#ﻛَــﻼﻡْ_ﺣَــﻮّﺍﺀ ~ • #ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚

الحلقة20" ﻭ ﺍﻷﺧﻴﺮﻫﻪ "

#ﻛَــﻼﻡْ_ﺣَــﻮّﺍﺀ ~ •
#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
ﺍﻟﺤـﻠﻘـﻬﻪ ﺍﻟـﻌـﺸـﺮﻭﻥ
" ﻭ ﺍﻷﺧﻴﺮﻫﻪ "
ﺇﺳﺮﺍﺀ :: ﺣﺤﺤﺤﺤﻮﺍﺀ ، ﻧﻮﻭﻭﻭﻭﻭﺿﻲ
ﺍﻧﺎ :: ﺭﺃﺳﻲ ﻣﺶ ﻋﺎﺭﻓﻪ ﻛﻨﻪ ﻗﺮﻳﺐ ﻳﻨﻔﺠﺮ
ﺇﺳﺮﺍﺀ :: ﻣﺶ ﻣﻨﻚ ﻋﺎﺩ ﻣﻦ ﺍﻟﻨﻮﻡ
ﺍﻧﺎ :: ﺟﻴﺒﻴﻠﻲ ﻓﻨﺠﺎﻥ ﻗﻬﻮﻩ ﺑﺎﻩ
ﺇﺳﺮﺍﺀ :: ﻗﻬﻮﺓ ﺷﻨﻮ ﻭ ﺍﻧﺘﻲ ﺻﺎﻳﻤﻪ
ﺍﻧﺎ :: ﻧﻤﺸﻲ ﻧﺄﺧﺬ ﺷﺎﻭﺭ ﻧﻘﺎﻧﻪ ﺻﺪﺍﻉ ﻣﺶ ﻃﺒﻴﻌﻲ
ﺇﺳﺮﺍﺀ :: ﻳﻜﻮﻥ ﺍﺣﺴﻦ ﻳﺎ ﺣﻨﻪ
ﺍﻧﺎ :: ﺻﻮﺕ ﻣﻦ ﺍﻟﻠﻲ ﺑﺮﺍ ؟؟
ﺇﺳﺮﺍﺀ :: ﻳﺎﺳﻴﻦ ﻣﻊ ﻣﻔﺘﺎﺡ
ﺍﻧﺎ :: ﺃﻫﺎ ﺑﺎﻩ
ﻧﻌﻢ !! ﺷﻦ ﻗﺎﻟﺖ ؟؟؟ ﻳﺎﺍﺍﺍﺍﺍﺍﺍﺳﻴﻦ !! ﺷﻦ ﺷﻨﻮﻭﻭﻭﻭﻭ ؟؟؟؟ ﻳﺎﺳﻴﻦ ﻣﻊ ﻣﻔﺘﺎﺡ
ﻧﻄﻴﺖ ﻣﻦ ﺍﻟﺴﺮﻳﺮ ﻭ ﻃﻠﻌﺖ ﻧﺠﺮﻱ ﺑﺲ ﻣﺎ ﻟﻘﻴﺖ ﺣﺪ ﻭ ﻣﻔﺘﺎﺡ ﻛﺎﻥ ﺭﺍﻛﺐ ﻓﻮﻕ ﻭ ﻣﻨﻴﺮ ﻧﺎﺯﻝ
ﻣﻨﻴﺮ :: ﻛﻴﻒ ﺻﺎﺭ ﺭﻭﺡ ؟
ﻣﻔﺘﺎﺡ :: ﺃﻫﺎ ﻭ ﻗﺎﻝ ﺗﻮ ﻳﺠﻲ ﺑﻌﺪ ﺍﻟﻔﻄﻮﺭ
ﻣﻨﻴﺮ :: ﻭﻳﻦ ﻣﺎﺷﻲ ﺍﻧﺖ ﺑﺎﻩ ؟
ﻣﻔﺘﺎﺡ :: ﺭﺍﻛﺐ ﻧﺮﻗﺪ ﺷﻮﻳﻪ
ﻣﻨﻴﺮ :: ﺑﺎﻫﻲ ﺗﻤﺎﻡ
ﺍﻧﺎ :: ﻣﻨﻴﺮ ﺗﻌﺎﻝ ﺷﻮﻳﻪ
ﻣﻨﻴﺮ :: ﺣﺎﺿﺮ ﻫﻲ
ﺭﻛﺐ ﻣﻔﺘﺎﺡ ﻭ ﻧﺰﻝ ﻣﻨﻴﺮ ﻭ ﺍﻧﺎ 100 ﺳﺆﺍﻝ ﻓﻲ ﺭﺍﺳﻲ
ﻣﻨﻴﺮ :: ﻛﻨﻚ ؟ ﻭ ﻛﻨﻪ ﻭﺟﻚ ﺍﺻﻔﺮ ؟
ﺍﻧﺎ :: ﻣﻦ ﺍﻟﻠﻲ ﻛﺎﻥ ﻗﺎﻋﺪ ﻣﻊ ﻣﻔﺘﺎﺡ ؟
ﻣﻨﻴﺮ :: ﻳﺎﺳﻴﻦ O_o ،، ﺑﺲ ﻋﻠﻴﺶ ﺗﺴﺄﻟﻲ !
ﺃﻧﺎ :: ﻳﺎﺳﻴﻦ ﻣﻦ ؟؟ " ﻭ ﻣﺎﺳﻜﻪ ﺩﻣﻮﻋﻲ ﺑﺎﻟﻐﺼﺐ "
ﻣﻨﻴﺮ :: ﺗﻲ ﻛﻴﻒ ﻳﺎﺳﻴﻦ ﻣﻦ ؟ ﻣﺂﺛﺮ ﻓﻴﻚ ﺍﻟﺼﻴﺎﻡ
ﺍﻧﺎ :: ﻣﻨﻴﺮ ﻭ ﺭﺃﺱ ﺣﻤﺎﺩﻱ ﺗﺠﺎﻭﺏ ، ﻳﺎﺳﻴﻦ ﻣﻦ ؟
ﻣﻨﻴﺮ :: ﻛﻢ ﻋﻨﺪﻧﺎ ﻳﺎﺳﻴﻦ ﻓﻲ ﺍﻟﻌﻴﻠﻪ !
ﺃﻧﺎ :: ﻭﺍﺣﺪ ، ﺍﻟﻠﻲ ﻫﻮﺍ ﻭﻟﺪ ﻋﻤﻲ ﻣﺼﻄﻔﻰ ﺻﺎﺡ ؟؟
ﻣﻨﻴﺮ :: ﻛﻨﻬﺎ ﺍﻟﻌﺒﻴﻄﻪ ﻫﺬﻩ
ﺍﻧﺎ :: ﻳﻌﻨﻲ ﻣﺎ ﻣﺎﺗﺶ ؟ " ﻭ ﺍﺿﺒﻄﺘﻪ "
ﻣﻨﻴﺮ :: ﺣﻮﺍﺀ ﺷﻦ ﻓﻲ ؟ ﻛﻨﻚ ﺗﺒﻜﻲ ﺷﻦ ﺻﺎﻳﺮ ﺑﺲ ؟
ﺍﻧﺎ :: ﻳﺎﺳﻴﻦ ﻋﺎﻳﺶ ﻳﻌﻨﻲ ؟
ﻣﻨﻴﺮ :: ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ ، ﻣﺘﻌﺎﺭﻛﻴﻦ ﻭ ﻻ ﺷﻨﻮ ﺑﺲ ؟
ﺍﻧﺎ :: ﻳﻌﻨﻲ ﻫﺬﺍ ﻛﻠﻪ ﺣﻠﻢ ﻭ ﺩﻣﻮﻋﻲ ﺍﻟﻠﻲ ﻧﺰﻟﻦ ﻭ ﻋﻴﺎﻃﻲ ﻋﻠﻴﻪ
ﻣﻨﻴﺮ :: ﻗﺴﻤﺎ ﺑﺎﻟﻠﻪ ﺷﻐﻠﺘﻴﻨﻲ ، ﺭﺍﺟﻲ ﻧﺘﺼﻞ ﺑﻴﻪ
ﻗﻌﺪ ﻣﻨﻴﺮ ﻳﺮﻥ ﻋﻠﻴﻪ ﻭ ﻓﺘﺢ ﺍﻟﺴﺒﻴﻜﺮ ﺑﺲ ﻫﻮﺍ ﻣﺎ ﺭﺩﺵ ﻭ ﺭﻥ ﺁﺧﺮﻩ ﻭ ﺭﻥ ﺁﺧﺮﻩ ﻭ ﺍﻧﺎ ﺍﻣﺼﺒﻴﻪ ﻧﺒﻜﻲ
ﻳﺎﺳﻴﻦ :: ﺍﻳﻮﻭﺍﺍ ﻳﺎ ﺳﻜﻨﺎﻥ ﺗﻲ ﻧﻌﺒﻲ ﻓﻲ ﺑﻨﺰﻳﻨﻪ ﻭ ﺍﻧﺖ ﺷﻲ ﻋﺎﺩ ﺟﺪ ﺍﻟﺴﻜﻨﺎﻥ
ﻣﻨﻴﺮ :: ﻳﺎ ﻭﺳﺦ ﺍﻟﺒﻨﺖ ﺗﺒﻜﻲ ﻋﻠﻴﻚ ﻭ ﺍﻧﺖ ﺍﺗﻌﺒﻲ ﻓﻲ ﺑﻨﺰﻳﻨﻪ
ﻳﺎﺳﻴﻦ :: ﺣﺤﺤﺤﻮﺍﺀ ؟؟؟ ﻛﻨﻬﺎ ؟
ﻣﻨﻴﺮ :: ﻣﺶ ﻋﺎﺭﻑ ﺍﻟﻠﻲ ﺟﺎﻫﺎ ﺟﺎﻫﺎ ﺗﺒﻜﻲ ﻭ ﺗﻘﻮﻝ ﺍﻧﻚ ﻣﺘﺖ
ﻳﺎﺳﻴﻦ :: ﺗﻲ ﺍﺧﺘﻚ ﻫﺒﻠﻪ ﺗﺒﻲ ﺗﺒﻜﻲ ﻭ ﺧﻼﺹ
ﻣﻨﻴﺮ :: ﺗﺴﻤﻌﻲ ﻳﻘﻮﻝ ﻋﻠﻴﻚ ﺃﻧﻚ ﻫﺒﻠﻪ !
ﻳﺎﺳﻴﻦ :: ﻛﻴﻒ ﻓﺎﺗﺢ ﺍﻟﺴﺒﻴﻜﺮ ؟ ﺣﻮﺍﺀ ﻳﺎ ﻋﻮﻳﻨﺎﺗﻲ ﺭﺍ ﺧﻮﻙ ﻳﻜﺬﺏ
ﻣﻨﻴﺮ :: ﺣﻲ ﻋﻠﻴﻚ ﺯﻋﻠﺖ ﻭ ﻣﺶ ﻩ ﺗﺮﺩ ﻋﻠﻴﻚ ﺭﺍ
ﻳﺎﺳﻴﻦ :: ﻋﺎﺟﺒﻚ ﻛﻠﻪ ﻣﻨﻚ
ﻣﻨﻴﺮ :: ﻭﺟﻚ ﺗﻮﺍ ﺑﺎﻩ
ﻳﺎﺳﻴﻦ :: ﺗﻢ
#
#
#
#
ﺧﺸﻴﺖ ﺟﻮﺍ ﻭ ﺩﻣﻮﻋﻲ ﻳﻨﺰﻟﻦ ﺑﺲ ﺩﻣﻮﻉ ﺍﻟﻔﺮﺣﻪ ﻭ ﻻ ﻣﺶ ﻋﺎﺭﻓﻪ ،، ﺣﺴﻴﺖ ﺑﺤﺎﺟﻪ ﻭ ﻻ ﻣﺶ ﻓﺎﻫﻤﻪ ﺍﺻﻼ
ﻫﺬﺍ ﺣﻠﻢ ﻭ ﻻ ﺷﻨﻮ ﺑﻀﺒﻂ ؟؟ ﺃﻣﺲ ﻗﺒﻞ ﻣﺎ ﻧﺮﻗﺪ ﺻﻠﻴﺖ ﺻﻼﺓ ﺍﺳﺘﺨﺎﺭﺓ ﻭ ﺍﻟﻮﺍﺿﺢ ﺃﻧﻪ ﺭﺑﻲ ﻋﻄﺎﻧﻲ ﺷﻦ ﻧﺒﻲ ﻭ ﻋﺮﻓﺖ ﻛﻴﻒ ﺣﻴﺎﺗﻲ ﻩ ﺗﻜﻮﻥ ﺑﺪﻭﻥ ﻳﺎﺳﻴﻦ
ﻣﺸﻴﺖ ﺗﻮﺿﻴﺖ ﻭ ﺻﻠﻴﺖ ﻭ ﻗﻌﺪﺕ ﻧﺪﻋﻴﻠﻪ ﺭﺑﻲ ﻣﺎ ﻳﺤﺮﻣﻨﻲ ﻣﻨﻪ
ﺧﺸﻴﺖ ﻟﻘﻴﺖ ﺇﺳﺮﺍﺀ ﻭ ﺭﺷﺎ ﻳﻬﺪﺯﻥ ﻭ ﻗﻌﺪﺕ ﻧﺤﻜﻴﻠﻬﻦ ﻑ ﺍﻟﻠﻲ ﺻﺎﺭ
ﺇﺳﺮﺍﺀ :: ﻧﻌﻠﻴﺎ ﻭ ﺧﻼﺹ ﺍﻧﺎ ﻭ ﻭﻟﻴﺪ ﻣﻊ ﺑﻌﻀﻨﺎ
ﺍﻧﺎ :: ﻣﺒﺮﺩﻙ ﻭ ﺣﻖ ﺭﺑﻲ
ﺭﺷﺎ :: ﻧﺠﻴﻠﻲ ﻣﻨﻴﺮ ﺣﺘﻲ ﻑ ﺍﻟﺤﻠﻢ ﻃﻴﺐ
ﺍﻧﺎ :: ﺗﺼﺪﻗﻦ ! ﻓﺎﺿﻴﻪ ﺍﻧﻲ ﻧﺤﻜﻴﻠﻜﻦ ﺧﺰﻱ ﻭ ﺧﻼﺹ
ﺇﺳﺮﺍﺀ :: ﺑﺲ ﻭ ﺍﻟﻠﻪ ﻓﻴﻪ ﺟﻮ ﺍﻟﺤﻠﻢ ﻳﻌﻨﻲ ﺣﺎﻣﻞ ﻭ ﺟﻮ
ﺭﺷﺎ :: ﻫﻬﻬﻬﻬﻬﻬﻪ
ﺍﻧﺎ :: ﻭ ﺑﻌﺪﻫﺎ !
ﺇﺳﺮﺍﺀ :: ﺑﺎﻫﻲ ﺣﺎﻣﻞ ﻑ ﺑﻨﺖ ﻭ ﻻ ﻋﻴﻞ
ﺍﻧﺎ :: ﻓﻲ ﺧﻨﺰﻳﺮ ﺯﻱ ﻭﺟﻚ ﻱ ﺣﻴﻮﺍﻧﻪ
ﺭﺷﺎ :: ﺑﻌﺪ ﺧﻄﺮﻫﺎ ، ﺷﻦ ﺗﺒﻲ ﺗﺤﻜﻲ ﻝ ﻳﺎﺳﻴﻦ ﻉ ﺍﻟﻌﺮﺱ ؟ ﻳﻌﻨﻲ ﺗﻘﺪﺭﻱ ﺗﻘﻨﻌﻴﻪ ﺍﻧﻪ ﺗﺎﺧﺮﻭ ﺍﻟﻤﻮﻋﺪ
ﺍﻧﺎ :: ﻻ ﺧﻼﺹ ﻣﻮﺍﻓﻘﻪ ﺍﻧﺎ
ﺇﺳﺮﺍﺀ :: ﻫﺬﺍ ﻛﻠﻪ ﻋﺸﺎﻥ ﺣﻠﻢ
ﺭﺷﺎ :: ﻃﺮﻭﺡ ﺻﺒﺎﻳﺎ ﻉ ﻗﻮﻝ ﻣﻔﺘﺎﺡ
ﺍﻧﺎ :: ﻳﺎ ﺑﺎﺍﺍﺍﺍﺍﺍﺑﺎﺍﺍﺍ ﺗﻌﺎﻝ ﺷﻮﻑ ﻫﺬﻳﻦ
ﺑﺎﺑﺎ :: ﺭﻳﺤﻲ ﺭﻭﺣﻚ ﺍﻧﺘﻲ ﻭﻳﺎﻫﺎ
ﺇﺳﺮﺍﺀ :: ﺭﺍﺟﻲ ﺍﻧﺠﻲ ﻧﺤﻜﻴﻠﻚ ﺷﻦ ﺻﺎﺭ
ﺍﻧﺎ :: ﻭ ﺣﻖ ﺭﺑﻲ ﻭﺍﻃﻴﻪ
ﺇﺳﺮﺍﺀ :: ﻃﺎﻟﻌﺘﻠﻚ ﻳﺎ ﺣﻨﻪ
ﺍﻧﺎ :: ﺗﻲ ﺷﻦ ﺍﻟﺒﺮﺍﺩﻩ ﻫﺬﻩ
ﺭﺷﺎ :: ﺍﺳﻮ ﺧﻼﺹ ﻋﺎﺩ
ﺇﺳﺮﺍﺀ :: ﺑﺎﻫﻲ ﺗﻤﺎﻡ ﺣﺘﻲ ﺍﻧﺘﻲ
ﺍﻧﺎ :: ﺍﻗﻌﺪﻥ ﻓﻴﻬﺎ ﻫﻲ
~
~
~
ﺻﺒﻴﺖ ﻭ ﺧﺸﻴﺖ ﻟﺪﺍﺭ ﻭ ﻗﻌﺪﺕ ﺍﻧﺒﺤﺖ ﻓﻲ ﺻﻮﺭ ﻳﺎﺳﻴﻦ ﻭ ﻓﺮﺣﺎﻧﻪ ﺑﻴﻪ ﺗﻘﻮﻝ ﺍﻭﻝ ﻣﺮﻩ ﻧﺸﻮﻓﻪ
ﻣﺸﻰ ﺍﻟﻴﻮﻡ ﻋﺎﺩﻱ ﻭ ﻓﻄﺮﻧﺎ ﻭ ﻏﺴﻠﻨﺎ ﺍﻟﻤﻮﺍﻋﻴﻦ ﻭ ﺑﻌﺪﻫﺎ ﺷﻔﺖ ﻓﻮﻧﻲ ﻭ ﻟﻘﻴﺖ ﻳﺎﺳﻴﻦ ﺭﺍﻥ ﻋﻠﻴﺎ ﺃﻛﺜﺮ ﻣﻦ ﻣﺮﻩ
ﻭ ﻋﻨﺪ ﺗﻮﺍ ﻣﺎﺯﻟﺖ ﻧﺤﺲ ﻓﻲ ﺭﻭﺣﻲ ﻧﺤﻠﻢ ﻭ ﻻ ﻧﺘﺨﺎﻳﻞ ﻋﻨﺪ ﻧﺸﻮﻓﻪ ﻗﺪﺍﻣﻲ ﻋﺸﺎﻥ ﻧﺼﺪﻕ ﺍﻧﻪ ﻋﺎﻳﺶ
ﺇﺳﺮﺍﺀ :: ﺣﻮﺍﺀ ، ﻗﺎﻟﻚ ﻳﺎﺳﻴﻦ ﻛﻨﻚ ﻣﺎ ﺗﺮﺩﻱ ﻉ ﻓﻮﻧﻚ ؟
ﺍﻧﺎ :: ﻭ ﺷﻦ ﻋﺮﻓﻚ ﺍﻧﺘﻲ ؟؟؟
ﺇﺳﺮﺍﺀ :: ﻷﻧﻪ ﻗﺎﻋﺪ ﻓﻲ ﺍﻟﻤﺮﺑﻮﻋﻪ
ﺍﻧﺎ :: ﻣﻦ ﻣﻌﺎﻩ ؟؟؟
ﺇﺳﺮﺍﺀ :: ﻣﻔﺘﺎﺡ ﺳﻠﻢ ﻋﻠﻴﻪ ﻭ ﻃﻠﻊ ﻭ ﻧﺒﻲ ﻧﺮﻛﺐ ﻧﻜﻠﻢ ﻣﻨﻴﺮ ﻋﺸﺎﻥ ﻳﻘﻌﺪ ﻣﻌﺎﻩ
ﺍﻧﺎ :: ﺭﺍﺍﺍﺍﺍﺍﺟﻲ ، ﺗﻜﻠﻤﻲ ﻋﻴﻨﻚ ﺧﻠﻴﻨﻲ ﻧﺸﻮﻓﻪ ﺍﻧﺎ ﻗﺒﻞ
ﺇﺳﺮﺍﺀ :: ﻳﺮﺍﺟﻲ ﻓﻴﻚ ﺍﺻﻼ ﻗﺘﻠﻪ ﻃﺸﻪ ﻉ ﺍﻟﺤﻠﻢ
ﺍﻧﺎ :: ﻛﻨﻚ ﺣﻴﻮﺍﻧﻪ ﺍﻧﺘﻲ ؟
ﺇﺳﺮﺍﺀ :: ﺗﺒﻲ ﺗﻄﻠﻌﻲ ﻭ ﻻ ﻧﺮﻛﺐ ﻧﻜﻠﻢ ﻣﻨﻴﺮ ؟
ﺍﻧﺎ :: ﻃﺎﻟﻌﻪ ﻃﺎﻟﻌﻪ
ﻟﻔﻴﺖ ﺷﻌﺮﻱ ﻭ ﺩﺭﺕ ﻃﺸﺔ ﻟﻤﻌﻪ ﻉ ﻓﻤﻲ ﻭ ﻃﻠﻌﺖ ﻓﻲ ﺣﺎﻝ ﻟﻤﻌﻪ ﺗﻮﺍ ﺍﺻﻼ
ﻟﻘﻴﺘﻪ ﺍﻣﻘﻌﻤﺰ ﻭ ﻳﻠﻌﺐ ﻓﻲ ﻓﻮﻧﻪ
ﺍﻧﺎ :: ﻳﻴﻴﻴﻴﺎﺍﺍﺍﺍﺳﺴﺴﺴﻲﻥ
ﻳﺎﺳﻴﻦ :: ﻋﻴﻮﻧﻪ ﻭ ﻗﻠﺒﻪ
ﺍﻧﺎ :: ﺗﻮﺍ ﻣﺎ ﻧﺤﻤﻠﺶ ﺍﻧﺎ ﺻﺎﺡ ؟
ﻳﺎﺳﻴﻦ :: ﻻﻻ ﺁﻫﻮ ﻗﺎﻋﺪ ﻗﺪﺍﻣﻚ
ﺍﻧﺎ :: ﻣﺎ ﺗﺴﻴﺒﻨﻴﺶ ﻣﺮﻩ ﺁﺧﺮﻩ
ﻳﺎﺳﻴﻦ :: ﻧﻌﻠﻴﺎ ﻭ ﺧﻼﺹ ﺗﻲ ﺍﺱ ﺑﻼ ﺩﻣﻮﻉ ﻳﺎ ﺍﻗﻠﻴﺒﻲ ﻭ ﻋﻤﺮﻱ ﻛﻠﻪ " ﻭ ﺍﺿﺒﻄﻨﻲ "
ﺍﻧﺎ :: ﺍﻭﻋﺪﻧﻲ ؟ ﺍﻭﻋﺪﻧﻲ ﺍﻧﻚ ﻣﺶ ﻩ ﺗﺨﻠﻴﻨﻲ ﺑﺮﻭﺣﻲ !
ﻳﺎﺳﻴﻦ :: ﺑﺪﻣﻮﻋﻚ ﻫﺬﻳﻦ ﺍﻟﻠﻲ ﻏﺮﻗﻦ ﺍﻟﺴﻮﺭﻳﻪ ﺍﻟﺠﺪﻳﺪﻩ ! ﻻ ﻣﺶ ﻩ ﻧﻮﻋﺪﻙ
ﺍﻧﺎ :: ﺑﺎﻫﻲ ﻧﻘﻮﻟﻚ ﺣﺎﺟﻪ ! ﺃﻧﺎ ﺍﻟﻌﺒﻴﻄﻪ ﻭ ﺍﻟﻬﺒﻠﻪ ﺍﻟﻠﻲ ﺧﺎﻳﻔﻪ ﻋﻠﻴﻚ ﻭ ﻧﺒﻜﻲ
ﻳﺎﺳﻴﻦ :: ﻫﺬﺍ ﻭﻳﻦ ﻋﺮﻓﺘﻲ ﺭﻭﺣﻚ ﻋﺒﻴﻄﻪ ﻭ ﻫﺒﻠﻪ ؟
ﺍﻧﺎ :: ﺗﻲ ﻣﺎ ﺗﺴﺘﺤﻘﺶ ﺣﺘﻲ ﻧﺺ ﺩﻣﻌﻪ ﺍﺻﻼ
ﻳﺎﺳﻴﻦ :: ﺍﻳﻮﻭﻭﻭﺍﻩ ﻫﺬﻩ ﺣﻮﺍﺀ ﺍﻟﻠﻲ ﻧﻌﺮﻓﻬﺎ ﺍﻣﺎ ﺍﻟﻠﻲ ﻛﺎﻧﺖ ﺗﺒﻜﻲ ﺍﻧﻈﺮ ﻣﻦ
ﺍﻧﺎ :: ﻟﻴﺶ ﻣﺎ ﻓﺶ ﺣﺪ ﻋﻨﺪﻩ ﻣﺸﺎﻋﻴﺮ ﻧﻔﺴﻲ
ﻳﺎﺳﻴﻦ :: ﻋﺸﺎﻥ ﺍﻧﺘﻲ ﻣﺎ ﻓﺶ ﻣﻨﻚ ﺍﺗﻨﻴﻦ
ﺍﻧﺎ :: ﺑﺎﻫﻲ ﺗﻌﺮﻑ ﺗﺤﻮﻝ ﻣﻦ ﻗﺪﺍﻡ ﻭﺟﻲ
ﻳﺎﺳﻴﻦ :: ﺑﺴﻢ ﺍﻟﻠﻪ ﺩﻭﺑﻚ ﻛﻨﺘﻲ ﺗﺤﻜﻲ ﻉ ﺍﻟﻤﺸﺎﻋﻴﺮ ﻭ ﺍﻟﺤﺮﻛﺎﺕ ﻛﻨﻪ ﺷﻦ ﺻﺎﺭﻟﻚ ؟ 😂
ﺍﻧﺎ :: ﻳﺎﺳﻴﻦ ؟ ﺗﺤﺒﻨﻲ ؟
ﻳﺎﺳﻴﻦ :: ﺗﺒﻲ ﺍﻟﺼﺮﺍﺣﻪ ؟
ﺍﻧﺎ :: ﺃﻫﺎ 😳 ﺍﺻﻼ ﺍﺻﻼ ﻛﻨﺖ ﻋﺎﺭﻓﻪ ﺍﻧﻚ ﺑﻄﻠﺖ ﺗﺤﺒﻨﻲ 😞
ﻳﺎﺳﻴﻦ :: ﺣﻮﺍﺀ ؟ ﺷﻦ ﺻﺎﻳﺮﻟﻚ ﺗﻲ ﻛﺎﻥ ﻣﺎ ﻧﺤﺒﻜﺶ ﻋﻠﻴﺶ ﺧﺎﻃﺒﻚ ﺑﺲ ! ﻛﺎﻥ ﻣﺎ ﻧﺤﺒﻜﺶ ﺭﺍ ﻣﺎ ﻧﺘﻌﺒﺶ ﻫﻜﻲ ﻋﺸﺎﻥ ﻧﻜﻤﻞ ﺍﻟﺸﻘﻪ ﻭ ﻧﺎﺧﺬﻙ ،، ﻳﺎ ﺑﻨﺖ ﺍﻟﻨﺎﺱ ﻛﻨﻚ ؟ ﻋﺸﺎﻥ ﺣﻠﻢ ﺗﺒﻲ ﺍﺗﻨﻜﺪﻱ ﻋﻠﻴﺎ ﻭ ﻻ ﻛﻴﻒ ؟
ﺍﻧﺎ :: ﻗﺒﻞ ﺷﻮﻳﻪ ﺷﻦ ﻗﺘﻠﻚ ؟
ﻳﺎﺳﻴﻦ :: ﺷﻨﻮ ؟ 😍
ﺍﻧﺎ :: ﻣﺎ ﺗﺴﺘﺤﻘﺶ ﺣﺘﻲ ﻧﺺ ﺩﻣﻌﻪ ﺻﺎﺡ ؟
ﻳﺎﺳﻴﻦ :: ﺃﻫﺎ !
ﺃﻧﺎ :: ﺗﻮﺍ ﺧﻠﻴﻬﺎ ﺣﺘﻲ ﺭﺑﻊ ﺩﻣﻌﻪ ﺧﺴﺎﺭﻩ ﻓﻴﻚ 😒
ﻳﺎﺳﻴﻦ :: ﺑﺎﻩ ﺑﺎﺭﻙ ﺍﻟﻠﻪ ﻓﻴﻚ 😂
ﺍﻧﺎ :: ﺑﺎﺭﺩ ﻫﺬﺍ 😂😒
ﻳﺎﺳﻴﻦ :: ﻭ ﺃﺧﻴﺮﺍ ﺷﻔﻨﺎ ﻩ ﺍﻟﻀﺤﻜﻪ ﺍﻟﻠﻲ ﺯﻱ ﻭﺟﻚ 😂😍
ﺍﻧﺎ :: ﺷﻦ ﻗﺼﺪﻙ ؟؟
ﻳﺎﺳﻴﻦ :: ﻗﺼﺪﻱ ﺿﺤﻜﻪ ﺗﻬﺒﻞ ﺑﻜﻞ ﻧﻔﺴﻚ ﻭ ﻧﻔﺲ ﻭﺟﻚ ﻭ ﻧﻔﺲ ﺍﻟﻨﻜﺪ ﺍﻟﻠﻲ ﺩﺍﻳﺮﺗﻪ ﻟﻨﺎ 😂😒
ﺍﻧﺎ :: ﺑﺎﻫﻲ ﺑﺎﻩ
ﻳﺎﺳﻴﻦ :: ﺑﺎﻫﻲ ﻣﺎ ﺗﺒﻴﺶ ﺗﺠﻴﺒﻴﻠﻲ ﺷﻲ ﺣﺎﺟﻪ ﻧﺸﺮﺑﻬﺎ
ﺍﻧﺎ :: ﺃﻫﺎ ،، ﺣﺎﺿﺮ ﻫﻲ
ﻳﺎﺳﻴﻦ :: ﻭ ﻛﻠﻤﻴﻠﻲ ﻣﻨﻴﺮ ﺑﺎﻟﻤﺮﻩ
ﺍﻧﺎ :: ﻛﻠﻤﻪ ﺑﺮﻭﺣﻚ ﻣﺶ ﺷﻮﺭﻱ ﺍﻧﺎ
ﻳﺎﺳﻴﻦ :: ﻣﺘﻌﺎﺭﻛﻪ ﻣﻌﺎﻩ ﺣﺘﻲ ﻫﻮﺍ ؟
ﺍﻧﺎ :: ﻣﺶ ﺷﻮﺭﻙ
ﻳﺎﺳﻴﻦ :: ﺑﺎﻫﻲ ﻗﻮﻟﻲ ﻝ ﺇﺳﺮﺍﺀ ﺗﻨﺎﺩﻳﻪ
ﺍﻧﺎ :: ﻗﻮﻟﻠﻬﺎ ﺍﻧﺖ
ﻳﺎﺳﻴﻦ :: ﺗﻲ ﺭﺍ ﻳﺠﻴﻚ ﻛﻒ 😒
ﺍﻧﺎ :: ﺗﺮﺍ ﻗﻮﻝ ﻭ ﺍﻟﻠﻪ ؟؟ 😒
ﻳﺎﺳﻴﻦ :: ﻫﺬﻩ ﻣﺶ ﺣﻮﺍﺀ ﻣﺘﺄﻛﺪ ﺍﻧﺎ
ﺍﻧﺎ :: ﺣﻨﺎﻃﻪ ﻫﺬﻩ ؟
ﻳﺎﺳﻴﻦ :: ﻻ ﺑﻄﺎﻃﻪ ، ﺍﻣﺸﻲ ﺭﺍ ﺍﻧﻌﺠﻨﻚ
ﺍﻧﺎ :: ﻣﻌﺶ ﻋﺮﻓﺖ ﻣﻦ ﻳﺒﻲ ﻳﻌﺠﻦ ﻣﻦ 😂
ﻳﺎﺳﻴﻦ :: ﻣﺮﻩ ﺗﻀﺤﻚ ﻭ ﻣﺮﻩ ﺗﺒﻜﻲ ﻭ ﺑﻌﺪ ﻧﻘﻮﻟﻠﻬﺂ ﻫﺒﻠﻪ ﺗﺰﻋﻞ ﻳﺎ ﻋﻠﻴﻚ ﺣﺎﻟﻪ ﺁﺯﺡ 😒 😂
'
'
'
ﻃﻠﻌﺖ ﻣﻦ ﺍﻟﻤﺮﺑﻮﻋﻪ ﻭ ﻣﺸﻴﺖ ﻧﺪﻳﺮ ﻓﻲ ﺍﻟﻘﻬﻮﻩ ﻭ ﺭﻧﻴﺖ ﻉ ﻣﻨﻴﺮ ﻭ ﻗﺘﻠﻪ ﺃﻧﺰﻝ ﺍﻗﻌﺪ ﻣﻌﺎﻩ
ﻛﻤﻠﺖ ﺍﻟﻘﻬﻮﻩ ﻭ ﺷﻠﺘﻬﺎ ﻟﻪ ﻭ ﻛﺎﻥ ﻣﻨﻴﺮ ﻣﻌﺎﻩ ﻋﺎﺩ
ﻣﻨﻴﺮ :: ﺻﺤﻴﺘﻲ
ﻳﺎﺳﻴﻦ :: ﺷﻜﺮﺍ
ﺍﻧﺎ :: ﺳﻠﻤﻚ
ﻣﻨﻴﺮ :: ﺣﻮﺍﺀ ﻗﻌﻤﺰﻱ ﺷﻮﻳﻪ
ﺍﻧﺎ :: ﻋﻠﻴﺶ ؟
ﻳﺎﺳﻴﻦ :: ﺗﻮ ﺗﻌﺮﻓﻲ
ﺍﻧﺎ :: ﺷﻨﻮ ؟؟
ﻣﻨﻴﺮ :: ﻳﺎﺳﻴﻦ ﻳﺒﻲ ﻳﺘﺰﻭﺝ
ﺍﻧﺎ :: ﻭ ﻳﺘﺰﻭﺝ ﻣﻦ ﻣﺎﺳﻜﻪ
ﻣﻨﻴﺮ :: ﻳﻌﻨﻲ ﺍﻧﺘﻲ ﻣﻮﺍﻓﻘﻪ ﻳﺄﺧﺬ ﻭﺣﺪﻩ ﺁﺧﺮﻩ
ﺍﻧﺎ :: ﻧﻌﻤﻤﻤﻤﻢ ﺃﻥ ﺷﺎﺀ ﺍﻟﻠﻪ ؟؟؟؟
ﻳﺎﺳﻴﻦ :: ﻃﺎﻟﻤﺎ ﺍﻧﺘﻲ ﻣﺎ ﺗﺒﻴﺶ ﻭ ﺍﻧﺎ ﻛﻞ ﺷﻲ ﻭﺍﺗﻲ ﻑ ﻧﺒﻲ ﻧﺘﺰﻭﺝ ﻭ ﻧﺴﺘﻘﺮ
ﺍﻧﺎ :: ﺃﻫﺎ ﺗﻤﺎﻡ ﺑﺎﻩ
ﻣﻨﻴﺮ :: ﻫﺎ ﺷﻦ ﺭﺃﻳﻚ ﺍﻧﺘﻲ ؟
ﺍﻧﺎ :: ﻓﻲ ﺷﻨﻮ ﺑﻀﺒﻂ ؟؟ ﻳﻌﻨﻲ ﺗﻮﺍ ﻧﻘﻮﻟﻪ ﻻ ﻭ ﺍﻟﻨﺒﻲ ﻭ ﺍﻟﺪﺭﺍﻣﺎ ﻫﺬﻩ ؟؟
ﻣﻨﻴﺮ :: ﻏﻴﺮ ﻭﺳﻌﻲ ﺑﺎﻟﻚ
ﺻﺒﻴﺖ ﻭ ﺳﻠﺤﺖ ﺍﻟﺪﺑﻠﻪ ﻭ ﺣﻄﻴﺘﻬﺎ ﻉ ﺍﻟﻄﺎﻭﻟﻪ
ﺍﻧﺎ :: ﺧﻮﺫﻫﺎ ﻋﺸﺎﻥ ﺗﺴﺘﻔﻴﺪ ﺑﻴﻬﺎ ‏)
ﻳﺎﺳﻴﻦ :: ﻣﻨﻴﺮ ﺻﺎﺭ ﻗﺘﻠﻲ ﻩ ﺗﻮﺍﻓﻖ ؟
ﻣﻨﻴﺮ :: ﻻ ﺟﺪﻳﺎﺕ ﺷﺪ ﺍﺣﻮﻳﻠﻚ ﻛﻴﻒ ﺗﺒﻲ ﺗﻌﻴﺶ ﻣﻌﺎﻩ ﻫﺬﻩ
ﺍﻧﺎ :: ﻣﺎ ﻫﻮ ﺍﻟﻘﺼﻪ ﻣﺶ ﻟﻌﺐ ﻋﻴﺎﻝ ﺭﺁﻩ ! ﻳﻮﻡ ﻳﺒﻴﻨﻲ ﻭ ﻳﻮﻡ ﻳﺒﻲ ﻏﻴﺮﻱ ؟؟
ﻳﺎﺳﻴﻦ :: ﻧﻘﻮﻟﻚ ﺣﺎﺟﻪ ،، ﺍﻧﺎ ﺍﻟﻠﻲ ﻩ ﺍﻧﺤﻮﻝ ﺍﻟﺪﺑﻠﻪ ﺑﻜﻞ ﻭ ﻉ ﺍﻟﻠﻲ ﻳﺘﺰﻭﺝ ﻭ ﻻ ﻳﻔﻜﺮ ﻑ ﺃﻡ ﺍﻟﻨﻜﺪ ﻫﺬﺍ
ﻣﻨﻴﺮ :: ﻏﻴﺮ ﻗﻌﻤﺰ ﺍﻧﺖ ﺍﻵﺧﺮ ، ﺗﻲ ﺷﻦ ﺍﻟﻔﺮﻭﺥ ﻫﺬﻭﻡ
ﺍﻧﺎ :: ﻭ ﺑﺎﻟﻨﺎﻗﺺ
ﻳﺎﺳﻴﻦ :: ﺷﻔﺖ ﻛﻴﻒ ﺗﺴﺘﻔﺰ ﻓﻴﺎ ؟ ﻭ ﺩﺍﻳﺮﻩ ﺭﻭﺣﻬﺎ ﺗﺨﺎﻑ ﻋﻠﻴﺎ ﻭ ﻻ ﻏﻴﺮ ﻑ ﺍﻻﺣﻼﻡ ﺑﺲ ؟؟
ﺍﻧﺎ :: ﺑﺎﻫﻲ ﺗﻤﺎﻡ
ﻣﻨﻴﺮ :: ﻋﻠﻴﻚ ﺩﺭﻩ ﻛﺒﺪ ﻗﺴﻤﺎ ﺑﺎﻟﻠﻪ ،، ﺍﻗﻌﺪﻭ ﻓﻴﻬﺎ " ﻭ ﺻﺒﻰ ﻭ ﻃﻠﻊ "
ﺍﻧﺎ :: ﻣﺶ ﻛﻨﺖ ﺗﺒﻲ ﺗﺮﻭﺡ ،، ﺗﻔﻀﻞ !
ﻳﺎﺳﻴﻦ :: ﺣﻮﺍﺀ ، ﺑﻄﻠﻲ ﺩﻭﺓ ﺍﻻﺳﺘﻔﺰﺍﺯ ﻫﺬﻩ ﺧﻴﺮ ﻣﺎ ﻧﺨﺮﺑﻠﻚ ﻭﺟﻚ !
ﺃﻧﺎ :: ﺗﺼﺪﻕ ﺧﻔﺖ ؟
ﻳﺎﺳﻴﻦ :: ﺣﻮﺍﺀ ﻣﺎ ﺗﻨﺮﻓﺰﻳﺶ !
ﺍﻧﺎ :: ﻭ ﻛﺎﻥ ﺗﻨﺮﻓﺰﺕ ﺷﻦ ﺗﺒﻲ ﺍﺩﻳﺮ ﻳﻌﻨﻲ ؟
ﻳﺎﺳﻴﻦ :: ﻧﺤﺒﻚ ﺯﻳﺎﺩﻩ ! ﻣﺎ ﻋﻨﺪﻱ ﻣﺎ ﻧﺪﻳﺮ
ﺍﻧﺎ :: ﻭ ﺍﻟﻠﻲ ﺗﺒﻲ ﺗﺘﺰﻭﺟﻬﺎ ﺍﻻﺧﺮﻩ ؟
ﻳﺎﺳﻴﻦ :: ﺗﻲ ﻫﻮﺍ ﺍﻧﺎ ﻗﺎﺩﺭ ﻧﺘﺰﻭﺝ ﺍﻷﻭﻟﻰ ﻋﺸﺎﻥ ﻧﻔﻜﺮ ﻑ ﺍﻻﺧﺮﻩ !
ﺍﻧﺎ :: ﻳﻌﻨﻲ ﻓﻲ ﻭﺣﺪﻩ ﺁﺧﺮﻩ ؟؟
ﻳﺎﺳﻴﻦ :: ﺃﻫﺎ ،، ﺷﻦ ﺩﺧﻠﻚ ﺍﻧﺘﻲ ؟
ﺍﻧﺎ :: ﻛﻴﻒ ﺷﻦ ﺩﺧﻠﻨﻲ !! ×_× ﻣﺎﻫﻮ ﺍﻧﺖ ﻟﻴﺎ 😞💔
ﻳﺎﺳﻴﻦ :: ﻣﺎ ﻫﻮ ﺍﻧﺎ ﺷﻨﻮ ؟ 😍
ﺍﻧﺎ :: ﻟﻴﺎ 😍
ﻳﺎﺳﻴﻦ :: ﻧﺠﻜﻠﻲ ﻭ ﺧﻼﺹ 😍 😘
ﺍﻧﺎ :: ﻭ ﻟﻴﺎ ﻧﺠﻚ ❤_❤
#
#
#
ﻗﻌﺪﻧﺎ ﻧﻬﺪﺭﺯﻭ ﻭ ﺑﻌﺪﻫﺎ ﺭﻭﺡ ﻭ ﺟﻮﻧﺎ ﺗﻤﺎﻡ ﺑﻜﻞ ♥
ﻣﺸﻦ ﺁﺧﺮ ﺃﻳﺎﻡ ﺭﻣﻀﺎﻥ ﻭ ﻧﺤﻦ ﺍﻧﻮﺗﻮ ﻓﻲ ﺣﻠﻮﻳﺎﺕ ﺍﻟﻌﻴﺪ ﻭ ﻫﻜﻲ
ﻭ ﺟﺎ ﺁﺧﺮ ﻳﻮﻡ ﺭﻣﻀﺎﻥ ﻭ ﻛﻤﻞ ﻉ ﺧﻴﺮ ﻭ ﺍﻟﺤﻤﺪ ﻟﻠﻪ
ﺭﺷﺎ :: ﺑﻜﺮﺍ ﻣﺎﺷﻴﻴﻦ ﻝ ﻋﻴﺖ ﺣﻨﻚ ﻗﺒﻞ ﺻﺎﺡ ؟؟
ﺍﻧﺎ :: ﺃﻫﺎ ﺃﻥ ﺷﺎﺀ ﺍﻟﻠﻪ
ﺭﺷﺎ :: ﻭ ﻋﻴﺖ ﺍﻣﻲ ﺑﻌﺪ ﺑﻜﺮﺍ ﺻﺎﺡ ؟
ﺇﺳﺮﺍﺀ :: ﻻﻻ ﺗﻘﺮﻳﺒﺎ ﻓﻲ ﺍﻟﻌﺸﻴﻪ
ﺭﺷﺎ :: ﺑﺎﻫﻲ ﺗﻤﺎﻡ ﻋﺸﺎﻥ ﺗﺎﻧﻲ ﻳﻮﻡ ﻧﻤﺸﻲ ﻝ ﻫﻠﻲ
ﺍﻧﺎ :: ﺃﻫﺎ
ﺭﺷﺎ :: ﻧﺮﻛﺐ ﺍﻧﺤﺪﺩ ﻟﺒﺴﺔ ﻣﻨﻴﺮ ﻋﺸﺎﻥ ﺻﻼﺓ ﺍﻟﻌﻴﺪ
ﺇﺳﺮﺍﺀ :: ﻛﺎﻥ ﺗﺎﺧﺬﻱ ﺟﺎﻟﺒﻴﺔ ﺑﺎﺑﺎ ﺑﺎﻟﻤﺮﻩ D:
ﺭﺷﺎ :: ﻫﺎﺗﻴﻬﺎ D:
ﺍﻧﺎ :: ﻧﻤﺸﻲ ﻧﺴﺘﺸﻮﺭ ﺷﻌﺮﻱ ﺍﻧﺎ
ﺇﺳﺮﺍﺀ :: ﺑﻌﺪ ﺗﻜﻤﻠﻲ ﺩﻳﺮﻟﻲ ﺍﻧﺎ
ﺍﻧﺎ :: ﺑﺎﻫﻲ
ﺇﺳﺮﺍﺀ :: ﻭﻭﻭﻟﻮﻭ ﻳﺮﻥ ﻫﻴﺎ ﺑﺎﻱ D:
ﺍﻧﺎ :: ﻭﺟﻚ D:
#
#
#
ﺇﺳﺮﺍﺀ :: ﺁﻟﻮ ﻳﺎ ﺑﻴﺒﻲ 😍
ﻭﻟﻴﺪ :: ﺧﻴﺮ ﻳﺎ ﺣﺒﻲ 😍
ﺇﺳﺮﺍﺀ :: ﻛﻞ ﺳﻨﻪ ﻭ ﺍﻧﺖ ﻃﻴﺐ 😍
ﻭﻟﻴﺪ :: ﻭ ﺍﻧﺘﻲ ﻃﻴﺒﻪ ﻳﺎ ﺭﻭﺣﻲ 😍
ﺇﺳﺮﺍﺀ :: ﺻﻮﺗﻚ ﺑﺮﺍ ،، ﻛﻴﻒ ﻣﺶ ﻓﻲ ﺍﻟﺤﻮﺵ ؟
ﻭﻟﻴﺪ :: ﻃﺎﻟﻊ ﺏ ﺍﻟﺴﻴﺎﺭﻩ ﻧﺪﻭﺭ ﻓﻲ ﺣﻼﻕ ﻓﺎﺿﻲ ﻭ ﺍﻟﺪﻧﻴﺎ ﺯﺣﻤﻪ ، ﻛﺮﻫﻮﻧﺎ ﺣﺘﻲ ﻓﻲ ﺍﻟﻌﻴﺪ
ﺇﺳﺮﺍﺀ :: ﻫﻬﻬﻬﻬﻪ ﻟﺪﺭﺟﻪ ﻫﺬﻩ
ﻭﻟﻴﺪ :: ﺩﺭﻫﻮ ﺍﻛﺒﻮﺩﻧﺎ ،، ﺧﻄﺮﻫﺎ ﺑﻜﺮﺍ ﺟﺎﻳﻴﻦ ﻭ ﻻ ﻣﺎﺷﻴﻴﻦ ﻟﻌﻴﺖ ﺣﻨﻚ ؟
ﺇﺳﺮﺍﺀ :: ﻓﻲ ﺍﻟﺼﺒﺢ ﻋﻨﺪ ﺣﻨﻲ ﻭ ﻓﻲ ﺍﻟﻌﺸﻴﻪ ﺗﻮ ﺍﻧﺠﻮ ﻏﺎﺩﻱ
ﻭﻟﻴﺪ :: ﺃﻫﺎ ﺗﻤﺎﻡ ﺑﻜﻞ
ﺇﺳﺮﺍﺀ :: ﺭﺍﻳﻔﺖ ﻋﻠﻴﺎ ؟
ﻭﻟﻴﺪ :: ﻻ 😂
ﺇﺳﺮﺍﺀ :: ﻧﻘﺎﻧﻚ ﺳﺎﻣﻂ 😂
ﻭﻟﻴﺪ :: ﺑﻌﺪ ﺧﻄﺮﻫﺎ ﺑﻜﺮﺍ ﺍﻣﻮﺗﻴﻠﻚ ﻫﺪﻳﻪ
ﺇﺳﺮﺍﺀ :: ﺷﻨﻮﻭﻭ 😍 ؟
ﻭﻟﻴﺪ :: ﺑﻜﺮﺍ ﻧﻌﻄﻴﻬﺎ ﻟﻜﻲ v:
ﺇﺳﺮﺍﺀ :: ﺑﺎﻫﻲ ﺣﺎﺟﻪ ﻧﺤﺒﻬﺎ ﺍﻧﺎ ﻭ ﻻ ﺷﻨﻮ !
ﻭﻟﻴﺪ :: ﺃﻫﺎ ﻭ ﺁﺧﺮﻩ ﺧﺎﻃﺮﻙ ﻓﻴﻬﺎ
ﺇﺳﺮﺍﺀ :: ﻣﺶ ﻋﺎﺭﻓﻪ ﻫﻬﻬﻬﻪ ﺧﺎﻃﺮﻱ ﻓﻲ ﺣﺎﺟﺎﺕ ﻭﺍﺟﺪ ﺍﺻﻼ 😂
ﻭﻟﻴﺪ :: ﻫﻬﻬﻬﻬﻬﻬﻪ 😂 ﺑﺎﻫﻲ ﺍﺳﻤﻌﻲ ، ﺁﻫﻮ ﺣﺼﻠﺖ ﺣﻼﻕ ، ﺧﻠﻴﻚ ﻭﺍﻋﻴﻪ ﺑﻌﺪﻳﻦ ﺗﻮ ﻧﺤﻜﻮ
ﺇﺳﺮﺍﺀ :: ﺧﻼﺹ ﺗﻢ ﻭ ﻧﻌﻴﻤﺎ ﻣﻦ ﺗﻮﺍ 😘
ﻭﻟﻴﺪ :: ﺍﻟﻠﻪ ﻳﻨﻌﻢ ﻋﻠﻴﻚ 😍
#
#
#
ﺇﺳﺮﺍﺀ :: ﺣﻮﻭﻭﻭﺍﺀ ﺗﻲ ﺍﻧﺘﻲ ﻳﺎ ﺧﺮﺍ
ﺍﻧﺎ :: ﻛﻨﻚ ﺗﻌﻴﻄﻲ -_-
ﺇﺳﺮﺍﺀ :: ﻃﻔﻲ ﺍﻻﺳﺘﺸﻮﺍﺭ ﺷﻮﻳﻪ
ﺍﻧﺎ :: ﻫﺎﻩ ﻃﻔﺘﻴﻪ ﻛﻨﻚ ؟
ﺇﺳﺮﺍﺀ :: ﻛﻨﺖ ﻧﺤﻜﻲ ﻣﻊ ﻭﻟﻴﺪ ﻭ ﻗﺎﻟﻲ ﺟﺎﻳﺒﻠﻚ ﻫﺪﻳﻪ
ﺍﻧﺎ :: ﺑﺎﻩ ﻭ ﺍﻧﺎ ﺷﻦ ﺩﺧﻠﻨﻲ ؟ D:
ﺇﺳﺮﺍﺀ :: ﺗﻲ ﻗﺎﻟﻲ ﺣﺎﺟﻪ ﺧﺎﻃﺮﻙ ﻓﻴﻬﺎ
ﺍﻧﺎ :: ﺑﺎﻫﻲ ﻭ ﺍﻧﺘﻲ ﺧﺎﻃﺮﻙ ﻓﻲ ﺷﻨﻮ ؟
ﺇﺳﺮﺍﺀ :: ﺧﺎﻃﺮﻱ ﻓﻴﻪ ﻫﻮﺍ 😂🙊
ﺍﻧﺎ :: ﺣﻴﻮﺍﻧﻪ 😂 😂
ﺇﺳﺮﺍﺀ :: ﻉ ﻣﺮﺗﻴﻦ ﻗﺒﻞ ﻗﻠﺘﻬﺎ ﻟﻪ ﺑﺲ ﻣﺴﻜﺖ ﺭﻭﺣﻲ ﻑ ﺁﺧﺮ ﻟﺤﻈﻪ v:
ﺍﻧﺎ :: ﺧﺰﻱ ﻭ ﺧﻼﺹ
ﺇﺳﺮﺍﺀ :: ﺗﺨﺎﻳﻠﻲ ﺍﻳﺠﻴﺒﻪ ﻟﻴﺎ o:
ﺍﻧﺎ :: ﺷﻨﻮ ﺑﺴﻢ ﺍﻟﻠﻪ ؟ D:
ﺇﺳﺮﺍﺀ :: ﺍﻻﻳﻔﻮﻥ ﺍﻟﻠﻲ ﺧﺎﻃﺮﻱ ﻓﻴﻪ ! o:
ﺍﻧﺎ :: ﻣﺶ ﺩﺭﺟﺔ ﺁﻳﻔﻮﻥ ﻋﺎﺩ
ﺇﺳﺮﺍﺀ :: ﺍﺣﺘﻤﺎﻝ ﻧﻨﺠﻠﻂ ﻛﺎﻥ ﺩﺍﺭﻫﺎ 😂
ﺍﻧﺎ :: ﻏﻴﺮ ﻭﺳﻌﻲ ﺑﺎﻟﻚ ﻳﺎ ﺩﺭﺍﻣﺎ ﺍﻧﺘﻲ 😂
ﺇﺳﺮﺍﺀ :: ﻛﻤﻠﻲ ﺑﺴﺮﻋﻪ ﺑﺎﻩ ﻋﺸﺎﻥ ﺍﺩﻳﺮﻳﻠﻲ
ﺍﻧﺎ :: ﺑﺎﻫﻲ ﻭ ﺍﻧﺘﻲ ﻣﻘﻌﻤﺰﻩ ﺣﺪﺩﻳﻠﻲ ﺍﻟﻮﺷﺎﺡ
ﺇﺳﺮﺍﺀ :: ﻳﻴﻴﻴﻴﻴﻲ ﻋﻠﻴﻨﺎ
ﺍﻧﺎ :: ﺍﻭﻛﻲ ﺧﻠﻴﻪ ﻭ ﺩﻭﺭﻱ ﻣﻦ ﻳﺪﻳﺮﻟﻚ ﺷﻌﺮﻙ 3:
ﺇﺳﺮﺍﺀ :: ﻻ ﺧﻼﺹ ﺗﻮ ﻧﺤﺪﺩﻩ
ﻛﻤﻠﺖ ﺷﻌﺮﻱ ﻭ ﻫﻴﺎ ﺣﺪﺩﺕ ﺍﻟﻮﺷﺎﺡ ﻭ ﺍﻟﻀﻲ ﻳﻘﻮﻭﻭﻝ ﺑﺤﺤﺤﺤﺤﺤﺢ
ﺇﺳﺮﺍﺀ :: ﻫﻮ ﺍﻟﻨﻮﺭ ﺍﺗﻘﻄﻊ ؟؟ 😳
ﺍﻧﺎ :: ﻓﻲ ﺃﺳﺌﻠﻪ ﻣﺎ ﺑﺘﺘﺴﺎﻟﺶ 😂 😂 😂 😂
ﺇﺳﺮﺍﺀ :: ﻳﺒﺼﺮﻭ ﺻﺎﺡ ! 😂😳
ﺍﻧﺎ :: ﻻ ﻭ ﺭﺃﺳﻚ 😂
ﺇﺳﺮﺍﺀ :: ﻭ ﺷﻌﺮﻱ ؟ 😞😳
ﺍﻧﺎ :: ﺣﺮﺍﻡ ﻳﺎ ﻧﺎﺱ 😂 😂
ﺇﺳﺮﺍﺀ :: ﻃﻴﺢ ﺳﻌﺪﻫﻢ ﺣﺘﻲ ﻉ ﺍﻟﻌﻴﺪ 😒
ﺍﻧﺎ :: ﻋﺎﺩﻱ ﻋﺎﺩﻱ 😂
ﺇﺳﺮﺍﺀ :: ﻧﻜﺪ ﻋﻠﻴﻬﻢ ﻳﺎ ﺍﻟﻠﻪ 😭
ﺍﻧﺎ :: 😂
ﺇﺳﺮﺍﺀ :: ﻭ ﻭﺷﺎﺣﻲ ﻭ ﻧﺒﻲ ﺍﻧﻮﺗﻲ ﺣﺎﺟﺎﺗﻲ ﻩ ﺍﻟﺤﻴﻮﺍﻧﺎﺕ ﻫﺬﻭﻡ 😭
ﺍﻧﺎ :: ﺑﺎﻟﻚ ﺗﻮ ﺷﻮﻳﻪ ﻭ ﻳﺠﻲ ، ﻣﺎ ﻓﺶ ﺣﺎﺟﻪ ﻣﺴﺘﺎﻫﻠﻪ ﻭﺳﻌﻲ ﺑﺎﻟﻚ ﺑﺲ 😂
ﺇﺳﺮﺍﺀ :: ﺑﻄﻠﻲ ﺿﺤﻚ ﻳﺎ ﺑﺎﺭﺩﻩ 😒
ﺍﻧﺎ :: ﻳﺎ ﺣﻲ ﻳﺎ ﺣﻲ ﻭ ﻃﻔﻮﻭ ﻋﻠﻴﻨﺎ ﺍﻟﻀﻲ 😂
ﺇﺳﺮﺍﺀ :: ﻧﻤﺸﻲ ﻧﻨﺨﻤﺪ ﺧﻴﺮﻟﻲ
ﺍﻧﺎ :: ﺑﺎﻫﻲ ﻛﺎﻥ ﺟﺎ ﺍﻧﻮﺿﻚ ؟ ! ✋😂
ﺇﺳﺮﺍﺀ :: ﺗﺒﻴﻨﻲ ﻧﺘﻨﺮﻓﺰ ؟ ﺑﺲ ﺍﻧﺎ ﻣﺶ ﻩ ﻧﺘﻨﺮﻓﺰ ﺗﻲ ﺏ ﻣﻜﺎﻟﻤﻪ ﻣﻨﻲ ﺍﻧﺨﻠﻲ ﻭﻭﻭﻟﻮﻭ ﻳﺠﻴﺐ ﺍﻟﻀﻲ
ﺍﻧﺎ :: ﺧﻔﻲ ﻋﻠﻴﻨﺎ ﻱ ﺷﺮﻛﺔ ﺍﻟﻜﻬﺮﺑﺎﺀ ﺍﻧﺘﻲ 😂😳
ﺇﺳﺮﺍﺀ :: ﻣﺶ ﻩ ﻧﺤﻜﻲ ﻣﻌﺎﻙ
ﺍﻧﺎ :: ﻣﻌﻘﻮﻟﺔ ﻟﻴﻠﺔ ﻋﻴﺪ ﻋﺎﺩ 😂
ﺇﺳﺮﺍﺀ :: ﻣﺎ ﻧﺴﻤﻌﺶ ﻓﻴﻚ ﻫﻴﻴﻴﻲ ﻫﻴﻴﻪ
ﺍﻧﺎ :: ﺑﺎﻩ ﺗﻤﺎﻡ 😂 😂
ﺟﺒﺖ ﺍﻟﺸﻤﻌﻪ ﻭ ﺻﺒﻴﺖ ﻗﺪﺍﻡ ﺍﻟﻤﺮﺍﻳﺎ ﻭ ﻧﺪﻳﺮ ﻓﻲ ﺷﻌﺮﻱ ﺩﻭﺍﻣﻪ ﻭ ﻧﻐﻨﻲ 😂
ﻭﻳﻨﻚ ﺍﻟﺪﻧﻴﺎ ﻋﻴﺪ ﻻ ﺟﻴﺖ ﻻ ﻋﻴﺪﺕ ،، ﻭﻳﻨﻚ ﺍﻟﺪﻧﻴﺎ ﻋﻴﺪ ﻻ ﺟﻴﺖ ﻻ ﻋﻴﺪﺕ
ﺣﺘﻲ ﺍﻧﻜﺎﻥ ﺑﻌﻴﺪ ، ﺣﺘﻲ ﺍﻧﻜﺎﻥ ﺑﻌﻴﺪ ، ﺍﻟﻤﻔﺮﻭﺽ ﺭﺍﻙ ﻧﺸﺪﺕ
ﺇﺳﺮﺍﺀ :: ﻃﻔﺶ ﻣﻨﻚ ﺍﺣﺴﻦ
ﺍﻧﺎ :: 😂
ﺇﺳﺮﺍﺀ :: ﻓﻬﻤﻴﻨﻲ ﻟﻴﺶ ﺗﻀﺤﻜﻲ ﺑﺲ ؟
ﺍﻧﺎ :: ﻓﺮﺣﺎﻧﻪ ﺭﻭﺣﻲ v:
ﺇﺳﺮﺍﺀ :: ﻣﺎ ﺗﻔﺮﺣﻴﺶ ﻗﺪﺍﻣﻲ ﺑﺎﻩ ﻟﻮ ﺳﻤﺤﺘﻲ ﻳﻌﻨﻲ
ﺍﻧﺎ :: ﺗﻢ ﺗﻮ ﻧﻔﺮﺡ ﻭﺭﺍﻙ 😂 😂
ﺣﺴﻴﺘﻬﺎ ﺗﻨﺮﻓﺰﺕ ﺑﻜﻞ ﻭ ﻃﻠﻌﺖ ﻣﻦ ﺍﻟﺪﺍﺭ ﺑﻜﺮﺍﻣﺘﻲ v:
ﺑﻌﺪ ﺳﺎﻋﺘﻴﻦ ﻫﻜﻲ ﺟﺎﺑﻮ ﺍﻟﻀﻲ ﻭ ﺍﺳﺘﺸﻮﺭﺗﻠﻬﺎ ﻭ ﻭﺗﻴﻨﺎ ﺩﺑﺸﻨﺎ ﻭ ﺍﻟﻤﻴﻚ ﺍﺏ ﻭ ﺍﻟﺠﻮ
ﻭ ﺭﻛﺒﻨﺎ ﻧﻬﺪﺭﺯﻭ ﻓﻮﻕ ﻋﻨﺪ ﺭﺷﺎ ﻋﻨﺪ ﻣﺎ ﻃﻠﻊ ﺍﻟﺼﺒﺢ ﻭ ﻣﺸﻮ ﺑﺎﺑﺎ ﻭ ﻣﻨﻴﺮ ﻝ ﺻﻼﺓ ﺍﻟﻌﻴﺪ ﺇﻻ ﺳﻲ ﻣﻔﺘﺎﺡ ﺭﺍﻗﺪ ﻭ ﻗﺎﻝ ﻣﺎ ﺣﺪ ﻳﻨﻮﺿﻨﻲ 😒 😂
ﻧﺰﻟﻨﺎ ﻟﻮﻃﺎ ﻭ ﻋﻴﺪﻧﺎ ﻉ ﻣﺎﻣﺎ ﻭ ﺑﻌﺪ ﺭﻭﺣﻮ ﺩﺍﺭﺕ ﺍﻟﻌﺼﻴﺪﻩ ﻭ ﻓﻄﺮﻧﺎ
ﺑﻌﺪﻫﺎ ﺑﺪﻳﻨﺎ ﻧﻠﺒﺴﻮ ﻭ ﻃﻠﻌﻨﺎ ﺷﻮﺭ ﻋﻴﺖ ﺟﺪﻱ
#
#
#
ﺍﻟﻌﻴﻠﻪ ﻛﻠﻬﺎ ﻗﺎﻋﺪﻩ ﻭ ﻋﻴﺪﻧﺎ ﻭ ﺟﻮ ﺗﻤﺎﻡ ﻭ ﻗﻌﻤﺰﻧﺎ ﻧﺤﻦ ﺍﻟﺒﻨﺎﺕ ﻓﻲ ﺍﻟﺪﺍﺭ ﻭ ﺍﻟﺼﺒﺎﻳﺎ ﻓﻲ ﺍﻟﺼﺎﻟﻪ
ﺷﻮﻳﻪ ﻫﻜﻲ ﻭ ﻗﺎﻟﻮ ﺍﻟﺸﺒﺎﺏ ﻳﺒﻮ ﻳﺨﺸﻮ ﻳﻌﻴﺪﻭ ﻭ ﺿﺮﻭﺭﻱ ﻧﻄﻠﻌﻮ ﻛﻠﻨﺎ ﻃﺎﺑﻮﺭ ﻓﻲ ﺍﻟﺼﺎﻟﻪ ﻋﺸﺎﻥ ﻧﺴﻠﻤﻮ 😂
ﺧﺶ ﺍﻭﻝ ﻭﺍﺣﺪ ﻣﻨﻴﺮ ﻭ ﻣﻌﺎﻩ ﻣﻔﺘﺎﺡ ﺳﻠﻤﻮ ﻉ ﺣﻨﻲ ﻭ ﻉ ﻋﻤﺎﺗﻲ ﻭ ﻉ ﺍﻟﺒﻨﺎﺕ ﻭ ﻃﻠﻌﻮ
ﺑﻌﺪﻫﺎ ﺧﺶ ﺳﺮﺍﺝ ﻭ ﺳﻠﻢ ﻋﻠﻴﻨﺎ ﻧﺤﻦ ﻷﻧﻪ ﺁﺧﺮ ﻭﺣﺪﻳﻦ ﺟﻴﻨﺎ
ﺑﻌﺪﻫﺎ ﺁﺩﻡ ﻭ ﻳﺎﺳﻴﻦ ﻭ ﻛﺎﻧﻮ ﻻﺑﺴﻴﻦ ﻋﺮﺑﻲ 😍
ﺳﻠﻢ ﺁﺩﻡ ﻋﻠﻴﻨﺎ ﻛﻠﻨﺎ ﻭ ﻋﺎﺩﻱ ﻣﺪﻳﺖ ﻳﺪﻱ ﻭ ﺳﻠﻤﺖ ﻋﻠﻴﻪ
ﺳﻠﻢ ﻳﺎﺳﻴﻦ ﻉ ﻣﺎﻣﺎ ﻭ ﺣﺐ ﻉ ﺭﺃﺳﻬﺎ ﻭ ﻉ ﺣﻨﻲ ﻭ ﻋﻤﺎﺗﻲ ﻭ ﻛﻨﺖ ﺍﻧﺎ ﺍﻭﻝ ﻭﺣﺪﻩ ﻓﻲ ﺍﻟﺒﻨﺎﺕ
ﻣﺶ ﻋﺎﺭﻓﻪ ﻟﻴﺶ ﻣﺘﺤﺸﻤﻪ ﻭ ﻣﺎﺳﻜﻪ ﺿﺤﻜﺘﻲ ﻓﻲ ﻧﻔﺲ ﺍﻟﻮﻗﺖ 😂🙊
ﻳﺎﺳﻴﻦ :: ﻛﻞ ﺳﻨﻪ ﻭ ﺍﻧﺘﻲ ﺍﻟﺤﺐ ❤ " ﻭ ﺳﻠﻢ ﻋﻠﻴﺎ ﺑﺎﻟﺨﺪ ﻭ ﺣﺐ ﻉ ﺭﺍﺳﻲ "
ﺍﻧﺎ :: ﻛﻞ ﺳﻨﻪ ﻭ ﺍﻧﺖ ﻣﻌﺎﻳﺎ ❤
ﻫﻨﺪ :: ﺗﺤﺸﻤﻮ ﻗﺪﺍﻣﻨﺎ ﺑﺲ 😂
ﺇﺳﺮﺍﺀ :: ﻳﺎ ﻣﺎﻣﺎ ﺷﻔﺘﻴﻪ ﺷﻦ ﺩﺍﺭ ✋😂
ﻣﺮﻭﻩ :: ﻋﻴﺐ ﻳﻌﻨﻲ ﺑﺠﺪ 😂😍
ﺍﻧﺎ :: 😂 " ﻭ ﻏﻤﺰﺕ ﻳﺎﺳﻴﻦ ﺍﻧﻪ ﻣﺎ ﻳﺴﻠﻤﺶ ﻋﻠﻴﻬﻦ 😒 😂 "
ﻳﺎﺳﻴﻦ :: ﻛﻞ ﺳﻨﻪ ﻭ ﺍﻧﺘﻮ ﻃﻴﺒﻴﻦ " ﻭ ﺑﺮﻡ ﻳﺒﻲ ﻳﻄﻠﻊ "
ﺇﺳﺮﺍﺀ :: ﻛﻴﻒ ﻣﺎ ﻳﺴﻠﻤﺶ ﻋﻠﻴﻨﺎ ﻧﺤﻦ ﻭ ﻻ ﺍﻳﺶ !
ﻳﺎﺳﻴﻦ :: ﺃﻫﺎ ﻭ ﻻ ﺍﻳﺶ 😂
ﺇﺳﺮﺍﺀ :: ﺗﻮ ﺍﺗﺠﻲ ﻳﺎ ﺍﺳﻮ ﻏﻴﺮ ﺧﻠﻴﻬﺎ ﺗﺮﺩ ﺗﻲ ﺑﺎﻫﻲ ﺑﺎﻩ
ﻳﺎﺳﻴﻦ :: ﻉ ﻃﻮﻝ ﻟﺴﺎﻧﻚ ﻫﺬﺍ ﻻ ﻧﺒﻲ ﺍﻧﺠﻲ ﻻ ﺳﻮ 😂
ﺍﻧﺎ :: ﺧﻼﺹ ﺑﺎﻩ ﺑﺎﻟﻚ ﺗﻄﻠﻊ ﻋﺎﺩ ﺍﻧﺖ 😒 😂
ﻳﺎﺳﻴﻦ :: ﻃﺎﻟﻊ ﻃﺎﻟﻊ ﺑﺲ ﻋﻨﺪﻧﺎ ﻗﻌﺪﻩ ﺑﻌﺪﻳﻦ 😂😍
ﺍﻧﺎ :: ﻋﻠﻴﻚ ﻓﻀﺎﻳﺢ 😂
ﻃﻠﻊ ﻳﺎﺳﻴﻦ ﻭ ﻛﻠﻬﻢ ﻳﻀﺤﻜﻮ ،، ﺧﺸﻴﻨﺎ ﻟﺪﺍﺭ ﻭ ﺻﻔﺎﺀ ﺑﺎﻳﻨﻪ ﺃﻧﻬﺎ ﻣﻀﺎﻳﻘﻪ ﻭ ﺣﻜﻴﺖ ﺍﻧﺎ ﻭ ﻳﺎﻫﺎ ﺑﺮﻭﺣﻨﺎ ﻭ ﺟﻮﻧﺎ ﺗﻤﺎﻡ
ﻣﺸﻰ ﺍﻟﺠﻮ ﺣﻠﻮ ﻭ ﻛﻞ ﻭﺣﺪﻩ ﺗﺼﻮﺭ ﻭ ﺍﺗﻨﺰﻝ ﻉ ﺍﻻﻧﺴﺘﺎ ﺇﻻ ﺍﻟﻤﺴﻜﻴﻨﻪ ﺍﻧﺎ 😒 😂
ﻫﻨﺪ :: ﻛﻨﻚ ﻗﺎﻟﺒﻪ ﻭﺟﻚ D: ؟
ﺍﻧﺎ :: ﻧﺒﻲ ﻧﺼﻮﺭ ﺣﺘﻲ ﺍﻧﺎ D:
ﺇﺳﺮﺍﺀ :: ﻭ ﺣﻖ ﺭﺑﻲ ﻧﻘﻮﻟﻬﺎ ﻝ ﻳﺎﺳﻴﻦ ﺭﺁﻩ 😂
ﺍﻧﺎ :: ﺍﺻﻼ ﺷﻦ ﻧﺒﻲ ﻧﺪﻳﺮ ﺑﻴﻬﻦ ﺍﻟﺼﻮﺭ ﻳﻌﻨﻲ ؟
ﻣﺮﻭﻩ :: ﺍﻳﻮﺍﻩ D:
ﺍﻧﺎ :: ﻣﺒﺮﺩﻛﻦ D:
ﺩﺍﺭﻭ ﺍﻟﻐﺪﺍﺀ ﻭ ﺗﻐﺪﻳﻨﺎ ﻭ ﺻﺒﺖ ﻣﺮﻭﻩ ﻭ ﺭﺷﺎ ﻭ ﺇﺳﺮﺍﺀ ﻳﻐﺴﻠﻦ ﻓﻲ ﺍﻟﻤﻮﺍﻋﻴﻦ ﻭ ﺍﻧﺎ ﺗﻮﻛﻠﺖ ﻉ ﺍﻟﻠﻪ ﻭ ﻣﺸﻴﺖ ﻝ ﺍﻟﺠﻨﺎﻥ ﻻﻭﺭﺍ ﻭ ﺭﻧﻴﺖ ﻉ ﻳﺎﺳﻴﻦ ﻋﺸﺎﻥ ﻳﺠﻲ
ﻳﺎﺳﻴﻦ :: ﺑﺎﻫﻲ ﻧﻘﺘﻞ ﺭﻭﺣﻲ ﺍﻧﺎ ﻳﻌﻨﻲ 😘
ﺍﻧﺎ :: ﻋﻠﻴﺶ ؟ 😂
ﻳﺎﺳﻴﻦ :: ﻛﻴﻒ ﻧﺘﺤﻤﻞ ﺍﻟﺴﻤﺎﺣﻪ ﻫﺬﻩ ﺑﺲ 😍
ﺍﻧﺎ :: ﺍﻧﺒﺎﻩ ﻭ ﺑﻌﺪﻫﺎ ! 😂😳
ﻳﺎﺳﻴﻦ :: ﺑﻌﺪﻫﺎ ﺍﻟﻌﺮﺱ ﻛﺎﻥ ﻣﺎ ﻳﺼﻴﺮﺵ ﺧﻼﻝ ﺷﻬﺮ ﻩ ﻧﺨﻄﻔﻚ 😂😳
ﺍﻧﺎ :: ﺗﻬﺪﻳﺪ ﻫﺬﺍ ﻣﺜﻼ !
ﻳﺎﺳﻴﻦ :: ﻻ ﺗﻜﺒﻴﺪ ﻫﺬﺍ ﻭ ﺭﺃﺱ ﺍﻣﻲ ﻫﻲ
ﺍﻧﺎ :: ﺍﺻﻼ ﺍﻧﺎ ﻛﻨﺖ ﻧﺒﻲ ﻧﻘﻮﻟﻚ ﻣﻮﺍﻓﻘﻪ ﻳﻌﻨﻲ
ﻳﺎﺳﻴﻦ :: ﻧﻌﻢ O.o ؟ ﻣﻮﺍﻓﻘﻪ ﻉ ﺷﻨﻮ ؟
ﺍﻧﺎ :: ﻉ ﺍﻟﻌﺮﺱ ﻳﻌﻨﻲ O.o
ﻳﺎﺳﻴﻦ :: ﺍﺣﻠﻔﻲ ؟
ﺍﻧﺎ :: ﻭ ﺭﺃﺱ ﺍﻟﻔﺮﺧﻪ ﺇﺳﺮﺍﺀ ﻫﻲ 😂
ﻳﺎﺳﻴﻦ :: ﻳﻌﻨﻲ ﻩ ﺗﻘﻌﺪﻱ ﻣﻌﺎﻳﺎ ﻓﻲ ﺍﻟﺤﻮﺵ 😍
ﺍﻧﺎ :: ﺇﺳﺮﺍﺀ ﻃﻠﻘﺖ ﻋﻠﻴﻚ ﻑ ﻗﻠﺔ ﺍﻻﺳﺘﻴﻌﺎﺏ 😂
ﻳﺎﺳﻴﻦ :: ﻛﻴﻒ ؟
ﺍﻧﺎ :: ﻓﻲ ﺃﺳﺌﻠﻪ ﻣﺎ ﺑﺘﺘﺴﺎﻟﺶ 😂
ﻳﺎﺳﻴﻦ :: ﺑﺎﻫﻲ ﺑﺎﻩ 😂
ﺃﻧﺎ :: ﻫﻜﻲ ﻓﻬﻤﺖ ﻳﻌﻨﻲ 😂 ؟
ﻳﺎﺳﻴﻦ :: ﺃﻫﺎ ﻭ ﺣﻖ ﺭﺑﻲ ﻓﻬﻤﺖ 😍 " ﻭ ﻗﺮﺏ ﻣﻨﻲ ﻭ ﺍﺿﺒﻄﻨﻲ "
ﺍﻧﺎ :: ﺣﻮﻝ ﻣﺮﺍﺕ ﻳﺠﻲ ﺷﻲ ﺣﺪ ﻋﺎﺩ
ﻳﺎﺳﻴﻦ :: " ﻣﺮﺍﺗﻲ " ﻛﻢ ﻣﺮﻩ ﻧﻘﻮﻟﻬﺎ ﺍﻟﻜﻠﻤﻪ ﻫﺬﻩ ﻋﺸﺎﻥ ﺗﻔﻬﻤﻲ !
ﺳﻌﺪ :: ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ
ﺍﻧﺎ :: ﺭﺁﻩ ﻫﻮﺍ ﻗﺎﻟﻲ ﻛﺎﻥ ﻣﺎ ﺗﺠﻴﺶ ﻫﻨﺎ ﻧﺨﻄﻔﻚ ﻭ ﻧﻘﺘﻠﻚ
ﺳﻌﺪ :: ﻭ ﺑﻌﺪﻫﺎ ؟
ﺍﻧﺎ :: ﻑ ﺍﻧﺎ ﺧﻔﺖ ﻳﻌﻨﻲ ﻭ ﺟﻴﺖ ﺑﺲ 😳
ﻳﺎﺳﻴﻦ :: 😂
ﺳﻌﺪ :: ﻓﻲ ﻟﺤﻈﻪ ﺑﺎﻋﺎﺗﻚ 😂
ﺍﻧﺎ :: ﺍﻟﺒﻨﺎﺕ ﻳﻨﺎﺩﻥ ﻓﻴﺎ 😂😳 " ﻭ ﺧﺸﻴﺖ ﻧﺠﺮﻱ "
#
#
#
ﻣﻊ ﺃﺫﺍﻥ ﺍﻟﻌﺼﺮ ﻫﻜﻲ ﻣﺸﻴﻨﺎ ﻝ ﺣﻮﺵ ﺍﻣﻲ ﻭ ﻟﻘﻴﻨﺎﻫﻢ ﺣﺘﻲ ﻫﻤﺎ ﻣﻠﺘﻤﻴﻦ ، ﺧﻮﺍﻟﻲ ﺑﺲ ﻷﻧﻪ ﺧﺎﻻﺗﻲ ﺍﻳﺠﻦ ﺗﺎﻧﻲ ﻳﻮﻡ
ﺳﻠﻤﻨﺎ ﻋﻠﻴﻬﻢ ﻭ ﻏﺎﺩﻱ ﻛﺴﺎﺩ ﺑﻜﻞ 3:
ﺭﻫﻒ ﻣﻊ ﻣﻨﺬﺭ ﻭ ﺇﺳﺮﺍﺀ ﻣﻊ ﻭﻟﻴﺪ ﻭ ﺍﻧﺎ ﻣﺎﺩﻩ ﻭﺟﻲ /:
ﺭﻭﺣﻨﺎ ﻓﻲ ﺍﻟﻠﻴﻞ ﻭ ﻛﺎﻧﺖ ﻫﺪﻳﺔ ﻭﻟﻴﺪ ﻝ ﺇﺳﺮﺍﺀ ﺍﻳﻔﻮﻥ 6 /:
ﻉ ﻗﻮﻝ ﻣﺎﻣﺎ ﻣﺶ ﺗﺎﻋﺐ ﻓﻲ ﺍﻟﻔﻠﻮﺱ ﺍﺻﻼ 😒 😂
#
#
#
ﻣﺸﻦ ﺃﻳﺎﻡ ﺍﻟﻌﻴﺪ ﻭ ﺟﻮﻧﺎ ﺗﻤﺎﻡ ،، ﻭ ﺭﺍﺑﻊ ﻳﻮﻡ ﺟﺖ ﻋﻤﺘﻲ ﺣﻠﻴﻤﻪ ﻋﺸﺎﻥ ﺍﺗﺤﺪﺩ ﻣﻮﻋﺪ ﻝ ﺍﻟﻌﺮﺱ ﻭ ﻛﺎﻥ ﺑﻌﺪ 20 ﻳﻮﻡ
ﻓﻲ ﺍﻷﻭﻝ ﻣﺎﻣﺎ ﻗﺎﻟﺖ ﻻ ﻭ ﻟﻴﺶ ﻣﺴﺘﻌﺠﻠﻴﻦ ﻭ ﻛﻴﻒ ﻧﺒﻮ ﺍﻧﻠﺤﻘﻮ ﻭ ﻫﻜﻲ ﺑﺲ ﺑﻌﺪﻫﺎ ﺭﺷﺎ ﺍﻗﻨﻌﺘﻬﺎ
ﻃﺒﻌﺎ ﻛﺎﻥ ﺃﻭﻝ ﻋﺮﺱ ﺷﺎﺏ ﺏ ﺍﻟﻨﺴﺒﻪ ﻟﻌﻴﺖ ﻋﻤﻲ ﻭ ﻳﺒﻮ ﺍﻳﺪﻳﺮﻭﻩ ﻋﺮﺱ ﺍﻣﻄﻨﻄﻦ ﻉ ﻗﻮﻟﻬﻢ v:
ﻗﻌﺪﻧﺎ ﻧﺤﻦ ﺍﻧﻮﺗﻮ ﻓﻲ ﺣﺎﺟﺎﺗﻨﺎ ﻭ ﻛﻞ ﻳﻮﻡ ﻧﻄﻠﻊ ﻝ ﺍﻟﺴﻮﻕ ﻧﺸﺮﻱ ﻓﻲ ﺩﺑﺶ ﻭ ﻣﻌﺎﻳﺎ ﺭﺷﺎ ﻭ ﺍﻣﺎ ﻣﺎﻣﺎ ﻃﻠﻌﺖ ﺗﺎﺧﺬﻟﻲ ﻓﻲ ﺣﺎﺟﺎﺕ ﺍﻟﻤﻄﺒﺦ ﻭ ﺍﻟﺠﻮ ﺍﻷﺧﺮ
ﺣﺠﺰﺕ ﻓﻲ ﻓﻴﻠﻮ ﺑﺲ ﺍﻳﺠﺎﺭ ﻭ ﺣﺠﺰﺕ ﻓﻲ ﺍﻟﻜﻮﺍﻓﻴﺮ ﻭ ﻛﻞ ﺷﻲ ﺗﻤﺎﻡ
ﻣﺸﻦ ﺍﻭﻝ ﻋﺸﺮ ﺃﻳﺎﻡ ﺑﺴﺮﻋﻪ ﻭ ﻛﻞ ﻳﻮﻡ ﻗﻌﺪﺕ ﻭﺯﻧﻲ ﻳﻨﻘﺺ ﺯﻳﺎﺩﻩ
ﻗﻌﺪﺕ ﻣﺶ ﻣﻬﺘﻤﻪ ﺑﺮﻭﺣﻲ ﻏﻴﺮ ﻧﺒﻲ ﺍﻟﻌﺮﺱ ﻳﻤﺸﻲ ﻉ ﺧﻴﺮ
ﺣﺘﻲ ﻳﺎﺳﻴﻦ ﻣﻌﺶ ﻗﻌﺪﺕ ﻧﺤﻜﻲ ﻣﻌﺎﻩ ﻻﻧﻲ ﻣﺶ ﻻﻗﻴﻪ ﻭﻗﺖ ﺑﻜﻞ 3:
ﻣﺸﺖ ﺭﺷﺎ ﺣﺠﺰﺕ ﻓﻲ ﻣﻮﺍﻟﺢ ﻭ ﺣﻠﻮﻳﺎﺕ ﻷﻧﻪ ﻣﺎ ﻓﺶ ﻭﻗﺖ ﻧﺪﻳﺮﻭ ﺷﻲ
ﻭ ﻣﻔﺘﺎﺡ ﺣﺠﺰﻟﻲ ﻓﻲ ﺻﺎﻟﻮﻥ ﻋﺎﻟﻲ ﻭ ﻛﺎﻧﺖ ﻫﺬﻩ ﻫﺪﻳﺘﻪ
ﻃﺒﻌﺎ ﺍﻟﻌﻴﻠﻪ ﻗﻌﺪﻭ ﻛﻞ ﺍﻟﻴﻮﻡ ﺍﻳﺠﻮ ﻋﻨﺪﻧﺎ ﻋﺸﺎﻥ ﻳﺴﺎﻋﺪﻭ ﻭ ﻫﻜﻲ
#
#
#
ﺟﺎ ﻳﻮﻡ ﺍﻟﺤﻨﻪ ﺍﻟﺼﻐﻴﺮﻩ ﻭ ﻛﻨﺖ ﻋﺎﺩﻱ ﺑﻜﻞ ﻳﻌﻨﻲ ﻻ ﺯﻋﻼﻧﻪ ﻻ ﻧﺒﻜﻲ ﻻ ﺷﻲ v:
ﻟﻴﺎ ﺳﻨﻴﻦ ﻧﺮﺍﺟﻲ ﻓﻴﻪ ﺍﻟﻴﻮﻡ ﻫﺬﺍ ﺍﺻﻼ 😂
ﺍﻟﺒﻨﺎﺕ ﻣﻠﺘﻤﺎﺕ ﻭ ﻳﺪﺭﺑﻜﻦ ﻭ ﺟﻮ ﻭ ﺍﻧﺎ ﺍﺗﺤﻨﻲ ﻓﻴﺎ ﺍﻟﺤﻨﺎﻳﻪ ﻭ ﻗﺮﻳﺐ ﺍﻧﺼﺒﻲ ﻭ ﻧﺮﻗﺺ ﻣﻌﺎﻫﻦ 😂 😂
ﺣﻮﻟﺖ ﺍﻟﺤﻨﻪ ﻓﻲ ﻭﺟﻪ ﺍﻟﺼﺒﺢ ﻫﻜﻲ ﻭ ﻣﺶ ﻋﺎﺭﻓﻪ ﻟﻴﺶ ﻗﻠﺖ ﻧﺮﻥ ﻉ ﻳﺎﺳﻴﻦ
ﻗﻠﺖ ﻓﻲ ﺑﺎﻟﻲ ﺍﻛﻴﺪﻩ ﺭﺍﻗﺪ ﺑﺲ ﻧﺮﻥ ﻭ ﺧﻼﺹ
ﻳﺎﺳﻴﻦ :: ﻛﻴﻒ ﺻﺎﺭ ﻣﺎﺯﻟﺘﻲ ﻭﺍﻋﻴﻪ ؟
ﺍﻧﺎ :: ﺃﻫﺎ ﻫﻨﺪ ﻭ ﺻﻔﺎﺀ ﻛﺎﻧﻦ ﻳﺤﻮﻟﻦ ﻓﻲ ﺍﻟﺤﻨﻪ
ﻳﺎﺳﻴﻦ :: ﺃﻫﺎ ﺗﻤﺎﻡ ﻭ ﻛﻴﻒ ﻃﻠﻌﺖ ؟
ﺍﻧﺎ :: ﺣﻠﻮﻩ ﻧﻔﺴﻲ v:
ﻳﺎﺳﻴﻦ :: ﻭﻳﻦ ﻉ ﺍﻟﺜﻘﻪ 👌
ﺍﻧﺎ :: ﻫﻬﻬﻬﻬﻪ ﺑﺎﻫﻲ ﺷﻦ ﺟﻮﻙ ؟
ﻳﺎﺳﻴﻦ :: ﻧﺒﻲ ﻧﻘﻮﻟﻚ ﺣﺎﺟﻪ ﻭ ﻳﺎ ﺭﻳﺖ ﺗﻔﻬﻤﻴﻨﻲ
ﺍﻧﺎ :: ﺷﻦ ﻓﻲ ؟ ﺍﺻﻼ ﺣﺴﻴﺖ ﺻﻮﺗﻚ ﻓﻲ ﺣﺎﺟﻪ ،، ﺍﺣﻜﻲ ؟
ﻳﺎﺳﻴﻦ :: ﻛﻞ ﺣﺪ ﻳﻤﺸﻲ ﻑ ﺣﺎﻟﻪ
ﺍﻧﺎ :: ﻫﻬﻬﻬﻬﻪ ﻋﻠﻴﻚ ﺑﺼﺎﺭﻩ ﺳﺎﻣﻄﻪ
ﻳﺎﺳﻴﻦ :: ﻧﺤﻜﻲ ﺟﺪﻳﺎﺕ ! ﺳﺎﻣﺤﻴﻨﻲ ﻭ ﺳﻜﺮ ! O.o
ﻗﻌﺪﺕ ﻧﺮﻥ ﻋﻠﻴﻪ ﻭ ﻟﻘﻴﺘﻪ ﻣﻘﻔﻞ ،، ﺗﻲ ﺷﻦ ﻓﻲ ؟ ﻳﺒﺼﺮ ﻫﺬﺍ ﻭ ﻻ ﺟﺪﻳﺎﺕ ؟
ﺷﻦ ﻧﺒﻲ ﻧﺪﻳﺮ ؟ ﺗﻲ ﺍﺣﺘﻤﺎﻝ ﺑﺎﺑﺎ ﻳﻨﺠﻠﻂ ﺑﻌﺪ ﻛﻞ ﻫﺬﺍ ﻭ ﻳﻘﻮﻝ ﻛﻞ ﺣﺪ ﻳﻤﺸﻲ ﻑ ﺣﺎﻟﻪ
ﺧﻨﻘﺘﻨﻲ ﺍﻟﻌﺒﺮﻩ ﻭ ﻣﻌﺶ ﻋﺮﻓﺖ ﺷﻦ ﻧﺪﻳﺮ ؟ ﺍﻧﻮﺽ ﻣﺎﻣﺎ ﻭ ﻧﺤﻜﻴﻠﻬﺎ ﻭ ﻻ ﻧﻜﻠﻢ ﻣﻔﺘﺎﺡ ﻭ ﻻ ﺷﻦ ﻧﺘﺼﺮﻑ ﺑﻀﺒﻂ
ﺧﺬﻳﺖ ﻧﻔﺲ ﻭ ﺭﻧﻴﺖ ﻉ ﺭﻗﻢ ﺁﺩﻡ !! ﻣﺶ ﻋﺎﺭﻓﻪ ﻟﻴﺶ ﻫﻮﺍ ﺑﺬﺍﺕ ﺑﺲ ﺁﻫﻮ ﻫﻮﺍ ﺍﻟﻠﻲ ﺟﺎ ﻗﺪﺍﻣﻲ
ﺍﻧﺎ :: ﺁﻟﻮ
ﺁﺩﻡ :: ﺃﻥ ﺷﺎﺀ ﺍﻟﻠﻪ ﺧﻴﺮ ﺑﺲ ﻣﺘﺼﻠﻪ ﺗﻮﺍ ؟
ﺍﻧﺎ :: ﺃﺳﻔﻪ ﻧﻮﺿﺘﻚ
ﺁﺩﻡ :: ﻻﻻ ﻭﺍﻋﻲ ، ﻛﻴﻒ ﻧﺮﻗﺪ ﺍﺻﻼ ﻭ ﺑﻜﺮﺍ ﻋﺮﺳﻚ
ﺍﻧﺎ :: ﻣﺶ ﻭﻗﺖ ﺍﻟﺪﻭﻩ ﻫﺬﻩ ﺗﻮﺍ ،، ﻛﻨﺖ ﻧﺤﻜﻲ ﻣﻊ ﻳﺎﺳﻴﻦ ﻭ ﻣﺶ ﻋﺎﺭﻓﻪ ﻛﻨﻪ ،، ﻗﺎﻟﻲ ﻛﻞ ﺣﺪ ﻳﻤﺸﻲ ﻑ ﺣﺎﻟﻪ
ﺁﺩﻡ :: ﻫﻬﻬﻪ ﺍﻛﻴﺪ ﻳﺒﺼﺮ ﻣﻌﺎﻙ ﺑﺲ
ﺍﻧﺎ :: ﺣﺘﻲ ﺍﻧﺎ ﻧﺤﺴﺎﺑﻪ ﻫﻜﻲ ﺑﺲ ﺳﻜﺮ ﺍﻟﺨﻂ ﻭ ﻧﺮﻥ ﻋﻠﻴﻪ ﻣﻘﻔﻞ
ﺁﺩﻡ :: ﺗﺤﻜﻲ ﺟﺪﻳﺎﺕ ﺍﻧﺘﻲ ؟
ﺍﻧﺎ :: ﺗﻮﺍ ﻭﻗﺖ ﺑﺼﺂﺭﻩ ﻳﻌﻨﻲ -_-
ﺁﺩﻡ :: ﻫﻮﺍ ﻣﺶ ﻓﻲ ﺍﻟﺤﻮﺵ ﺭﺍ ﺑﺲ ﺑﻌﺪ ﺍﻳﺠﻲ ﺗﻮ ﻧﺤﻜﻲ ﻣﻌﺎﻩ ﻣﺎ ﺗﺨﺎﻓﻴﺶ
ﺍﻧﺎ :: ﻳﻌﻨﻲ ﻧﻌﺒﻰ ﻋﻠﻴﻚ ؟
ﺁﺩﻡ :: ﺃﻥ ﺷﺎﺀ ﺍﻟﻠﻪ
ﺍﻧﺎ :: ﺻﺤﻴﺖ ﻳﺎ ﺁﺩﻡ
ﺁﺩﻡ :: ﻭ ﻟﻮ ﻳﺎ ﻣﺮﺍﺕ ﺧﻮﻳﺎ ^^
ﺍﻧﺎ :: ﻫﻴﺎ ﻣﻊ ﺍﻟﺴﻼﻣﻪ
ﺁﺩﻡ :: ﺳﻼﻡ
#
#
#
ﺳﻜﺮﺕ ﺍﻟﺨﻂ ﻭ ﻣﺎ ﻗﺪﺭﺗﺶ ﻧﺮﻗﺪ ﻭ ﻣﺎ ﻗﺪﺭﺗﺶ ﻧﺤﻜﻲ ﻝ ﺣﺪ ﺷﻦ ﺻﺎﺭ ﻭ ﺍﺻﻼ ﺍﻧﺎ ﻣﺶ ﻓﺎﻫﻤﻪ ﺷﻦ ﻓﻲ ؟
ﻣﺸﻴﺖ ﻓﻲ ﺍﻟﺼﺒﺢ ﻝ ﺍﻟﻜﻮﺍﻓﻴﺮ ﺍﻧﺎ ﻭ ﺻﻔﺎﺀ ﻭ ﻣﺸﻰ ﺍﻟﻮﻗﺖ ﻭ ﺍﻧﺎ ﻛﻞ ﺷﻮﻳﻪ ﻧﺠﺮﺏ ﻧﺮﻥ ﻋﻠﻴﻪ ﺑﺲ ﻣﻘﻔﻞ
ﺍﻭﻋﺮ ﺷﻌﻮﺭ ﻣﻤﻜﻦ ﺍﺗﺠﺮﺑﻪ ﺍﻟﺒﻨﺖ !
ﻭ ﻧﺮﻥ ﺣﺘﻲ ﻉ ﺁﺩﻡ ﻣﻘﻔﻞ ﺗﻲ ﻛﻨﻬﻢ ﻫﺬﻭﻡ -_-
ﻧﺮﻥ ﻉ ﺳﻌﺪ ﻫﻮﺍ ﺃﻗﺮﺏ ﻭﺍﺣﺪ ﻣﻦ ﻳﺎﺳﻴﻦ ، ﺑﺲ ﺷﻦ ﻧﻘﻮﻟﻪ ﺭﺁﻩ ﻣﻌﺶ ﻳﺒﻴﻨﻲ ،،؟
ﻣﺎﺳﻜﻪ ﺩﻣﻮﻋﻲ ﺑﺎﻟﻐﺼﺐ ﻭ ﺧﺎﻳﻔﻪ ﻭ ﺍﻟﻜﻮﺍﻓﻴﺮ ﻻﺣﻈﺖ ﺍﻧﻲ ﻣﺘﻮﺗﺮﻩ ﻭ ﺗﻘﻌﺪ ﺗﻬﺪﺭﺯ ﻣﻌﺎﻳﺎ
ﻣﺸﻰ ﺍﻟﻮﻗﺖ ﻭ ﺍﻧﺎ ﻣﺶ ﻋﺎﺭﻓﻪ ﺷﻦ ﻩ ﻳﺼﻴﺮ ﻓﻴﺎ ،، ﻛﻤﻠﺖ ﻛﻞ ﺷﻲ ﻭ ﻟﺒﺴﺖ ﺍﻟﻔﻴﻠﻮ ﻭ ﺭﻧﺖ ﺻﻔﺎﺀ ﻉ ﻣﻨﻴﺮ ﻭ ﺟﺎ ﺧﺬﺍﻧﺎ
ﺟﻴﺖ ﻧﺒﻲ ﻧﺴﺄﻝ ﻣﻨﻴﺮ ﻉ ﻳﺎﺳﻴﻦ ﺑﺲ ﻣﺎ ﻋﺮﻓﺘﺶ ﺷﻦ ﻧﻘﻮﻝ ﻭ ﻗﻌﺪﺕ ﺳﺎﻛﺘﻪ
ﻭﺻﻠﻨﺎ ﻟﻠﻘﺎﻋﻪ ﻭ ﻋﻴﻮﻧﻲ ﻉ ﻋﻤﺘﻲ ﻭ ﻛﺎﻥ ﺑﺎﻳﻨﻪ ﻋﻠﻴﻬﺎ ﺃﻧﻬﺎ ﻣﺘﻮﺗﺮﻩ
ﺧﺸﻴﺖ ﺳﻠﻤﺖ ﻋﻠﻴﻬﺎ ﻑ ﺍﻻﺳﺘﻘﺒﺎﻝ ﻫﻴﺎ ﻭ ﻣﺎﻣﺎ ﻭ ﺣﻨﻲ ﻭ ﺍﻣﻲ ﻭ ﺧﺸﻴﺖ ﻟﻠﻘﺎﻋﻪ
ﻧﻤﺸﻲ ﻭ ﺍﻧﺤﺲ ﺍﻧﻪ ﺍﻟﺪﻧﻴﺎ ﺗﺒﺮﻡ ﺑﻴﺎ ﻭ ﻣﺎ ﺣﻮﺗﻚ ﻣﺎ ﻭﺻﻠﺖ ﻟﻠﻤﺴﺮﺡ
ﺩﺍﻳﺮﻩ ﺭﻭﺣﻲ ﻧﻮﺯﻉ ﻓﻲ ﺍﺑﺘﺴﺎﻣﺎﺕ ﻭ ﺟﻮﻱ ﺣﻠﻮ ﻭ ﻃﺮﻭﺡ
ﺍﻟﻔﺮﻗﻪ ﺗﻐﻨﻲ ﻭ ﺻﺒﺖ ﻋﻤﺘﻚ ﻫﺎﺟﺮ ﺗﺮﻗﺺ ، ﺍﻧﺎ ﻣﺶ ﻃﺎﻳﻘﻪ ﺭﻭﺣﻲ ﻭ ﻫﻴﺎ ﺁﺧﺮﻩ ﻗﺪﺍﻡ ﻭﺟﻲ
ﻳﻌﻨﻲ ﺍﻧﻮﺽ ﺍﻧﻔﺶ ﻏﻠﻲ ﻓﻴﻬﺎ ﻭ ﻻ ﺷﻨﻮ 😒 ؟؟
ﻓﺠﺄﻩ ﻫﻜﻲ ﺍﻟﻘﺎﻋﻪ ﻗﻌﺪﺕ ﻫﺪﻭﺀ ﺑﻜﻞ ﻭ ﺍﻟﻔﺮﻗﻪ ﺳﻜﺘﺖ ﻭ ﺍﻧﺎ ﻧﺒﺤﺖ ﻓﻲ ﺇﺳﺮﺍﺀ ﻭ ﻧﻘﻮﻟﻠﻬﺂ
ﺍﻧﺎ :: ﺷﻦ ﻓﻲ ؟ ﻓﻲ ﺣﺪ ﻣﺎﺕ ﻭ ﻻ ﺷﻨﻮ ؟
ﺇﺳﺮﺍﺀ :: ﺑﺤﺘﻲ ﺷﻮﺭ ﺍﻟﺒﺎﺏ 😁
ﻭ ﻛﺎﻥ ﺁﺩﻡ ﻭ ﻋﻤﻲ ﺳﻌﺪ ﻭ ﻣﻨﻴﺮ ﻭ ﻣﻔﺘﺎﺡ ﻭ ﺳﺮﺍﺝ ﻛﻠﻬﻢ ﺧﺎﺷﻴﻦ ﻭ ﺟﺎﻳﻴﻦ ﺷﻮﺭ ﺍﻟﻤﺴﺮﺡ
ﻳﺎﺳﻴﻦ ﻣﺎﺕ ؟ ﻭ ﺟﺎﻳﻴﻦ ﻳﺎﺧﺬﻭﻧﻲ ﻝ ﻗﺒﺮﻩ ! 😳
ﻭ ﻳﻄﻠﻊ ﻣﻦ ﻭﺳﻄﻬﻢ ﺳﻲ ﺍﻟﺨﺮﺍ ﻳﺎﺳﻴﻦ ﻭ ﻣﺎﺳﻚ ﻓﻲ ﻳﺪﻩ ﺑﺎﻗﺔ ﻭﺭﺩ ﻭ ﻳﻐﻨﻲ ﻭ ﻳﺘﺮﻗﺺ
ﻋﻄﻴﺘﻪ ﻧﻈﺮﺓ ﻣﺘﺎﻉ ﻭ ﻗﺴﻤﺎ ﺑﺎﻟﻠﻪ ﻧﻮﺭﻳﻚ 😒
ﺟﺎ ﻗﺪﺍﻣﻲ ﻭ ﺑﺎﺳﻨﻲ ﻉ ﺭﺍﺳﻲ ﻭ ﻣﺴﻚ ﻳﺪﻱ ﻭ ﺑﺎﺳﻬﺎ
ﻳﺎﺳﻴﻦ :: ﻧﺤﺒﻚ ﻭ ﺣﻖ ﺍﻟﻠﻪ 😍
ﺍﻧﺎ :: ﻗﻠﺒﻲ ﻭﻗﻒ ﻳﺎ ﺑﺎﺭﺩ 😞💔
ﻳﺎﺳﻴﻦ :: ﻓﻜﺮﺓ ﺁﺩﻡ ﺭﺁ 😂
ﺍﻧﺎ :: ﻣﺎ ﻫﻮ ﻣﺎ ﺍﺑﺮﺩ ﻣﻨﻚ ﺇﻻ ﻫﻮﺍ 😒
ﻗﻌﺪ ﻳﺼﻮﺭ ﻫﻮﺍ ﻭ ﺍﻟﺸﺒﺎﺏ ﻭ ﻓﺎﺗﻨﻲ ﺍﻧﺎ 😂😳
ﻉ ﺃﺳﺎﺱ ﻋﺮﺱ ﻣﻦ ﻣﺜﻼ ؟ ﻋﻨﺪ ﺗﻨﺮﻓﺰﺕ ﺑﺠﺪ 😒
ﻭ ﻧﻘﻮﻝ ﻝ ﻣﺎﻣﺎ ﻟﻴﺶ ﻳﺨﺸﻮ ﺍﺻﻼ /:
ﻛﻤﻞ ﺍﻟﻌﺮﺱ ﻉ ﺧﻴﺮ ﻭ ﺳﻼﻣﻪ ﻭ ﺭﻭﺣﻨﺎ ﻝ ﺣﻮﺷﻨﺎ ﺍﻟﺠﺪﻳﺪ ♥ ~
#
#
#
ﻳﺎﺳﻴﻦ :: ﺣﻮﺍﺀ ﺑﺎﻟﻚ ﺗﻨﻮﺿﻲ ﺍﻟﺴﺎﻋﻪ 11
ﺍﻧﺎ :: ﺇﺳﺮﺍﺀ ﻛﺎﻥ ﻣﺎ ﺗﻔﻮﺗﻲ ﻭﺟﻲ ﺍﻧﻮﺽ ﺍﻧﻌﻴﻂ ﻝ ﻣﻨﻴﺮ 3:
ﻳﺎﺳﻴﻦ :: ﺇﺳﺮﺍﺀ ﻣﻦ ﻳﺎ ﻫﺒﻠﻪ 😂
ﺍﻧﺎ :: ﺷﻦ ﻗﺎﻋﺪ ﺍﺩﻳﺮ ﺍﻧﺖ ﻫﻨﺎ 😳😳
ﻳﺎﺳﻴﻦ :: ﻛﻨﺖ ﻣﻜﺴﺪ ﻭ ﻗﻠﺖ ﺍﻧﺠﻲ ﻧﻐﻴﺮ ﺟﻮ ﺑﺲ 😒 😂
ﺍﻧﺎ :: ﻋﻠﻴﻚ ﺳﻤﺎﻃﻪ ﻣﻦ ﺍﻟﺼﺒﺢ ﻱ ﺭﺏ 😂
ﻳﺎﺳﻴﻦ :: ﺻﺒﻲ ﺑﺎﻩ ﻋﺸﺎﻥ ﺗﻠﺒﺴﻲ ﺍﻟﻌﻴﻠﻪ ﺗﺮﺍﺟﻲ ﻟﻮﻃﺎ 😂
ﺍﻧﺎ :: ﺑﺎﻫﻲ ﻣﻤﻜﻦ ﺗﻄﻠﻊ ﺷﻮﻳﻪ ﻳﻌﻨﻲ 😂😳
ﻳﺎﺳﻴﻦ :: ﺃﻫﺎ ﻋﺎﺩﻱ ، ﺍﺻﻼ ﺍﻟﺪﺍﺭ ﺩﺍﺭﻙ ﺍﻧﺘﻲ ﻣﺶ ﻟﻴﺎ ﺍﻧﺎ 😒 😂
ﺍﻧﺎ :: ﺻﻮﺕ ﺣﺪ ﻳﺪﻕ ﺍﻣﺸﻲ ﺍﻓﺘﺢ 😂
ﻳﺎﺳﻴﻦ :: ﻣﺎ ﺳﻤﻌﺘﺶ ﺷﻲ
ﺍﻧﺎ :: ﺗﻲ ﺁﻫﻮ ﻭ ﺁﺧﺮﻩ ﺣﺪ ﻳﻘﻮﻝ ﻳﺎ ﻳﺎﺳﻴﻦ
ﻳﺎﺳﻴﻦ :: ﺑﺎﻫﻲ ﺗﻮ ﻧﺸﻮﻑ ﻣﻦ ﻭ ﺍﻧﺠﻴﻚ
ﺍﻧﺎ :: ﻣﺎ ﺍﻃﻮﻟﺶ ﺍﺻﻼ ﻧﺘﺤﻤﻠﺶ ﺩﻗﻴﻘﻪ ﺑﺪﻭﻧﻚ
ﻳﺎﺳﻴﻦ :: ﻧﻌﻠﻴﺎ ﻭ ﺧﻼﺹ 😍
ﻃﻠﻊ ﻣﻦ ﻫﻨﺎ ﻭ ﺍﻧﺎ ﻧﻄﻴﺖ ﻭ ﺳﻜﺮﺕ ﺑﺎﺏ ﺍﻟﺪﺍﺭ
ﻳﺎﺳﻴﻦ :: ﺣﻮﻭﻭﻭﺍﺀ ، ﺍﻓﺘﺤﻲ
ﺍﻧﺎ :: ﺍﻧﻼ ، ﻧﻐﻴﺮ ﺃﺩﺑﺸﻲ ﻭ ﺑﻌﺪﻫﺎ ﻧﻔﺘﺢ
ﻳﺎﺳﻴﻦ :: ﺗﻲ ﺑﻄﻠﻲ ﻃﺮﻭﺡ ، ﺭﺍﺟﻠﻚ ﺍﻧﺎ
ﺍﻧﺎ :: ﺭﺁﻩ ﺍﻧﻜﻠﻢ ﻫﻠﻚ
ﻳﺎﺳﻴﻦ :: ﻭ ﻛﻴﻒ ﺗﺒﻲ ﺍﺗﻜﻠﻤﻴﻬﻢ ﻧﻘﺎﻟﻚ ﺁﻫﻮ
ﺍﻧﺎ :: ﺑﺎﻫﻲ ﺣﻄﻪ ﻋﻨﺪ ﺍﻟﺒﺎﺏ
ﻳﺎﺳﻴﻦ :: ﺍﻓﺘﺤﻲ ﻧﻌﻄﻴﻪ ﻟﻜﻲ ﻭ ﻣﺎ ﻧﺒﺶ ﺍﻧﺨﺶ
ﺍﻧﺎ :: ﻣﺶ ﻋﺎﺭﻓﻪ ﻟﻴﺶ ﻣﺶ ﻣﺼﺪﻗﺘﻚ 😂
ﻳﺎﺳﻴﻦ :: ﺗﻲ ﺍﻓﺘﺤﻲ ﺑﺲ ، ﺗﻮ ﻫﻠﻲ ﻳﺴﻤﻌﻮﻧﺎ
ﺍﻧﺎ :: ﻗﺘﻠﻚ ﻣﺶ ﻩ ﻧﻔﺘﺢ ﺭﺁﻩ ﻧﻌﻴﻂ ﻝ ﻋﻤﺘﻲ ﻣﻦ ﺭﻭﺷﻦ ﺍﻟﺪﺍﺭ
ﻳﺎﺳﻴﻦ :: ﺧﻮﺍﻓﻪ ﻣﺎ ﺗﻘﺪﺭﻳﺶ ، ﺗﻲ ﻭ ﺍﺻﻼ ﺷﻦ ﺗﺒﻲ ﺗﻘﻮﻟﻴﻠﻬﻢ ﺭﺍ ﻳﻀﺤﻜﻮ ﻋﻠﻴﻚ 😂
ﺍﻧﺎ :: ﺭﺍﺟﻲ ﺑﺲ
ﻓﺘﺤﺖ ﺍﻟﺮﻭﺷﻦ ﻭ ﻛﺎﻥ ﻳﻔﺘﺢ ﻉ ﺍﻟﻤﻄﺒﺦ ﻭ ﻗﻌﺪﺕ ﺍﻧﺎﺩﻱ
ﺍﻧﺎ :: ﻳﺎﺍﺍﺍﺍﺍ ﻋﻤﺘﻲ
ﻳﺎﺳﻴﻦ :: ﺣﻲ ﻉ ﺍﻣﻚ ﺗﻲ ﺍﺳﻜﺘﻲ 😂
ﺍﻧﺎ :: ﻳﺎﺍﺍﺍ ﻋﻤﻤﻤﻤﻤﻤﻤﺘﻲ
ﺁﺩﻡ :: ﺑﺴﻢ ﺍﻟﻠﻪ ﻛﻨﻚ ؟
ﺍﻧﺎ :: ﻭﻳﻦ ﺍﻣﻚ ؟؟
ﺁﺩﻡ :: ﻓﻲ ﺍﻟﺼﺎﻟﻪ ،، ﺷﻦ ﻓﻲ ؟؟
ﺍﻧﺎ :: ﻛﻠﻤﻬﺎ ﻟﻴﺎ
ﺣﻠﻴﻤﻪ :: ﺷﻦ ﻓﻲ ﻳﺎ ﺣﻮﺍﺀ ؟ ﺇﻥ ﺷﺎﺀ ﺍﻟﻠﻪ ﺧﻴﺮ
ﺍﻧﺎ :: ﻳﺎﺳﻴﻦ ﻳﺒﻲ ﻳﺨﺶ ﻝ ﺩﺍﺭ ﻭ ﺍﻧﺎ ﻗﺘﻠﻪ ﺭﺍﺟﻲ ﻧﻐﻴﺮ ﻗﺒﻞ
ﺣﻠﻴﻤﻪ :: ﻧﻌﻢ 😂 ؟؟
ﺁﺩﻡ :: ﺭﺑﻲ ﻳﻜﻮﻥ ﻓﻲ ﻋﻮﻧﻪ 😂
ﻳﺎﺳﻴﻦ :: ﺍﻗﻌﺪﻱ ﻓﻴﻬﺎ 😂
ﺍﻧﺎ :: ﺭﺍﺟﻲ ﻣﺎ ﺗﻨﺰﻟﺶ ﻭ ﺗﺴﻴﺒﻨﻲ
ﻳﺎﺳﻴﻦ :: ﻃﺎﻟﻊ ﻣﻦ ﺍﻟﺤﻮﺵ ﺑﻜﻞ ﺍﺻﻼ
ﺍﻧﺎ :: ﺑﺎﻫﻲ ﺧﻼﺹ ﺗﻮ ﻧﻔﺘﺢ " ﻓﺘﺤﺘﻠﻪ ﺍﻟﺒﺎﺏ ﻭ ﻛﺎﻥ ﻣﺎﺳﻚ ﻓﻲ ﻳﺪﻩ ﺷﻴﺸﺔ ﺍﻣﻴﻪ "
ﻳﺎﺳﻴﻦ :: ﺻﺎﺭ ﺗﻨﺎﺩﻱ ﻓﻲ ﺍﻣﻲ ﺃﻫﺎ ؟ 😂
ﺍﻧﺎ :: ﺷﻦ ﺗﺒﻲ ﺍﺩﻳﺮ ؟ ﻳﺎﺳﻴﻦ ﻭ ﺭﺃﺱ ﺣﺒﻨﺎ ﻋﺎﺩ 😂😳
ﻳﺎﺳﻴﻦ :: ﺷﺎﻭﺭ ﻉ ﺍﻟﺴﺮﻳﻊ " ﻭ ﻛﺐ ﺍﻟﺸﻴﺸﻪ ﻋﻠﻴﺎ "
ﺍﻧﺎ :: ﻛﻨﻚ ﻫﻜﻲ ﺍﻧﺖ ﺃﻫﺎ 😭
ﻳﺎﺳﻴﻦ :: ﻋﻨﺪﻙ 5 ﺩﻗﺎﻳﻖ ، ﻭ ﻧﻠﻘﻰ ﺍﻟﺸﻘﻪ ﺗﻠﻤﻊ ﻓﺎﻫﻤﻪ 😂 ﻭ ﻫﻴﺎ ﻧﺮﺍﺟﻲ ﻓﻴﻚ ﻟﻮﻃﺎ
ﺍﻧﺎ :: ﺷﻴﻠﻨﻲ ﻝ ﻫﻠﻲ ﻫﻲ
ﻳﺎﺳﻴﻦ :: ﻗﻴﺴﻬﺎ ﺯﻳﺰﻩ ﺳﻮﺩﻩ 😂
ﺍﻧﺎ :: ﺳﻮﺩ ﺭﺃﺳﻚ 😂
ﺍﺣﺒﺘﺖ ﺟﻨﺲ ﺣﻮﺍﺀ ﻋﻨﺪﻣﺎ ﺭﺃﻳﺖ ﺗﻠﻚ ﺍﻟﻌﻴﻨﺎﻥ ،، ﺣﻴﻨﻬﺎ ﺍﺧﺒﺮﺗﻚ :
" ﺗﻠﻚ ﺍﻟﻌﻴﻮﻥ ﺍﻟﺠﻤﻴﻠﻬﻪ ﺃﺣﻠﻰ ♥ ~ "
ﻭ ﺍﺑﺘﺴﻤﺖ ﺍﻧﺎ ﻗﺎﺋﻠﻬﻪ :
" ﻭ ﺫﺍﻙ ﺍﻟﺠﻤﺎﻝ ﻳﺨﻴﻒ ﺍﻟﻘﻤﺮ ♥ ~ "
# ﺍﻟﻨﻬﺎﻳﻪ ♥ ~
# ﻛَــﻼﻡْ _ ﺣَــﻮّﺍﺀ ~ ْ•
# ﺭﻭﺁﻳﺎﺕ _ ﺃﻧﺜﻰ _ ﺷﺮﻕﯾﺔﻩ ❤

ملاحظة::الكاتبة عندها رواية جديدة وتنزل حصريا في قروبها الرواية بعنوان#إنكار