺎﺯ ، ﺍﻧﺖ ﺍﻟﻠﻲ ﺷﻦ ﻓﻲ ؟
ﺳﺎﻣﻲ :: ﻻ ﻏﻴﺮ ﺑﻨﻘﻮﻟﻚ ﺭﻥ ﻋﻠﻴﺎ ﻋﻤﺎﺩ ﻭ ﻗﺎﻟﻲ ﻭﺻﻠﺖ
ﻳﺎﺳﻴﻦ :: ﺑﺎﻫﻲ ﺗﻤﺎﻡ ﻣﺎ ﻧﺤﺴﺒﺶ ﺑﺎﻟﺴﺮﻋﺔ ﻫﺬﻩ
ﺳﺎﻣﻲ :: ﻣﻦ ﻃﺮﻓﻲ ﺍﻧﺖ ﺷﻦ ﺗﺤﺴﺎﺑﻨﺎ ﻧﻠﻌﺒﻮ
ﻳﺎﺳﻴﻦ :: ﻻ ﻋﺎﺭﻓﻚ ﺗﻔﻌﻞ ﻣﻦ ﻳﻮﻣﻚ
ﺳﺎﻣﻲ :: ﺑﺎﻫﻲ ﺗﺠﻲ ﺍﻧﺖ ﻭ ﻻ ﺍﻧﺎ ؟
ﻳﺎﺳﻴﻦ :: ﻻ ﻛﻼ ﺍﻧﺎ ﻣﺎ ﻧﻘﺪﺭﺵ ﻭﺭﺍﻳﺎ ﺣﺎﺟﺎﺕ ﺗﻲ ﺳﺎﺩ ﺍﻟﻌﻤﻞ ﻓﺎﻳﺘﻪ ﻣﻦ ﺃﻭﻝ ﻳﻮﻡ ﺭﻣﻀﺎﻥ
ﺳﺎﻣﻲ :: ﺧﻼﺹ ﻣﻌﻨﺎﻫﺎ ﻓﻲ ﻩ ﺍﻟﻴﻮﻣﻴﻦ ﺗﻠﻘﺎﻧﻲ ﻋﻨﺪﻙ
ﻳﺎﺳﻴﻦ :: ﺣﻂ ﻓﻲ ﺑﺎﻟﻚ ﻩ ﺗﻘﻌﺪ ﺗﻔﻄﺮ ﻋﻨﺪﻧﺎ
ﺳﺎﻣﻲ :: ﻳﺴﺘﺮ ﺍﻟﻠﻪ ، ﺑﺲ ﺍﻟﻮﻟﻴﻪ ﻣﺎ ﻋﻨﺪﻫﺎ ﻭﻳﻦ ﺗﻘﻌﺪ
ﺍﻧﺎ :: ﺗﻲ ﻣﻦ ﺟﺪﻩ ﻫﺬﺍ ، ﺧﻠﻴﻪ ﻳﺠﺒﻬﺎ ﻣﻌﺎﻩ
ﺳﺎﻣﻲ :: ﺷﻦ ﻗﻠﺖ ؟ ﻣﻦ ﻣﻌﺎﻙ ؟
ﻳﺎﺳﻴﻦ :: ﻻ ﻻ ﻣﺎ ﻓﻲ ﺣﺪ ، ﺻﻮﺕ ﺍﻣﻲ ﻫﺬﺍ " ﻭ ﻓﻨﺺ ﻓﻴﺎ "
ﺳﺎﻣﻲ :: ﻧﻌﻠﻴﺎ ﻋﻠﻴﻚ ﺻﻮﺕ ، ﻗﻮﻝ ﻝ ﺑﺎﺗﻚ ﻳﻄﻠﻘﻬﺎ ﻭ ﻧﺄﺧﺬﻫﺎ ﻧﺎ
ﻳﺎﺳﻴﻦ :: ﺭﻳﺢ ﺭﻭﺣﻚ ﻳﺎ ﻭﺳﺦ
ﺍﻧﺎ :: " ﻣﺎﺳﻜﻪ ﺿﺤﻜﺘﻲ "
ﺳﺎﻣﻲ :: ﺑﺎﻫﻲ ﺷﻦ ﻛﻨﺖ ﺗﻘﻮﻝ ؟
ﻳﺎﺳﻴﻦ :: ﻗﺘﻠﻚ ﺟﻴﺒﻬﺎ ﻣﻌﺎﻙ ﺗﻲ ﻣﺎ ﻫﻲ ﺗﻌﺮﻑ ﺍﻣﻲ
ﺳﺎﻣﻲ :: ﺧﻼﺹ ﺗﻢ
ﻳﺎﺳﻴﻦ :: ﺭﻥ ﻋﻠﻴﺎ ﻳﻮﻡ ﺍﻟﻠﻲ ﺗﺒﻲ ﺗﺠﻲ ﻣﻦ ﺍﻟﺼﺒﺢ
ﺳﺎﻣﻲ :: ﺍﺗﻔﻘﻨﺎ ، ﺗﺮﻳﺪ ﺷﻲ ﺣﺎﺟﻪ ﺗﻮ ؟
ﻳﺎﺳﻴﻦ :: ﻧﺮﻳﺪ ﻏﻴﺮ ﺳﻼﻣﺘﻚ
ﺳﺎﻣﻲ :: ﺍﺗﺸﻔﻂ ﻳﺎ
ﻳﺎﺳﻴﻦ :: ﺍﻭﻭﻭﻭﻱ ﺃﻣﺴﻚ ﻟﺴﺎﻧﻚ ﻓﻲ ﻧﺎﺱ ﺟﻨﺒﻲ
ﺳﺎﻣﻲ :: ﺑﺎﻫﻲ ﺍﻟﻠﻲ ﻭﻗﻀﺘﻨﻲ ، ﻗﺒﻞ ﻗﺘﻠﻚ ﻛﻠﻤﻪ ﺃﻛﺒﺮ ﻣﻦ ﺭﺃﺳﻚ
ﻳﺎﺳﻴﻦ :: ﺗﺎﻓﻪ ﻣﻦ ﻳﻮﻣﻚ 😂
ﺳﺎﻣﻲ :: ﻫﻴﺎ ﻭﺟﻚ ﺑﺎﻩ
ﻳﺎﺳﻴﻦ :: ﺳﻼﻡ
#
#
#
ﺍﻧﺎ :: ﻳﻬﺒﻞ ﺷﻜﻠﻪ 😂😍
ﻳﺎﺳﻴﻦ :: ﻧﻌﻄﻴﻚ ﺭﻗﻤﻪ ﺍﺗﻌﺮﻓﻲ ﻋﻠﻴﻪ ! 😒
ﺍﻧﺎ :: ﻳﺎ ﺭﻳﺖ 😂🙊
ﻳﺎﺳﻴﻦ :: ﺣﻮﺍﺀ ﺭﻳﺤﻲ ﺭﻭﺣﻚ ﺧﻴﺮ ﻣﺎ ﺗﺨﺘﻢ ﺑﻄﺤﻨﻪ
ﺍﻧﺎ :: ﺧﻼﺹ ﺳﻜﺘﺖ ﺑﻜﻞ
ﻳﺎﺳﻴﻦ :: ﻧﻘﻮﻟﻚ ﺣﺎﺟﻪ ،، ﻣﺮﻭﺡ ﺑﻜﻞ ﺑﺎﻫﻲ
ﺍﻧﺎ :: ﻣﺮﻭﺡ ﻋﺸﺎﻥ ﺗﻜﻠﻤﻬﺎ ﻋﺎﺩ 👏👏
ﻳﺎﺳﻴﻦ :: ﺧﺮﻓﻲ ، ﺧﻠﻴﻜﻲ ﻫﻜﻲ ﺑﺎﻫﻲ !
ﺃﻧﺎ :: ﻳﻌﻨﻲ ﺍﻧﺤﺮﻗﻲ ﻳﺎ ﺍﻧﺎ !!
ﻳﺎﺳﻴﻦ :: ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ، ﺗﻮﺍ ﺃﻧﺎ ﻗﻠﺖ ﻫﻜﻲ !
ﺍﻧﺎ :: ﺍﻧﺖ ﺗﻘﺼﺪ ﻫﻜﻲ ﻏﻴﺮ ﻣﺘﺤﺸﻢ ﺗﻘﻮﻟﻬﺎ
ﻳﺎﺳﻴﻦ :: ﺗﺎﺧﺬﻱ ﻓﻲ ﺷﻲ ﺣﺎﺟﻪ ﻣﻦ ﻭﺭﺍﻳﺎ ﻭ ﻻ ﺷﻨﻮ ؟ ﻷﻧﻚ ﻣﺶ ﻃﺒﻴﻌﻴﻪ ﺭﺁﻩ 😁
ﺍﻧﺎ :: ﻋﺸﺎﻥ ﻧﺤﺒﻚ ﻭ ﻧﻐﺎﺭ ﻋﻠﻴﻚ ﺗﻘﻮﻝ ﻣﺶ ﻃﺒﻴﻌﻴﻪ 😞
ﻳﺎﺳﻴﻦ :: ﻧﻌﻠﻴﺎ ﻟﻤﺎ ﺗﺰﻋﻠﻲ ، ﺗﻘﻌﺪﻱ ﻃﺮﺭﺭﻑ 😍
ﺍﻧﺎ :: ﻫﺎﻩ ﺑﺎﻫﻲ 😞
ﻳﺎﺳﻴﻦ :: ﻋﻠﻴﻚ ﺷﻮﺍﺭﺏ ﻳﺴﻬﻔﻦ 😍 " ﻭ ﺣﻂ ﺍﻳﺪﻳﻪ ﻉ ﺧﺪﻭﺩﻱ ﻭ ﻗﺮﺭﺭﺭﺭﺭﺏ ﻣﻨﻲ "
ﺍﻧﺎ :: ﺑﺎﻫﻲ ﺗﺤﺸﻢ 😳
ﺇﺳﺮﺍﺀ :: ﺣﺤﺤﺤﺤﺤﻲ ﻉ ﺍﻣﻚ ﺍﻧﺖ ﻭ ﻳﺎﻫﺎ 😱
ﺍﻧﺎ :: ﻫﻮﺍ ﻣﺶ ﺍﻧﺎ 😂😳
ﻳﺎﺳﻴﻦ :: ﻏﻴﺮ ﻗﻮﻟﻲ ﺧﻴﺮ ﻭ ﺍﻧﺘﻲ ﺧﺎﺷﻪ ﺗﻌﻴﻄﻲ 😂
ﺇﺳﺮﺍﺀ :: ﻭ ﺗﻀﺤﻜﻮ ، ﺍﺳﺘﻐﻔﺮﺭﺭﺭﺭﺭ ﺍﻟﻠﻪ 😱
ﻳﺎﺳﻴﻦ :: ﻣﺎﺯﻟﺖ ﻣﺎ ﺩﺭﺕ ﺷﻲ ، ﺑﻌﺪﻫﺎ ﺍﺳﺘﻐﻔﺮﻱ
ﺇﺳﺮﺍﺀ :: ﺷﻦ ﻛﻨﺖ ﻧﺎﻭﻱ ﺍﺩﻳﺮ ﺃﻛﺜﺮ ﻣﻦ ﺍﻟﻠﻲ ﺍﻧﺎ ﺷﻔﺘﻪ 😱
ﺍﻧﺎ :: ﺑﻄﻠﻲ ﻃﺮﻭﺡ ﺗﻲ ﺷﻦ ﺷﻔﺘﻲ ﺍﺻﻼ 😂😒
ﺇﺳﺮﺍﺀ :: ﺳﺎﺩ ﺍﻧﻚ ﻻﺻﻘﻪ ﻓﻴﻪ ﻳﻠﻲ ﻣﺎ ﺗﺤﺸﻤﻲ 😱
ﻳﺎﺳﻴﻦ :: ﺑﺎﻫﻲ ﺗﻌﺮﻓﻲ ﺗﺨﺸﻲ ﺟﻮﺍ ﻭ ﺗﻔﻮﺗﻴﻨﺎ ﻩ ﺍﻟﻨﺺ ﺳﺎﻋﻪ 😂😒
ﺇﺳﺮﺍﺀ :: ﺗﺒﻲ ﺗﻜﻤﻞ ﺍﻟﻠﻲ ﺑﺪﻳﺖ ﻓﻴﻪ ﺻﺎﺡ ؟ 😱
ﺍﻧﺎ :: ﻛﻨﻬﺎ ﺍﻷﻭﻓﺮ ﻫﺬﻩ 😂
ﻳﺎﺳﻴﻦ :: ﺗﻮ ﺍﻧﻮﺽ ﺍﻧﺸﻠﻔﻄﻬﺎ ﻛﻒ ﻋﺸﺎﻥ ﺗﺼﺤﺼﺢ 😂
ﺍﻧﺎ :: ﻳﺎ ﺭﻳﺖ 👏🙊
ﺇﺳﺮﺍﺀ :: ﺧﺴﺎﺭﻩ ﻭ ﺧﻼﺹ ﺗﻲ ﻭﻳﻦ ﻣﻔﺘﺎﺡ ﻳﺸﻮﻑ ﺍﻟﺨﺒﺮ ﻫﺬﺍ 😱
ﺍﻧﺎ :: ﺑﺎﻫﻲ ﻭ ﺑﻌﺪﻫﺎ ! ﺩﺭﻫﺘﻲ ﻛﺒﺪﻱ ﺭﺁﻩ ، ﺗﻄﻠﻌﻲ ﻭ ﻻ ﻧﻜﻠﻢ ﻣﺎﻣﺎ
ﺇﺳﺮﺍﺀ :: ﺍﻧﺎ ﺍﻟﻠﻲ ﻩ ﻧﻜﻠﻤﻬﺎ 😱
ﺍﻧﺎ :: ﺑﺎﻫﻲ ﻛﻠﻤﻴﻬﺎ ﻭ ﺑﺎﻟﻤﺮﻩ ﻧﺤﻜﻴﻠﻬﺎ ﻫﺬﻙ ﺍﻟﻘﺼﻪ 😉
ﺇﺳﺮﺍﺀ :: ﺑﺎﻫﻲ ﻋﺎﺩ ، ﻧﺨﻠﻴﻜﻢ ﻉ ﺭﺍﺣﺘﻜﻢ ، ﺗﻮ ﻧﻤﺸﻲ ﻧﺠﻴﺒﻠﻜﻢ ﮔﺴﺘﺮﺩﮦ
ﺍﻧﺎ :: ﻛﺜﺮﻱ ﺍﻟﺰﺑﻴﺐ ﻋﻠﻴﻬﺎ 😂 ✋
ﺇﺳﺮﺍﺀ :: ﺣﺎﺿﺮ
ﻳﺎﺳﻴﻦ :: ﻭ ﻧﺒﻲ ﻃﺎﺳﺔ ﺷﺎﻫﻲ ﺑﺎﻟﻤﺮﻩ
ﺇﺳﺮﺍﺀ :: ﺗﻢ " ﻭ ﻃﻠﻌﺖ "
~
~
ﻳﺎﺳﻴﻦ :: ﻛﻴﻒ ﺻﺎﺭ ؟ ﻛﻨﻬﺎ ﺍﻧﻘﻠﺒﺖ ؟ 😂
ﺍﻧﺎ :: ﺃﺳﺮﺍﺭ ﺑﻨﺎﺕ ﻣﺶ ﺷﻮﺭﻙ ﺍﻧﺖ 😂
ﻳﺎﺳﻴﻦ :: ﺃﺳﺮﺍﺭ ﻉ ﺭﺍﺟﻠﻚ " ﻭ ﺭﺩ ﻗﺮﺏ ﻣﻨﻲ ﺁﺧﺮﻩ "
ﺍﻧﺎ :: ﻳﺎﺳﻴﻦ ﺭﻳﺤﻨﺎ ﻣﺮﺍﺕ ﺗﺠﻲ ﻣﺎﻣﺎ ﻋﺎﺩ
ﻳﺎﺳﻴﻦ :: ﻣﺮﺭﺭﺭﺍﻳﻒ ﻋﻠﻴﻚ ﺍﺯﺡ
ﺍﻧﺎ :: ﺑﻌﺪ ﻧﻘﻌﺪ ﻣﺮﺍﺗﻚ ﻭ ﻓﻲ ﺣﻮﺷﻚ ﻭﻗﺘﻬﺎ ﻋﺎﺩﻱ
ﻳﺎﺳﻴﻦ :: ﺩﻳﻤﺎ ﺍﻣﻨﻜﺪﻩ ﻋﻠﻴﺎ 😒
~
~
ﺩﻗﻴﻘﻪ ﻫﻜﻲ ﻭ ﺧﺸﺖ ﻣﺎﻣﺎ ، ﺳﺒﺤﺎﻥ ﺍﻟﻠﻪ ﺗﻘﻮﻝ ﻗﻠﺒﻲ ﺣﺎﺳﺲ 😳 ، ﻫﻮﺍ ﻣﺶ ﻗﻠﺒﻲ ﺍﻛﻴﺪﻩ ﺍﻟﻜﻠﺒﻪ ﺇﺳﺮﺍﺀ 😒 😂 ✋
ﻣﺎﻣﺎ :: ﻣﺮﺣﺒﺘﻴﻦ ﺏ ﻳﺎﺳﻴﻦ
ﻳﺎﺳﻴﻦ :: ﺧﻴﺮ ﻳﺎ ﻋﻤﺘﻲ
ﻣﺎﻣﺎ :: ﻏﺮﻳﺒﻪ ﻣﺎ ﺧﺸﻴﺘﺶ ﺳﻠﻤﺖ ﺟﻮﺍ
ﻳﺎﺳﻴﻦ :: ﻻ ﻏﻴﺮ ﻗﻠﺖ ﻣﺮﺍﺕ ﺻﺒﺎﻳﺎ ﺍﻟﺸﺒﺎﺏ ﺑﻼ ﻣﺤﺮﻣﻪ ﻭ ﻫﻜﻲ " ﻭ ﻳﻔﺘﺮﺵ ﻓﻲ ﺍﻟﻜﻼﻡ 😂🙊 "
ﻣﺎﻣﺎ :: ﺃﻫﺎ ﺗﻤﺎﻡ ، ﻛﻴﻒ ﺣﺎﻝ ﺍﻣﻚ ﻭ ﺁﺩﻡ ؟
ﻳﺎﺳﻴﻦ :: ﺗﻤﺎﻡ ﺑﻜﻞ ، ﺍﻧﺘﻮ ﺷﻦ ﺩﺍﻳﺮﻳﻦ ؟
ﺍﻧﺎ :: ﺩﺍﻳﺮﻳﻦ ﻣﺤﺸﻲ ﻳﻬﺒﻞ ﺑﻜﻞ ﻉ ﺍﻟﻔﻄﻮﺭ 😂
ﻳﺎﺳﻴﻦ :: ﺣﻲ ﻉ ﺍﻟﺴﻤﺎﻃﻪ 😂😒
ﺍﻧﺎ :: ﻃﺎﻟﻤﺎ ﺳﻤﺎﻃﻪ ﻋﻠﻴﺶ ﺗﻀﺤﻚ ! 😂😒
ﻳﺎﺳﻴﻦ :: ﻣﺎ ﻧﺒﻴﺶ ﻧﺰﻟﻄﻚ ﻗﺪﺍﻡ ﺍﻣﻚ ﺑﺲ 😂😒
ﻣﺎﻣﺎ :: ﻭﻭﻭﻩ ﻋﻠﻴﻨﺎ ﻭ ﺍﻧﺘﻮ 24 ﺳﺎﻋﻪ ﻛﻠﻤﻪ ﺑﻜﻠﻤﻪ
ﻳﺎﺳﻴﻦ :: ﻏﻼ ﻳﺎ ﻋﻤﺘﻲ ﻫﺬﺍ ❤_❤
ﺍﻧﺎ :: ﻫﺎﺍﺍﺍﺍﺣﻤﻤﻤﻢ 😂
ﺇﺳﺮﺍﺀ :: ﻭ ﻫﺬﻩ ﺍﻟﻜﺴﺘﺮﺩﻩ ﻭﺻﻠﺖ
ﻳﺎﺳﻴﻦ :: ﺻﺤﻴﺘﻲ ﺻﺤﻴﺘﻲ
ﺍﻧﺎ :: ﺧﻼﺹ ﺗﻔﻀﻠﻮ ، ﺧﻠﻮﻩ ﻳﺄﻛﻞ ﺑﺮﺍﺣﺘﻪ ﻋﺎﺩ
ﻣﺎﻣﺎ :: ﻋﻠﻴﻚ ﻃﻮﻝ ﻟﺴﺎﻥ ﺧﺰﻱ ﻋﻠﻴﻚ ﺗﺮﺑﻴﻪ 😒
ﺇﺳﺮﺍﺀ :: ﻫﺬﻩ ﺗﺮﺑﻴﺘﻚ ﻳﺎ ﻧﺒﻊ ﺍﻟﺤﻨﺎﻥ 👏🙊
ﻣﺎﻣﺎ :: ﺭﻳﺖ ﺃﻡ ﻟﺴﺎﻥ ﺍﻻﺧﺮﻩ
ﻳﺎﺳﻴﻦ :: 😂😂😂
ﻣﺎﻣﺎ :: ﺯﻳﺪ ﺍﺿﺤﻚ ﺣﺘﻲ ﺍﻧﺖ 😒
ﺍﻧﺎ :: ﺗﻮ ﺗﻨﻘﻠﺐ ﻋﻠﻴﻚ 😂
ﻣﺎﻣﺎ :: ﺍﺳﻮﻭ ﺧﺸﻲ ﻗﺪﺍﻣﻲ ﻭ ﺍﻋﻠﻘﻲ ﻉ ﺍﻟﻐﺴﺎﻟﻪ
ﺇﺳﺮﺍﺀ :: ﺗﻲ ﺗﻮﺍ ﻭﻗﺖ ﺩﺑﺶ
ﻣﺎﻣﺎ :: ﺍﻣﺸﻲ ﻭ ﺍﻧﺘﻲ ﺳﺎﻛﺘﻪ
~
~
~
ﻃﻠﻌﺖ ﻣﺎﻣﺎ ﻭ ﺇﺳﺮﺍﺀ ﻭ ﻳﺎﺳﻴﻦ ﻳﻀﺤﻚ ﺑﺪﻣﻮﻋﻪ 😂
ﺍﻧﺎ :: ﺑﺎﻟﻚ ﺳﺎﺩﻙ ﺿﺤﻚ ﺍﻧﺖ
ﻳﺎﺳﻴﻦ :: ﻛﻨﻚ ﻳﺎ ﻭﺟﻪ ﺍﻟﻨﻜﺪ
ﺍﻧﺎ :: ﻛﻮﻝ ﻭ ﺭﻭﺡ ﺧﻼﺹ ﻣﻦ ﺑﺪﺭﻱ ﻭ ﺍﻧﺖ ﻫﻨﺎ
ﻳﺎﺳﻴﻦ :: ﻧﻘﺎﻧﻚ ﺑﻊ
ﺍﻧﺎ :: ﻫﺬﺍ ﻭﻳﻦ ﻋﺮﻓﺘﻨﻲ ﺑﻊ 😂
ﻳﺎﺳﻴﻦ :: ﻟﺴﺎﻧﻚ ﻫﺬﺍ ﻩ ﻧﻘﺼﻪ ﻟﻜﻲ ، ﻓﺎﻫﻤﻪ 😒
ﺍﻧﺎ :: ﻧﻬﻮﻥ ﻋﻠﻴﻚ ﻳﺎ ﺑﻴﺒﻲ ❤_❤
ﻳﺎﺳﻴﻦ :: ﻧﻘﺎﻧﻚ ﻣﺎ ﺗﻬﻮﻧﻲ 😍
ﺍﻧﺎ :: ﺍﻓﺘﺢ ﻓﻤﻚ " ﻧﻬﻮﻥ ﻋﻠﻴﻚ ﻳﺎ ﺑﻴﺒﻲ ! ﻫﺬﺍ ﺍﻟﺴﺤﺮ ﺍﻟﻠﻲ ﺗﺤﻜﻲ ﻋﻠﻴﻪ ﺭﺷﺎ ! 😂 ✋ "
ﻳﺎﺳﻴﻦ :: ﺷﻦ ﺗﺒﻲ ﺗﺒﻮﺳﻨﻲ ﻭ ﻻ ﻛﻴﻒ ! 😂😍
ﺍﻧﺎ :: ﻻ ﺑﻨﺮﺟﻊ ﻓﻴﻪ 😂😍 " ﻭ ﺧﺬﻳﺖ ﺗﺒﺴﻲ ﺍﻟﻜﺴﺘﺮﺩﺍ "
ﻳﺎﺳﻴﻦ :: ﺍﻟﻠﻪ ﻳﺰﻋﻢ ﻛﺒﺪﻙ 😂
ﺍﻧﺎ :: ﻣﺎ ﺗﻘﻮﻟﺶ ﻣﺶ ﺭﻭﻣﻨﺴﻴﻪ ﺃﻫﺎ ، ﻣﺶ ﺣﺎﺭﻣﺘﻚ ﻣﻦ ﺷﻲ 😋 " ﻭ ﺑﺪﻳﺖ ﻧﻮﻛﻞ ﻓﻴﻪ "
ﻳﺎﺳﻴﻦ :: ﺷﻜﻠﻲ ﻧﺤﻠﻢ ﻳﺎ ﻧﺎﺱ ❤_❤
~
~
~
ﻭﻛﻠﺘﻪ ﺍﻟﻜﺴﺘﺮﺩﻩ ﻭ ﺷﺮﺏ ﺍﻟﺸﺎﻫﻲ ﻭ ﺻﺒﻰ ، ﺍﺿﺒﻄﻨﻲ ﻭ ﺭﻭﺡ ،، ﺧﺸﻴﺖ ﺟﻮﺍ ﻭ ﻟﻘﻴﺖ ﺇﺳﺮﺍﺀ ﻣﻨﻔﺼﻠﻪ ﺑﺮﻭﺣﻬﺎ ﻭ ﺗﻐﺴﻞ
ﺧﺸﻴﺖ ﻧﺘﺮﻗﺺ ﻟﺪﺍﺭ ﻭ ﻧﻤﺸﻂ ﻓﻲ ﺷﻌﺮﻱ ﻭ ﺍﻟﻔﺮﺣﻪ ﻏﺎﻣﺮﺗﻨﻲ ~
ﺭﺷﺎ :: ﻣﺎ ﺷﺎﺀ ﺍﻟﻠﻪ ، ﺭﺑﻲ ﻳﺪﻭﻡ ﻋﻠﻴﻚ ﻓﺮﺣﺘﻚ
ﺍﻧﺎ :: ﺁﻣﻴﻦ ﻱ ﺭﺏ 😂
ﺭﺷﺎ :: ﺍﻭﻭﻭ ﻟﺒﺴﺘﻲ ﺍﻟﺪﺑﻠﻪ ؟
ﺍﻧﺎ :: ﺃﻫﺎ ﺟﺎﺑﻬﺎ ﻣﻌﺎﻩ
ﺭﺷﺎ :: ﺑﺎﻫﻲ ﻛﻨﻬﺎ ﺍﺳﻮ ؟
ﺍﻧﺎ :: ﺗﻐﺴﻞ ﻓﻲ ﺍﻟﺪﺑﺶ
ﺭﺷﺎ :: ﻧﺴﻤﻊ ﻓﻴﻬﺎ ﺗﺤﻜﻲ ﺑﺮﻭﺣﻲ ﻋﻨﺪ ﺧﻔﺖ
ﺍﻧﺎ :: ﺟﺘﻬﺎ ﺍﻟﺤﺎﻟﻪ ﺍﻛﻴﺪﻩ
ﺭﺷﺎ :: ﺗﻮ ﻧﻤﺸﻲ ﻧﺴﺎﻋﺪﻫﺎ
ﺍﻧﺎ :: ﻋﺪﻱ ﻳﺎ ﺣﻨﻪ
~
~
~
ﻳﺎﺳﻴﻦ :: ﺍﺩﻡ ، ﺍﻣﻲ ﻭﻳﻦ ؟
ﺁﺩﻡ :: ﻃﻠﻌﺖ ﻣﻦ ﺳﺎﻋﻪ ﻋﻨﺪ ﻋﻴﺖ ﺇﻟﻬﺎﻡ
ﻳﺎﺳﻴﻦ :: ﺑﺎﻫﻲ
ﺁﺩﻡ :: ﺷﻦ ﺗﺒﻴﻬﺎ ؟
ﻳﺎﺳﻴﻦ :: ﻣﻮﺿﻮﻉ ﻣﺶ ﺷﻮﺭﻙ !
ﺁﺩﻡ :: ﺣﺎﺟﻪ ﺷﻮﺭ ﺣﻮﺍﺀ ﺷﻜﻠﻬﺎ
ﻳﺎﺳﻴﻦ :: ﺗﻲ ﻭ ﺍﻧﺖ ﺷﻦ ﺩﺧﻠﻚ
ﺁﺩﻡ :: ﻣﺶ ﺧﻮﻳﺎ ! ﻧﺤﺐ ﻧﻌﺮﻑ ﻛﻞ ﺷﻲ ﻋﺸﺎﻥ ﻧﺴﺎﻋﺪﻙ
ﻳﺎﺳﻴﻦ :: ﻻ ﺻﺤﻴﺖ ﻏﻴﺮ ﺧﻠﻴﻚ ﻓﻲ ﺣﺎﻟﻚ
ﻣﺼﻄﻔﻰ :: ﻳﺎﺳﻴﻦ ﺑﺎﻫﻲ ﺍﻟﻠﻲ ﺷﻔﻨﺎﻙ
ﻳﺎﺳﻴﻦ :: ﺍﻭﻭ ﺣﺎﺝ ﻣﺼﻄﻔﻰ ﺗﻲ ﺍﻧﺖ ﺍﻟﻠﻲ ﻭﻳﻨﻚ
ﻣﺼﻄﻔﻰ :: ﻻ ﻧﻄﻠﻊ ﻻ ﻧﺨﺶ ، ﺍﻧﺖ ﺍﻟﻠﻲ ﻭﻳﻨﻚ ﻛﻞ ﻳﻮﻡ ﻃﺎﻟﻊ
ﺁﺩﻡ :: ﺍﻛﻴﺪ ﻋﻨﺪ ﺍﻟﻤﺪﺍﻡ
ﻳﺎﺳﻴﻦ :: ﺧﺮﻑ
ﻣﺼﻄﻔﻰ :: ﺑﻨﺖ ﺧﻮﻳﺎ ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ ، ﻳﺎﺭﻳﺖ ﺗﺤﺼﻞ ﻭﺣﺪﻩ ﻛﻴﻔﻬﺎ ﺑﺪﺍﻝ ﻣﺎﻧﻚ ﻗﺎﻋﺪ ﺗﺘﻬﺰﺍ
ﺁﺩﻡ :: ﻳﺎ ﺭﻳﺖ ﻳﺎ ﺭﻳﺖ 🙊
ﻳﺎﺳﻴﻦ :: ﻛﺎﻥ ﺗﺒﻲ ﻓﻴﻪ ؟ ﻏﻴﺮ ﺍﻧﻮﻱ ﺍﻧﺖ ﺑﺲ
ﻣﺼﻄﻔﻰ :: ﻭ ﺑﺎﻟﻤﺮﻩ ﻋﺮﺳﻜﻢ ﻓﻲ ﻭﻗﺖ ﻭﺍﺣﺪ
ﻳﺎﺳﻴﻦ :: ﻻ ﮔﻼ ﺍﻧﺎ ﻋﺮﺳﻲ ﻗﺒﻠﻪ ﻫﺬﻩ ﺍﻛﻴﺪﻩ
ﺁﺩﻡ :: ﻣﺎ ﺗﻨﺪﺭﻳﺶ ﻉ ﺍﻟﻨﺼﻴﺐ ﻳﺎ ﺑﺮﻭ 😁😉
ﻳﺎﺳﻴﻦ :: ﺭﺑﻲ ﻳﻘﻮﻱ ﻧﺼﻴﺒﻚ ﻭ ﻳﺮﻳﺤﻨﺎ ﻣﻨﻚ
ﻣﺼﻄﻔﻰ :: ﺍﻣﺸﻲ ﺍﻓﺘﺢ ﺍﻟﺒﺎﺏ ، ﺍﻛﻴﺪ ﺍﻣﻚ
ﻳﺎﺳﻴﻦ :: ﻫﻴﺎ ﻫﻲ
ﺁﺩﻡ :: ﺷﻔﺘﻪ ﻳﺎ ﺑﺎﺗﻲ ﺩﻳﻤﺎ ﻳﻘﻬﺮ ﻓﻴﺎ
ﻣﺼﻄﻔﻰ :: ﻳﻘﻬﺮ ﻓﻴﻚ ﻋﻠﻴﺶ ؟
ﺁﺩﻡ :: ﻋﺸﺎﻥ ﻫﻮﺍ ﺧﺎﻃﺐ ﻭ ﺍﻧﺎ ﻻ
ﻣﺼﻄﻔﻰ :: ﻋﻨﺪ ﺃﻣﺘﻲ ﺑﺘﻘﻌﺪ ﺻﻐﻴﺮ ﻭ ﺗﻔﻜﻴﺮﻙ ﺳﻄﺤﻲ ، ﻣﺶ ﻣﻨﻚ ﻋﺎﺩ ، ﻣﻦ ﺩﻟﻊ ﺍﻣﻚ ﺍﺻﻼ
ﺣﻠﻴﻤﻪ :: ﻭ ﻛﻨﻬﺎ ﺃﻣﻪ ﺑﺴﻢ ﺍﻟﻠﻪ
ﻣﺼﻄﻔﻰ :: ﻳﺎ ﺯﻳﻨﻚ ﺧﻠﻔﻪ ﻭ ﺧﻼﺹ
ﺣﻠﻴﻤﻪ :: ﻛﻨﻪ ﺍﺩﻭﻣﻲ ، ﺳﻤﺎﺣﻪ ﻭ ﺧﻔﺔ ﺩﻡ ﻭ ﺑﻨﺎﺕ ﻟﻴﺒﻴﺎ ﻛﻠﻬﻦ ﻣﻴﺘﺎﺕ ﻓﻴﻪ
ﻳﺎﺳﻴﻦ :: ﺑﻨﺎﺕ ﻟﻴﺒﻴﺎ ﻛﻠﻬﻦ ؟؟ ﺣﺴﺴﺘﻴﻨﻲ ﺍﻭﻟﺪﻙ ﺳﻌﺪ ﺍﻟﻤﺠﺮﺩ 😒
ﺣﻠﻴﻤﻪ :: ﻭ ﻣﻦ ﻳﻜﻮﻥ ﻫﺬﺍ ؟
ﻳﺎﺳﻴﻦ :: ﻫﺬﺍ ﺍﻟﻠﻲ ﻣﻴﺘﺎﺕ ﻓﻴﻪ ﺑﻨﺎﺕ ﻟﻴﺒﻴﺎ 😂 ✋
ﻣﺼﻄﻔﻰ :: 😂
ﺁﺩﻡ :: ﻣﺎﻣﺎ ﺍﻣﺴﻜﻲ ﺍﻭﻟﺪﻙ ﺧﻴﺮ ﻣﺎ ﻧﺨﻠﻴﻚ ﺍﺩﻳﺮﻱ ﻋﺰﺍﻩ 😒
ﻳﺎﺳﻴﻦ :: ﺧﻮﻓﺘﻨﻲ ﻳﺎ ﻭﻟﺪ ﺍﻟﻤﺎﻣﺎ ﺍﻧﺖ
ﺣﻠﻴﻤﻪ :: ﺗﻲ ﺧﻼﺹ ﺍﻧﺖ ﻭﻳﺎﻩ ، ﺗﺤﺸﻤﻮ
ﻳﺎﺳﻴﻦ :: ﺑﺎﻫﻲ ﺗﻌﺎﻟﻲ ﻧﺒﻴﻚ ﺷﻮﻳﻪ
ﺣﻠﻴﻤﻪ :: ﺷﻦ ﻓﻲ ؟
ﺁﺩﻡ :: ﻃﺒﻌﺎ ﺍﻟﻤﺪﺍﻡ ﺣﻮﺍﺀ ﺍﻣﻌﺒﻴﻪ ﺭﺃﺳﻪ ﻋﻠﻴﻨﺎ
ﺣﻠﻴﻤﻪ :: ﺍﺩﻡ ﺧﻼﺹ ﺳﻠﻢ ﺍﻭﻟﺪﻱ ، ﺑﺪﻝ ﻩ ﺍﻟﺴﺎﻋﻪ ﺑﺴﺎﻋﻪ
ﻳﺎﺳﻴﻦ :: ﻫﻴﺎ ﻳﺎ ﺃﻣﻲ ﺍﺻﻼ ﺗﺮﺍﺟﻲ ﻓﻴﺎ ﻧﺮﻥ ﻋﻠﻴﻬﺎ ‏)
ﺁﺩﻡ :: ﺷﻔﺘﻲ ﺷﻔﺘﻲ !
ﺣﻠﻴﻤﻪ :: ﺭﺑﻲ ﻳﻬﺪﻳﻜﻢ ﻭ ﺧﻼﺹ " ﻭ ﻣﺸﺖ ﻣﻊ ﻳﺎﺳﻴﻦ "
~
~
ﺣﻠﻴﻤﻪ :: ﺷﻦ ﻓﻲ ﺍﺣﻜﻲ ؟
ﻳﺎﺳﻴﻦ :: ﺑﺪﻭﻥ ﻣﻘﺪﻣﺎﺕ ، ﺷﻦ ﺭﺃﻳﻚ ﻓﻲ ﻫﻨﺪ ؟
ﺣﻠﻴﻤﻪ :: ﻫﻨﺪ ﺑﻨﺖ ﻧﻮﺍﺭﻩ ؟
ﻳﺎﺳﻴﻦ :: ﺃﻫﺎ
ﺣﻠﻴﻤﻪ :: ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ ﺣﻠﻮﻩ ﻃﺎﻟﻌﻪ ﻝ ﺃﻣﻬﺎ
ﻳﺎﺳﻴﻦ :: ﺗﻤﺎﻡ ﺑﻜﻞ
ﺣﻠﻴﻤﻪ :: ﻃﻴﺢ ﺳﻌﺪﻙ ، ﻗﺼﺪﻙ ﺗﺒﻲ ﺗﺴﻴﺐ ﺣﻮﺍﺀ ﻋﺸﺎﻥ ﻫﻨﺪ ؟ " ﻭ ﺧﺶ ﺳﻲ ﺁﺩﻡ "
ﺁﺩﻡ :: ﺗﺒﻲ ﻳﺴﻴﺐ ﺣﻮﺍﺀ ؟ ﺧﻠﻴﻪ ﺑﺮﺍﺣﺘﻪ ﺃﻫﻢ ﺣﺎﺟﻪ ﻳﻜﻮﻥ ﻣﺘﺮﻳﺢ ﻣﻌﺎﻫﺎ ﻭ ﻫﻮﺍ ﺷﻜﻠﻪ ﻣﺶ ﻣﺘﺮﻳﺢ ، ﺧﻼﺹ ﻛﻞ ﺣﺪ ﻳﻤﺸﻲ ﻓﻲ ﺣﺎﻟﻪ ﻭ ﻳﺨﻠﻲ ﺍﻟﺒﻨﺖ ﺗﺸﻮﻑ ﻧﺼﻴﺒﻬﺎ
ﺣﻠﻴﻤﻪ :: ﻳﺎﻙ ﺇﻻ ﻫﺬﻩ ، ﻳﺎ ﻧﺎﻋﻠﻴﺎ ﺷﻦ ﻳﻘﻮﻟﻮ ﺍﻟﻨﺎﺱ ، ﺑﻌﺪ ﺭﺑﻂ ﺍﻟﺒﻨﺖ ﺳﻨﺘﻴﻦ ﻳﺒﻲ ﻳﻄﻠﻘﻬﺎ ﺗﻮﺍ
ﺁﺩﻡ :: ﻛﻞ ﺷﻲ ﻗﺴﻤﻪ ﻭ ﻧﺼﻴﺐ
ﺣﻠﻴﻤﻪ :: ﺗﻲ ﻭﻳﻦ ﺑﺎﺗﻚ ﻳﺠﻲ ﻳﺴﻤﻊ ﺗﻲ ﺣﻲ ﻋﻠﻴﺎ ﺷﻦ ﻧﻘﻮﻝ ﺑﺲ
ﻳﺎﺳﻴﻦ :: ﺗﻲ ﻫﻲ ﻫﻲ ﻭﻳﻦ ﻣﺎﺷﻴﻪ ﺍﻧﺘﻲ ، ﺣﻮﺍﺀ ﺷﻦ ﺍﻟﻠﻲ ﻧﺒﻲ ﻧﺴﻴﺒﻬﺎ ؟ ﻣﺮﺍﺗﻲ ﻭ ﻣﻴﺖ ﻓﻴﻬﺂ !
ﺣﻠﻴﻤﻪ :: ﺗﻲ ﻓﺠﻌﺘﻨﻲ ، ﺍﻣﺎﻻ ﻋﻠﻴﺶ ﺗﺴﺄﻝ ﻉ ﻫﻨﺪ ﺑﺎﻩ ؟
ﻳﺎﺳﻴﻦ :: ﻭﺍﺣﺪ ﻧﻌﺮﻓﻪ ﻳﺒﻴﻬﺎ " ﻃﺒﻌﺂ ﻳﺎﺳﻴﻦ ﻗﺎﻝ ﻫﻜﻲ ، ﻷﻧﻪ ﻟﻮ ﻗﺎﻝ ﻝ ﺁﺩﻡ ﻛﺎﻥ ﻩ ﻳﻘﻮﻝ ﻻ ،، ﺑﺲ ﻛﻠﻨﺎ ﻋﺎﺭﻓﻴﻦ ﺁﺩﻡ ﻣﺎ ﺗﺤﻠﻰ ﻓﻲ ﻋﻴﻨﻪ ﺍﻟﺤﺎﺟﻪ ﺇﻻ ﻟﻤﺎ ﺣﺪ ﻏﻴﺮﻩ ﻳﺒﻴﻬﺎ ﻭ ﻣﺎﺳﻜﻪ 👏👏 "
ﺁﺩﻡ :: ﻭ ﻣﻦ ﻫﺬﺍ ﺃﻥ ﺷﺎﺀ ﺍﻟﻠﻪ ؟
ﻳﺎﺳﻴﻦ :: ﻭﺍﺣﺪ ﺻﺎﺣﺒﻲ ﻭ ﻗﺎﻟﻲ ﻧﺒﻲ ﺍﻧﺎﺳﺒﻜﻢ ﻭ ﻋﺎﺭﻑ ﻣﺎ ﻋﻨﺪﻳﺶ ﺧﻮﺍﺕ ، ﻗﺎﻟﻲ ﺃﻫﻢ ﺣﺎﺟﻪ ﻭﺣﺪﻩ ﻣﻦ ﻋﻴﻠﺘﻜﻢ
ﺁﺩﻡ :: ﻭ ﻟﻴﺶ ﺍﺧﺘﺮﺕ ﻫﻨﺪ ﺑﺬﺍﺕ ؟
ﻳﺎﺳﻴﻦ :: ﺗﻲ ﺷﻦ ﺩﺧﻠﻚ ﺍﻧﺖ ﺍﺻﻼ
ﺣﻠﻴﻤﻪ :: ﻫﻨﺪ ﻛﻮﻳﺴﻪ ﻭ ﺗﻬﺒﻞ ﺧﻠﻴﻪ ﻳﺘﻮﻛﻞ ﻉ ﺍﻟﻠﻪ
ﺁﺩﻡ :: ﺗﻲ ﺷﻦ ﻳﺘﻮﻛﻞ ﻋﻠﻴﺶ ﻫﻨﺪ ، ﻛﻨﻚ ﻣﺎ ﻗﺘﻠﻪ ﺻﻔﺎﺀ ﻭ ﻻ ﻣﺮﻭﻩ ﺗﻲ ﻭ ﻻ ﺃﻱ ﺑﻨﺖ ﻣﻦ ﺑﻨﺎﺕ ﺧﺎﻻﺗﻚ
ﻳﺎﺳﻴﻦ :: ﺗﺒﻮ ﺍﻟﺼﺮﺍﺣﻪ ؟
ﺣﻠﻴﻤﻪ :: ﻗﻮﻝ ﺷﻦ ﻓﻲ ﺁﺧﺮﻩ ؟
ﻳﺎﺳﻴﻦ :: ﺃﻳﺎﻡ ﺁﺩﻡ ﻓﻲ ﺍﻟﻤﺴﺘﺸﻔﻲ ، ﺟﺎ ﻓﻲ ﺍﻟﺤﻮﺵ ﻭ ﻫﻴﺎ ﻃﻠﻌﺖ ﻣﺪﺗﻠﻲ ﺍﻟﻘﻬﻮﻩ ﻭ ﺷﻜﻠﻬﺎ ﻋﺠﺒﺎﺗﻪ ، ﺍﺻﻼ ﻗﺎﻟﻲ ﺷﻔﺖ ﺑﻨﺖ ﺷﻌﺮﻫﺎ ﻃﻮﻳﻞ ﻭ ﻫﻜﻲ ﻭ ﺍﺫﻛﺮﺗﻬﺎ ﻉ ﻃﻮﻝ ﻫﻨﺪ " ﺍﻟﻜﺬﺏ ﻳﻄﻠﻊ ﺗﻠﻘﺎﺋﻲ ، ﻃﺎﻟﻌﻠﻲ ﻋﺎﺩ 😂🙊 "
ﺁﺩﻡ :: ﺳﻠﻤﻚ ﻝ ﺍﻣﻚ ﻭ ﺧﻼﺹ ﻭ ﺍﻧﺖ ﻣﺎﺩ ﻭﺟﻚ ﺑﺪﺍﻝ ﻣﺎ ﺗﺸﻠﻔﻄﻪ ﻛﻒ
ﺣﻠﻴﻤﻪ :: ﻭ ﺍﻧﺖ ﻛﻨﻚ ﻣﻨﻔﺼﻞ ؟
ﺁﺩﻡ :: ﺍﺻﻼ ﺍﻧﺎ ﻧﺒﻴﻬﺎ 😒
ﻳﺎﺳﻴﻦ :: ﻛﻴﻒ ﺗﺒﻴﻬﺎ ؟؟ " ﻫﺪﺩﺩﺩﺩﺩﺩﺩﺩﺩﺩﺩﻑ "✋😂
ﺣﻠﻴﻤﻪ :: ﻗﺼﺪﻙ ﻋﺎﺟﺒﺘﻚ ؟
ﺁﺩﻡ :: ﺃﻫﺎ ﻣﻦ ﻗﺒﻞ ﺣﺎﻁ ﻋﻴﻨﻲ ﻋﻠﻴﻬﺎ ﻭ ﻧﺒﻴﻚ ﺗﻤﺸﻲ ﺗﺨﻄﺒﻴﻬﺎ ﻟﻴﺎ
ﺣﻠﻴﻤﻪ :: ﺭﻭﺭﻭﺭﻭﻭﺭﻭﺭﻳﺶ ﻭ ﺃﺧﻴﺮﺍ
ﻳﺎﺳﻴﻦ :: ﺗﺒﻴﻬﺎ ﺗﺒﻴﻬﺎ ﻭ ﻻ ﺗﻤﺸﻲ ﻓﻲ ﺟﻮﻙ ؟
ﺁﺩﻡ :: ﻣﺶ ﺷﻮﺭﻙ ﺍﻧﺖ
ﻳﺎﺳﻴﻦ :: ﺍﺻﻼ ﻟﻤﺎ ﺣﻜﻴﺖ ﺍﻟﻘﺼﻪ ﻝ ﺣﻮﺍﺀ ، ﻗﺎﻟﺖ ﻫﻨﺪ ﻛﻮﻳﺴﻪ ﻭ ﺗﻮ ﺗﺤﻜﻲ ﻣﻌﺎﻫﺎ
ﺁﺩﻡ :: ﻻ ﺗﺤﻜﻲ ﻻ ﺳﻮ ، ﺍﻧﺎ ﻧﺒﻴﻬﺎ ﻭ ﺑﻜﺮﺍ ﺗﻤﺸﻲ ﺗﺤﻜﻴﻠﻲ ﻣﻊ ﻋﻤﺘﻲ ﻣﺶ ﺷﻮﺭﻱ ﺑﻴﻚ ﺭﺍ
ﺣﻠﻴﻤﻪ :: ﺧﻼﺹ ﺗﻤﺎﻡ ، ﻳﺎﺳﻴﻦ ﺧﻮﻙ ﻳﺒﻴﻬﺎ ، ﻭ ﺃﻣﺸﻲ ﻗﻮﻝ ﻝ ﺻﺎﺣﺒﻚ ﻣﺎ ﻓﺶ ﻧﺼﻴﺐ
ﻳﺎﺳﻴﻦ : : ﺗﻮ ﻳﻘﻮﻟﻲ ﺗﻠﻌﺐ ﻭ ﻻ ﻛﻴﻒ !
ﺁﺩﻡ :: ﺗﻲ ﺧﻮﻙ ﻳﺒﻴﻬﺎ ﻛﻨﻚ ﺍﻧﺖ ؟
ﻳﺎﺳﻴﻦ :: ﺑﺎﻩ ﺗﻤﺎﻡ
ﺣﻠﻴﻤﻪ :: ﺍﻣﺸﻲ ﺭﻥ ﻋﻠﻴﻪ ﻣﻦ ﺗﻮﺍ ﻋﺸﺎﻥ ﻳﻔﻮﺕ ﺍﻟﺒﻨﺖ
ﻳﺎﺳﻴﻦ :: ﺗﻢ ﺗﻢ
~
~
~
ﻛﻨﺖ ﻣﻘﻌﻤﺰﻩ ﻧﺘﻔﺮﺝ ﻉ ﺇﻋﺎﺩﺓ ﻣﺴﻠﺴﻞ ﻣﺘﺎﻉ ﻋﺎﺑﺪ ﻓﻬﺪ 😍 ﻭ ﻗﻠﺒﻲ ﻳﺪﻕ ﻛﻞ ﻣﺎ ﻳﺠﻲ ﻉ ﺍﻟﺸﺎﺷﻪ 💔 ﻭ ﺳﻤﻌﺖ ﻓﻮﻧﻲ ﻳﺮﻥ ،، ﺻﺒﻴﺖ ﺧﺬﻳﺘﻪ ﻭ ﻟﻘﻴﺘﻪ ﻳﺎﺳﻴﻦ
ﺍﻧﺎ :: ﻣﺜﻼ ﻳﻌﻨﻲ ﺗﺒﻲ ﺗﻘﻮﻝ ﺭﺍﻳﻔﺖ ﻋﻠﻴﺎ !
ﻳﺎﺳﻴﻦ :: ﻭﺟﻪ ﻧﻜﺪ ﻣﻦ ﻳﻮﻣﻚ 😒
ﺍﻧﺎ :: ﺑﺴﺮﻋﻪ ﺑﺎﻩ ﻗﺒﻞ ﻣﺎ ﻳﺮﺩﻭ ﻣﻦ ﺍﻹﻋﻼﻥ ؟
ﻳﺎﺳﻴﻦ :: ﺍﻛﻴﺪ ﺳﻲ ﻋﺎﺑﺪ ﻓﻬﺪ ﺻﺎﺡ ؟
ﺍﻧﺎ :: ﻭ ﻫﻮﺍ ﻓﻲ ﻏﻴﺮﻩ 😍
ﻳﺎﺳﻴﻦ :: ﺑﺎﻫﻲ ﺍﻭﻛﻲ ﻋﺪﻱ ﺗﻔﺮﺟﻲ ، ﻣﻌﺶ ﻧﺒﻲ ﻧﺤﻜﻲ ، ﺧﺴﺎﺭﺓ ﻣﺎ ﻛﻨﺖ ﻧﺒﻲ ﻧﻔﺮﺣﻚ
ﺍﻧﺎ :: ﻛﻴﻒ ﺷﻦ ﺻﺎﻳﺮ ؟ ﺍﺻﻼ ﻧﺒﺶ ﻧﺘﻔﺮﺝ ﺑﻜﻞ
ﻳﺎﺳﻴﻦ :: ﺣﻜﻴﺖ ﻣﻊ ﺁﺩﻡ
ﺍﻧﺎ :: ﺣﻲ ﻭ ﺷﻦ ﻗﺎﻝ ؟
ﻳﺎﺳﻴﻦ :: ﻭﺍﻓﻖ ﻭ ﺑﺎﻟﻚ ﺍﻣﻲ ﺑﻜﺮﺍ ﺗﻤﺸﻲ ﺗﺤﻜﻲ ﻣﻊ ﻋﻤﺘﻲ
ﺍﻧﺎ :: ﻣﺎ ﺷﺎﺀ ﺍﻟﻠﻪ ﺑﺴﺮﻋﻪ ﻫﺬﻩ
ﻳﺎﺳﻴﻦ :: ﻣﺎ ﻫﻮ ﺍﻧﺎ ﺩﺭﺗﻠﻪ ﻓﻴﻠﻢ " ﻭ ﻗﻌﺪ ﻳﺤﻜﻴﻠﻲ ﺷﻦ ﻗﺎﻝ ﻭ ﺍﻧﺎ ﻣﻴﺘﻪ ﻣﻦ ﺍﻟﻀﺤﻚ 😂 "
ﺳﻜﺮﺕ ﻣﻨﻪ ﻭ ﻣﺶ ﻋﺎﺭﻓﻪ ﻟﻴﺶ ﺟﺖ ﺻﻔﺎﺀ ﺍﻭﻝ ﻭﺣﺪﻩ ﻓﻲ ﺑﺎﻟﻲ ، ﺑﺮﻏﻢ ﺃﻧﻬﺎ ﻏﺎﻟﻴﻪ ﻋﻠﻴﺎ ﺑﺲ ﺩﺍﺭﺕ ﻛﻢ ﻟﻘﻄﻪ ﻳﻌﻲ ، ﻭ ﺃﻛﺜﺮ ﻣﻮﻗﻒ ﻣﺘﺎﻉ ﻫﻨﺪ ، ﻳﻌﻨﻲ ﺃﻱ ﻭﺣﺪﻩ ﻣﻤﻜﻦ ﻳﺼﻴﺮﻟﻬﺎ ﻫﻜﻲ ﻭ ﺃﻭﻟﻨﺎ ﻫﻴﺎ ، ﻣﺎ ﺣﺘﻲ ﻫﻲ ﺗﺤﻜﻲ ﻣﻊ ﺁﺩﻡ ﻣﻦ ﻗﺒﻞ ﻭ ﻟﻮ ﺟﺎﻫﺎ ﺷﻲ ﺣﺪ ﻣﺶ ﻩ ﻧﺤﻜﻮ ﻉ ﻣﺎﺿﻴﻬﺎ ، ﺑﻌﺪ ﺗﻔﻜﻴﺮ ﻃﻮﻳﻞ ﻣﺴﻜﺖ ﻓﻮﻧﻲ ﻭ ﺭﻧﻴﺖ ﻋﻠﻴﻬﺎ
ﺻﻔﺎﺀ :: ﺧﻴﺮ ﻳﺎ ﺣﻮﺍﺀ
ﺍﻧﺎ :: ﺧﻴﺮﺍﺕ ، ﻛﻴﻒ ﺣﺎﻟﻚ ﺍﻧﺘﻲ ﻭ ﻣﺮﻭﻩ ؟
ﺻﻔﺎﺀ :: ﺗﻤﺎﻡ ، ﻛﻴﻒ ﺣﺎﻟﻜﻢ ﺍﻧﺘﻮ ؟
ﺍﻧﺎ :: ﺑﺨﻴﺮ ﺍﻟﺤﻤﺪ ﻟﻠﻪ
ﺻﻔﺎﺀ :: ﺷﻦ ﺟﻮﻙ ﺍﻧﺘﻲ ﻭ ﻳﺎﺳﻴﻦ ؟
ﺍﻧﺎ :: ﺗﻤﺎﻡ ﺑﻜﻞ ، ﺭﻧﻴﺖ ﻋﻠﻴﻚ ﻋﺸﺎﻥ ﻧﻘﻮﻟﻚ ﻉ ﺣﺎﺟﻪ
ﺻﻔﺎﺀ :: ﺷﻨﻮ ؟
ﺍﻧﺎ :: ﺍﺩﻡ ﻳﺒﻲ ﻳﺨﻄﺐ 👏
ﺻﻔﺎﺀ :: ﺟﺪﻳﺎﺕ !!
ﺃﻧﺎ :: ﺃﻫﺎ
ﺻﻔﺎﺀ :: ﺑﺎﻫﻲ ﺗﻤﺎﻡ
ﺍﻧﺎ :: ﻗﻮﻟﻲ ﻣﻦ ﻳﺒﻲ ﻳﺨﻄﺐ ؟
ﺻﻔﺎﺀ :: ﻣﻨﻮﻭﻭ ؟؟؟
ﺍﻧﺎ :: ﻫﻨﻮﻭﻭﻭﻭﻭﺩﻩ ✊😚😊
ﺻﻔﺎﺀ :: . . .
ﻳﺘﺒﻊ . .