#ﻛَــﻼﻡْ_ﺣَــﻮّﺍﺀ ~ • #ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚

الحلقة8

#ﻛَــﻼﻡْ_ﺣَــﻮّﺍﺀ ~ •
#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
ﺍﻟﺤـﻠﻘـﻬﻪ ﺍﻟـﺘـﺎﻣـﻨـﻪ
ﺍﻧﺎ :: ﻣﻌﻠﻴﺶ ﻋﺎﺩ
ﺁﺩﻡ :: ﻗﺘﻠﻚ ﻋﺎﺩﻱ ﻣﺎ ﺻﺎﺭ ﺷﻲ
ﺍﻧﺎ :: ﺑﻌﺪ ﺧﻄﺮﻫﺎ ﺭﺁﻩ ﺣﻮﺍﺀ ﺗﺴﺄﻝ ﻋﻠﻴﻚ ^^
ﺁﺩﻡ :: ﺣﻮﻭﺍﺀ !
ﺃﻧﺎ :: ﺃﻫﺎ ﺣﻮﺍﺀ
ﺁﺩﻡ :: ﻣﻦ ﻳﻮﻡ ﺍﻟﻠﻲ ﺿﻌﺘﻲ ﻣﻨﻲ ، ﻗﻌﺪﺕ ﺃﻱ ﺑﻨﺖ ﺗﻘﺎﺑﻠﻨﻲ ﻓﻲ ﻋﻤﺮﻙ ، ﻧﻔﺲ ﺍﺳﻤﻚ ، ﺗﺸﺒﻬﻠﻚ ، ﻭ ﻣﻦ ﺑﻨﻐﺎﺯﻱ ، ﻧﺤﺒﻬﺎ ! ‏)
ﻳﺎﺳﻴﻦ :: ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ ، ﻣﺠﺘﻤﻌﻴﻦ ﻋﻨﺪ ﺍﻟﻨﺒﻲ ‏)
ﺁﺩﻡ :: ﻳﺎﺳﻴﻦ ﻣﺎ ﺗﻔﻬﻤﺶ ﻏﻠﻂ
ﻳﺎﺳﻴﻦ :: ﻫﻮﺍ ﺑﻌﺪ ﺍﻟﻠﻲ ﺳﻤﻌﺘﻪ ﻣﺎﺯﺍﻝ ﻓﻲ ﺣﺎﺟﻪ ﻏﻠﻂ !
ﺃﻧﺎ :: ﻳﺎﺳﻴﻦ
ﻳﺎﺳﻴﻦ :: ﺍﻧﺘﻲ ﺑﺬﺍﺕ ﻣﺎ ﺗﺤﻜﻴﺶ ﻭ ﻻ ﻛﻠﻤﻪ ! ﻋﺎﺟﺒﻚ ﺍﻟﺠﻮ ﻋﺎﺩ ، ﺍﻻﺧﻴﻦ ﻳﺤﺒﻮﻙ
ﺁﺩﻡ :: ﻳﺎﺳﻴﻦ ﺍﻭﺯﻥ ﻛﻼﻣﻚ ، ﻣﺶ ﻗﻨﺎﻟﻚ ﻣﻮﺿﻮﻉ ﻗﺪﻳﻢ ﻭ ﺍﻧﺎ ﻛﻨﺖ ﻣﻌﺠﺐ ﺑﻴﻬﺎ ﻣﻦ ﺑﻌﻴﺪ ﻝ ﺑﻌﻴﺪ ﻭ ﺍﻟﺒﻨﺖ ﻣﺎ ﻋﻄﺘﻨﻴﺶ ﻭﺟﻪ ﻭ ﺗﺤﺒﻚ ﺍﻧﺖ
ﻳﺎﺳﻴﻦ :: ﻻ ﻣﻦ ﻧﺎﺣﻴﺔ ﺗﺤﺒﻨﻲ ، ﻭﺍﺿﺢ ﺃﻧﻬﺎ ﺗﺤﺒﻨﻲ
ﺍﻧﺎ :: ﺑﺎﻫﻲ ﻭ ﺑﻌﺪﻫﺎ !
ﻳﺎﺳﻴﻦ :: ﺍﻟﻠﻲ ﺑﻌﺪﻫﺎ ﺗﻮ ﻳﻘﻮﻟﻪ ﺑﺎﺗﻲ ﻝ ﻋﻤﻲ " ﻭ ﻃﻠﻊ "
ﺍﻧﺎ :: ﻳﺎﺳﻴﻦ ﺭﺍﺟﻲ ﺷﻮﻳﻪ ، ﻳﺎﺍﺍﺍﺍﺍﺳﻴﻦ ، ﺗﻲ ﻳﺎ ﻳﺎﺳﻴﻦ
ﺁﺩﻡ :: ﺗﻮ ﻳﺒﺮﻡ ﺷﻮﻳﻪ ﻭ ﻳﺮﺩ ﻋﺎﺭﻓﻪ ﻭ ﺣﺎﻓﻈﻪ
ﺍﻧﺎ :: ﻛﻠﻪ ﻣﻨﻚ ﺗﺮﻳﺤﺖ ﺗﻮﺍ
ﺁﺩﻡ :: ﻛﻴﻒ ﻛﻠﻪ ﻣﻨﻲ ! ﺃﻧﺎ ﺍﻟﻠﻲ ﻧﺴﻴﺖ ﺍﻟﻨﻘﺎﻝ ﻋﻨﺪﻙ ! ﺃﻧﺎ ﺍﻟﻠﻲ ﺟﻴﺖ ﻭ ﻗﻠﺖ ﺗﺴﺄﻝ ﻋﻠﻴﻚ ﻓﻼﻧﻪ ! ﺣﻮﺍﺀ ﻛﺬﺍ ﻣﺶ ﻧﺎﻗﺺ ﺭﺍ ﺍﻟﻠﻲ ﻓﻴﺎ ﻛﺎﻓﻴﻨﻲ
ﺍﻧﺎ :: ﺗﻤﺎﻡ ﺗﻤﺎﻡ ، ﻣﻌﺎﻙ ﺣﻖ ﺍﻧﺎ ﺍﻟﻐﻠﻄﺎﻧﻪ ﺍﺻﻼ ، ﺑﺲ ﺗﻮﺍ ﺍﻓﺮﺡ ﻋﺎﺩ ، ﺁﻫﻮ ﺑﺎﺑﺎ ﻩ ﻳﻌﺮﻑ ﻭ ﺑﺎﺗﻚ ﻭ ﻳﺎﺳﻴﻦ ﺍﻳﻄﻠﻘﻨﻲ
ﺁﺩﻡ :: ﻣﺶ ﻩ ﺗﻮﺻﻞ ﻝ ﺍﻟﻄﻼﻕ ﺃﻥ ﺷﺎﺀ ﺍﻟﻠﻪ ﻭ ﻃﺎﻟﻤﺎ ﻫﻮﺍ ﻧﺼﻴﺒﻚ ﻭ ﺍﻧﺘﻲ ﻧﺼﻴﺒﻪ ﻩ ﺗﺄﺧﺬﻭ ﺑﻌﻀﻜﻢ
ﻃﻠﻌﺖ ﻣﻦ ﺍﻟﻤﺮﺑﻮﻋﻪ ﻭ ﺧﺸﻴﺖ ﺍﻟﺤﻤﺎﻡ ﻭ ﻗﻌﺪﺕ ﻧﺒﻜﻲ ﺗﻲ ﺷﻦ ﻩ ﺍﻟﺤﻆ ﺍﻟﻠﻲ ﻋﻨﺪﻱ :)) ﻣﺶ ﻗﺎﺩﺭﻩ ﻧﺴﺘﻮﻋﺐ ﺍﻧﻪ ﻣﻤﻜﻦ ﻳﺎﺳﻴﻦ ﻳﻨﻬﻲ ﻛﻞ ﺷﻲ ﺑﻴﻨﺎﺗﻨﺎ ﻭ ﺣﺒﻪ ﻟﻴﺎ ﻳﺮﻳﺢ ﻓﻲ ﻟﺤﻈﻪ ﻫﻜﻲ
ﻣﻌﺶ ﻋﺮﻓﺖ ﺷﻦ ﻧﺪﻳﺮ ، ﻧﺮﻥ ﻋﻠﻴﻪ ﻭ ﻻ ﻧﻔﻮﺗﻪ ، ﻧﺘﺎﺳﻒ ﻣﻨﻪ ﻭ ﻻ ﻧﺮﺍﺟﻴﻪ ﻫﻮﺍ ﺍﻟﻠﻲ ﻳﻌﺘﺬﺭ
ﻏﺴﻠﺖ ﻭﺟﻲ ﻭ ﻃﻠﻌﺖ ﺑﺮﺍ ﻭ ﻣﺸﻰ ﺍﻟﻮﻗﺖ ﻭ ﻫﻮﺍ ﻣﻌﺶ ﺭﻭﺡ
ﺣﻠﻴﻤﻪ :: ﺣﻮﺍﺀ ، ﻛﻨﻚ ﺳﺎﻛﺘﻪ ؟
ﺍﻧﺎ :: ﻻ ﺷﻲ
ﺻﺎﻟﺤﻪ " ﺃﺧﺖ ﻋﻤﺘﻲ ﺣﻠﻴﻤﻪ ﻭ ﺃﻡ ﻫﺎﺟﺮ " :: ﺑﺎﻟﻚ ﻣﺘﻌﺎﺭﻛﻪ ﻣﻊ ﺧﻄﻴﺒﻬﺎ
ﺣﻠﻴﻤﻪ :: ﻻ ﺑﺎﻟﻌﻜﺲ ﺟﻮﻫﻢ ﺣﻠﻮ ﻫﻴﺎ ﻭ ﻳﺎﺳﻴﻦ
ﻫﺎﺟﺮ :: ﻻ ﻳﺎ ﺧﺎﻟﺘﻮ ﺩﻳﻤﺎ ﻣﺘﻌﺎﺭﻛﻴﻦ
ﺍﻧﺎ :: " ﻣﺶ ﻋﺎﺭﻓﻪ ﻛﻴﻒ ﻣﺴﻜﺖ ﻟﺴﺎﻧﻲ ﻭ ﺳﻜﺘﺖ "
ﺣﻠﻴﻤﻪ :: ﺍﻟﺒﺎﺏ ﻳﺪﻕ ﺍﻛﻴﺪﻩ ﻧﻌﻴﻤﻪ ﻭ ﻋﻤﺘﻲ
ﺍﻧﺎ :: ﺗﻮ ﻧﺼﺒﻲ ﻧﻔﺘﺢ
ﻃﻠﻌﺖ ﻧﺒﻲ ﻧﻔﺘﺢ ﻭ ﻟﻘﻴﺖ ﺳﻌﺪ ﻃﺎﻟﻊ ﻗﺪﺍﻣﻲ ﻭ ﻛﺎﻧﻦ ﻋﻤﺘﻲ ﻭ ﺣﻨﻲ ﻭ ﺍﻟﺒﻨﺎﺕ
~
~
~
ﻧﻌﻴﻤﻪ :: ﺣﻮﺍﺀ ﻛﻨﻚ ﻗﺎﻟﺒﻪ ﻭﺟﻚ ؟
ﺍﻧﺎ :: ﺷﻲ ﻏﻴﺮ ﻛﺴﺎﺩ
ﻣﺮﻭﻩ :: ﻭﻳﻦ ﺍﺳﻮ ؟
ﺍﻧﺎ :: ﻣﺎ ﺟﺘﺶ ، ﻣﺸﺖ ﻣﻊ ﻣﺎﻣﺎ ﻝ ﺟﺎﺭﺗﻨﺎ
ﺻﻔﺎﺀ :: ﻭ ﻛﻨﻚ ﻣﺎ ﻣﺸﻴﺘﻲ ﻣﻌﺎﻫﻢ ؟
ﺍﻧﺎ :: ﻣﺎ ﻓﻴﻬﻤﺶ ﺟﻮ
ﻧﻌﻴﻤﻪ :: ﺩﺭﺗﻲ ﻗﻬﻮﻩ ؟؟
ﺍﻧﺎ :: ﻻﻻ ﺍﻷﻧﺴﻪ ﻫﺎﺟﺮ ﺩﺍﺭﺕ
ﻧﻌﻴﻤﻪ :: ﻛﻨﻚ ﺣﺎﻃﻪ ﺍﻟﺒﻨﺖ ﻓﻲ ﺭﺃﺳﻚ ؟
ﺍﻧﺎ :: ﻫﻴﺎ ﺗﺴﺘﻔﺰ ﻓﻴﺎ
ﻣﺮﻭﻩ :: ﻛﺬﺍﺑﻪ
ﺍﻧﺎ :: ﻛﺬﺍ ﻭ ﺍﻟﻨﺒﻲ ﺭﺁﻩ ﻣﺶ ﻃﺎﻳﻘﻪ ﺭﻭﺣﻲ
ﺻﻔﺎﺀ :: ﺑﺎﻳﻦ ﻋﻠﻴﻚ ﻓﻲ ﺣﺎﺟﻪ ، ﺍﺣﻜﻴﻠﻲ ﻛﻨﻚ ؟
ﺍﻧﺎ :: ﻏﻴﺮ ﻧﻔﻬﻢ ﻗﺒﻞ ﺷﻦ ﺻﺎﻳﺮ ﻭ ﺑﻌﺪﻫﺎ ﻧﺤﻜﻴﻠﻚ
ﻧﻌﻴﻤﻪ :: ﺣﻮﺍﺀ ،، ﺷﻮﻓﻲ ﺳﻌﺪ ﻳﻨﺎﺩﻱ ﻓﻴﻚ
ﺍﻧﺎ :: ﻫﻴﺎ ﻫﻲ
ﻃﻠﻌﺖ ﻋﻨﺪ ﺍﻟﻤﻤﺮ ﻭ ﻗﺎﻟﻲ ﻧﺒﻴﻚ ﻓﻲ ﺍﻟﺪﺍﺭ ﺍﻟﻠﻲ ﻣﻘﺎﺑﻠﻪ ﻭ ﺧﺸﻴﻨﺎ
ﺍﻧﺎ :: ﻧﻌﻢ ﺷﻦ ﻓﻲ ؟
ﺳﻌﺪ :: ﺍﻧﺖ ﺍﻟﻠﻲ ﺷﻦ ﻓﻲ ؟
ﺍﻧﺎ :: ﻣﺎ ﻓﻬﻤﺘﺶ ؟
ﺳﻌﺪ :: ﻳﺎﺳﻴﻦ ﺣﻜﺎﻟﻲ ﻛﻞ ﺷﻲ ﻭ ﻟﻤﺎ ﺳﺄﻟﺖ ﺍﻟﺤﻴﻮﺍﻥ ﺁﺩﻡ ﻣﺎﻧﻜﺮﺵ ؟ ﺗﻲ ﻛﻨﻚ ﺍﻧﺘﻲ ﺧﻼﺹ ﻣﻌﺶ ﺗﻔﻜﺮﻱ ﻣﺎ ﻋﻨﺪﻛﺶ ﻋﻘﻞ ، ﻣﻘﺮﻳﻪ ﻓﺎﺗﺤﺘﻚ ﺍﻧﺘﻲ ، ﻳﻌﻨﻲ ﻭﻟﻴﻪ ﻣﺘﺰﻭﺟﻪ ، ﻭ ﻣﺎﺯﻟﺘﻲ ﺍﺩﻳﺮﻱ ﻓﻲ ﻭﺟﻴﺞ ؟؟ ﻭ ﻣﻊ ﻣﻦ ؟ ﻣﻊ ﺧﻮ ﺭﺍﺟﻠﻚ ! ﻗﺴﻤﺎ ﺑﺎﻟﻠﻪ ﻛﺎﻥ ﻣﺶ ﻉ ﺧﺎﻃﺮ ﻳﺎﺳﻴﻦ ﺭﺍ ﺍﻟﺪﻭﻩ ﻫﺬﻩ ﺻﺎﺭﺕ ﻗﺪﺍﻡ ﻣﻔﺘﺎﺡ ﻭ ﺍﻧﺨﻠﻴﻪ ﻳﺘﻔﺎﻫﻢ ﻣﻌﺎﻙ
ﺍﻟﺪﻧﻴﺎ ﻇﻠﻤﺖ ﻋﻨﺪﻱ ﻭ ﻣﻌﺶ ﻋﺮﻓﺖ ﺷﻦ ﻧﺮﺩ !! ﺗﻲ ﻭﺟﻴﺞ ﺷﻨﻮ ﻭ ﺧﻮ ﺭﺍﺟﻠﻲ ﺷﻨﻮ ، ﻳﻌﻨﻲ ﻗﺼﺪﻩ ﺍﻧﺎ ﻧﺨﻮﻥ ﻓﻲ ﻳﺎﺳﻴﻦ ﻣﻊ ﺁﺩﻡ ؟ O_o ﺗﻲ ﺷﻦ ﻧﻘﻮﻝ ﺑﺲ ، ﻋﻴﻮﻧﻲ ﺩﻣﻌﻦ ﻭ ﻗﻌﺪﺕ ﻧﺄﺧﺬ ﻓﻲ ﺍﻟﻨﻔﺲ ﺑﺼﻌﻮﺑﻪ
ﺳﻌﺪ :: ﻛﻨﻚ ﺳﺎﻛﺘﻪ ﺍﺣﻜﻲ ؟
ﺍﻧﺎ :: ﺷﻦ ﺗﺒﻴﻨﻲ ﻧﻘﻮﻝ ؟
ﺳﻌﺪ :: ﺭﺩﻱ ﻉ ﺍﻟﻜﻼﻡ ﺍﻟﻠﻲ ﻗﻠﺘﻪ !
ﺃﻧﺎ :: ﺍﻧﺖ ﻣﺼﺪﻕ ﻳﺎﺳﻴﻦ ﻭ ﻛﻼﻣﻪ !
ﺳﻌﺪ :: ﻓﻮﺗﻲ ﻛﻼﻡ ﻳﺎﺳﻴﻦ ، ﺭﺍﻗﺪ ﺭﻳﺢ ﻭ ﻫﺒﻞ ﻫﺬﺍ ، ﺍﻟﻘﺼﻪ ﻓﻲ ﺁﺩﻡ ؟ ﺍﻣﺸﻲ ﺷﻮﻓﻴﻪ ﻛﻴﻒ ﻓﺮﺣﺎﻥ ؟ ﻓﻲ ﻭﺍﺣﺪ ﻫﻜﻲ ﻳﺪﻳﺮ ﻣﻊ ﺧﻮﻩ
ﺍﻧﺎ :: ﻋﻤﻲ ﻝ ﺷﻦ ﺗﺒﻲ ﺗﻮﺻﻞ ؟ ﻭ ﻳﺎﺳﻴﻦ ﺷﻦ ﻳﺒﻲ ﻣﻦ ﺍﻷﺧﻴﺮ ؟
ﺳﻌﺪ :: ﺍﺣﻜﻲ ﻛﻮﻳﺲ ﺧﻴﺮﻟﻚ
ﺍﻧﺎ :: ﺗﻲ ﻛﻮﻳﺲ ﺍﻳﺶ ﻭ ﺧﻴﺮﻟﻲ ﺷﻨﻮ ؟ ﺑﻌﺪ ﺩﺭﺗﻨﻲ ﻳﺨﻮﻥ ﻓﻲ ﺭﺍﺟﻠﻲ ﻣﻊ ﺧﻮﻩ ؟ ﺗﻲ ﻭ ﺣﻖ ﺭﺑﻲ ﻛﺎﻥ ﺑﺎﺑﺎ ﻳﺴﻤﻊ ﺍﻟﻜﻼﻡ ﻫﺬﺍ ﻣﻨﻚ ﻣﻌﺶ ﻳﺤﻜﻲ ﻣﻌﺎﻩ ؟ ﺭﺍﻧﻲ ﻣﺘﺮﺑﻴﻪ ﻳﺎ ﻋﻤﻲ ! ﻭ ﻣﺶ ﺍﻧﺎ ﺍﻟﻠﻲ ﻧﻠﻌﺐ ﻉ ﻋﻴﺎﻝ ﻋﻤﻲ ! ﻭ ﺃﻣﺸﻲ ﺟﻴﺒﻪ ﻳﺎﺳﻴﻦ ﻳﻮﺍﺟﻬﻨﻲ ﺑﻜﻼﻣﻪ ؟ ﺣﺎﺟﻪ ﻏﻠﻂ ﻣﺎ ﺩﺭﺗﻬﺶ ﺍﻣﺎ ﺟﻮ ﺍﻧﻪ ﻳﺘﺒﻠﻰ ﻋﻠﻴﺎ ، ﺗﻲ ﺍﻧﺎ ﺍﻟﻠﻲ ﺍﻧﻜﺒﺮ ﺍﻟﻘﺼﻪ ﻭ ﻭﺭﺍﻳﺎ ﺭﺟﺎﻟﻪ ﻳﺎﺧﺬﻭ ﺣﻘﻲ
ﺳﻌﺪ :: ﺍﻭﻝ ﺣﺎﺟﻪ ﻭﻃﻲ ﺻﻮﺗﻚ ! ﺛﺎﻧﻲ ﺷﻲ ﺷﻦ ﻳﻌﻨﻲ ﺗﻬﺪﺩﻱ ﻓﻴﻨﺎ ﺑﺨﻮﺗﻚ !
ﺃﻧﺎ :: ﺗﻲ ﺑﻨﺖ ﺧﻮﻙ ﺍﻧﺎ ! ﻛﻨﻚ ﺗﺤﻜﻲ ﻣﻌﺎﻳﺎ ﺗﻘﻮﻝ ﻋﺪﻭﺗﻚ ؟
ﺳﻌﺪ :: ﺣﻮﺍﺀ ! ﺍﻧﺘﻲ ﻣﺶ ﺻﻐﻴﺮﻩ ﻭ ﻋﺎﺭﻓﻪ ﺷﻦ ﻣﻌﻨﻲ ﺍﻟﻜﻼﻡ ﺍﻟﻠﻲ ﺻﺎﺭ ﻟﻮ ﻛﺎﻥ ﺻﺎﺡ ! ﺍﻧﺴﻲ ﻛﻞ ﺷﻲ ﻭ ﺍﻧﺴﻲ ﻃﻠﻮﻋﻚ ، ﻫﺬﺍ ﻛﺎﻥ ﻗﻌﺪﺗﻲ ﻋﺎﻳﺸﻪ ﺍﺻﻼ ﻭ ﻣﻦ ﻗﺒﻞ ﺍﻟﻌﺮﺱ ﺗﻄﻠﻘﻲ ؟ ﺣﻄﻲ ﻋﻘﻠﻚ ﻓﻲ ﺭﺃﺳﻚ
ﺍﻧﺎ :: ﻉ ﺃﺳﺎﺱ ﻋﻘﻠﻲ ﻗﺎﻋﺪ ﻓﻲ ﻇﻬﺮﻱ ؟
ﺳﻌﺪ :: ﻭ ﺗﺸﻔﻄﻲ ﺍﺧﺮﻩ !
ﺃﻧﺎ :: ﺗﻲ ﺷﻦ ﻧﻘﻮﻟﻚ ﺑﺲ ، ﺍﻟﻠﻪ ﻳﺴﺎﻣﺤﻚ ﻭ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻲ ﻛﻞ ﺣﺪ ﻗﺎﻝ ﻋﻠﻴﺎ ﺣﺎﺟﻪ ﻏﻠﻂ ، ﻧﻘﻮﻟﻚ ﺣﺎﺟﻪ ﻋﺪﻱ ﻛﻠﻤﻪ ﻳﺎﺳﻴﻦ
ﺳﻌﺪ :: ﻗﺎﻋﺪ ﺑﺮﺍ
ﺍﻧﺎ :: ﻣﺶ ﺍﻧﺎ ﻏﻠﻂ ﻭ ﺑﻨﺖ ﻣﺶ ﺗﻤﺎﻡ ، ﺧﻠﻴﻪ ﺍﻳﺠﻲ ﻳﻘﻮﻝ ﺍﻟﻜﻼﻡ ﻫﺬﺍ ﻓﻲ ﻭﺟﻲ ﻭ ﺍﻧﻔﻀﻮ ﻩ ﺍﻟﻘﺼﻪ !
ﺳﻌﺪ :: ﻣﺘﺄﻛﺪﻩ ﻣﻦ ﻛﻼﻣﻚ ! " ﻭ ﺧﺶ ﻳﺎﺳﻴﻦ "
ﺃﻧﺎ :: ﺍﻭﻭﻭﻭﺑﺎ ﺁﻫﻮ ﺟﺎ
ﺳﻌﺪ :: ﺧﺶ ﺧﺶ
ﻳﺎﺳﻴﻦ :: ﻣﺶ ﻗﺘﻠﻚ ﻓﻮﺕ ﺍﻟﻘﺼﻪ ﻭ ﻣﺎ ﺗﺤﻜﻴﺶ ﻣﻌﺎﻫﺎ
ﺍﻧﺎ :: ﻭ ﻟﻴﺶ ﻳﻔﻮﺕ ﺧﻠﻴﻨﺎ ﺍﻧﺴﻜﺮﻭﻫﺎ ﺑﻜﻞ ﻭ ﻳﻜﻮﻥ ﺍﺣﺴﻦ ﻟﻮ ﻳﺠﻲ ﺑﺎﺑﺎ ﻭ ﻋﻤﻲ ﺑﺎﻟﻤﺮﻩ
ﺳﻌﺪ :: ﻣﻦ ﺟﺪﻙ ﺍﻧﺘﻲ ؟
ﻳﺎﺳﻴﻦ :: ﻛﻨﻚ ! ﺷﻦ ﺟﺪ ﻋﻠﻴﻚ ؟
ﺍﻧﺎ :: ﺑﻌﺪ ﺍﻟﻜﻼﻡ ﺍﻟﻠﻲ ﻗﻠﺘﻪ ﻝ ﻋﻤﻲ ﻣﻌﺶ ﻓﻴﻬﺎ ،، ﻭ ﻧﺰﻳﺪﻙ ﻣﻦ ﺍﻟﺸﻌﺮ ﺑﻴﺖ ! ﺭﺩ ﺑﺎﻟﻚ ﺗﻔﻜﺮ ﺣﺘﻲ ﺍﻟﺘﻔﻜﻴﺮ ﺍﻧﻪ ﺁﺩﻡ ﺍﻟﺴﺒﺐ ! ﻭ ﻻ ﻣﻤﻜﻦ ﻧﻔﻜﺮ ﻓﻴﻪ ﺣﺘﻲ ﺍﻟﺘﻔﻜﻴﺮ ﺗﻤﺎﻡ !
ﻳﺎﺳﻴﻦ :: ﻛﻤﻠﺘﻲ ﺍﻟﻔﺘﺮﺷﻪ ﻣﺘﺎﻋﻚ !
ﺍﻧﺎ :: ﻭ ﻫﺬﻩ ﺍﻟﻠﻲ ﺗﺮﺑﻄﻨﺎ ﺻﺎﺡ !! " ﻭ ﺳﻠﺤﺖ ﺍﻟﺪﺑﻠﻪ " ﻭ ﻛﺄﻧﻪ ﺣﺪ ﺧﺬﺍ ﻗﻠﺒﻲ ﻣﻨﻲ "
ﺳﻌﺪ :: ﺷﻦ ﻗﺎﻋﺪﻩ ﺍﺩﻳﺮﻱ ﻳﺎ ﺣﻤﺎﺭﻩ
ﺍﻧﺎ :: ﻋﻤﻲ ﺗﺤﻤﻠﺖ ﻛﻼﻣﻚ ﻭ ﻏﻠﻄﻚ ﻓﻴﺎ ﻋﻨﺪ ﺧﻼﺹ ﺭﺁﻩ " ﻭ ﻓﺘﺤﺖ ﻳﺪ ﻳﺎﺳﻴﻦ ﻭ ﺣﻄﻴﺘﻠﻪ ﺍﻟﺪﺑﻠﻪ ﻭ ﻋﻴﻮﻧﻲ ﺩﻣﻮﻉ ﺩﻣﻮﻭﻭﻭﻭﻭﻭﻉ ﻗﻬﺮﺭﺭﺭﺭﺭ "
ﻓﺘﺤﺖ ﺑﺎﺏ ﺍﻟﺪﺍﺭ ﻋﺸﺎﻥ ﻧﻄﻠﻊ ﻭ ﻟﻘﻴﺖ ﺁﺩﻡ ﻉ ﺍﻟﻜﺮﺳﻲ ﻣﺘﺎﻋﻪ ﻗﺪﺍﻡ ﺍﻟﺒﺎﺏ
ﺁﺩﻡ :: ﻛﻨﻚ ﺗﺒﻜﻲ ؟ ﺣﻮﺍﺀ ﺭﺍﺟﻲ
ﺍﻧﺎ :: ﺗﺮﺍ ﺣﻮﺩ ﻣﻦ ﻗﺪﺍﻣﻲ ﺍﻧﺖ ﺍﻵﺧﺮ
ﻳﺎﺳﻴﻦ :: ﺳﻌﺪ ، ﺷﻦ ﺍﻟﻠﻲ ﺻﺎﺭ ﺗﻮﺍ ! ﻣﺶ ﻣﺴﺘﻮﻋﺐ ؟ ﺷﻦ ﻗﻠﺘﻠﻬﺎ ﺍﻧﺖ ؟ ﺗﻲ ﻣﺮﺍﺗﻲ ﻫﺬﻩ ﻣﺎ ﻧﺘﺤﻤﻠﺶ ﻧﻘﻌﺪ ﺑﺪﻭﻧﻬﺎ
ﺳﻌﺪ :: ﻣﺤﻤﺪ ﻭﻳﻦ ﺑﺲ ؟ ﺭﺍ ﻳﻌﻠﻢ ﺏ ﺷﻲ ﺣﺎﺟﻪ
ﺁﺩﻡ :: ﺷﻦ ﺻﺎﻳﺮ ﻛﻨﻬﺎ ﺍﻟﺒﻨﺖ ﺗﺒﻜﻲ ؟
ﺳﻌﺪ :: ﻛﻠﻪ ﻣﻦ ﺗﺤﺖ ﺭﺃﺳﻚ ﺍﻧﺖ
ﻳﺎﺳﻴﻦ :: ﺣﺪ ﻳﻔﻬﻤﻨﻲ ﺍﻟﻠﻲ ﻓﻲ ﻳﺪﻱ ﺷﻨﻮ ؟ ﻳﻌﻨﻲ ﺧﻼﺹ ﻛﻞ ﺣﺎﺟﻪ ﺣﻠﻤﺖ ﺑﻴﻬﺎ ﻣﻌﺎﻫﺎ ﺍﻧﺘﻬﺖ ﻓﻲ ﻟﺤﻈﻪ ؟
ﺁﺩﻡ :: ﺍﻟﻠﻲ ﻓﻲ ﻳﺪﻙ ﺩﺑﻠﻪ ﻛﺎﻥ ﻣﺶ ﻋﺎﺭﻓﻬﺎ
ﻳﺎﺳﻴﻦ :: ﻛﺬﺍ ﺣﻮﻝ ﻣﻦ ﻃﺮﻳﻘﻲ ﺑﺎﻫﻲ
#
#
#
ﻟﻤﺎ ﺧﺸﻴﺖ ﺟﻮﺍ ﺣﺴﻴﺖ ﺑﻜﻞ ﺷﻲ ﻭﻗﻒ ، ﺣﻴﺎﺗﻲ ﻭﻗﻔﺖ ، ﻋﻤﺮﻱ ﻭﻗﻒ ، ﻗﻠﺒﻲ ﻭﻗﻒ ، ﻛﻞ ﺣﺎﺟﻪ ﺍﻧﻜﺴﺮﺕ
ﻳﺎﺳﻴﻦ ﺣﺐ ﺣﻴﺎﺗﻲ ، ﻋﻤﺮﻱ ﻣﺎ ﺗﻤﻨﻴﺖ ﺣﺎﺟﻪ ﺃﻛﺜﺮ ﻣﻨﻪ ، ﻳﺎﺳﻴﻦ ﺍﻟﻠﻲ ﺍﻭﻝ ﻣﺎ ﻧﻀﺖ ﻉ ﺍﻟﺪﻧﻴﺎ ﻛﺎﻥ ﻓﺎﺭﺱ ﺃﺣﻼﻣﻲ ، ﻛﻨﺖ ﻣﻴﺘﻪ ﻓﻴﻪ ﻭ ﻫﻮﺍ ﻣﺶ ﻋﺎﺭﻑ ، ﻛﻨﺖ ﻧﺘﻌﻤﺪ ﻧﺨﻠﻴﻪ ﻳﺸﻮﻓﻨﻲ ﺏ ﺃﺣﻠﻰ ﺷﻜﻞ ﻋﺸﺎﻥ ﻳﻄﻴﺢ ﻓﻴﺎ ، ﻛﻨﺖ ﻧﺨﻠﻲ ﻓﻴﻪ ﻳﻀﺤﻚ ﻋﺸﺎﻥ ﻳﺘﻌﻠﻖ ﺑﻴﺎ ﺑﺲ ﻛﻨﺖ ﺍﻧﺎ ﺍﻟﻠﻲ ﻧﺘﻌﻠﻖ ﺑﻴﻪ ،، ﻭ ﺑﻌﺪ ﺗﺤﻘﻖ ﺣﻠﻤﻲ ﻭ ﻗﻌﺪ ﻟﻴﺎ ﻭ ﻗﻌﺪﺕ ﻟﻴﻪ ، ﺍﻧﺘﻬﻰ ﻛﻞ ﺷﻲ !
ﺣﺒﻲ ﻟﻪ ﻓﻲ ﻛﻒ ! ﻭ ﻛﺮﺍﻣﺘﻲ ﻭ ﺳﻤﻌﺘﻲ ﻓﻲ ﻛﻒ ﺁﺧﺮ ! ﻣﺶ ﺍﻧﺎ ﺍﻟﻠﻲ ﻳﻘﻮﻟﻮ ﻋﻠﻴﺎ ﻣﺘﺎﻉ ﻭﺟﻴﺞ ﻭ ﻧﺨﺮﺏ ﺑﻴﻦ ﺍﻟﺨﻮﺕ ! ﻣﺶ ﺍﻧﺎ ﺍﻟﻠﻲ ﻳﺎﺳﻴﻦ ﻳﻘﻮﻟﻲ ﺍﻻﺧﻴﻦ ﻳﺤﺒﻮﻙ ! ﺍﻟﺠﻤﻠﻪ ﺑﺮﻭﺣﻬﺎ ﺗﺨﻠﻲ ﻗﻠﺒﻲ ﻃﺮﻓﻴﻦ !
ﻓﺎﺗﺤﻪ ﻓﻤﻲ ﻭ ﻣﺶ ﻣﺴﺘﻮﻋﺒﻪ ﺷﻦ ﺍﻟﻠﻲ ﺻﺎﺭ ! ﻭ ﻛﻴﻒ ﻗﺪﺭﺕ ﻧﺪﻳﺮ ﺣﺎﺟﻪ ﻛﻴﻒ ﻫﻜﻲ ! ﻭ ﻫﻠﻲ ! ﻭ ﻫﻠﻪ ؟؟ ﻭ ﺧﻮﺗﻲ ﺷﻦ ﻩ ﻳﻘﻮﻟﻮ ؟
ﻛﺎﻥ ﻳﺤﺴﺎﺑﻨﻲ ﻣﺶ ﻩ ﻧﻘﺪﺭ ﻧﺪﻳﺮ ﺣﺎﺟﻪ ﻛﻴﻒ ﻫﻜﻲ ﻭ ﻫﻮﺍ ﻗﺒﻞ ﻛﺎﻥ ﻳﻬﺪﺩ ﺑﻴﻬﺎ !
ﻟﺒﺴﺖ ﻋﺒﺎﻳﺘﻲ ﻭ ﻟﻔﻴﺖ ﻭﺷﺎﺣﻲ ﻭ ﻃﻠﻌﺖ ﻧﺸﻮﻑ ﻓﻲ ﺑﺎﺑﺎ ﻋﺸﺎﻥ ﻧﺮﻭﺡ
ﻣﺴﻜﺖ ﺍﻟﺨﻤﺎﺭ ﻭ ﺣﻄﻴﺘﻪ ﻓﻲ ﺍﻟﺸﻨﻄﻪ ﻭ ﻗﻌﺪﺕ ﻧﻜﻠﻢ ﻓﻲ ﺑﺎﺑﺎ ﻣﻦ ﻋﻨﺪ ﺍﻟﺒﺎﺏ ﻭ ﺁﺩﻡ ﻳﺒﺤﺖ ﻓﻴﺎ
ﻣﺼﻄﻔﻰ :: ﻣﺎﺯﺍﻝ ﺑﺪﺭﻱ ، ﺍﻗﻌﺪﻭ !
ﺃﻧﺎ :: ﻣﻦ ﺍﻟﺼﺒﺢ ﻭﺍﻋﻴﻪ ﺧﻼﺹ ﻣﻌﺶ ﻧﺸﻮﻑ ﻓﻲ ﺷﻲ
ﺑﺎﺑﺎ :: ﻫﻴﺎ ﻫﻲ
ﺣﻠﻴﻤﻪ :: ﺣﻮﺍﺀ ، ﻛﻨﻚ ﻳﺎ ﺑﺘﻲ ﺍﻗﻌﺪﻱ ﻏﻴﺮﻱ ﺟﻮ ﻣﻊ ﺍﻟﺒﻨﺎﺕ
ﺍﻧﺎ :: ﻣﺮﻩ ﺁﺧﺮﻩ " ﻭ ﻓﻲ ﻋﻘﻠﻲ ﻧﻘﻮﻝ ﻛﺎﻥ ﻋﺎﺩ ﺷﻔﺘﻮ ﻭﺟﻲ ﻣﺮﻩ ﺁﺧﺮﻩ "
ﺣﻠﻴﻤﻪ :: ﺑﺎﻫﻲ ﺳﻠﻤﻲ ﻉ ﺍﻣﻚ ﻭ ﺍﻟﺒﻨﺎﺕ
ﺍﻧﺎ :: ﻳﻮﺻﻞ ﻳﻮﺻﻞ ، ﺑﺎﺑﺎ ﻫﻴﺎ
ﺑﺎﺑﺎ :: ﻫﻴﺎ ، ﻣﻊ ﺍﻟﺴﻼﻣﻪ ﻋﺎﺩ
#
#
#
ﻃﻠﻌﻨﺎ ﺑﺮﺍ ﻭ ﻳﺎﺳﻴﻦ ﻛﺎﻥ ﻳﺪﺧﻦ ﻣﻊ ﺳﻌﺪ ﻗﺪﺍﻡ ﺍﻟﺒﺎﺏ
ﺳﻌﺪ :: ﻣﺤﻤﺪ ﺍﻣﺮﻭﺣﻴﻦ ؟
ﺑﺎﺑﺎ :: ﺃﻫﺎ ﺍﻟﻮﻗﺖ ﺗﺄﺧﺮ ﺧﻼﺹ
ﺳﻌﺪ :: ﻭ ﻛﻨﻬﺎ ﺑﻨﺘﻚ ﺍﻣﺤﻮﻟﻪ ﺍﻟﺨﻤﺎﺭ " ﻭ ﻳﺎﺳﻴﻦ ﺭﻓﻊ ﺭﺃﺳﻪ ﻳﺒﺤﺖ ﻓﻴﺎ "
ﺍﻧﺎ :: ﻟﻴﻞ ﻭ ﻇﻼﻡ ﻣﺎ ﺣﺪ ﻳﺸﻮﻑ ﻓﻴﺎ
ﺑﺎﺑﺎ :: ﺻﺎﺡ ﻇﻼﻡ ﻣﻦ ﻳﺒﻲ ﻳﺸﻮﻓﻬﺎ ﺗﻮﺍ
ﺃﻧﺎ :: ﺑﺎﺑﺎ ﺍﻓﺘﺢ ﺍﻟﺒﺎﺏ
ﺭﻛﺒﻨﺎ ﺍﻟﺴﻴﺎﺭﻩ ﻭ ﻗﻌﺪ ﺑﺎﺑﺎ ﻳﺴﺨﻦ ﻓﻴﻬﺎ ﻭ ﺍﻧﺎ ﺍﻧﻐﻄﻲ ﻓﻲ ﻳﺪﻱ ﻋﺸﺎﻥ ﻣﺎ ﻳﻔﻄﻨﺶ ﺍﻧﻪ ﺍﻟﺪﺑﻠﻪ ﻣﺶ ﻗﺎﻋﺪﻩ
ﻭﺻﻠﻨﺎ ﻟﻠﺤﻮﺵ ﻭ ﻟﻘﻴﺖ ﻣﺎﻣﺎ ﻭ ﺇﺳﺮﺍﺀ ﻓﻲ ﺍﻟﺤﻮﺵ
ﻣﺎﻣﺎ :: ﻣﺎﺯﺍﻝ ﺑﺪﺭﻱ ﻳﺎ ﺣﻨﻪ
ﺍﻧﺎ :: ﻣﺎﻣﺎ ﻭ ﺍﻟﻨﺒﻲ ﺭﺍﺳﻲ ﺻﺪﺍﻉ ، ﺧﻠﻲ ﺍﻟﻬﺰﻳﺒﻪ ﺑﻜﺮﺍ
ﻣﺎﻣﺎ :: ﻛﻨﻚ ﺑﺴﻢ ﺍﻟﻠﻪ ، ﻣﺮﻳﻀﻪ ﻭ ﻻ ﺍﻳﺶ ؟
ﺍﻧﺎ :: ﺃﻫﺎ ﻛﺒﺪﻱ ﺗﻮﺟﻊ ﻓﻴﺎ ﻭ ﻧﺒﻲ ﻧﺨﺶ ﻧﺮﻗﺪ
ﺭﺷﺎ :: ﻧﻌﻄﻴﻚ ﺩﻭﺍﺀ ؟
ﺍﻧﺎ :: ﻻﻻ ﻧﺒﻲ ﻧﺮﻗﺪ ﺑﺲ " ﻭ ﻣﺎﺳﻜﻪ ﺩﻣﻮﻋﻲ ﺑﺎﻟﻐﺼﺐ " ﻭ ﺧﺸﻴﺖ ﻟﺪﺍﺭ "
ﻣﺎﻣﺎ :: ﺇﺳﺮﺍﺀ ﺻﺒﻲ ﺷﻮﻓﻲ ﺍﺧﺘﻚ
ﺇﺳﺮﺍﺀ :: ﺣﺎﺿﺮ
ﺭﺷﺎ :: ﺣﺘﻲ ﺍﻧﺎ ﺗﻮ ﻧﺠﻲ ﻣﻌﺎﻙ
ﻟﻤﺎ ﺧﺸﻴﺖ ﺍﻟﺪﺍﺭ ﺳﻜﺮﺕ ﺍﻟﺒﺎﺏ ﻭ ﻗﻌﺪﺕ ﻧﺒﻜﻲ ﺗﻘﻮﻝ ﺷﻲ ﺣﺪ ﻣﻴﺖ ﻋﻨﺪﻱ
ﺇﺳﺮﺍﺀ :: ﻛﻨﻨﻨﻨﻨﻨﻨﻨﻨﻨﻚ
ﺭﺷﺎ :: ﺳﻜﺮﻱ ﺍﻟﺒﺎﺏ ﺭﺁﻩ ﺍﻣﻚ ﺗﺴﻤﻌﻨﺎ ﺑﺴﺮﻋﻪ
ﺇﺳﺮﺍﺀ :: ﺑﺎﻫﻲ ﺑﺎﻩ
ﺭﺷﺎ :: ﺣﻮﺍﺀ ﻭﺳﻌﻲ ﺑﺎﻟﻚ ﺑﺲ ، ﻣﺎ ﻓﺶ ﺣﺎﺟﻪ ﺗﺴﺘﺎﻫﻞ ﺍﻧﻚ ﺗﺒﻜﻲ ، ﺍﺳﻤﻌﻲ ﻣﻨﻲ ﺑﺲ
ﺇﺳﺮﺍﺀ :: ﺣﻲ ﻉ ﺍﻣﻚ ﺍﻟﻠﻲ ﺟﺎﺑﺎﺗﻚ ﻭ ﺣﻲ
ﺭﺷﺎ :: ﺗﻲ ﻛﻨﻚ ﺍﻧﺘﻲ ﺍﻻﺧﺮﻩ
ﺇﺳﺮﺍﺀ :: ﻭﻳﻦ ﺍﻟﺪﺑﻠﻪ ؟ ﺣﻲ ﻋﻠﻴﻚ ﺷﻦ ﺩﺍﻳﺮﻩ ﻣﻊ ﻳﺎﺳﻴﻦ ؟
ﺍﻧﺎ :: ﺍﻧﺎ ﺍﻟﻠﻲ ﺷﻦ ﺩﺍﻳﺮﻩ ؟ ﺗﺮﺍ ﻛﺬﺍ ﺧﻄﻴﻨﻲ
ﺭﺷﺎ :: ﺑﺎﻟﻚ ﺭﺍﻳﺤﺔ ﻣﻨﻬﺎ ﺑﺲ ﺣﻮﺍﺀ ﺭﺍﺣﺖ ﻣﻨﻚ ﺻﺎﺡ ؟ ﻋﺎﺩﻱ ﺗﻮ ﻧﻘﻠﺒﻮ ﺍﻟﺤﻮﺵ ﻋﻠﻴﻬﺎ ﻣﺶ ﻣﺴﺘﺤﻘﻪ ﺗﺒﻜﻲ ﻫﻜﻲ
ﺇﺳﺮﺍﺀ :: ﺭﺩﻱ ﺻﺎﺡ ﺃﻧﻬﺎ ﺭﺍﺣﺖ ؟
ﺍﻧﺎ :: ﺗﻌﺮﻓﻦ ﺗﻄﻠﻌﻦ ﻭ ﻻ ﻧﻄﻠﻊ ﺍﻧﺎ !
ﺇﺳﺮﺍﺀ :: ﺁﻫﻮ ﻳﺮﻥ ، ﺭﺭﺭﺭﺭﺩﻱ
ﺍﻧﺎ :: ﻳﺎﺳﻴﻦ ؟
ﺭﺷﺎ :: ﺃﻫﺎ ، ﺭﺩﻱ ﻋﺸﺎﻥ ﻣﺎ ﻳﻨﺸﻐﻠﺶ
ﺍﻧﺎ :: ﻫﺎﺗﻲ ﺍﻟﺨﺮﺍ ﻫﻨﺎ " ﻭ ﻋﻄﻴﺘﻪ ﻣﺸﻐﻮﻝ ﻭ ﻗﻔﻠﺘﻪ "
ﺇﺳﺮﺍﺀ :: ﻻ ﻓﻲ ﺣﺎﺟﻪ ﺭﺳﻤﻲ ، ﺗﻌﺎﺭﻛﺘﻮ ؟
ﺍﻧﺎ :: ﺇﺳﺮﺍﺀ ﻭﺃﺻﻠﻪ ﻣﻌﺎﻳﺎ ﻋﻨﺪ ﻫﻨﺎ ، ﺍﻟﻠﻪ ﻳﺮﺑﺤﻚ ﺍﻃﻠﻌﻲ ﻣﻦ ﺭﺃﺳﻲ
ﺭﺷﺎ :: ﺇﺳﺮﺍﺀ ﺧﻠﻴﻨﻲ ﻣﻌﺎﻫﺎ ﺷﻮﻳﻪ
ﺇﺳﺮﺍﺀ :: ﺑﺎﻩ ﺗﻤﺎﻡ
ﻃﻠﻌﺖ ﺇﺳﺮﺍﺀ ﻭ ﻗﺮﺑﺖ ﺭﺷﺎ ﻣﻨﻲ ﻭ ﺍﺿﺒﻄﺘﻬﺎ ﻭ ﻗﻌﺪﺕ ﻧﺒﻜﻲ😭
ﺭﺷﺎ :: ﺧﻼﺹ ﺧﺨﺨﺨﺨﺨﻼﺹ ﺳﻠﻢ ﺧﻴﺘﻲ
ﺍﻧﺎ :: ﻣﻘﻬﻮﺭﻩ ﻳﺎ ﺭﺷﺎ ، ﻗﻬﺮﻭﻧﻲ ﻛﻠﻬﻢ😭
ﺭﺷﺎ :: ﺧﻮﺫﻱ ﻧﻔﺲ ﺑﺲ ﻭ ﺍﺣﻜﻴﻠﻲ ﻭ ﻛﻞ ﺷﻲ ﺗﻮ ﻳﻘﻌﺪ ﺗﻤﺎﻡ
ﺍﻧﺎ :: ﻣﻌﺶ ﻓﻲ ﺷﻲ ﺍﺻﻼ ﻋﺸﺎﻥ ﻳﻘﻌﺪ ﺗﻤﺎﻡ ﻭ ﻻ ﻣﺶ ﺗﻤﺎﻡ😭
ﺭﺷﺎ :: ﺗﻌﺎﺭﻛﺘﻮ ؟
ﺍﻧﺎ :: ﻭ ﻣﺶ ﺃﻱ ﻋﺮﻛﻪ ،، ﺧﺶ ﻓﻴﻬﺎ ﺁﺩﻡ ﻭ ﺳﻌﺪ ﻭ ﺍﻟﻘﺼﻪ ﻃﻠﻌﺖ ﻋﻦ ﺣﺪﻫﺎ
ﻗﻌﺪﺕ ﻧﺤﻜﻲ ﻝ ﺭﺷﺎ ﺷﻦ ﺍﻟﻠﻲ ﺻﺎﺭ ﻭ ﻗﻌﺪﺕ ﺗﺒﻜﻲ ﻣﻌﺎﻳﺎ
ﺭﺷﺎ :: ﺑﺎﻫﻲ ﺷﻦ ﺍﻟﻠﻲ ﺧﻼﻩ ﻳﻘﻮﻝ ﺍﻧﻪ ﻓﻲ ﺣﺎﺟﻪ ﺑﻴﻨﻚ ﻭ ﺑﻴﻦ ﺁﺩﻡ ؟
ﺍﻧﺎ :: ﻷﻧﻪ ﺁﺩﻡ ﻣﻦ ﻗﺒﻞ ﻛﺎﻥ ﻳﺒﻴﻨﻲ ، ﺑﺲ ﻋﻤﺮﻩ ﻣﺎ ﻓﻜﺮ ﻓﻴﺎ ﺑﺠﺪﻳﺎﺕ ، ﻣﺠﺮﺩ ﻛﺎﻥ ﻳﺒﻲ ﻳﺨﻠﻴﻨﻲ ﻧﺤﺒﻪ ﻭ ﺑﻌﺪﻫﺎ ﻳﻔﻮﺗﻨﻲ ﻛﻴﻔﻲ ﻛﻴﻒ ﺃﻱ ﻭﺣﺪﻩ ﻋﺮﻓﻬﺎ
ﺭﺷﺎ :: ﺃﻣﺘﻲ ﺍﻟﺪﻭﻩ ﻫﺬﻩ ؟
ﺍﻧﺎ :: ﺗﻲ ﻣﻦ ﻭ ﺍﻧﺎ ﻓﻲ 2 ﺛﺎﻧﻮﻱ ﻗﺒﻞ ﺣﺘﻲ ﻣﺎ ﻳﺎﺳﻴﻦ ﻳﺤﻜﻲ ﻣﻌﺎﻳﺎ
ﺭﺷﺎ :: ﺑﺎﻫﻲ ﺍﺣﻜﻲ ﻝ ﻳﺎﺳﻴﻦ ﺃﻧﻬﺎ ﻗﺼﻪ ﻗﺪﻳﻤﻪ ﻭ ﻓﻬﻤﻴﻪ
ﺍﻧﺎ :: ﺍﻟﻤﺸﻜﻠﻪ ﺍﻧﻪ ﻋﺎﺭﻑ ﻭ ﻓﺎﻫﻢ ﺑﺲ ﻣﺴﻜﺮ ﺭﺃﺳﻪ ﺍﻧﻪ ﻓﻲ ﺣﺎﺟﻪ ﻭ ﺁﺩﻡ ﻳﺴﺎﻋﺪ ﻉ ﺍﻟﺒﺨﺖ
ﺭﺷﺎ :: ﺑﺎﻫﻲ ﺷﻦ ﺭﺃﻳﻚ ﻣﻨﻴﺮ ﻳﻌﺮﻑ ﻋﺸﺎﻥ ﻟﻮ ﺻﺎﺭ ﻣﺎ ﺻﺎﺭ ﻳﻘﻌﺪ ﻓﻲ ﺍﻟﺼﻮﺭﻩ
ﺍﻧﺎ :: ﻻﻻ ﺭﺩﻱ ﺑﺎﻟﻚ ، ﺧﻠﻴﻨﻲ ﻛﻢ ﻳﻮﻡ ﻫﻜﻲ ﻭ ﺑﻌﺪﻫﺎ ﻳﺴﺘﺮ ﺍﻟﻠﻪ
ﺭﺷﺎ :: ﺑﺎﻫﻲ ﺗﻌﺎﻟﻲ ﻣﻌﺎﻳﺎ ﻓﻮﻕ ، ﻣﻨﻴﺮ ﻣﺎﺳﻚ ﻭ ﻳﻔﺼﻞ ﺑﻜﺮﺍ ﻓﻲ ﺍﻟﺼﺒﺢ
ﺍﻧﺎ :: ﺑﺎﻫﻲ ﻧﻐﻴﺮ ﺃﺩﺑﺸﻲ ﻭ ﻧﻐﺴﻞ ﻭﺟﻲ ﻭ ﺑﻌﺪﻫﺎ ﺍﻧﺠﻲ
ﺭﺷﺎ :: ﺗﻢ ﺑﺎﻩ ، ﺍﻧﺎ ﻃﺎﻟﻌﻪ ﻓﻲ ﺍﻟﺼﺎﻟﻪ ﻣﻊ ﻋﻤﺘﻲ
ﻃﻠﻌﺖ ﺭﺷﺎ ﻭ ﻏﻴﺮﺕ ﺃﺩﺑﺸﻲ ﻭ ﺟﺖ ﻗﺪﺍﻣﻲ ﺗﻮﺗﻪ ﺟﺎﻳﺒﻬﺎ ﻟﻴﺎ ﻳﺎﺳﻴﻦ ﻣﻦ ﻗﺒﻞ ﻭ ﻟﺒﺴﺘﻬﺎ
ﻃﻠﻌﺖ ﻭ ﺍﻧﺎ ﺍﻣﻄﺒﺴﻪ ﺭﺍﺳﻲ ﻋﺸﺎﻥ ﻣﺎﻣﺎ ﻣﺎ ﺗﺮﻛﺰﺵ ﺍﻧﻲ ﻛﻨﺖ ﻧﺒﻜﻲ ﻭ ﺧﺸﻴﺖ ﻟﻠﺤﻤﺎﻡ
~
~
~
ﺍﻧﺘﺼﺎﺭ :: ﻛﻨﻬﺎ ﺣﻮﺍﺀ ﻣﺎ ﻗﺎﻟﺖ ﺣﺘﻲ ﺧﻴﺮ😕
ﻣﺎﻣﺎ :: ﻣﺮﻳﻀﻪ😕
ﺍﻧﺘﺼﺎﺭ :: ﻛﻨﻬﺎ ﺷﻦ ﻓﻴﻬﺎ ؟
ﻣﺎﻣﺎ :: ﻛﺎﻥ ﺗﺴﺄﻟﻲ ﻋﻠﻴﻬﺎ ﺭﺍﻩ ﻋﺎﺭﻓﻪ
ﺭﺷﺎ :: ﻋﻤﺘﻲ ﻗﺘﻠﻚ ، ﺭﺁﻩ ﺣﻮﺍﺀ ﺗﺒﻲ ﺗﺒﺎﺗﻲ ﻋﻨﺪﻱ ﻋﺸﺎﻥ ﻣﻨﻴﺮ ﺑﺎﻳﺖ ﺑﺮﺍ
ﻣﺎﻣﺎ :: ﺑﺎﻫﻲ ﺗﻤﺎﻡ ، ﻭ ﻻ ﺍﻧﺰﻟﻲ ﺍﻧﺘﻲ ﺑﺎﺗﻲ ﻫﻨﺎ ﺍﻧﺘﻲ ﻭ ﺣﻤﺎﺩﻱ
ﺭﺷﺎ :: ﻻﻻ ﺍﺻﻼ ﻧﺒﻮ ﻧﺴﻬﺮﻭ ﻛﻴﻒ ﺃﻣﺲ ﻋﻨﺪ ﺍﻟﻔﺠﺮ ﻭ ﻫﻜﻲ ﻭ ﻫﻨﺎ ﻣﺮﺍﺕ ﻋﻤﻲ ﺗﻌﺒﺎﻥ ﻭ ﻳﺒﻲ ﻳﺘﺮﻳﺢ
ﻣﺎﻣﺎ :: ﻉ ﺭﺍﺣﺘﻜﻦ ﻋﺎﺩﻱ
ﺍﻧﺘﺼﺎﺭ :: ﻭ ﻛﻨﻚ ﻣﺎ ﺭﻧﻴﺘﻲ ﻋﻠﻴﺎ ﺭﺍ ﻧﺰﻟﺖ ﻫﺪﺭﺯﺕ ﻣﻌﺎﻛﻦ
ﺇﺳﺮﺍﺀ :: ﻫﻬﻬﻬﻬﻪ ﻋﺸﺎﻥ ﺍﺗﻘﺼﻘﺼﻲ ﻗﺼﺪﻙ
ﺍﻧﺘﺼﺎﺭ :: ﻫﻬﻬﻬﻬﻪ ﻻ ﻏﻴﺮ ﻧﻐﻴﺮ ﺟﻮ ﺑﺲ
ﺣﻤﺎﺩﻱ :: ﻣﺎﻣﺎ ﻧﻌﺴﺎﻥ ﻫﻴﺎ
ﺭﺷﺎ :: ﺷﻮﻳﻪ ﺑﺲ ﺍﻋﻤﻴﻤﻪ ﺣﻮﺍﺀ ﺗﻄﻠﻊ ﻣﻦ ﺍﻟﺤﻤﺎﻡ ﻭ ﺑﻌﺪﻫﺎ ﻧﺮﻛﺒﻮ
ﺇﺳﺮﺍﺀ :: ﺍﻫﻲ ﻃﻠﻌﺖ
ﻣﺎﻣﺎ :: ﺣﻮﺍﺀ ﻛﻨﻪ ﻭﺟﻚ ؟ ﻛﻨﺘﻲ ﺗﺒﻜﻲ ؟
ﺍﻧﺎ :: ﻻﻻ ﻏﻴﺮ ﺑﻄﻨﻲ ﺗﻮﺟﻊ ﻓﻴﺎ ﻭ ﻛﻨﺖ ﺍﻧﺮﺟﻊ
ﺭﺷﺎ :: ﻣﺎ ﺗﺨﺎﻓﻴﺶ ﻋﻠﻴﻬﺎ ، ﻫﻴﺎ ﺟﻴﺒﻲ ﻓﻮﻧﻚ ﻭ ﺗﻌﺎﻟﻲ
ﺍﻧﺘﺼﺎﺭ :: ﺗﻮ ﻧﺮﻛﺐ ﻣﻌﺎﻛﻦ ، ﺍﻧﺤﻂ ﺳﺤﻮﺭ ﻝ ﻣﻔﺘﺎﺡ ﻭ ﺑﻌﺪﻫﺎ ﺍﻧﺠﻴﻜﻦ
ﺭﺷﺎ ::😒
ﺇﺳﺮﺍﺀ :: ﻫﻬﻬﻬﻬﻬﻪ ﻋﻠﻴﻚ ﻗﺼﻪ😂
ﺍﻧﺘﺼﺎﺭ :: ﻛﻨﻚ ﺗﻀﺤﻜﻲ ؟
ﺇﺳﺮﺍﺀ :: ﻻ ﻏﻴﺮ ﻣﺮﺍﺕ ﻳﺒﻦ ﻳﺤﻜﻦ ﺷﻲ ﺣﺎﺟﻪ ﺳﺮﻳﻪ ﻳﻌﻨﻲ😒
ﺍﻧﺘﺼﺎﺭ :: ﻻ ﻣﺎ ﺣﺘﻲ ، ﻭ ﻻ ﺷﻨﻮ ﻳﺎ ﺭﺷﺎ ؟
ﺭﺷﺎ :: ﺣﻤﺎﺩﻱ ﻫﻴﺎ ﻳﺎ ﺭﻭﺣﻲ
ﺍﻧﺎ :: ﻫﻴﺎ ﻛﻤﻠﺖ ﺍﻧﺎ
ﺇﺳﺮﺍﺀ :: ﻛﺎﻥ ﺗﺒﻦ ﺣﺎﺟﻪ ﺭﻧﻦ ﻋﻠﻴﺎ
ﺭﺷﺎ :: ﺗﻢ
ﺭﻛﺒﻨﺎ ﺍﻧﺎ ﻭ ﺭﺷﺎ ﻭ ﺍﻧﺘﺼﺎﺭ ﻃﻠﻌﺖ ﻝ ﺷﻘﺘﻬﺎ ، ﺧﺸﻴﻨﺎ ﺟﻮﺍ ، ﺩﺍﺭﺕ ﺣﻠﻴﺐ ﺏ ﺍﻟﺸﺎﻫﻲ ﻭ ﻗﻌﺪﻧﺎ ﻧﺸﺮﺑﻮ ﻭ ﻧﺄﻛﻠﻮ ﻓﻲ ﻛﻌﻚ
ﺭﺷﺎ :: ﻫﺪﻳﺘﻲ ﺗﻮﺍ !
ﺃﻧﺎ :: ﺍﻟﺤﻤﺪ ﻟﻠﻪ ﺍﺣﺴﻦ
ﺭﺷﺎ :: ﻧﺒﻲ ﻧﻘﻮﻟﻚ ﺣﺎﺟﻪ ﻭ ﺣﻄﻴﻬﺎ ﻓﻲ ﺭﺃﺳﻚ !
ﺃﻧﺎ :: ﺷﻨﻮ ؟
ﺭﺷﺎ :: ﺍﻟﺒﻨﺖ ﻟﻤﺎ ﺗﺤﺐ ﻣﺎ ﻳﻘﻌﺪﺵ ﻓﻲ ﺭﺃﺳﻬﺎ ﺇﻻ ﺃﻧﻬﺎ ﺗﻜﻤﻞ ﺣﻴﺎﺗﻬﺎ ﻣﻊ ﺍﻟﻠﻲ ﺗﺤﺒﻪ ﻭ ﻫﺬﺍ ﺍﻟﻠﻲ ﺻﺎﻳﺮ ﻣﻌﺎﻳﺎ ﻣﻦ ﺃﻭﻝ ﻣﺎ ﻋﺮﻓﺖ ﻣﻨﻴﺮ
ﺍﻧﺎ :: ﻭ ﺍﻟﺸﺎﺏ !
ﺭﺷﺎ :: ﻉ ﺣﺴﺐ ﻓﻲ ﺍﻟﻠﻲ ﻳﺤﺐ ﺑﺼﺪﻕ ﻭ ﻓﻲ ﺍﻟﻠﻲ ﻳﻤﺸﻲ ﻓﻲ ﻭﻗﺘﻪ ﻭ ﺧﻼﺹ
ﺍﻧﺎ :: ﻟﻤﺎ ﺍﻟﺸﺎﺏ ﻳﺤﺐ ، ﻳﻘﻌﺪ ﻛﻞ ﺍﻟﻠﻲ ﻓﻲ ﺑﺎﻟﻪ ﻛﻴﻒ ﻳﺠﻴﺐ ﺍﻟﺒﻨﺖ ﻫﺬﻩ ﺑﺲ ﻳﻌﻨﻲ ﻛﻴﻒ ﺍﻳﻄﻴﺤﻪ😭
ﺭﺷﺎ :: ﻳﻴﻴﻴﻴﻴﻲ ﻋﻠﻴﻨﺎ ﺗﺒﻜﻲ ﺁﺧﺮﻩ )):
#
#
#
ﻳﺎﺳﻴﻦ :: ﻗﺪﺭﺕ ﺃﻧﻬﺎ ﺗﺒﻴﻊ ﻛﻞ ﺣﺎﺟﻪ ﻓﻲ ﻟﺤﻈﻪ ! ﻛﻴﻒ ﻫﻨﺖ ﻋﻠﻴﻬﺎ ﺑﺎﻟﺴﻬﻮﻟﺔ ﻫﺬﻩ
ﺳﻌﺪ :: ﺭﺍﻙ ﺭﺍﺟﻞ ﺍﺷﺤﻂ ﺭﻭﺣﻚ
ﺻﻔﺎﺀ :: ﻳﺎﺳﻴﻦ ، ﺗﺒﻴﻚ ﺍﻣﻚ
ﻳﺎﺳﻴﻦ :: ﺑﺎﻩ
~
~
ﻳﺎﺳﻴﻦ :: ﻧﻌﻢ ﻳﺎ ﺃﻣﻲ
ﺣﻠﻴﻤﻪ :: ﺻﺎﻳﺮ ﺣﺎﺟﻪ ﺑﻴﻨﻚ ﻭ ﺑﻴﻦ ﺍﻟﺒﻨﺖ ؟
ﻳﺎﺳﻴﻦ :: ﺍﻱ ﺑﻨﺖ ؟
ﺣﻠﻴﻤﻪ :: ﺣﻮﺍﺀ !
ﻳﺎﺳﻴﻦ :: ﻛﻴﻒ ﺣﻜﺘﻠﻚ ﺣﺎﺟﻪ ؟
ﺣﻠﻴﻤﻪ :: ﻻﻻ ، ﻧﺴﺄﻝ ﻓﻴﻚ ﺍﻧﺖ
ﻳﺎﺳﻴﻦ :: ﻣﺎ ﻓﻲ ﺷﻲ ، ﻏﻴﺮﻩ ﻭ ﺩﻭﺕ ﺑﻨﺎﺕ ﻣﺎ ﺗﺤﻄﻴﺶ ﻓﻲ ﺑﺎﻟﻚ
ﺣﻠﻴﻤﻪ :: ﺑﺎﻫﻲ ﺗﻤﺎﻡ ، ﻭ ﺭﺩ ﺑﺎﻟﻚ ﻋﻠﻴﻬﺎ ﻣﺎ ﻗﺼﺮﺕ ﻣﻌﺎﻧﺎ ﺑﻜﻞ
ﻳﺎﺳﻴﻦ :: ﺑﺎﻫﻲ ﺗﻤﺎﻡ ﻭ ﻋﺎﺭﻑ ، ﺗﻮﺻﻲ ﺑﺤﺎﺟﺔ !
ﺣﻠﻴﻤﻪ :: ﺳﻼﻣﺘﻚ
~
~
ﺻﻔﺎﺀ :: ﻳﺎﺳﻴﻦ ﺭﺍﺟﻲ ﺷﻮﻳﻪ
ﻳﺎﺳﻴﻦ :: ﺃﻧﻌﻢ ؟
ﺻﻔﺎﺀ :: ﺷﻦ ﺻﺎﻳﺮ ﺃﻣﺲ ﺑﻴﻦ ﺣﻮﺍﺀ ﻭ ﺁﺩﻡ ؟
ﻳﺎﺳﻴﻦ :: ﻛﻴﻒ ﺷﻦ ﺻﺎﻳﺮ ؟
ﺻﻔﺎﺀ :: ﻻ ﻧﺤﺴﺎﺑﻚ ﻋﺎﺭﻑ ﺑﺲ
ﻳﺎﺳﻴﻦ :: ﻋﺎﺭﻑ ﺑﺸﻨﻮ ؟
ﺻﻔﺎﺀ :: ﺍﻧﻪ ﺃﻣﺲ ﺭﻧﺖ ﻋﻠﻴﺎ ﻋﺸﺎﻥ ﺗﺤﻜﻲ ﻣﻌﺎﻩ
ﻳﺎﺳﻴﻦ :: ﻧﻌﻢ ﻧﻌﻢ ؟
ﺻﻔﺎﺀ :: ﺑﺲ ﻣﺎ ﻋﺮﻓﺘﺶ ﻟﻴﺶ
ﻫﺎﺟﺮ :: ﺣﻲ ﻳﺎﺳﻴﻦ ﻫﻨﺎ
ﻳﺎﺳﻴﻦ :: ﻧﻌﻢ ﺍﻧﺘﻲ ﺍﻻﺧﺮﻩ ، ﺷﻦ ﺗﺒﻲ ؟
ﻫﺎﺟﺮ :: ﻻ ﻏﻴﺮ ﺟﻴﺖ ﻧﺴﻠﻢ ﻋﻠﻴﻚ ﻟﻚ ﻭﺣﺸﻪ ﺍﺻﻼ
ﻳﺎﺳﻴﻦ :: ﻛﺬﺍ ﻭﺧﺮﻱ ﺍﻧﺘﻲ ﻭﻳﺎﻫﺎ
ﻃﻠﻊ ﻳﺎﺳﻴﻦ ﻭ ﻣﺶ ﺷﺎﻳﻒ ﻗﺪﺍﻣﻪ ﺷﻲ ،، ﻭ ﺗﺎﻧﻲ ﻳﻮﻡ ﻓﻲ ﺍﻟﺼﺒﺢ ﺧﺬﺍ ﺩﺑﺶ ﻭ ﻗﺎﻝ ﻝ ﻫﻠﻪ ﻣﺎﺷﻲ ﻝ ﺷﺤﺎﺕ ﻭ ﻗﺒﻞ ﻣﺎ ﻳﻤﺸﻲ ﺟﺎﻧﺎ ﻓﻲ ﺍﻟﺤﻮﺵ
ﻣﺎﻣﺎ :: ﺧﺶ ﻳﺎ ﻳﺎﺳﻴﻦ ﻛﻨﻚ ﻣﺘﺤﺸﻢ
ﻳﺎﺳﻴﻦ :: ﻻ ﻏﻴﺮ ﻣﺴﺘﻌﺠﻞ ﻭ ﻧﺒﻲ ﻣﻔﺘﺎﺡ
ﻣﺎﻣﺎ :: ﻗﺎﻋﺪ ﻓﻮﻕ ﻓﻲ ﺷﻘﺘﻪ
ﻳﺎﺳﻴﻦ :: ﺗﻮ ﻧﺮﻛﺒﻠﻪ
ﻛﻨﺖ ﻃﺎﻟﻌﻪ ﻣﻦ ﺷﻘﺔ ﻣﻨﻴﺮ ﻭ ﻧﺒﻲ ﻧﻨﺰﻝ ﻭ ﻳﺎﺳﻴﻦ ﻛﺎﻥ ﺭﺍﻛﺐ ﺑﺴﺮﻋﻪ ﻭ ﺧﺒﻂ ﻓﻴﺎ💔
ﻳﺘﺒﻊ . . .