#ﻛَــﻼﻡْ_ﺣَــﻮّﺍﺀ ~ • #ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚

الحلقة4

#ﻛَــﻼﻡْ_ﺣَــﻮّﺍﺀ ~ •
#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
ﺍﻟﺤـﻠﻘـﻬﻪ ﺍﻟـﺮﺍﺑـﻌـﻪ
ﻣﻦ ﻛﺜﺮ ﺍﻟﺰﺣﻤﻪ ﻣﺎ ﺗﻘﺪﺭﻳﺶ ﺣﺘﻲ ﺗﺴﺎﻋﺪﻳﻬﻢ ﻓﻲ ﺣﺎﺟﻪ ،، ﺗﺤﺴﻮﻫﻢ ﻣﺎ ﻳﺘﻌﺒﻮﺵ ﺑﻜﻞ ،، ﻳﺪﻳﺮﻭ ﺣﺎﺟﻪ ﻭ ﻳﻜﻤﻠﻮﻫﺎ ﺑﺮﻭﺣﻬﻢ
ﺧﺬﻳﺖ ﻣﺨﺪﻩ ﻭ ﺗﻮﻛﻠﺖ ﻉ ﺍﻟﻠﻪ ﻭ ﺧﺸﻴﺖ ﺩﺍﺭ ﺧﺎﻟﻲ ﻭ ﻧﻠﻘﻰ ﺭﻳﻨﺎﺩ ﻣﻊ ﻭﺍﺋﻞ ﻓﻲ ﺍﻟﺪﺍﺭ
ﺍﻧﺎ :: ﺣﻲ ﻉ ﺍﻣﻚ ﺍﻧﺘﻲ ﻭﻳﺎﻩ ﺷﻦ ﻗﺎﻋﺪﻳﻦ ﺍﺩﻳﺮﻭ ﺍﻧﺘﻮ ﺍﻻﺗﻨﻴﻦ
ﺭﻳﻨﺎﺩ :: ﺣﻮﺍﺀ ﻭﻃﻲ ﺻﻮﺗﻚ ﻭ ﺍﻟﻠﻪ ﻓﺎﻫﻤﻪ ﻏﻠﻂ
ﻭﺍﺋﻞ :: ﺍﻓﻬﻤﻲ ﻗﺒﻞ ﺑﻌﺪﻫﺎ ﺍﺣﻜﻲ
ﺍﻧﺎ :: ﺷﻦ ﻣﺎﺯﻟﺖ ﻧﺒﻲ ﻧﻔﻬﻢ ﻃﻴﺢ ﺳﻌﺪﻛﻢ ﺭﻣﻀﺎﻥ ﺭﺁﻩ ﻭﻭﻭﻭﻩ ﻭﻳﻦ ﺍﻣﻚ ﺍﻧﺘﻲ
ﺭﻳﻨﺎﺩ :: ﻭ ﺭﺃﺱ ﻳﺎﺳﻴﻦ ﻭﻃﻲ ﺻﻮﺗﻚ
ﺍﻧﺎ :: ﻫﺎﻩ ﻭﻃﻴﺘﻪ ﻓﻬﻤﻴﻨﻲ ﻫﻲ " ﺣﻠﻔﺖ ﺏ ﺭﺃﺱ ﺍﻟﻐﺎﻟﻲ ﻋﺎﺩ "
ﻭﺍﺋﻞ :: ﻣﺎ ﻓﻲ ﺷﻲ ،، ﻛﻨﺎ ﻧﺤﻜﻮ ﻋﺎﺩﻱ ﺍﺻﻼ
ﺍﻧﺎ :: ﺍﺳﺘﻐﻔﺮ ﺍﻟﻠﻪ ،، ﺗﻲ ﺭﻣﻀﺎﻥ ﻭ ﻻ ﻣﺶ ﺻﺎﻳﻤﻴﻴﻦ ﺍﻧﺘﻮ !!
ﺭﻳﻨﺎﺩ :: ﻻ ﻭﺍﻟﻠﻪ ﺻﺎﻳﻤﻪ ، ﻏﻴﺮ ﻛﻨﺎ ﻧﻬﺪﺭﺯﻭ ﺑﺲ
ﺍﻧﺎ :: ﺑﺎﻩ ﻛﻨﺘﻮ ﺗﻬﺪﺭﺯﻭ ﻋﻠﻴﺶ ﺍﻣﺴﻜﺮﻳﻦ ﺍﻟﺪﺍﺭ ﺃﻥ ﺷﺎﺀ ﺍﻟﻠﻪ ! ﺷﻦ ﻛﻨﺘﻮ ﺍﺩﻳﺮﻭ !!
ﻭﺍﺋﻞ :: ﺧﺮﻓﻲ ﻳﺎ ﺣﻠﻴﻤﻪ
ﺍﻧﺎ :: ﻭ ﺍﺗﺤﻨﻂ ﺁﺧﺮﻩ !
ﺭﻳﻨﺎﺩ :: ﺣﻮﺍﺀ ﻋﺎﺩ ، ﻭ ﺍﻟﻠﻪ ﺍﻟﻌﻈﻴﻢ ﻧﺤﻜﻮ ﻋﺎﺩﻱ
ﺍﻧﺎ :: ﺻﺪﻗﺘﻚ ﺗﻤﺎﻡ ، ﺑﺲ ﺍﻟﺒﺎﺏ ﻟﻴﺶ ﻛﺎﻥ ﺍﻣﺴﻜﺮ ! ﻓﻬﻤﻮﻧﻲ ﻛﺬﺍ
ﻭﺍﺋﻞ :: ﻋﺸﺎﻥ ﺍﻟﺤﻮﺵ ﻛﺎﻥ ﻫﺮﺟﻪ
ﺍﻧﺎ :: ﻻ ﺍﻗﻨﻌﺘﻨﻲ ﺍﺗﺼﺪﻕ
ﺭﻳﻨﺎﺩ :: ﻭﻃﻲ ﺻﻮﺗﻚ ﺑﺎﻩ
ﺍﻧﺎ :: ﺍﻧﺎ ﻣﺶ ﺭﺍﻓﻀﻪ ﺍﻟﻤﺒﺪﺀ ،، ﺗﺒﻮ ﺍﺗﺤﺒﻮ ﻭ ﺗﻌﺸﻘﻮ ﻭ ﺗﺘﻤﻌﺸﻘﻮ ﻉ ﻗﻮﻝ ﺍﻟﺴﻮﺭﻳﻴﻦ ﻋﺎﺩﻱ ﺑﺲ ﻣﺶ ﻓﻲ ﻭﺿﺢ ﺍﻟﻨﻬﺎﺭ ﻻ ﺍﻟﻪ ﺍﻻ ﺍﻟﻠﻪ ﺍﻟﺪﻳﻨﺎ ﺻﻴﺎﻡ ﻭﻭﻭﻭﻩ ﻋﻠﻴﻨﺎ ﺍﻟﺪﻧﻴﺎ ﺟﺎﺑﺖ ﻣﺎ ﻓﻴﻬﺎ ﻳﺎ ﻋﺎﻟﻢ
ﻭﺍﺋﻞ :: ﺣﺴﺴﺘﻴﻨﻲ ﻛﻨﺖ $&$&#*
ﺍﻧﺎ :: ﺯﻳﺪ ﻳﺎ ﻗﻠﻴﻞ ﺍﻷﺩﺏ ،، ﻫﺬﺍ ﺍﻟﻠﻲ ﺧﺴﺮﺗﻲ ﺻﻴﺎﻣﻚ ﻋﺸﺎﻧﻬﺎ ﺍﻟﻠﻬﻢ ﺇﻧﻲ ﺻﺎﺋﻤﻪ ﻭ ﺧﻼﺹ
ﺗﻲ ﻭﻳﻦ ﺧﺎﻟﺘﻲ ﺗﺸﻮﻑ ﺑﻨﺘﻬﺎ
ﺭﻳﻨﺎﺩ :: ﺣﻮﺍﺀ ﺧﻼﺹ " ﻭ ﺗﺒﻜﻲ "
ﺍﻧﺎ :: ﺧﻠﺼﺖ ﺭﻭﺣﻚ ﻫﻴﻮﺍﻟﻠﻪ ﻛﻨﻚ ﻣﺎ ﻓﻜﺮﺗﻲ ﻓﻲ ﺍﻣﻚ ﻗﺒﻞ ﻣﺎ ﺗﺨﺸﻲ ﻣﻌﺎﻩ ﺍﻩ ﻳﺎ ﻗﻬﺮﺗﻚ ﻳﺎ ﺧﺎﻟﺘﻲ " ﻭ ﻣﺎﺳﻜﻪ ﺿﺤﻜﺘﻲ "
ﻭﺍﺋﻞ :: ﺗﻲ ﺧﻼﺹ ﺭﻋﺸﺘﻲ ﺍﻟﺒﻨﺖ
ﻭ ﻧﺤﻦ ﻧﺤﻜﻮ ﺻﻮﺕ ﺍﻟﺒﺎﺏ ﻳﺪﻕ
ﺍﻧﺎ :: ﺍﺳﺘﻠﻘﻲ ﻭﻋﺪﻙ ﻳﺎ ﺑﻄﻪ " ﻣﻮﺍﻋﻴﺪ !! ﺩﻩ ﺍﻧﺘﻲ ﻩ ﺗﻤﻮﺗﻲ ﻓﻲ ﺍﻟﻤﻮﺍﻋﻴﺪ " ﺑﺼﻮﺕ ﻫﻨﺪ ﺻﺒﺮﻱ "
ﺭﻳﻨﺎﺩ :: ﺯﻋﻤﻚ ﻣﻦ ﺣﻲ ﻋﻠﻴﺎ
ﺍﻧﺎ :: ﺍﻳﻮﺍ ﻳﺎ ﻧﺎﺱ ﺗﻲ ﻧﺒﻲ ﻧﺮﻗﺪ
ﺇﺳﺮﺍﺀ :: ﻫﺬﻩ ﺍﻧﺎ ﺗﻲ ﺍﻓﺘﺤﻲ ﻧﺒﻲ ﻧﺨﺶ ﻧﺮﻗﺪ
ﺭﻳﻨﺎﺩ :: ﻻ ﻻ ﻣﺎ ﺗﻔﺘﺤﻴﺶ " ﻭ ﺗﺤﻜﻲ ﺑﺼﻮﺕ ﻭﺍﻃﻲ "
ﺍﻧﺎ :: ﺍﺳﻮﻭﻭ ﺍﻣﺸﻲ ﻟﺪﺍﺭ ﺍﻣﻲ ، ﻧﺒﻲ ﻧﻐﻴﺮ ﺍﻟﺘﻮﺗﻪ ﺍﺻﻼ ﻣﺶ ﻩ ﻧﻔﺘﺢ
ﺇﺳﺮﺍﺀ :: ﺗﻲ ﻧﺒﻲ ﻧﺤﻜﻴﻠﻚ ﺣﺎﺟﻪ ﺻﺎﺭﺕ ، ﺍﻓﺘﺤﻲ
ﺍﻧﺎ :: ﺷﻮﻳﻪ ﻭ ﻧﺠﻴﻚ ﻏﺎﺩﻱ
ﺇﺳﺮﺍﺀ :: ﺑﺎﻩ ﺑﺴﺮﻋﻪ
~
~
ﺍﻧﺎ :: ﻫﻴﺎ ﻳﺎ ﺣﻨﻪ ﺍﻃﻠﻌﻲ ﻗﺪﺍﻣﻲ
ﺭﻳﻨﺎﺩ :: ﻧﺠﻚ ﻟﻴﺎ ﻭ ﺧﻼﺹ
ﺍﻧﺎ :: ﻏﻴﺮ ﺧﻄﻴﻨﻲ ﺑﺲ
ﻭﺍﺋﻞ :: ﺍﺻﻠﻴﻪ ﻳﺎ ﺑﻨﺖ
ﺍﻧﺎ :: ﻣﻦ ﻳﻮﻣﻲ ﺍﺻﻠﻴﻪ ^^
ﺭﻳﻨﺎﺩ :: ﻫﻴﺎ ﺑﺎﻩ ﻧﻄﻠﻌﻮ
ﺍﻧﺎ :: ﻭ ﻣﺎﺯﻟﺘﻮ ﺗﺒﻮ ﺗﻄﻠﻌﻮ ﻣﻊ ﺑﻌﻀﻜﻢ ،، ﺗﻲ ﻓﺎﺿﻴﻪ ﺍﻧﺎ ﺍﺻﻼ ﺣﺎﺭﻗﻪ ﺩﻣﻲ ﻋﻠﻴﻜﻢ
ﻭﺍﺋﻞ :: ﺧﻼﺹ ﺍﻧﺘﻲ ﺍﻃﻠﻌﻲ ﻣﻌﺎﻫﺎ ﻭ ﺍﻧﺎ ﺍﺻﻼ ﻧﺒﻲ ﻧﻘﻌﺪ ﻫﻨﺎ
ﺭﻳﻨﺎﺩ :: ﺑﺎﻩ
ﻭ ﻋﻴﻮﻧﻬﻢ ﻗﻠﻮﺏ ﻗﻠﻮﺏ ﻗﻠﺔ ﺃﺩﺏ ﻱ ﻫﻮﻭﻭ
ﻃﻠﻌﻨﺎ ﻣﻦ ﺩﺍﺭ ﺧﺎﻟﻲ ﻭ ﻣﺸﻴﺖ ﻟﺪﺍﺭ ﺍﻣﻲ ﻭ ﻟﻘﻴﺖ ﺍﺳﻮ ﻣﻘﻌﻤﺰﻩ ﻭ ﻗﺎﻟﺒﻪ ﻭﺟﻬﺎ
ﺍﻧﺎ :: ﻛﻨﻚ ،، ﺷﻦ ﻓﻲ ؟
ﺇﺳﺮﺍﺀ :: ﺍﻟﺤﻴﻮﺍﻧﻪ ﺳﺎﺭﻩ ، ﺧﺰﻱ ﻋﻠﻴﻚ ﻭﻗﺎﺣﺔ
ﺍﻧﺎ :: ﻛﻨﻬﺎ ﺷﻦ ﺻﺎﻳﺮ ؟
ﺇﺳﺮﺍﺀ :: ﺟﺖ ﺩﺍﻳﺮﻩ ﺭﻭﺣﻬﺎ ﺗﻬﺪﺭﺯ ﻣﻌﺎﻳﺎ ﻭ ﻗﺎﻟﺘﻠﻲ ﺷﻦ ﺟﻮ ﺩﻭﻣﻲ
ﺍﻧﺎ :: ﻭ ﻣﻦ ﺩﻭﻣﻲ ؟
ﺇﺳﺮﺍﺀ :: ﺣﺘﻲ ﺍﻧﺎ ﻗﺘﻠﻬﺎ ﻣﻦ ﺩﻭﻣﻲ
ﺍﻧﺎ :: ﺗﻲ ﻟﺨﺼﻲ ﻣﻦ ﻃﻠﻊ !
ﺇﺳﺮﺍﺀ :: ﺁﺩﻡ
ﺍﻧﺎ :: ﺍﺩﻡ ﻭﻟﺪ ﻋﻤﻲ ؟
ﺇﺳﺮﺍﺀ :: ﺗﻲ ﺃﻫﺎ
ﺍﻧﺎ :: ﻭ ﺷﻦ ﺩﺧﻠﻬﺎ ﻫﻴﺎ ﺍﺻﻼ ؟
ﺇﺳﺮﺍﺀ :: ﻣﺶ ﻋﺎﺭﻓﻪ ،، ﺻﺒﻴﺖ ﻭ ﺳﻴﺒﺘﻬﺎ
ﺍﻧﺎ :: ﻭ ﺍﻧﺘﻲ ﻛﻨﻚ ﺣﺎﺭﻗﻪ ﺩﻣﻚ ﺃﻥ ﺷﺎﺀ ﺍﻟﻠﻪ ؟
ﺇﺳﺮﺍﺀ :: ﻣﺶ ﻗﺘﻠﻚ ﺃﻣﺲ ﺣﻜﻰ ﻣﻌﺎﻳﺎ !
ﺃﻧﺎ :: ﻭ ﻛﺎﻥ ﺣﻜﻰ ﻣﻌﺎﻙ ،، ﻭ ﺍﻻﻓﻨﺪﻱ ﺍﻵﺧﺮ ؟
ﺇﺳﺮﺍﺀ :: ﻣﺶ ﻋﺎﺭﻓﻪ
ﺍﻧﺎ :: ﺇﺳﺮﺍﺀ ﺭﺩﻱ ﺑﺎﻟﻚ ، ﺁﺩﻡ ﻣﺶ ﻣﺘﺎﻉ ﺟﺪﻳﺎﺕ ، ﻳﻌﻨﻲ ﻳﺤﺒﻚ ﻳﻮﻡ ﻭ ﺍﺗﻨﻴﻦ ﻭ ﺑﻌﺪﻫﺎ ﻳﻔﻮﺗﻚ
ﺇﺳﺮﺍﺀ :: ﻭ ﺍﻧﺘﻲ ﺷﻦ ﻋﺮﻓﻚ ﺑﻴﻪ ؟
ﺍﻧﺎ :: ﻋﺎﺭﻓﻪ ﻭ ﺧﻼﺹ ﻟﺬﻟﻚ ﺭﺩﻱ ﺑﺎﻟﻚ ﺍﺗﻤﺸﻲ ﻣﻌﺎﻩ ﺭﺁﻩ ﻣﺶ ﺳﺎﻫﻞ ﻫﺬﺍ
ﺇﺳﺮﺍﺀ :: ﺑﺎﻫﻲ ﺧﻼﺹ
ﺍﻧﺎ :: ﺍﻟﺒﻼﺩ ﻣﻠﻴﺎﻧﻪ ﺷﺒﺎﺏ ﻳﻌﻨﻲ ﻣﺎ ﻓﺶ ﺇﻻ ﺳﻲ ﺧﺮﺍ ﻫﺬﺍ ؟
ﺇﺳﺮﺍﺀ :: ﺗﻲ ﺑﺎﻫﻲ ﻓﻬﻤﺖ
ﻣﺎﻣﺎ :: ﻓﻴﺶ ﺍﺩﻳﺮﻥ ﻫﻨﺎ ؟ ﻳﺎﻧﺎﻋﻠﻴﺎ ﺑﺪﺍﻝ ﻣﺎ ﺗﺼﺒﻦ ﻓﻲ ﺍﻟﻤﻄﺒﺦ ﻋﻠﻴﻚ ﻓﻀﺎﻳﺢ
ﺇﺳﺮﺍﺀ :: ﺍﻧﺎ ﻧﻌﺴﺎﻧﻪ ﻭ ﻧﺒﻲ ﻧﺮﻗﺪ ﻛﺬﺍ
ﺍﻧﺎ :: ﻧﺼﺒﻲ ﻣﺎ ﻋﻨﺪﻱ ﻣﺎ ﺍﻧﺪﻳﺮ ﻣﺶ ﻧﺎﻗﺼﻪ ﺩﺭﻩ ﻛﺒﺪ
ﺍﻣﻲ :: ﻓﺎﻃﻤﻪ ﺧﻠﻲ ﺍﻟﺒﻨﺎﺕ ﻉ ﺭﺍﺣﺘﻬﻦ
ﻣﺎﻣﺎ :: ﺩﻳﻤﺎ ﺍﻣﺤﺸﻤﺎﺕ ﺑﻴﺎ ﻳﺎ ﺃﻣﻲ ، ﻛﺎﻥ ﻋﻨﺪ ﺣﻨﻬﻦ ﺍﻵﺧﺮﻩ ﺭﺁﻩ ﻳﺠﺎﺭﻥ ،، ﺣﺸﻢ ﺣﺎﻟﻜﻦ ﻭ ﺧﻼﺹ
ﺍﻣﻲ :: ﻣﺎ ﻋﻨﺪﻫﻦ ﻣﺎ ﻳﺪﻳﺮﻥ ﺍﻟﺒﻨﺎﺕ ﺍﻣﻜﻤﻼﺕ ﻛﻞ ﺣﺎﺟﻪ
ﺍﻧﺎ :: ﻫﺎﻩ ﺳﻤﻌﺘﻲ ؟
ﺭﻫﻒ :: ﺣﻮﺍﺀ ﻟﻮ ﺳﻤﺤﺘﻲ ﻧﺒﻴﻚ ﺷﻮﻳﻪ
ﺍﻧﺎ :: ﺣﺎﺿﺮ ﻫﻲ ،، ﺳﺒﺤﺎﻥ ﺍﻟﻠﻪ ﺍﻟﺒﻨﺖ ﻫﺬﻩ ﺗﻘﻮﻝ ﻣﺶ ﻟﻴﺒﻴﻪ
ﺭﻫﻒ ::
ﺍﻣﻲ :: ﺭﺑﻲ ﻳﺤﻔﻈﻬﺎ ﻭ ﻧﺸﻮﻓﻬﺎ ﻋﺮﻭﺱ
ﺍﻧﺎ :: ﺗﺸﻮﻓﻴﻨﻲ ﺍﻧﺎ ﻗﺒﻞ ﺃﻥ ﺷﺎﺀ ﺍﻟﻠﻪ
ﺭﻫﻒ :: ﺁﻣﻴﻦ ﻳﺎ ﺣﻮﺍﺀ
ﻃﻠﻌﺖ ﺍﻧﺎ ﻭ ﺭﻫﻒ ﻭ ﻗﻌﺪﺕ ﺗﻬﺪﺭﺯ ﻣﻌﺎﻳﺎ ﻱ ﺧﻴﺎ ﻋﺴﻞ ﺑﻜﻞ ﺍﻟﻔﺮﺧﻪ
ﺭﻫﻒ :: ﺩﻳﻤﺎ ﻣﺎﻣﺎ ﺗﺸﻜﺮ ﻓﻴﻚ ﺍﻧﺘﻲ ﻭ ﺍﺳﻮ ﺗﻘﻮﻝ ﺍﺣﺴﻦ ﺑﻨﺎﺕ
ﺍﻧﺎ :: ﻧﺠﻚ ﻳﺎ ﺣﻨﻪ ﺗﻲ ﻛﺎﻥ ﻋﻨﺪﻱ ﺧﻮ ﺗﺎﻟﺖ ﺭﺁﻩ ﺧﺪﻳﻨﺎﻙ ﻟﻪ
ﺭﻫﻒ :: ﻫﻬﻬﻬﻪ ﺗﺴﻠﻤﻲ
ﺍﻧﺎ :: ﺑﺎﻫﻲ ﺷﻦ ﺟﻮ ﺍﻟﻘﺮﺍﻳﻪ ؟
ﺭﻫﻒ :: ﺍﻟﺤﻤﺪ ﻟﻠﻪ ﺗﻤﺎﻡ ﺑﮕﻞ
ﺍﻧﺎ :: ﻭ ﺷﻦ ﺟﻮ ﻭﻟﻴﺪ ﻣﺎ ﺷﻔﺘﺶ !
ﺭﻫﻒ :: ﺍﻛﻴﺪﻩ ﻓﻲ ﺍﻟﻤﻌﺮﺽ ﻣﺘﺎﻉ ﺍﻟﺴﻴﺎﺭﺍﺕ ﻳﺮﻭﺡ ﻗﺒﻞ ﺍﻟﻤﻐﺮﺏ ﺑﺸﻮﻳﻪ
ﺍﻧﺎ :: ﺃﻫﺎ ،، ﻣﺎ ﺷﺎﺀ ﺍﻟﻠﻪ
ﺳﺎﺭﻩ :: ﻭﻳﻦ ﻳﺎ ﺣﻮﺍﺀ ﺭﺍﻳﺤﻪ ﻣﺘﺴﻤﺤﻪ
ﺍﻧﺎ :: ﻫﻪ ﻣﻦ ﻳﻮﻣﻲ ﺳﻤﺤﻪ ﺷﻦ ﺟﺪ ﻋﻠﻴﺎ !
ﺳﺎﺭﻩ :: ﻛﻨﻚ ﺣﺎﺻﻠﻪ ﻓﻲ ﺭﻭﺣﻚ ﺑﺲ
ﺍﻧﺎ :: ﺑﺎﻟﻌﻜﺲ !
ﻭ ﻧﺤﻦ ﻧﺤﻜﻮ ﻓﻲ ﺍﻟﺼﺎﻟﻪ ﻧﺴﻤﻌﻮ ﻓﻲ ﺻﻮﺕ ﻭﺍﺣﺪ ﻣﻦ ﺍﻟﺸﺒﺎﺏ ﻭ ﻃﻠﻌﺖ ﻋﻤﺘﻚ ﺭﻧﺪﻩ ﺗﺠﺮﻱ
ﻣﻨﺬﺭ :: ﺗﻘﺮﻳﺒﺎً ﻗﻠﺖ ﺭﻫﻒ ﺍﻧﺎ !
ﺭﻧﺪﻩ :: ﺍﻧﺎ ﻭ ﺭﻫﻒ ﻭﺍﺣﺪ ﻋﺎﺩﻱ
ﻣﻨﺬﺭ :: ﻓﻜﻴﻨﻲ ﻣﻦ ﺍﻟﺒﺮﺍﺩﻩ ﻭ ﺧﺸﻲ ،، ﻳﺎ ﺭﺭﺭﺭﺭﻫﻒ
~
~
ﺍﻧﺎ :: ﺭﻫﻒ ﺍﻣﺸﻲ ﺷﻮﻓﻲ ﻣﻦ ﻳﻨﺎﺩﻱ ﻓﻴﻚ
ﺳﺎﺭﻩ :: ﻣﻨﺬﺭ ﻫﺬﺍ ، ﺧﻠﻴﻚ ﺗﻮ ﻧﺼﺒﻲ ﺍﻧﺎ
ﺍﻧﺎ :: ﺍﺳﺘﻐﻔﺮ ﺍﻟﻠﻪ ، ﺗﻲ ﻗﺎﻝ ﺭﻫﻒ ، ﺍﺳﻤﻚ ﺭﻫﻒ ﺍﻧﺘﻲ !!
ﺭﻫﻒ :: ﺣﻮﺍﺀ ﺗﻌﺎﻟﻲ ﺻﺒﻲ ﻣﻌﺎﻳﺎ
ﺍﻧﺎ :: ﺣﺎﺿﺮ ﻫﻲ
ﺳﺎﺭﻩ :: ﻣﺶ ﻗﻠﺘﻲ ﻗﺎﻝ ﺭﻫﻒ ﻭﻳﻦ ﻣﺎﺷﻴﻪ ﺍﻧﺘﻲ ؟
ﺍﻧﺎ :: ﺗﻘﺮﻳﺒﺎً ﺳﻤﻌﺘﻴﻬﺎ ﺷﻦ ﻗﺎﻟﺖ !
ﺻﺒﻴﺖ ﺍﻧﺎ ﻭ ﺭﻫﻒ ﻭ ﻟﻘﻴﻨﺎ ﺭﻧﺪﻩ ﺍﻣﺼﺒﻴﻪ ﻋﻨﺪ ﺍﻟﺒﺎﺏ ﺍﻟﻮﺳﻄﻲ
~
~
ﺭﻫﻒ :: ﺧﻼﺹ ﺍﻫﻲ ﺭﻧﺪﻩ ﺗﻮ ﺗﺸﻮﻓﻪ ﺷﻦ ﻳﺒﻲ " ﻭ ﻭﺟﻬﺎ ﺣﻤﺮ ﻭ ﺧﺎﻳﻔﻪ "
ﺍﻧﺎ :: ﻛﻨﻚ ﻋﺒﻴﻄﻪ ﺍﻧﺘﻲ ؟ ﺗﻲ ﺍﻣﺸﻲ ﻗﺪﺍﻣﻲ ﺧﻴﺮﻟﻚ " ﻭ ﺩﻓﻴﺘﻬﺎ "
#
#
ﻣﻨﺬﺭ :: ﻭ ﺃﺧﻴﺮﺍ ﺟﻴﺘﻲ
ﺭﻫﻒ :: ﻧﻌﻢ
ﻣﻨﺬﺭ :: ﺍﻟﻠﻪ ﻳﻨﻌﻢ ﻋﻠﻴﻚ
ﺍﻧﺎ :: ﻏﻴﺮ ﻗﻮﻝ ﺧﻴﺮ ﻳﺎ ﻋﻢ ﺍﻟﺮﻭﻣﻨﺴﻲ ﺍﻧﺖ
ﻣﻨﺬﺭ :: ﺍﻭﻭﻭ ﻋﻴﺖ ﺣﻨﺎﻃﻪ ﻫﻨﺎ
ﺍﻧﺎ :: ﻣﺶ ﺑﺎﻳﻦ ﺍﻧﻪ ﺍﻟﺤﻮﺵ ﺍﻣﻨﻮﺭ ﺑﻴﺎ ﻭ ﻻ ﻛﻴﻒ !
ﻣﻨﺬﺭ :: ﻻ ﺑﺎﻳﻦ ، ﺭﻧﺪﻩ ﺗﻘﺪﺭﻱ ﺗﺨﺸﻲ ﺧﻼﺹ
ﺭﻧﺪﻩ :: ﻻ ﻋﺎﺩﻱ ﻣﺘﺮﻳﺤﻪ ﻫﻜﻲ
ﺍﻧﺎ :: ﺑﺎﻟﻌﺮﺑﻲ ﻳﺒﻲ ﻳﺤﻜﻲ ﺣﺎﺟﻪ ﻝ ﺍﻟﺒﻨﺖ ﻛﻨﻚ ﻏﺒﻴﻪ !
ﺭﻧﺪﻩ :: ﺍﺍﺍﺍﺍﻫﺎ ، ﻛﺎﻥ ﻗﺎﻝ ﻫﻜﻲ ﻣﻦ ﺍﻷﻭﻝ
ﺍﻧﺎ :: ﻳﺤﺴﺎﺑﻚ ﺫﻛﻴﻪ
ﺭﻧﺪﻩ :: ﺑﺎﻩ ﺗﻤﺎﻡ " ﻭ ﻗﻠﺒﺖ ﻭﺟﻬﺎ ﻭ ﺧﺸﺖ "
ﺍﻧﺎ :: ﻣﺎ ﻧﺒﺶ ﻧﻘﻌﺪ ﻏﺒﻴﻪ ﻧﻔﺴﻬﺎ ﻫﻴﺎ ﻣﻊ ﺍﻟﺴﻼﻣﻪ
ﺭﻫﻒ :: ﺣﻮﺍﺀ ﺧﻠﻴﻚ " ﻭ ﻣﺴﻜﺖ ﻳﺪﻱ "
ﺍﻧﺎ :: ﺷﻦ ﻓﻲ ،، ﻛﻨﻜﻢ ؟
ﻣﻨﺬﺭ :: ﺗﻲ ﻣﺎﺯﻟﺘﻲ ﻣﺎ ﺻﺪﻗﺘﻲ ، ﻭ ﺍﻟﻠﻪ ﺍﻟﻌﻈﻴﻢ ﻣﺎ ﻋﻤﺮﻱ ﻓﻜﺮﺕ ﻓﻴﻬﻦ ، ﻛﻨﻚ ﻳﺎ ﺑﻨﺖ ﺍﻟﻨﺎﺱ ﻫﻜﻲ
ﺭﻫﻒ :: ﺃﻫﺎ ﻭﺍﺿﺢ ﺑﻜﻞ ، ﺑﺪﻟﻴﻞ ﺃﻣﺲ ﻓﻲ ﺍﻟﻠﻴﻞ ﻗﺮﻳﺐ ﺗﻠﺼﻖ ﻓﻴﻚ
ﻣﻨﺬﺭ :: ﺍﻧﺘﻲ ﺑﺮﻭﺣﻚ ﻗﻠﺘﻴﻬﺎ ،، ﻗﺮﻳﺐ ﺗﻠﺼﻖ ﻓﻴﺎ ، ﺗﻲ ﺑﺎﺭﺩﻩ ﺷﻦ ﻧﺪﻳﺮﻟﻬﺎ
ﺍﻧﺎ :: ﻫﻴﻴﻴﻴﻴﻴﻲ ﺍﻧﺖ ﻭﻳﺎﻫﺎ ﺷﻦ ﻓﻲ ؟ ﺁﺧﺮ ﻣﻦ ﻳﻌﻠﻢ ﺷﻜﻠﻲ ﻻ ﺧﺎﻟﻲ ﻋﺎﺑﻲ ﻉ ﺿﻨﻮﺗﻪ ﺍﻟﺼﺮﺍﺣﻪ
ﻣﻨﺬﺭ :: ﺍﻟﻔﺮﺧﻪ ﺍﻟﻠﻲ ﺍﺳﻤﻬﺎ ﺭﻧﺪﻩ ﺗﺪﺣﻨﺲ ﻭ ﺭﻫﻒ ﺗﺤﺴﺎﺏ ﻓﻲ ﺷﻲ ﺣﺎﺟﻪ ﻭ ﺣﻠﻔﺘﻠﻬﺎ ﻣﻦ ﺃﻣﺲ ﻭ ﻫﻴﺎ ﺷﻲ
ﺭﻫﻒ :: ﻣﻨﺬﺭ ﻣﺎ ﻧﺒﻴﺶ ﻧﻨﻔﺼﻞ ،، ﺷﻔﺘﻚ ﺑﻌﻴﻨﻲ ، ﻛﺎﻥ ﻭﺍﺣﺪ ﺁﺧﺮ ﺭﺁﻩ ﺍﻣﻬﺰﺑﻬﺎ ﺑﺲ ﺍﻧﺖ ﻋﺎﺟﺒﻚ ﺍﻟﻮﺿﻊ ﻭ ﺍﺻﻼ ﺷﻦ ﺧﻼﻫﺎ ﺗﺮﻛﺐ ﻓﻮﻕ
" ﻟﻠﻌﻠﻢ ، ﺧﺎﻟﻲ ﺑﺎﺕ ﺭﻫﻒ ، ﻭ ﺧﺎﻟﻲ ﺑﺎﺕ ﺍﻟﺸﺒﺎﺏ ، ﻳﺴﻜﻨﻮ ﻓﻮﻕ ﺣﻮﺵ ﺟﺪﻱ ، "
ﻣﻨﺬﺭ :: ﻧﻤﺸﻲ ﺍﻧﺠﻴﺒﻬﺎ ﻣﻦ ﺷﻌﺮﻫﺎ ﻧﻤﺴﺢ ﺑﻴﻬﺎ ﺍﻟﻮﻃﺎ ﻋﺸﺎﻥ ﺗﺼﺪﻗﻲ !
ﺃﻧﺎ :: ﻳﺎ ﺭﻳﺖ
ﺭﻫﻒ :: ﺧﻼﺹ ﻣﺶ ﻭﻗﺘﻬﺎ ﺍﻟﺪﻭﻩ ﺗﻮﺍ
ﻣﻨﺬﺭ :: ﺭﻫﻒ ﺣﺘﻲ ﺍﻧﺘﻲ ﻣﺎ ﺗﺨﻠﻨﻴﺶ ﻧﻨﻔﺼﻞ
ﺍﻧﺎ :: ﺗﺒﻮ ﺗﺘﺮﻳﺤﻮ ﺍﻧﺘﻮ ﺍﻻﺛﻨﻴﻦ ، ﺩﻳﺮﻭ ﺣﺎﺟﻪ ﺭﺳﻤﻴﻪ ﻋﺸﺎﻥ ﻣﺎ ﺣﺪ ﻳﺠﻲ ﺷﻮﺭﻛﻢ
ﺭﻫﻒ :: ﻻﻻ ﻣﺎﺯﻟﺖ ﺻﻐﻴﺮﻩ
ﻣﻨﺬﺭ :: ﺳﺎﻫﻞ ﺳﺎﻫﻞ ،، ﺗﻮﺍ ﻃﺎﻟﻊ ﻭ ﺑﻌﺪﻳﻦ ﻧﺘﻔﺎﻫﻤﻮ
ﺭﻫﻒ :: ﺗﻤﺎﻡ
ﺍﻧﺎ :: ﻫﻴﺎ ﺗﻌﺎﻟﻲ ﺍﺣﻜﻴﻠﻲ ﺷﻦ ﻓﻲ ﺑﺎﻟﺘﻔﺼﻴﻞ
ﺭﻫﻒ :: ﺗﻌﺎﻟﻲ ﻓﻮﻕ ﻓﻲ ﺩﺍﺭﻱ ﻧﺤﻜﻮ
ﺍﻧﺎ :: ﻫﻴﺎ ﺑﻪ
ﺭﻛﺒﺖ ﺍﻧﺎ ﻭ ﻳﺎﻫﺎ ﻭ ﺧﺸﻴﻨﺎ ﻟﺪﺍﺭﻫﺎ ﻭ ﻗﻌﻤﺰﻧﺎ
ﺍﻧﺎ :: ﻫﻴﺎ ﺍﺣﻜﻴﻠﻲ
ﺭﻫﻒ :: ﻣﻦ ﻭﻳﻦ ﻧﺒﺪﺃ
ﺍﻧﺎ :: ﻣﻦ ﺍﻟﺒﺪﺍﻳﻪ
ﺭﻫﻒ ::
ﺍﻧﺎ :: ﺗﻲ ﻫﻴﺎ ﻋﺎﺩ
ﺭﻫﻒ :: ﺑﻄﺒﻴﻌﺔ ﺍﻟﺤﺎﻝ ﺩﻳﻤﺎ ﻣﻊ ﺑﻌﻀﻨﺎ ﻓﻲ ﺣﻮﺵ ﺍﻣﻲ ﻟﻮﻃﺎ ﻭ ﺟﻮﻧﺎ ﻋﺎﺩﻱ ، ﻛﺎﻥ ﻳﻠﻤﺢ ﺍﻧﻪ ﻳﺒﻲ ﻋﻼﻗﻪ ﻭ ﺣﺐ ﻭ ﺍﻧﺎ ﻣﺶ ﺍﻣﻌﺪﻟﻪ ﻋﻠﻴﻪ
ﺍﻧﺎ :: ﻳﺎ ﺛﻘﻴﻠﻪ ﺍﻧﺘﻲ
ﺭﻫﻒ :: ﺧﻼﺹ ﻋﻨﺪ ﻣﺮﻩ ﺣﻜﺎﻟﻲ ﻭ ﺍﻋﺘﺮﻓﻠﻲ ﺍﻧﻪ ﻣﻌﺠﺐ ﺑﻴﺎ ﻭ ﻳﺒﻴﻨﻲ ،، ﻗﻌﺪﻧﺎ ﻧﺤﻜﻮ ﺩﻳﻤﺎ ﻭ ﻳﺠﻲ ﻫﻨﺎ ﻧﻬﺪﺭﺯﻭ
ﺍﻧﺎ :: ﻫﻨﺎ ﻭﻳﻦ ﻓﻲ ﺩﺍﺭﻙ ؟؟
ﺭﻫﻒ :: ﺗﻲ ﻻﻻ ، ﻫﻨﺎ ﻓﻲ ﺣﻮﺷﻨﺎ ﻳﻌﻨﻲ ﻭ ﻋﺸﺎﻥ ﻣﺎ ﻋﻨﺪﻫﻤﺶ ﺑﻨﺎﺕ ﻣﺮﻩ ﻣﺮﻩ ﻧﺮﻛﺐ ﻧﺴﺎﻋﺪ ﻓﻲ ﺍﻋﻤﻴﻤﻪ ﻓﻮﻕ
ﺍﻧﺎ :: ﻻ ﺣﺮﻩ ﻳﺎ ﺑﺖ
ﺭﻫﻒ :: ﺧﻼﺹ ﻟﻨﺎ ﺳﻨﻪ ﻧﺤﺒﻮ ﺑﻌﻀﻨﺎ ﺑﺲ ﻫﺬﻩ ﺭﻧﺪﻩ ﺍﺗﻠﺼﻖ ﻓﻴﻪ ﺍﻟﺒﺎﺭﺩﺓ
ﺍﻧﺎ :: ﺃﻫﻢ ﺣﺎﺟﻪ ﻳﺒﻴﻚ ﺍﻧﺘﻲ ﻣﺎﻟﻚ ﻭ ﻣﺎﻟﻬﺎ
ﺭﻫﻒ :: ﺍﻧﻌﺼﺐ ﺑﻜﻞ ﻟﻤﺎ ﻧﺸﻮﻓﻬﺎ ﺗﺒﻲ ﺗﺤﻜﻲ ﻣﻌﺎﻩ ،، ﺗﻲ ﺃﻣﺲ ﻓﻲ ﺍﻟﻠﻴﻞ ﻟﻘﻴﺘﻬﺎ ﻓﻮﻕ ﻓﻲ ﺍﻟﺤﻮﺵ ﻣﻌﺎﻩ
ﺍﻧﺎ :: ﻛﻨﻚ ﻣﺎ ﻫﺰﺑﺘﻴﻬﺎ ﻉ ﻭﺟﻬﺎ -_-
ﺭﻫﻒ :: ﺧﻔﺖ ﻭ ﻃﻠﻌﺖ ﻉ ﻃﻮﻝ ، ﻗﻠﺖ ﺗﻮ ﺗﻘﻮﻝ ﻫﺬﻩ ﻟﻴﺶ ﺭﺍﻛﺒﻪ ﻫﻨﺎ
ﺍﻧﺎ :: ﻏﺒﻴﻪ ﺑﻜﻞ ، ﺗﻲ ﺍﻧﺘﻲ ﺭﺍﻙ ﻗﺘﻴﻠﻬﺎ ﺷﻦ ﻗﺎﻋﺪﻩ ﺍﺩﻳﺮﻱ ﻫﻨﺎ ﻭ ﻛﻠﻬﻢ ﻟﻮﻃﺎ ؟
ﺭﻫﻒ :: ﺁﻫﻮ ﻫﺬﺍ ﺍﻟﻠﻲ ﺻﺎﺭ ﻋﺎﺩ
ﺍﻧﺎ :: ﺣﺼﻞ ﺧﻴﺮ ، ﻭ ﻛﻴﻒ ﻣﺎ ﻗﺘﻠﻜﻢ ، ﺧﻠﻴﻪ ﻳﺪﻳﺮ ﺣﺎﺟﻪ ﺭﺳﻤﻴﻪ ﻋﺸﺎﻥ ﻣﺎ ﺣﺪ ﻳﺪﺧﻞ ﻓﻴﻜﻢ ﺑﻜﻞ
ﺭﻫﻒ :: ﺗﻮ ﻓﻲ ﺍﻟﻠﻴﻞ ﻧﺤﻜﻲ ﻣﻌﺎﻩ
ﺍﻧﺎ :: ﺗﻤﺎﻡ ﺍﻳﻮﺍﻩ
ﺭﻫﻒ :: ﺑﻌﺪ ﺧﻄﺮﻫﺎ ، ﺻﺒﻲ ﺍﻧﻮﺭﻳﻚ ﺷﻦ ﺟﺎﺑﻠﻲ
ﺍﻧﺎ :: ﺣﻲ ﺣﻲ ﺷﻦ ﺟﺎﺏ
ﺭﻫﻒ :: ﺩﺑﺶ ﻭ ﺍﻛﺴﺴﻮﺍﺭﺍﺕ ﻭ ﻓﻮﻥ ﺟﺪﻳﺪ
ﺍﻧﺎ :: ﻣﺎ ﺷﺎﺀ ﺍﻟﻠﻪ
~
~
~
ﺭﻧﺪﻩ :: ﺗﻲ ﻃﺒﺖ ﺣﻮﺍﺀ ، ﻣﺒﺮﺩﻫﺎ ﻭﻭﻭﻩ
ﺳﺎﺭﻩ :: ﻧﻌﺮﻑ ﻛﻴﻒ ﻧﺘﺼﺮﻑ ﻣﻌﺎﻫﺎ
ﺭﻳﻨﺎﺩ :: ﻛﻨﻜﻦ ﺍﻧﺘﻦ ﺍﻻﺛﻨﻴﻦ ،، ﺷﻦ ﺩﺍﺭﺗﻠﻜﻦ ﺣﻮﺍﺀ ﺣﺮﺍﻡ ﻋﻠﻴﻜﻦ
ﺳﺎﺭﻩ :: ﻋﺸﺎﻥ ﻣﺨﻄﻮﺑﻪ ﺗﺤﺴﺎﺏ ﺭﻭﺣﻬﺎ ﻭﻳﻦ 3:
ﺭﻧﺪﻩ :: ﻧﻌﻠﻴﺎ ﻃﺎﺣﺖ ﻭﺍﻗﻔﻪ ، ﻋﻠﻴﻚ ﺧﻄﻴﺐ ﺍﺯﺡ
ﺭﻳﻨﺎﺩ :: ﺃﻫﺎ ﻳﺎﺳﻴﻦ ﻣﺎ ﺷﺎﺀ ﺍﻟﻠﻪ ﻋﻠﻴﻪ
ﺳﺎﺭﻩ :: ﺑﺲ ﻣﺶ ﻛﻴﻒ ﺧﻮﻩ ، ﻃﺮﻑ ﻣﻦ ﺍﻷﺧﻴﺮ
ﺭﻳﻨﺎﺩ :: ﻭ ﺍﻧﺘﻲ ﻣﻦ ﻭﻳﻦ ﺗﻌﺮﻓﻴﻪ ﺍﺻﻼ
ﺳﺎﺭﻩ :: ﺷﻔﺘﻪ ﻣﻦ ﻗﺒﻞ ﻓﻲ ﺧﻄﺒﺔ ﺣﻮﺍﺀ ﻭ ﻋﻄﺎﻧﻲ ﺭﻗﻤﻪ
ﺭﻧﺪﻩ :: ﺣﻲ ﻳﻌﻨﻲ ﺗﺤﻜﻲ ﻣﻌﺎﻩ ؟
ﺳﺎﺭﻩ :: ﺃﻫﺎ ﺑﺲ ﺑﻌﺪﻫﺎ ﻗﺎﻟﻮ ﻏﻴﺮ ﺭﻗﻤﻪ ﻭ ﻣﻌﺶ ﻋﺮﻓﺖ ،، ﻛﻨﺖ ﻧﺒﻲ ﻧﺠﺮﺏ ﻧﺄﺧﺬﻩ ﻣﻦ ﺇﺳﺮﺍﺀ ﺑﺲ ﻣﺎ ﻋﺮﻓﺘﺶ
ﺭﻧﺪﻩ :: ﺷﻮﻓﻲ ﻧﻘﺎﻝ ﺣﻮﺍﺀ ﺍﻛﻴﺪﻩ ﻋﻨﺪﻫﺎ ﻋﺎﺩ ، ﻭﻟﺪ ﻋﻤﻬﺎ ﻭ ﺧﻮ ﺭﺍﺟﻠﻬﺎ
ﺳﺎﺭﻩ :: ﺗﻮ ﻧﺠﺮﺏ ﺑﻌﺪﻳﻦ
ﺭﻳﻨﺎﺩ :: ﺧﻼﺹ ﺍﺳﻜﺘﻦ ﺍﻫﻲ ﻧﺰﻟﺖ
ﺭﻫﻒ :: ﺷﻜﻠﻬﺎ ﺍﺳﻮ ﻣﺎﺯﺍﻟﺖ ﺭﺍﻗﺪﻩ
ﺍﻧﺎ :: ﺗﻌﺎﻟﻲ ﺗﻮ ﺍﻧﻮﻋﻴﻬﺎ
ﺳﺎﺭﻩ :: ﺣﻮﺍﺀ ﻧﺒﻲ ﻧﺴﺄﻟﻚ
ﺍﻧﺎ :: ﺃﻥ ﺷﺎﺀ ﺍﻟﻠﻪ ﺧﻴﺮ ، ﺗﻔﻀﻠﻲ ؟
ﺳﺎﺭﻩ :: ﺧﻮ ﻳﺎﺳﻴﻦ ﻣﺎ ﻳﺒﻴﺶ ﺷﻲ ﻋﺮﻭﺱ ، ﻗﻮﻟﻴﻠﻪ ﻋﻠﻴﺎ
ﺍﻧﺎ :: ﻫﻬﻬﻬﻬﻬﻬﻪ " ﻣﺎ ﻳﺒﻲ ﻳﺒﺤﺖ ﻏﻴﺮ ﻓﻲ ﺯﻭﻟﻚ ﺍﻧﺘﻲ ﻋﺎﺩ "
ﺳﺎﺭﻩ :: ﻭ ﻛﻨﻚ ﺗﻀﺤﻜﻲ ؟
ﺍﻧﺎ :: ﻣﺶ ﻣﺘﺎﻉ ﺯﻭﺍﺝ ﺍﺻﻼ
ﺳﺎﺭﻩ :: ﻫﻬﻬﻪ ﺍﻧﺘﻲ ﻏﻴﺮ ﻋﻄﻴﻨﻲ ﺭﻗﻤﻪ ﻭ ﺗﻮ ﺍﻧﻄﻴﺤﻪ
ﺍﻧﺎ :: ﺃﻭﻻ ﻣﺎ ﻋﻨﺪﻳﺶ ﺭﻗﻤﻪ ، ﺛﺎﻧﻴﺎً ﻣﺶ ﺷﻮﺭﻱ ﻃﻠﻌﻴﻨﻲ ﻣﻦ ﺭﺃﺳﻚ ﻛﺬﺍ " ﻭ ﺧﺸﻴﺖ ﺳﻴﺒﺘﻬﺎ "
ﺗﻲ ﻛﻨﻪ ﺳﻲ ﺁﺩﻡ ﻻﺣﻘﻨﻲ ﻓﻲ ﻛﻞ ﻣﻜﺎﻥ ،، ﺧﺸﻴﺖ ﻭﻋﻴﺖ ﺇﺳﺮﺍﺀ ﻭ ﻗﻌﺪﻧﺎ ﻧﻬﺪﺭﺯﻭ ﻭ ﻣﻌﺎﻧﺎ ﺭﻫﻒ
ﻋﻨﺪ ﺇﺫﻥ ﺍﻟﻤﻐﺮﺏ ﻭ ﻓﻄﺮﻧﺎ ﻭ ﻣﺸﻰ ﻫﺬﻙ ﺍﻟﻴﻮﻡ ﻉ ﺧﻴﺮ ﻭ ﺭﻭﺣﻨﺎ
ﺭﻥ ﻋﻠﻴﺎ ﻳﺎﺳﻴﻦ ﺍﻭﻝ ﻣﺎ ﺭﻭﺣﺖ ﻭ ﻫﺪﺭﺯﻧﺎ ﻋﻨﺪ ﻗﺒﻞ ﺍﻟﻔﺠﺮ
~
~
ﺗﺎﻟﺖ ﻳﻮﻡ ﻣﺸﻰ ﻋﺎﺩﻱ ﺑﻜﻞ ﻭ ﻓﻄﺮﻧﺎ ﻓﻲ ﺣﻮﺷﻨﺎ ﻭ ﺑﻌﺪ ﺍﻟﻔﻄﻮﺭ ﻧﺴﻤﻊ ﻓﻲ ﺇﺳﺮﺍﺀ ﺗﺤﻜﻲ ﺑﺼﻮﺕ ﻋﺎﻟﻲ ﻭ ﻣﻨﻔﺼﻠﻪ
ﺍﻧﺎ :: ﻛﻨﻚ ،، ﻭﻃﻲ ﺻﻮﺗﻚ ﻣﻔﺘﺎﺡ ﻓﻲ ﺍﻟﺼﺎﻟﻪ !
ﺇﺳﺮﺍﺀ :: ﻫﺬﻩ ﺳﺎﺭﻩ ﺗﻲ ﻛﻨﻬﺎ ﺳﻜﻨﺖ
ﺍﻧﺎ :: ﻛﻨﻬﺎ ﺁﺧﺮﻩ ؟
ﺇﺳﺮﺍﺀ :: ﺗﻘﻮﻟﻲ ﻧﺒﻲ ﺭﻗﻢ ﺁﺩﻡ ، ﺗﻲ ﺷﻦ ﺩﺧﻠﻨﻲ ﺍﻧﺎ ﺗﻤﺸﻲ ﺗﺎﺧﺬﻩ ﺑﺮﻭﺣﻬﺎ
ﺍﻧﺎ :: ﻭ ﺍﻧﺘﻲ ﻋﻨﺪﻙ ﺭﻗﻢ ﺁﺩﻡ ؟
ﺇﺳﺮﺍﺀ :: ﺃﻫﺎ ﺑﺲ ﻭ ﺍﻟﻠﻪ ﻧﺒﻲ ﻧﻤﺴﺤﻪ
ﺍﻧﺎ :: ﻋﻄﻴﻪ ﻟﻴﺎ ﻛﺬﺍ !
ﺇﺳﺮﺍﺀ :: ﺷﻦ ﺗﺒﻲ ﺍﺩﻳﺮﻱ ؟
ﺍﻧﺎ :: ﻏﻴﺮ ﻋﻄﻴﻪ ﻟﻴﺎ ﻭ ﺑﻌﺪﻫﺎ ﺍﻣﺴﺤﻴﻪ
ﺇﺳﺮﺍﺀ :: ﻫﺎﻛﻲ ﺁﻫﻮ ﺍﻣﺨﺰﻥ ﺏ ﺍﺳﻢ ﻟﻴﻠﻰ
ﺍﻧﺎ :: ﺗﻤﺎﻡ ﺑﻜﻞ
ﻛﺘﺒﺖ ﺍﻟﺮﻗﻢ ﻓﻲ ﻓﻮﻧﻲ ﻭ ﺩﺯﻳﺘﻠﻪ ﻣﺴﺞ " ﻟﻤﺎ ﺗﻜﻮﻥ ﻓﺎﺿﻲ ﻧﺒﻲ ﻧﺤﻜﻲ ﻣﻌﺎﻙ "
ﺣﺴﻴﺖ ﺍﻟﻤﻮﺿﻮﻉ ﻛﺒﺮ ﺯﻳﺎﺩﻩ ﻋﻦ ﺍﻟﻠﺰﻭﻡ ، ﺷﻦ ﻳﺒﻲ ﻫﺬﺍ ، ﻣﺮﻩ ﺍﻧﺎ ﻭ ﻣﺮﻩ ﺑﻨﺖ ﻋﻤﻲ ﻭ ﻣﺮﻩ ﺑﻨﺖ ﺧﺎﻟﺘﻲ ﻭ ﻣﺮﻩ ﺍﺧﺘﻲ /:
ﺟﺎﻧﻲ ﺗﻘﺮﻳﺮ ﺍﻟﺘﺴﻠﻴﻢ ﻭ ﺑﻌﺪﻫﺎ ﺭﻥ ﻉ ﻃﻮﻝ ، ﻗﻠﺖ ﻝ ﺇﺳﺮﺍﺀ ﺍﻃﻠﻌﻲ ﻭ ﺳﻜﺮﻱ ﺍﻟﺒﺎﺏ ﻭ ﻛﺎﻥ ﺣﺪ ﺳﺄﻟﻚ ﻗﻮﻟﻴﻠﻬﻢ ﺭﺍﻗﺪﻩ ، ﻭ ﻓﺘﺤﺖ ﺍﻟﺨﻂ
ﺁﺩﻡ :: ﺧﻴﺮ ﻭ ﻣﺮﺣﺒﺎ
ﺍﻧﺎ :: ﻻ ﺧﻴﺮ ﻻ ﻏﻴﺮﻩ ، ﻓﻬﻤﻨﻲ ﺷﻦ ﺗﺒﻲ ﺍﻧﺖ ؟
ﺁﺩﻡ :: ﻣﺎ ﻧﺒﻲ ﺷﻲ ، ﻛﻨﻚ ﻣﻨﻔﺼﻠﻪ ﺑﺲ !
ﺃﻧﺎ :: ﺍﺩﻡ ﻃﺮﻭﺣﻚ ﻫﺬﻳﻦ ﻣﺶ ﻋﻠﻴﺎ ، ﻓﻮﺕ ﺇﺳﺮﺍﺀ ﺧﻴﺮﻟﻚ !
ﺁﺩﻡ :: ﻛﻨﻚ ، ﺗﻐﺎﺭﻱ ﻭ ﻻ ﺷﻨﻮ ؟
ﺍﻧﺎ :: ﻧﻐﺎﺭ ؟ ﺿﺤﻜﺘﻨﻲ ﺗﺼﺪﻕ !
ﺁﺩﻡ :: ﺧﻄﻴﺮﻩ ﻭ ﺍﻧﺘﻲ ﻣﻨﻔﺼﻠﻪ
ﺍﻧﺎ :: ﺍﺩﻡ ! ﻣﺎ ﻧﺒﻴﺶ ﺍﻟﻘﺼﻪ ﺗﻜﺒﺮ !
ﺁﺩﻡ :: ﺍﻧﺘﻲ ﺍﻟﻠﻲ ﺧﻠﻴﺘﻴﻬﺎ ﺗﻜﺒﺮ ﻣﻦ ﺍﻷﺳﺎﺱ !
ﺃﻧﺎ :: ﻭ ﺗﻮﺍ ﺷﻦ ﺗﺒﻲ ﺑﺎﻩ !
ﺁﺩﻡ :: ﻧﺒﻲ ﻭﺣﺪﻩ ﻣﺨﻄﻮﺑﻪ ﺷﻦ ﻧﺪﻳﺮ ﺑﺎﻩ !
ﺃﻧﺎ :: ﻭ ﺑﻌﺪﻳﻦ ﺗﻌﺎﻝ ﻫﻨﺎ ! ﺷﻦ ﻗﺼﺘﻚ ﺍﻧﺖ ﻭ ﺳﺎﺭﻩ ﺑﻨﺖ ﺧﺎﻟﺘﻲ ؟
ﺁﺩﻡ :: ﺍﻭﻭﻭﻭ ﺳﺎﺭﻭ ﻫﻬﻬﻬﻪ ﺑﻨﺖ ﺣﻠﻮﻩ ﺑﺲ ﻣﺎ ﻓﻴﻬﺶ ﺟﻮ ﻫﺬﺍ ﻟﻴﺶ ﺳﻴﺒﺘﻬﺎ
ﺍﻧﺎ :: ﻭ ﺍﻧﺖ ﻣﺘﺮﻳﺢ ﻫﻜﻲ ! ﻛﻞ ﻣﺮﻩ ﺗﻠﻌﺐ ﺏ ﺑﻨﺖ ؟ ﻋﻨﺪ ﺃﻣﺘﻲ !!
ﺁﺩﻡ :: ﻋﻨﺪ ﻣﺎ ﺗﻘﻌﺪﻱ ﻟﻴﺎ !
ﺃﻧﺎ :: ﻣﺮﻳﺾ ﺍﻧﺖ ﻭ ﺷﻦ ﻗﺼﺘﻚ ؟ ﺗﻲ ﻣﺮﺍﺕ ﺧﻮﻙ ﺍﻧﺎ ﺃﻓﻬﻢ ﻳﺎ ﺣﻤﺎﺭ ﺃﻓﻬﻢ ﺗﻲ ﺣﺮﺍﻡ ﻋﻠﻴﻚ " ﻭ ﻗﻌﺪﺕ ﻧﺒﻜﻲ "
ﺁﺩﻡ :: ﻣﺎ ﺗﺒﻜﻴﺶ ، ﺍﺳﺴﺴﺴﺲ ﺭﺩﻱ ﺑﺎﻟﻚ ﺗﺒﻜﻲ ﻻ ، ﺣﻮﺍﺀ ﺧﻼﺹ ﻣﺶ ﻩ ﻧﺪﻳﺮ ﺷﻲ ﻭ ﺗﻮ ﻧﻄﻠﻊ ﻣﻦ ﺣﻴﺎﺗﻚ ﺑﺲ ﻣﺎ ﺗﺒﻜﻴﺶ ، ﻋﺸﺎﻥ ﺧﺎﻃﺮ ﻳﺎﺳﻴﻦ ﻣﺎ ﺗﺒﻜﻴﺶ ﺧﻼﺹ
ﻣﻌﺶ ﻗﺪﺭﺕ ﻧﺘﺤﻤﻞ ﻭ ﺳﻜﺮﺕ ﻭ ﻗﻌﺪﺕ ﻧﺒﻜﻲ ﻣﻦ ﺟﺪ ﺟﺪﻱ
ﻳﺎ ﺭﺏ ﺷﻦ ﻫﺬﺍ ! ﻋﻠﻴﺶ ﻳﺼﻴﺮ ﻓﻴﺎ ﻫﻜﻲ ، ﻣﺠﺮﺩ ﺇﻋﺠﺎﺏ ﻗﺪﻳﻢ ﺑﮕﻞ ، ﻭ ﻛﻞ ﺷﻲ ﻩ ﻳﻨﻘﻠﺐ ﻉ ﺭﺃﺳﻲ ، ﻭ ﺍﻧﺎ ﻧﺒﻜﻲ ﻟﻘﻴﺖ ﻳﺎﺳﻴﻦ ﻳﺮﻥ ، ﻭ ﻣﺎ ﻗﺪﺭﺗﺶ ﻧﺮﺩ ﻋﻠﻴﻪ
ﺭﻥ ﻗﺮﻳﺐ 5 ﻣﺮﺍﺕ ﻭ ﺁﺩﻡ ﻳﺮﻥ ﻭ ﺍﻟﺪﻧﻴﺎ ﺧﻠﻄﺖ ﻋﻨﺪﻱ ،،
ﺻﺒﻴﺖ ﺧﺬﻳﺖ ﺩﺑﺶ ﻭ ﺧﺸﻴﺖ ﻟﻠﺤﻤﺎﻡ ﻭ ﺩﺭﺕ ﺷﺎﻭﺭ ﻭ ﻗﻌﺪﺕ ﻗﺮﻳﺐ ﺳﺎﻋﻪ
ﺗﻮﺿﻴﺖ ﻭ ﻃﻠﻌﺖ ﺻﻠﻴﺖ ﺭﻛﻌﺘﻴﻦ ﻭ ﻗﻌﻤﺰﺕ ﻧﻘﺮﺃ ﻓﻲ ﺍﻟﻤﺼﺤﻒ ، ﻭ ﺩﻣﻮﻋﻲ ﻳﻨﺰﻟﻦ ﺑﺮﻭﺣﻬﻦ
ﺷﻮﻳﻪ ﻫﻜﻲ ﻭ ﺳﻤﻌﺖ ﻫﺮﺟﻪ ﻓﻲ ﺍﻟﺼﺎﻟﻪ ﻭ ﻃﻠﻌﺖ ﻧﺠﺮﻱ ﻭ ﻟﻘﻴﺖ ﺑﺎﺑﺎ ﻳﺤﻜﻲ ﻉ ﺍﻟﻔﻮﻥ ﻭ ﻛﻠﻬﻢ ﺍﻣﺼﺒﻴﻦ ﺟﻨﺒﻪ
ﺑﺎﺑﺎ :: ﻗﺬﻳﻔﻪ !! ﻭﻳﻦ ! ﺗﻲ ﻛﻴﻒ ، ﺃﻥ ﺷﺎﺀ ﺍﻟﻠﻪ ﻏﻴﺮ ﻣﺎ ﻓﻲ ﺣﺪ ﺻﺎﺭﺗﻠﻪ ﺣﺎﺟﻪ
~
~
ﺍﻧﺎ :: ﺷﻦ ﻓﻲ ، ﺇﺳﺮﺍﺀ ﻗﺬﻳﻔﺔ ﺷﻨﻮ ؟
ﺇﺳﺮﺍﺀ :: ﻣﺶ ﻋﺎﺭﻓﻪ ﻣﻦ ﺭﻥ ، ﺑﺲ ﺍﻧﻈﻨﻲ ﻗﺬﻳﻔﻪ ﻗﺮﻳﺒﻪ ﻣﻦ ﺣﻮﺵ ﻋﻤﻲ
ﺍﻧﺎ :: ﻋﻤﻲ ﻣﺼﻄﻔﻰ !
ﺇﺳﺮﺍﺀ :: ﺃﻫﺎ " ﻭ ﻋﻴﻮﻧﻬﺎ ﺍﻣﺪﻣﻌﺎﺕ "
ﺍﻧﺎ :: ﻳﺎ ﺭﺏ ﻳﺎ ﺭﺏ
~
ﺑﺎﺑﺎ :: ﺷﻦ ﻗﺎﻋﺪ ﺗﺤﻜﻲ ، ﺃﻫﺎ ، ﻭﻭﻭﻭﻳﻦ ! ﻻ ﺍﻟﻪ ﺍﻻ ﺍﻟﻠﻪ ، ﻓﻲ ﺃﻱ ﻣﺴﺘﺸﻔﻰ ؟؟
ﻣﺎﻣﺎ :: ﺃﻥ ﺷﺎﺀ ﺍﻟﻠﻪ ﺧﻴﺮ ﺑﺲ
ﺑﺎﺑﺎ :: ﻣﻔﺘﺎﺡ ، ﻣﻨﻴﺮ ، ﻫﻴﺎ ﻣﻌﺎﻳﺎ ﻣﺶ ﻩ ﻧﻘﺪﺭ ﻧﺴﻮﻕ
ﺍﻧﺎ :: ﺷﻦ ﻓﻲ ؟ ﺣﺪ ﺻﺎﺭﺗﻠﻪ ﺣﺎﺟﻪ " ﻭ ﺩﻣﻮﻋﻲ ﻳﻨﺰﻟﻦ "
ﺑﺎﺑﺎ : . . .
ﻳﺘﺒﻊ . .