#ﻛَــﻼﻡْ_ﺣَــﻮّﺍﺀ ~ • #ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚

الحلقة15

#ﻛَــﻼﻡْ_ﺣَــﻮّﺍﺀ ~ •
#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
ﺍﻟﺤـﻠﻘـﻬﻪ ﺍﻟـﺨﺎﻣـﺴـﻪ ﻋـﺸّﺮ
ﺍﻧﺎ :: ﺍﺩﻡ ﻳﺒﻲ ﻳﺨﻄﺐ
ﺻﻔﺎﺀ :: ﺟﺪﻳﺎﺕ !!
ﺃﻧﺎ :: ﺃﻫﺎ
ﺻﻔﺎﺀ :: ﺑﺎﻫﻲ ﺗﻤﺎﻡ
ﺍﻧﺎ :: ﻗﻮﻟﻲ ﻣﻦ ﻳﺒﻲ ﻳﺨﻄﺐ ؟
ﺻﻔﺎﺀ :: ﻣﻨﻮﻭﻭ ؟؟؟
ﺍﻧﺎ :: ﻫﻨﻮﻭﻭﻭﻭﻭﺩﻩ
ﺻﻔﺎﺀ :: ﻧﻌﻢ !!
ﺃﻧﺎ :: ﻛﻴﻒ ﻣﺎ ﺳﻤﻌﺘﻲ ،، ﻫﻨﺪ ﺑﻨﺖ ﻋﻤﺘﻲ ﻧﻮﺍﺭﻩ
ﺻﻔﺎﺀ :: ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ
ﺍﻧﺎ :: ﻳﺎﺳﻴﻦ ﺧﺶ ﺍﻧﺘﻈﺎﺭ ، ﺑﻌﺪﻳﻦ ﻧﺤﻜﻮ
ﺻﻔﺎﺀ :: ﺗﻢ ﺗﻢ
ﺍﻧﺎ :: ﺳﻠﻤﻴﻠﻲ ﻉ ﻣﺮﻭﻩ
ﺻﻔﺎﺀ :: ﻳﻮﺻﻞ
ﺍﻧﺎ :: ﺑﺎﻱ
~
~
~
ﺳﻜﺮﺕ ﻣﻨﻬﺎ ﻭ ﺭﺩﻳﺖ ﻉ ﻳﺎﺳﻴﻦ
ﻳﺎﺳﻴﻦ :: ﺍﻛﻴﺪ ﻛﻨﺘﻲ ﺗﺤﻜﻲ ﻣﻊ ﻫﻨﺪ ؟
ﺍﻧﺎ :: ﻻﻻ ،، ﺗﻮﺍ ﻧﺒﻲ ﻧﺮﻥ ﻋﻠﻴﻬﺎ
ﻳﺎﺳﻴﻦ :: ﺍﻣﺎﻻ ﻣﻊ ﻣﻦ ﻛﻨﺘﻲ ﺍﻧﺘﻈﺎﺭ ؟
ﺍﻧﺎ :: ﻣﻊ ﺻﻔﺎﺀ ، .
ﻳﺎﺳﻴﻦ :: ﺻﻔﺎﺀ !! ﻣﺴﺘﺤﻴﻞ ﺗﻜﻮﻧﻲ ﻗﻠﺘﻴﻠﻬﺎ ﺻﺎﺡ ؟
ﺍﻧﺎ :: ﻻ ﻗﻠﺘﻬﺎ ﻭ ﺍﻟﻠﻲ ﺻﺎﺭ ﺻﺎﺭ
ﻳﺎﺳﻴﻦ :: ﻏﺒﻴﻪ ﺍﻧﺘﻲ ﻭ ﻻ ﺷﻨﻮ ؟
ﺍﻧﺎ :: ﻳﺎﺳﻴﻦ ﻣﺶ ﺷﻮﺭﻙ ، ﺣﺎﺟﺎﺕ ﺑﻨﺎﺕ ﻫﺬﻳﻦ
ﻳﺎﺳﻴﻦ :: ﺗﻲ ﻗﺴﻤﺎ ﺑﺎﻟﻠﻪ ﻛﺎﻥ ﻣﺶ ﺍﻟﻮﻗﺖ ﺗﺄﺧﺮ ﺭﺍ ﺟﻴﺖ ﻭ ﻭﺭﻳﺘﻚ ﺷﻦ ﺍﻟﻘﻄﺎﻑ ﺍﻟﻠﻲ ﺍﺩﻳﺮﻱ ﻓﻴﻪ
ﺍﻧﺎ :: ﻛﻤﻠﺖ ﻫﺰﻳﺒﺘﻚ ؟ ﻧﺒﻲ ﻧﺮﻗﺪ ﺭﺁﻩ
ﻳﺎﺳﻴﻦ :: ﺗﻤﺎﻡ ﺑﺎﻩ " ﻭ ﺳﻜﺮ ﻓﻲ ﻭﺟﻲ "
~
~
ﺁﺩﻡ :: ﺑﺴﻢ ﺍﻟﻠﻪ ﻛﻨﻚ ﻣﻨﻔﺼﻞ ؟
ﻳﺎﺳﻴﻦ :: ﺷﻲ ﺷﻲ
ﺁﺩﻡ :: ﺧﺮﻑ ﻛﻨﻬﺎ ﺗﺮﻥ ﻫﺬﻩ
ﻳﺎﺳﻴﻦ :: ﺻﻔﺎﺀ ؟
ﺁﺩﻡ :: ﺃﻫﺎ ،، ﺷﻦ ﻋﺮﻓﻚ ﺍﻧﺖ ؟
ﻳﺎﺳﻴﻦ :: ﻣﺎ ﻫﻮ ﺍﻟﻌﺒﻴﻄﻪ ﺣﻮﺍﺀ ﺣﻜﺘﻠﻬﺎ
ﺁﺩﻡ :: ﻻﻻ
ﻳﺎﺳﻴﻦ :: ﻭ ﺍﻟﻠﻪ ، ﻭ ﻛﻨﻚ ﺗﻀﺤﻚ ؟
ﺁﺩﻡ :: ﻻ ﺷﻲ
ﻳﺎﺳﻴﻦ :: ﺑﺎﻫﻲ ﻣﺎ ﺗﺒﻴﺶ ﺗﺮﺩ ﻋﻠﻴﻬﺎ ؟
ﺁﺩﻡ :: ﻓﻮﺗﻬﺎ ﺗﻮ ﺗﺮﻥ ﺷﻮﻳﻪ ﻭ ﺑﻌﺪﻫﺎ ﺗﻔﻮﺗﻨﻲ
#
#
ﻗﻌﺪﺕ 5 ﺩﻗﺎﻳﻖ ﻣﺼﺪﻭﻣﻪ ﺍﻧﻪ ﺳﻜﺮ ﻓﻲ ﻭﺟﻲ ؟ O_o
ﺑﺲ ﺑﻌﺪﻫﺎ ﺻﺤﺼﺤﺖ ﻭ ﺭﻧﻴﺖ ﻉ ﻫﻨﺪ
ﻫﻨﺪ :: ﺍﻭﻭﻭﻭ ﺣﻤﺎﺭ ﻣﻦ ﻳﺒﻲ ﻳﻤﻮﺕ ﺍﻟﻠﻲ ﺣﻮﺍﺀ ﻣﺘﺼﻠﻪ ﺑﻴﺎ !
ﺍﻧﺎ :: ﻃﺒﻌﺎ ﻣﺎ ﻳﻨﻔﻌﺶ ﻓﻴﻚ ﺍﻟﺨﻴﺮ ﺑﻜﻞ ﺍﻧﺘﻲ
ﻫﻨﺪ :: ﻛﻴﻒ ﺣﺎﻟﻚ ﺑﺎﻫﻲ
ﺍﻧﺎ :: ﺗﻤﺎﻡ ﺑﻜﻞ ﻭ ﺍﻧﺘﻲ ؟
ﻫﻨﺪ :: ﺍﻟﺤﻤﺪ ﻟﻠﻪ ﺣﺘﻲ ﺍﻧﺎ
ﺍﻧﺎ :: ﺑﺎﻫﻲ ﺷﻦ ﺗﺒﻲ ﺗﺠﻴﺒﻴﻠﻲ ﻫﺪﻳﻪ
ﻫﻨﺪ :: ﻣﺎﺯﺍﻝ ﺃﺳﺒﻮﻉ ﻉ ﻋﻴﺪ ﻣﻴﻼﺩﻙ
ﺍﻧﺎ :: ﻧﻌﻠﻴﺎ ﻣﺬﻛﺮﻩ
ﻫﻨﺪ :: ﻳﺲ ﻳﺲ
ﺍﻧﺎ :: ﺑﺎﻫﻲ ﺑﺲ ﺍﻟﻬﺪﻳﻪ ﻣﺶ ﺷﻮﺭ ﻋﻴﺪ ﻣﻴﻼﺩﻱ
ﻫﻨﺪ :: ﻫﺎ ﺍﻣﺎﻻ ؟
ﺍﻧﺎ :: ﺟﺎﻳﺒﺘﻠﻚ ﻋﺮﻳﺲ
ﻫﻨﺪ :: ﻛﺬﺍﺑﻪ ؟
ﺍﻧﺎ :: ﻗﺴﻤﺎ ﺑﺎﻟﻠﻪ ﻳﺎ ﺣﻴﻮﺍﻧﻪ
ﻫﻨﺪ :: ﻣﻦ ؟ ﺳﻤﺢ ﻭ ﻻ ﺷﻴﻦ ؟ ﻧﺒﻴﻪ ﻃﻮﻳﻞ ﺭﺁﻩ ﻭ ﻋﻨﺪﻩ ﻟﺤﻴﻪ
ﺍﻧﺎ :: ﺑﺎﻫﻲ ﻭ ﺑﻌﺪﻫﺎ !
ﻫﻨﺪ :: ﻳﻜﻮﻥ ﻣﺜﻘﻒ ﻭ ﻣﺶ ﻣﺘﺨﻠﻒ ﻳﻌﻨﻲ ﻧﺴﺎﻓﺮﻭ ﺑﺮﺍ
ﺍﻧﺎ :: ﻏﻴﺮ ﻭﺳﻌﻲ ﺑﺎﻟﻚ
ﻫﻨﺪ :: ﺷﻦ ﺍﺳﻤﻪ ﺑﺎﻩ ؟
ﺍﻧﺎ :: ﺗﻌﺮﻓﻴﻪ ﺍﻧﺘﻲ
ﻫﻨﺪ :: ﻛﺬﺍﺑﻪ ؟
ﺍﻧﺎ :: ﺗﻘﻮﻟﻲ ﻛﺬﺍﺑﻪ ﺁﺧﺮﻩ ﻩ ﻧﺴﻜﺮ ﻓﻲ ﻭﺟﻚ
ﻫﻨﺪ :: ﻣﻦ ﺍﻟﺼﺪﻣﻪ ﺑﺲ
ﺍﻧﺎ :: ﺍﻣﺴﻜﻲ ﺍﻋﺼﺎﺑﻚ ﺑﺎﻩ
ﻫﻨﺪ :: ﻣﺎﺳﻜﺘﻬﻦ ﺍﺻﻼ
ﺍﻧﺎ :: ﻭﺍﺣﺪ ، ﺍﺗﻨﻴﻦ ، ﺗﻼﺗﻪ
ﻫﻨﺪ :: ﻫﺎ ؟
ﺍﻧﺎ :: ﺍﺍﺍﺍﺍﺍﺍ ﺩﺩﺩﺩﺩﺩﺩ ﻣﻤﻤﻤﻤﻢ
ﻫﻨﺪ :: ﻃﺠﺎﺟﻪ ؟؟؟؟؟؟
ﺍﻧﺎ :: ﺧﺮﻓﻲ
ﻫﻨﺪ :: ﺍﺩﻡ ﺁﺩﻡ ؟ ﻭﻟﺪ ﺧﺎﻟﻲ ﻣﺼﻄﻔﻲ ؟
ﺍﻧﺎ :: ﺃﻫﺎ
ﻫﻨﺪ :: ﻛﻴﻒ ﻭ ﻭﻳﻦ ﻭ ﺃﻣﺘﻲ ؟
ﺍﻧﺎ :: ﺧﻮﺫﻱ ﻧﻔﺲ ﺑﺲ
ﻫﻨﺪ :: ﺭﺍﺟﻲ ﻧﻐﺴﻞ ﻭﺟﻲ ﻭ ﻧﺠﻲ ﻧﺮﻥ ﻋﻠﻴﻚ
ﺍﻧﺎ :: ﺗﻢ ﻧﺮﺍﺟﻲ ﻓﻴﻚ
ﺳﻜﺮﺕ ﻫﻨﺪ ﻭ ﺑﻌﺪ 5 ﺩﻗﺎﻳﻖ ﺭﻧﺖ ﺁﺧﺮﻩ ﻭ ﺣﻜﻴﺘﻠﻬﺎ ﺍﻧﻪ ﺍﻟﻔﻜﺮﻩ ﻣﻨﻲ ﻭ ﻣﻦ ﻳﺎﺳﻴﻦ ﻭ ﻫﻜﻲ ﻳﻌﻨﻲ ﻭ ﻫﻴﺎ ﻗﺮﻳﺐ ﺍﻃﻴﺮ ﻣﻦ ﺍﻟﻔﺮﺣﻪ
ﺧﺸﻴﺖ ﺭﻗﺪﺕ ﻭ ﺗﺎﻧﻲ ﻳﻮﻡ ﻧﻀﺖ ﻟﻘﻴﺖ ﻣﺎﻣﺎ ﺗﺤﻜﻲ ﻉ ﺍﻟﻔﻮﻥ
ﻣﺎﻣﺎ :: ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ ﺭﺑﻲ ﻳﺘﻤﻤﻠﻜﻢ ﻉ ﺧﻴﺮ ،، ﺧﻼﺹ ﺗﻮ ﻧﻘﻮﻝ ﻝ ﻣﺤﻤﺪ ﻭ ﻧﺘﺼﻞ ﺑﻴﻚ / ﻣﻊ ﺍﻟﺴﻼﻣﻪ
ﺍﻧﺎ :: ﻉ ﺃﺳﺎﺱ ﻳﻬﻤﻚ ﻛﻼﻡ ﻣﺤﻤﺪ ﺗﻲ ﺩﻳﻤﺎ ﺍﺗﻤﺸﻲ ﺍﻟﻠﻲ ﻓﻲ ﺭﺃﺳﻚ ﻗﺎﻟﺖ ﻣﺤﻤﺪ ﺭﺍﻗﺪ ﺭﻳﺢ ﺍﺻﻼ
ﻣﺎﻣﺎ :: ﺻﺒﺢ ﻳﺎ ﻓﺘﺎﺡ ﺳﻜﺮﻱ ﻓﻤﻚ ﺧﻴﺮﻟﻚ
ﺍﻧﺎ :: ﺑﺎﻫﻲ ﻣﻊ ﻣﻦ ﻛﻨﺘﻲ ﺗﺤﻜﻲ ؟
ﻣﺎﻣﺎ :: ﻣﻊ ﺣﻠﻴﻤﻪ
ﺍﻧﺎ :: ﺣﺪﺩﻭﻱ ﻋﺮﺳﻲ ﻭ ﻻ ﺍﻳﺶ ؟
ﻣﺎﻣﺎ :: ﻫﺬﺍ ﺍﻟﻠﻲ ﻓﻲ ﺭﺃﺳﻚ
ﺍﻧﺎ :: ﺷﻦ ﺑﺎﻩ ؟
ﻣﺎﻣﺎ :: ﺗﻲ ﻛﻨﻬﺎ ﻣﺎ ﺗﺄﺧﺬ ﺇﺳﺮﺍﺀ ﻳﺎ ﺑﺘﻲ
ﺍﻧﺎ :: ﺗﻲ ﺷﻦ ﺻﺎﻳﺮ ؟
ﻣﺎﻣﺎ :: ﺗﺒﻴﻨﻲ ﻧﻤﺸﻲ ﻣﻌﺎﻫﺎ ﻝ ﻧﻮﺍﺭﻩ
ﺍﻧﺎ :: ﺃﻫﺎ ﻋﺸﺎﻥ ﻫﻨﺪ
ﻣﺎﻣﺎ :: ﻋﻨﺪﻙ ﻋﻠﻢ ﺍﻧﺘﻲ ؟
ﺍﻧﺎ :: ﺃﻫﺎ ﻗﺎﻟﻬﺎ ﻟﻴﺎ ﻳﺎﺳﻴﻦ ﺃﻣﺲ
ﻣﺎﻣﺎ :: ﻭ ﻛﻨﻚ ﻣﺎ ﻗﺘﻴﻬﺎ ﻣﻦ ﺃﻣﺲ
ﺍﻧﺎ :: ﺗﻲ ﻓﻲ ﺍﻟﻠﻴﻞ ﻭ ﺍﻫﻮ ﺭﻧﺖ ﻋﻠﻴﻚ ﺍﻟﻮﻟﻴﻪ
ﻣﺎﻣﺎ :: ﺑﺎﻫﻲ ﺗﻤﺸﻲ ﺣﺘﻲ ﺍﻧﺘﻲ ؟
ﺍﻧﺎ :: ﻻﻻ ﻣﺎ ﻋﻨﺪﺵ ﻧﻴﻪ
ﻣﺎﻣﺎ :: ﻭ ﺍﻧﺘﻲ ﺩﻳﻤﺎ ﻻﻭﻳﻪ ﻭﺟﻚ
ﺍﻧﺎ :: ﻭﻳﻦ ﺭﺷﺎ ﺑﺎﻩ ؟
ﻣﺎﻣﺎ :: ﻓﻮﻕ ﻓﻲ ﺷﻘﺘﻬﺎ
ﺍﻧﺎ :: ﺭﺍﻛﺒﻪ ﻧﻬﺪﺭﺯ ﻣﻌﺎﻫﺎ ﺷﻮﻳﻪ
ﻣﺎﻣﺎ :: ﻧﻮﺿﻲ ﺇﺳﺮﺍﺀ ﻗﺒﻞ ﻋﺸﺎﻥ ﺍﺗﻈﻢ ﺍﻟﺤﻮﺵ
ﺍﻧﺎ :: ﺑﺎﻫﻲ
~
~
ﺧﺸﻴﺖ ﻧﻮﺿﺖ ﺍﺳﻮ ﻭ ﺭﻛﺒﺖ ﻓﻮﻕ ﻭ ﻗﻌﺪﺕ ﻧﺤﻜﻲ ﺍﻧﺎ ﻭ ﺭﺷﺎ ﻭ ﺑﻌﺪﻫﺎ ﻧﺰﻟﻨﺎ ﻭ ﺑﺪﻳﻨﺎ ﻑ ﺣﺎﺟﺔ ﺍﻟﻔﻄﻮﺭ
ﺭﺷﺎ :: ﻣﺎﺷﻴﻴﻦ ﻣﻊ ﺑﻌﻀﻬﻢ ﺍﺻﻼ ﻫﻬﻬﻪ ﻃﻨﺠﺮﻩ ﻭ ﻟﻘﺖ ﻏﻄﺎﻫﺎ
ﺍﻧﺎ :: ﺑﺲ ﻫﻨﺪ ﺗﻐﻴﺮﺕ ﻭ ﺍﻟﻠﻪ
ﺭﺷﺎ :: ﺑﺎﻟﻚ ﺭﺑﻲ ﻳﻬﺪﻳﻪ ﺣﺘﻲ ﻫﻮﺍ
ﺍﻧﺎ :: ﺃﻥ ﺷﺎﺀ ﺍﻟﻠﻪ
ﺇﺳﺮﺍﺀ :: ﺯﻋﻤﻚ ﺷﻦ ﺭﺩﺓ ﻓﻌﻞ ﺻﻔﺎﺀ
ﺍﻧﺎ :: ﻫﻬﻬﻬﻬﻬﻪ ﻉ ﺃﺳﺎﺱ ﻛﺎﻥ ﻣﺎ ﺧﺬﺵ ﻫﻨﺪ ﻳﺒﻲ ﻳﺄﺧﺬﻫﺎ ﻫﻴﺎ
ﺇﺳﺮﺍﺀ :: ﻣﺎ ﻋﻠﻴﻨﺎ ﺭﺑﻲ ﻳﻬﻨﻴﻬﻢ
ﺭﺷﺎ :: ﺗﺒﻦ ﺗﻤﺸﻦ ﺍﻧﺘﻦ ؟
ﺇﺳﺮﺍﺀ :: ﻛﺎﻥ ﻣﺎﻣﺎ ﺗﺒﻲ ﺗﻤﺸﻲ ﻩ ﻧﻤﺸﻲ ﻣﻌﺎﻫﺎ
ﺭﺷﺎ :: ﻭ ﺍﻧﺘﻲ ﻱ ﺣﻮﺍﺀ ؟
ﺍﻧﺎ :: ﻻﻻ ﻣﺶ ﺧﺎﻃﺮﻱ ﻧﻄﻠﻊ
ﺇﺳﺮﺍﺀ :: ﻛﺬﺍﺑﻪ ﺗﻮ ﻧﺸﻮﻓﻚ ﺍﻧﺘﻲ ﺍﻭﻝ ﻭﺣﺪﻩ ﺗﻠﺒﺴﻲ
ﻣﺎﻣﺎ :: ﻛﻤﻠﺘﻦ ؟
ﺭﺷﺎ :: ﺃﻫﺎ ﻛﻞ ﺷﻲ ﻭﺍﺗﻲ
ﻣﺎﻣﺎ :: ﺍﻧﻈﺮ ﻧﻘﺎﻝ ﻣﻦ ﺑﺮﺍ ﻳﺮﻥ
ﺇﺳﺮﺍﺀ :: ﺍﻧﺎ ﻧﻘﺎﻟﻲ ﻫﻨﺎ ﻣﻌﺎﻳﺎ
ﺍﻧﺎ :: ﺍﻛﻴﺪﻩ ﻓﻮﻧﻲ
ﻃﻠﻌﺖ ﻣﻦ ﺍﻟﻤﻄﺒﺦ ﻭ ﻣﺸﻴﺖ ﺷﻔﺖ ﺍﻟﻔﻮﻥ ﻭ ﻟﻘﻴﺘﻬﺎ ﻫﻨﺪ
ﺍﻧﺎ :: ﻣﺮﺣﺒﺎ ﻣﺮﺣﺒﺎ
ﻫﻨﺪ :: ﻣﻦ ﺑﺪﺭﻱ ﻧﺮﻥ ﻭﻳﻨﻚ
ﺍﻧﺎ :: ﻛﻨﺖ ﻓﻲ ﺍﻟﻤﻄﺒﺦ ﻭ ﺗﻮﺍ ﻓﻄﻨﺖ
ﻫﻨﺪ :: ﻗﺮﻳﺐ ﻧﺒﻜﻲ ﻣﺶ ﻋﺎﺭﻓﻪ ﺷﻦ ﻧﺪﻳﺮ
ﺍﻧﺎ :: ﻛﻨﻚ ﺑﺴﻢ ﺍﻟﻠﻪ ؟
ﻫﻨﺪ :: ﻣﺎﻣﺎ ﻃﻠﻌﺖ ﺗﺠﻴﺐ ﻓﻲ ﺣﺎﺟﺎﺕ ﻭ ﺍﻧﺎ ﺣﺎﻳﺴﻪ ﻓﻲ ﺍﻟﺤﻮﺵ ﻭ ﻣﺶ ﻋﺎﺭﻓﻪ ﺷﻦ ﻧﻠﺒﺲ ﻭ ﻛﻴﻒ ﻧﺘﺼﺮﻑ
ﺍﻧﺎ :: ﻏﻴﺮ ﻭﺳﻌﻲ ﺑﺎﻟﻚ ، ﻛﻞ ﻳﻤﺸﻲ ﻋﺎﺩﻱ ﻭ ﻃﺒﻴﻌﻲ
ﻫﻨﺪ :: ﺑﺎﻫﻲ ﺃﻣﺘﻲ ﺗﺒﻮ ﺗﺠﻮ ﺍﻧﺘﻮ ؟
ﺍﻧﺎ :: ﺍﻛﻴﺪﻩ ﺑﻌﺪ ﺍﻟﻔﻄﻮﺭ
ﻫﻨﺪ :: ﺑﺎﻫﻲ ﻉ ﻃﻮﻝ ﻣﺎ ﺍﻃﻮﻟﻴﺶ
ﺍﻧﺎ :: ﻣﺎ ﻫﻮ ﺍﻧﺎ ﻣﺶ ﺟﺎﻳﻪ ، ﻣﺎﻣﺎ ﻭ ﺇﺳﺮﺍﺀ ﺗﻮ ﻳﺠﻦ
ﻫﻨﺪ :: ﺗﺒﺼﺮﻱ ﺻﺎﺡ ؟
ﺍﻧﺎ :: ﻭ ﺍﻟﻠﻪ ﺣﺎﺳﻪ ﺭﻭﺣﻲ ﺗﻌﺒﺎﻧﻪ
ﻫﻨﺪ :: ﺑﻄﻠﻲ ﺣﻘﺎﺭﻩ ﺗﻲ ﻓﻲ ﺧﻄﺒﺘﻚ ﺟﻴﺖ ﻣﻦ ﺍﻟﻴﻮﻡ ﺍﻟﻠﻲ ﻗﺒﻠﻪ
ﺍﻧﺎ :: ﺧﻼﺹ ﻭ ﺍﻧﺘﻲ ﺗﻬﺰﺑﻲ
ﻫﻨﺪ :: ﺧﻼﺹ ﻭ ﺟﻴﺒﻴﻠﻲ ﻣﻌﺎﻙ ﺍﻟﻤﻴﻚ ﺍﺏ ﻣﺘﺎﻋﻚ
ﺍﻧﺎ :: ﺣﺎﺿﺮ ، ﺗﺒﻲ ﺷﻲ ﻓﺴﺘﺎﻥ ﻭ ﻻ ﺳﻨﺪﻝ ؟؟
ﻫﻨﺪ :: ﻻﻻ ﻋﻨﺪﻱ ﻟﺒﺴﻪ ﺟﺪﻳﺪﻩ
ﺍﻧﺎ :: ﺧﻼﺹ ﺗﻢ ﻭ ﺗﺒﻲ ﺃﻱ ﺷﻲ ﺭﻧﻲ ﻋﻠﻴﺎ
ﻫﻨﺪ :: ﺑﺎﻩ
ﺍﻧﺎ :: ﻭﺟﻚ ﺗﻮﺍ ﻋﺎﺩ
~
~
ﺳﻜﺮﺕ ﻣﻨﻬﺎ ﻭ ﺧﺸﻴﺖ ﻟﺪﺍﺭ ﻋﺸﺎﻥ ﻧﻮﺗﻲ ﺍﻟﺤﺎﺟﺎﺕ ﻭ ﻃﻠﻌﺖ ﻛﻠﻤﺖ ﻣﻨﻴﺮ ﻭ ﻭﺻﻴﺘﻪ ﻉ ﻧﻮﻉ ﺣﻠﻮﻳﺎﺕ ﻭ ﻧﻮﻉ ﻣﻮﺍﻟﺢ ﻣﻦ ﺍﻟﺤﻠﻮﺍﻧﻲ ﺍﻟﻠﻲ ﻓﻲ ﺷﺎﺭﻉ ﻋﺸﺮﻳﻦ ﻭ ﻃﻠﻊ ﻳﺠﻴﺐ ﻓﻴﻬﻦ
ﺍﻧﺎ :: ﻣﺎﻣﺎ ﺣﻜﻴﺘﻲ ﻣﻊ ﺑﺎﺑﺎ ؟؟
ﻣﺎﻣﺎ :: ﺃﻫﺎ ﻭ ﻗﺎﻝ ﺑﺎﻩ ﺑﺲ ﺗﻮ ﻧﻘﻮﻟﻮ ﻝ ﻣﻨﻴﺮ ﻳﺸﻴﻠﻨﺎ
ﺍﻧﺎ :: ﻭ ﺭﺷﺎ ؟
ﻣﺎﻣﺎ :: ﻗﺘﻠﻬﺎ ﺗﻤﺸﻲ ﻣﻌﺎﻧﺎ ﺑﺲ ﻗﺎﻟﺖ ﺗﺒﻲ ﺗﻄﻠﻊ ﺗﻤﺸﻲ ﻣﻊ ﻫﻠﻲ ﻝ ﺍﻟﺴﻮﻕ
ﺍﻧﺎ :: ﺃﻫﺎ ، ﺗﻤﺎﻡ
ﻣﺎﻣﺎ :: ﻛﻴﻒ ﻗﺮﺭﺗﻲ ﺗﻤﺸﻲ ؟
ﺍﻧﺎ :: ﺃﻫﺎ ﻋﺸﺎﻥ ﺧﺎﻃﺮ ﻫﻨﺪ
ﻣﺎﻣﺎ :: ﺑﺎﻩ ، ﻭﺗﻲ ﺍﺩﺑﺸﻚ ﺍﻧﺘﻲ ﻭ ﺍﺧﺘﻚ ﻣﻦ ﺗﻮﺁ ﻋﺸﺎﻥ ﺑﻌﺪ ﺍﻟﻔﻄﻮﺭ ﻉ ﻃﻮﻝ ﻧﻄﻠﻌﻮ
ﺍﻧﺎ :: ﺑﺎﻩ ،،، ﺍﺳﺮﺭﺭﺭﺭﺍﺀ ﺍﻧﺘﻲ ﻳﺎ ﻓﺮﺧﻪ
ﺇﺳﺮﺍﺀ :: ﻧﻌﻢ ﻧﻌﻢ
ﺃﻧﺎ :: ﺗﻌﺎﻟﻲ ﻝ ﺍﻟﺪﺍﺭ
ﺇﺳﺮﺍﺀ :: ﺑﺎﻩ
ﺍﻧﺘﺼﺎﺭ :: ﺷﻦ ﻓﻲ ﺻﻮﺗﻚ ﻋﺎﻟﻲ
ﺍﻧﺎ :: ﻧﺒﻴﻬﺎ ﻓﻲ ﺣﺎﺟﻪ ﺑﺲ
ﺍﻧﺘﺼﺎﺭ :: ﺃﻫﺎ ، ﺟﻴﺖ ﻧﻘﻮﻟﻠﻜﻦ ﻛﺎﻥ ﺗﺒﻦ ﺗﻤﺸﻦ ﻟﺴﻮﻕ ﻣﻌﺎﻳﺎ
ﺇﺳﺮﺍﺀ :: ﻫﺎ ﺟﻴﺖ
ﺍﻧﺎ :: ﻻ ﻻ ﻣﺎﺷﻴﻴﻦ ﻟﻌﻴﺖ ﻋﻤﺘﻲ
ﺍﻧﺘﺼﺎﺭ :: ﺃﻫﺎ ﺑﺎﻫﻲ ﺗﻤﺎﻡ ﻏﻴﺮ ﻣﻔﺘﺎﺡ ﻗﺎﻟﻲ ﻧﻘﻮﻟﻠﻜﻦ
ﺍﻧﺎ :: ﻣﺮﻩ ﺁﺧﺮﻩ ﺃﻥ ﺷﺎﺀ ﺍﻟﻠﻪ
ﺇﺳﺮﺍﺀ :: ﺷﻦ ﻛﻨﺘﻲ ﺗﺒﻲ ؟
ﺍﻧﺎ :: ﺗﻌﺎﻟﻲ ﺷﻮﻓﻲ ﺭﻭﺣﻚ ﺷﻦ ﺗﺒﻲ ﺗﻠﺒﺴﻲ ﻣﻦ ﺗﻮﺍ ﻋﺸﺎﻥ ﻧﻄﻠﻌﻮ ﻉ ﻃﻮﻝ ﺑﻌﺪ ﺍﻟﻔﻄﻮﺭ
ﺇﺳﺮﺍﺀ :: ﺍﻣﻮﺗﻴﻪ ﻓﻲ ﻋﻘﻠﻲ ﺷﻦ ﻧﺒﻲ ﻧﻠﺒﺲ ﺍﺻﻼ ﺑﺲ ﺿﺮﻭﺭﻱ ﻧﻘﻮﻝ ﻝ ﻭﻟﻴﺪ ﻗﺒﻞ
ﺍﻧﺎ :: ﺣﻴﺤﻲ
ﺇﺳﺮﺍﺀ :: ﻣﺶ ﺣﺘﻲ ﺍﻧﺘﻲ ﺗﻘﻮﻝ ﻝ ﻳﺎﺳﻴﻦ
ﺍﻧﺎ :: ﺭﺍﺟﻠﻲ ﻳﺎ ﺣﻨﻪ
ﺇﺳﺮﺍﺀ :: ﺣﺘﻲ ﺍﻧﺎ ﻩ ﻳﻘﻌﺪ ﺭﺍﺟﻠﻲ
ﺍﻧﺎ :: ﻗﻮﻟﻲ ﺃﻥ ﺷﺎﺀ ﺍﻟﻠﻪ ﺑﺲ
ﺇﺳﺮﺍﺀ :: ﺃﻥ ﺷﺎﺀ ﺍﻟﻠﻪ ﺃﻥ ﺷﺎﺀ ﺍﻟﻠﻪ D:
ﺍﻧﺎ :: ﺷﻦ ﺭﺃﻳﻚ ﻧﻠﺒﺲ ﻫﺬﻩ ؟
ﺇﺳﺮﺍﺀ :: ﺣﻠﻮﻩ ﺑﺲ ﻏﻴﺮﻱ ﺍﻟﻄﺮﻑ ﺍﻟﻠﻲ ﻣﻦ ﺟﻮﺍ
ﺍﻧﺎ :: ﺷﻦ ﻧﻠﺒﺲ ﻋﻠﻴﻪ ﺑﺎﻩ
ﺇﺳﺮﺍﺀ :: ﻓﻲ ﻭﺍﺣﺪ ﺣﻤﺮ ﺧﻴﺎﻝ ﺍﻟﻠﻲ ﺟﺎﺑﺘﻬﺎ ﺭﺷﺎ ﻣﻦ ﻗﺒﻞ
ﺍﻧﺎ :: ﺃﻫﺎ ﺃﻫﺎ ﺍﺫﻛﺮﺗﻬﺎ
ﺇﺳﺮﺍﺀ :: ﺧﻼﺹ ﺟﺮﺑﻴﻬﺎ ﻭ ﻃﻠﻌﻲ ﺍﻛﺴﺴﻮﺭﺍﺗﻚ
ﺍﻧﺎ :: ﺑﺎﻫﻲ
ﻃﻠﻌﺖ ﻭ ﻗﻌﺪﺕ ﻧﺠﺮﺏ ﻓﻲ ﺍﻟﻠﺒﺴﻪ ﻭ ﻭﺗﻴﺖ ﻛﻞ ﺷﻲ ﻣﻊ ﺃﺫﺍﻥ ﺍﻟﻤﻐﺮﺏ ﺗﻘﺮﻳﺒﺎً
ﻃﻠﻌﻨﺎ ﻭ ﻓﻄﺮﻧﺎ ﻭ ﺑﻌﺪﻫﺎ ﺧﺸﺖ ﺭﺷﺎ ﺗﻐﺴﻞ ﻓﻲ ﺍﻟﻤﻮﺍﻋﻴﻦ
ﻭ ﺍﻧﺎ ﻭ ﺇﺳﺮﺍﺀ ﺧﺸﻴﻨﺎ ﻧﻠﺒﺴﻮ
ﺍﻧﺎ :: ﺧﻼﺹ ﺳﻜﺮﻱ ﺍﻟﺨﺮﺍ ﺗﻲ ﻣﺎ ﻧﺒﻮﺵ ﺍﻧﻄﻮﻟﻮ -_-
'
~
ﺇﺳﺮﺍﺀ :: ﻭﻟﻴﺪ ﺍﻛﻴﺪﻩ ﺗﺴﻤﻊ ﻓﻲ ﺣﻮﺍﺀ ﺳﻜﻨﺖ
ﻭﻟﻴﺪ :: ﺧﻼﺹ ﻋﺪﻱ ﺍﻟﺒﺴﻲ ﻭ ﺑﻌﺪ ﺗﺮﻭﺣﻲ ﺗﻮ ﻧﺤﻜﻮ
ﺇﺳﺮﺍﺀ :: ﺗﻢ ﺧﻼﺹ
ﻭﻟﻴﺪ :: ﻭ ﺍﻟﺒﺴﻲ ﻋﺒﺎﻳﻪ ﻭ ﺍﻧﺘﻲ ﻃﺎﻟﻌﻪ
ﺇﺳﺮﺍﺀ :: ﻧﻌﻢ O.o ؟؟
ﻭﻟﻴﺪ :: ﺍﻟﻠﻪ ﻳﻨﻌﻢ ﻋﻠﻴﻚ ، ﻗﺘﻠﻚ ﺍﻟﺒﺴﻲ ﻋﺒﺎﻳﻪ
ﺇﺳﺮﺍﺀ :: ﺗﻢ ﺗﻢ
ﻭﻟﻴﺪ :: ﻫﻴﺎ ﺍﻭﻛﻲ
ﺇﺳﺮﺍﺀ :: ﺳﻼﻡ
#
#
#
ﺍﻧﺎ :: ﻛﻨﻚ ﻣﺼﺪﻭﻣﻪ ؟
ﺇﺳﺮﺍﺀ :: ﻗﺎﻟﻲ ﺍﻟﺒﺴﻲ ﻋﺒﺎﻳﻪ O.o
ﺍﻧﺎ :: ﺭﻳﺘﻲ ﻭﻭﻟﻮﻭﻭ ﻣﺎ ﻳﻄﻠﻊ ﻣﻨﻪ D:
ﺇﺳﺮﺍﺀ :: ﻣﺶ ﻭﻗﺖ ﺣﻨﺎﻃﺘﻚ ﺗﻮﺍ -_-
ﺍﻧﺎ :: ﺑﺎﻫﻲ ﺷﻦ ﺗﺒﻲ ﺍﺩﻳﺮﻱ ﺗﺒﻲ ﺗﻠﺒﺴﻬﺎ ؟
ﺇﺳﺮﺍﺀ :: ﺗﻲ ﺳﺮﻭﺍﻝ ﻋﺎﺩﻱ ﻭ ﺑﻠﻮﺯﻩ ﻭﺍﺳﻌﻪ ﻋﻠﻴﺶ ﺍﻟﻌﺒﺎﻳﻪ 3:
ﺍﻧﺎ :: ﺍﻣﺸﻲ ﻗﻮﻟﻴﻬﺎ ﻟﻪ ﻫﻮﺍ ﻳﺎ ﺣﻨﻪ
ﺇﺳﺮﺍﺀ :: ﺗﻲ ﻳﻤﺸﻲ ﻳﻤﻠﺢ ﻣﺎ ﻟﺒﺴﺘﻬﺎ ﺃﻳﺎﻡ ﺍﻟﺤﺐ ﻫﺬﻙ ﻧﺒﻲ ﻧﻠﺒﺴﻬﺎ ﺗﻮﺍ
ﺃﻧﺎ :: ﻳﺎ ﺧﻄﻴﺮﻩ ﺍﻧﺘﻲ D:
ﺇﺳﺮﺍﺀ :: ﺗﺤﺴﺎﺑﻴﻨﻲ ﻋﺒﻴﻄﻪ ﻧﻔﺴﻚ /:
ﺍﻧﺎ :: ﺑﺎﻫﻲ ﺳﻘﺪﻳﻨﺎ ﺍﻟﺒﺴﻲ
ﺇﺳﺮﺍﺀ :: ﻫﻪ ﺩﻭﺭﻙ ﺗﻮﺍ ﺁﻫﻮ ﺍﻷﻓﻨﺪﻱ ﻳﺮﻥ
ﺍﻧﺎ :: ﻏﺮﻳﺒﻪ ﺭﻏﻢ ﺃﻧﻪ ﺃﻣﺲ ﻣﻨﻔﺼﻞ
~
~
ﺍﻧﺎ :: ﺁﻟﻮ
ﻳﺎﺳﻴﻦ :: ﺻﺤﻪ ﻓﻄﻮﺭﻙ
ﺍﻧﺎ :: ﺳﻠﻤﻚ ﻭ ﻓﻄﻮﺭﻙ ﺃﻥ ﺷﺎﺀ ﺍﻟﻠﻪ
ﻳﺎﺳﻴﻦ :: ﺳﻠﻤﻚ ، ﺭﻧﻴﺖ ﻋﻠﻴﻚ ﻋﺸﺎﻥ ﻧﺴﺄﻟﻚ ﻣﺎﺷﻴﻪ ﻏﺎﺩﻱ ﻭ ﻻ ﻻ ؟
ﺍﻧﺎ :: ﺭﻏﻢ ﺃﻧﻪ ﻫﻨﺪ ﻣﻦ ﺑﺪﺭﻱ ﺗﺮﻥ ﻭ ﺗﺒﻴﻨﻲ ﺍﻧﺠﻲ ﺑﺲ ﻗﺘﻠﻬﺎ ﻣﺎ ﻗﻠﺘﺶ ﻝ ﻳﺎﺳﻴﻦ ﻣﺎ ﻋﻨﺪﻱ ﻋﻠﻴﺶ ﻣﺎﺷﻴﻪ
ﻳﺎﺳﻴﻦ :: ﻻﻻ ﻋﺎﺩﻱ ﺍﻣﺸﻲ ﻫﻴﺎ ﺑﻨﺖ ﺑﺮﻭﺣﻬﺎ
ﺍﻧﺎ :: ﻧﺠﻚ ﻟﻴﺎ ﻳﺎ ﻃﻴﺐ ﺍﻧﺖ ^^
ﻳﺎﺳﻴﻦ :: ﻻ ﻧﺠﻚ ﻻ ﻋﻴﻨﻚ ﺭﻳﺤﻲ ﺭﻭﺣﻚ ﻣﺘﺼﻠﻪ ﻧﻘﻮﻟﻚ ﻩ ﺍﻟﻜﻠﻤﺘﻴﻦ ﻭ ﻧﺒﻲ ﻧﺴﻜﺮ
ﺍﻧﺎ :: ﻣﺎﺯﻟﺖ ﻗﺎﻟﺐ ﻭﺟﻚ ﻳﻌﻨﻲ
ﻳﺎﺳﻴﻦ :: ﺗﻲ ﻓﺮﺧﻪ ﻭ ﺗﺼﺮﻓﺎﺗﻚ ﻛﻴﻒ ﺍﻷﻃﻔﺎﻝ
ﺍﻧﺎ :: ﺗﻤﺎﻡ ﻳﺎ ﻳﺎﺳﻴﻦ
ﻳﺎﺳﻴﻦ :: ﻫﻴﺎ ﺍﻭﻛﻲ " ﻭ ﺳﻜﺮ ﺁﺧﺮﻩ "
ﻛﻼﻛﻴﺖ ﺗﺎﻧﻲ ﻣﺮﻩ ﻧﺴﻤﻊ ﺻﻮﺕ ﺍﻟﻘﻄﺎﺭ ﻳﻌﻨﻲ
ﺩﺭﺕ ﺷﻮﻳﺔ ﻣﻴﻚ ﺍﺏ ﻭ ﻟﺒﺴﺖ ﺍﻟﻌﺒﺎﻳﻪ ﻭ ﻟﻘﻴﺖ ﺍﺳﻮ ﻭﺍﺗﻴﻪ ، ﻟﺒﺴﺖ ﺍﻟﺨﻤﺎﺭ ﻭ ﻃﻠﻌﻨﺎ ﻓﻲ ﺍﻟﺼﺎﻟﻪ ﻭ ﻟﻘﻴﻨﺎ ﻣﺎﻣﺎ ﻭﺍﺗﻴﻪ ﻭ ﺗﻬﺪﺭﺯ ﻣﻊ ﻣﻨﻴﺮ
ﺍﻧﺎ :: ﻣﻨﻴﺮ ﻭﻳﻦ ﺍﻟﺤﺎﺟﺎﺕ ؟
ﻣﻨﻴﺮ :: ﺣﻴﻄﺘﻬﻦ ﻓﻲ ﺍﻟﺴﻴﺎﺭﻩ
ﺍﻧﺎ :: ﺑﺎﻩ ﺗﻤﺎﻡ
ﻣﺎﻣﺎ :: ﻫﻴﺎ ﺑﺎﻫﻲ ﺍﻧﺘﻲ ﻭﻳﺎﻫﺎ
ﺍﻧﺎ :: ﻫﻴﺎ ﻫﻲ
ﺇﺳﺮﺍﺀ :: ﻳﻴﻴﻴﻴﻴﻲ ﻧﺠﻴﺐ ﻓﻮﻧﻲ
ﻣﺎﻣﺎ : : ﺑﺎﻩ ﺑﺴﺮﻋﻪ
~
~
~
ﻃﻠﻌﻨﺎ ﻭ ﻣﺸﻴﻨﺎ ﻏﺎﺩﻱ ﻭ ﻟﻘﻴﻨﺎ ﺣﻨﻲ ﻭ ﻋﻤﺘﻲ ﻧﻌﻴﻤﻪ ﺑﺲ
ﺧﺸﻴﻨﺎ ﺳﻠﻤﻨﺎ ﻭ ﻫﻨﺪ ﻭﺟﻬﺎ ﺍﺻﻔﺮ ﺗﻘﻮﻝ ﺍﻟﻴﻮﻡ ﻋﺮﺳﻬﺎ D:
ﻧﻮﺍﺭﻩ :: ﻋﻠﻴﺶ ﺍﻣﺘﻌﺒﻴﻦ ﺭﻭﺣﻜﻢ ﻳﺎ ﺑﺘﻲ
ﻣﺎﻣﺎ :: ﻣﺎ ﻓﻴﻬﺎ ﺗﻌﺐ ﻫﻨﻮﺩﻩ ﻛﻴﻒ ﺑﻨﺘﻲ
ﺇﺳﺮﺍﺀ :: ﺗﻮ ﻧﺸﻮﻓﻚ ﺷﻦ ﺍﺩﻳﺮﻱ ﻓﻲ ﺧﻄﺒﺘﻲ D:
ﻣﺎﻣﺎ :: ﻏﻴﺮ ﺍﻧﺨﻄﺒﻲ ﻭ ﻣﺎ ﻋﻠﻴﻚ D:
ﺣﻨﻲ :: ﺭﺑﻲ ﻳﻔﺮﺣﻚ ﺑﻴﻬﻦ ﻫﻦ ﺍﻻﺗﻨﻴﻦ
ﻣﺎﻣﺎ :: ﺃﻥ ﺷﺎﺀ ﺍﻟﻠﻪ
ﻫﻨﺪ :: ﺣﻮﺍﺀ ﺗﻌﺎﻟﻲ ﻧﻮﺭﻳﻚ ﺍﻟﻠﺒﺴﻪ
ﺍﻧﺎ :: ﺣﺎﺿﺮ ﻫﻲ
ﺧﺸﻴﺖ ﺍﻧﺎ ﻭ ﻳﺎﻫﺎ ﻭ ﺷﻔﺖ ﺍﻟﻠﺒﺴﻪ ﻛﺎﻧﺖ ﺗﻬﺒﻞ ﺑﻜﻞ ﻗﻮﻧﻪ ﻗﺼﻴﺮﻩ ﻭ ﻋﻠﻴﻬﺎ ﺑﻠﻮﺯﻩ ﺍﻧﻴﻘﻪ
ﺑﺪﺕ ﺗﻠﺒﺲ ﻭ ﻃﻠﻘﺖ ﺷﻌﺮﻫﺎ ﻭ ﺩﺭﺗﻠﻬﺎ ﺍﻧﺎ ﺍﻟﻤﻴﻚ ﺍﺏ ﻭ ﻛﺎﻥ ﺑﺴﻴﻂ ﺑﻜﻞ
ﺷﻮﻳﻪ ﻫﻜﻲ ﻭ ﺟﻮ ﻋﻴﺖ ﻋﻤﻲ ﻣﺼﻄﻔﻲ
ﻫﻬﻬﻬﻬﻪ ﻋﻠﻴﻚ ﺟﻮ ﺭﺳﻤﻴﺎﺕ ﻭ ﺣﺮﻛﺎﺕ v:
ﻗﻌﺪﻥ ﺍﻟﺼﺒﺎﻳﺎ ﻳﻬﺪﺭﺯﻥ ﻭ ﺩﺭﺕ ﺍﻧﺎ ﺍﻟﻘﻬﻮﻩ ﻭ ﻃﻠﻌﺖ ﻫﻨﺪ ﻭ ﺩﺍﻳﺮﻩ ﺭﻭﺣﻬﺎ ﻣﺘﺤﺸﻤﻪ D:
ﻫﻨﺪ :: ﺗﻔﻀﻠﻲ ﻳﺎ ﺍﻋﻤﻴﻤﻪ
ﺣﻠﻴﻤﻪ :: ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ
ﺍﻧﺎ :: ﺗﻲ ﻉ ﺃﺳﺎﺱ ﺍﻭﻝ ﻣﺮﻩ ﺗﺸﻮﻓﻴﻬﺎ D:
ﻣﺎﻣﺎ :: ﺯﻳﺪﻱ ﻳﺎ ﺍﻡ ﻟﺴﺎﻥ ﺍﻧﺘﻲ D:
ﺍﻧﺎ :: ﻋﻤﺘﻲ ﺟﺎﺑﻚ ﻳﺎﺳﻴﻦ ؟
ﺣﻠﻴﻤﻪ :: ﺃﻫﺎ ﻭ ﺧﺶ ﻗﻌﻤﺰ ﻓﻲ ﺍﻟﻤﺮﺑﻮﻋﻪ
ﻫﻨﺪ :: ﺗﻮ ﻧﺮﻥ ﻉ ﺑﺎﺑﺎ ﻳﺠﻲ ﻳﻘﻌﺪ ﻣﻌﺎﻩ
ﺣﻠﻴﻤﻪ :: ﻻ ﻻ ﻋﺎﺩﻱ
ﺍﻧﺎ :: ﺗﻮ ﻧﻌﻄﻴﻪ ﺍﻟﻘﻬﻮﻩ
ﻣﺸﻴﺘﻠﻪ ﺻﺒﻴﺘﻠﻪ ﻓﻲ ﻓﻨﺠﺎﻥ ﻭ ﻃﻠﻌﺖ ﻧﻌﻄﻴﻪ
ﻳﺎﺳﻴﻦ :: ﺻﺤﻴﺘﻲ
ﺍﻧﺎ :: ﻭ ﻟﻮ ﻳﺎ ﺑﻴﺒﻲ
ﻳﺎﺳﻴﻦ :: ﺧﺸﻲ ﺟﻮﺍ ﺑﺎﻩ
ﺍﻧﺎ :: ﺗﻲ ﻛﻨﻚ ﺍﻧﺖ )):
ﻳﺎﺳﻴﻦ :: ﻋﺎﺭﻓﻪ ﺭﻭﺣﻚ ﺷﻦ ﺩﺍﻳﺮﻩ ؟
ﺍﻧﺎ :: ﻟﺤﻈﻪ ﻃﻴﺶ 3:
ﻳﺎﺳﻴﻦ :: ﻫﺬﻳﻦ ﺣﺮﻛﺎﺗﻚ ﻣﻦ ﺯﻣﺎﻥ ! ﺍﻣﺘﻲ ﺗﺒﻲ ﺗﻌﻘﻠﻲ !
ﺃﻧﺎ :: ﺑﻌﺪ ﻧﺘﺰﻭﺟﻮ ♥
ﻳﺎﺳﻴﻦ :: ﺧﻼﺹ ﺑﺎﻩ
ﺍﻧﺎ :: ﻳﻌﻨﻲ ﺟﻮﻧﺎ ﺗﻤﺎﻡ ؟
ﻳﺎﺳﻴﻦ :: ﺃﻫﺎ ﺃﻫﺎ
ﺍﻧﺎ :: ﺑﺎﻫﻲ ﺃﻓﺮﺩ ﻭﺟﻚ -_-
ﻳﺎﺳﻴﻦ :: ﺑﺎﻫﻲ ﺟﺎﻭﺑﻴﻨﻲ ﺷﻦ ﺣﺼﻠﺘﻲ ﻟﻤﺎ ﻗﻬﺮﺗﻲ ﺍﻟﺒﻨﺖ ؟
ﺍﻧﺎ :: ﻭ ﺍﻧﺖ ﻟﻴﺶ ﺣﺎﺭﻕ ﺩﻣﻚ ؟
ﻳﺎﺳﻴﻦ :: ﻣﺶ ﺗﺼﺮﻑ ﻭﺣﺪﻩ ﺑﻌﻘﻠﻬﺎ ﻫﺬﺍ
ﺍﻧﺎ :: ﺑﺎﻫﻲ ﺧﻼﺹ ﻋﺎﺩ
ﻳﺎﺳﻴﻦ :: ﺣﻮﺍﺀ ﺍﺭﺯﻧﻲ ﻭ ﺍﻟﻨﺒﻲ
ﺍﻧﺎ :: ﺣﺎﺿﺮ ﺑﺎﻩ
ﻳﺎﺳﻴﻦ :: ﺷﻦ ﺍﻟﺠﻮ ﺟﻮﺍ ﺑﺎﻩ ؟
ﺍﻧﺎ :: ﺗﻤﺎﻡ ، ﺷﻦ ﺟﻮ ﺁﺩﻡ ؟
ﻳﺎﺳﻴﻦ :: ﻭ ﺷﻦ ﺩﺧﻠﻚ ﺑﻴﻪ ﺍﻧﺘﻲ ؟
ﺍﻧﺎ :: ﺗﻲ ﺧﺮﻑ ﻭ ﺧﻼﺹ
ﻳﺎﺳﻴﻦ :: ﺍﻧﺘﻲ ﺍﻟﻠﻲ ﺧﺮﻓﻲ ﺗﻲ ﺿﺮﻭﺭﻱ ﺗﺤﺮﻗﻲ ﺩﻣﻲ
ﺍﻧﺎ :: ﺗﻐﺎﺭ ﻱ ﺑﻴﺒﻲ ؟ v:
ﻳﺎﺳﻴﻦ :: ﺑﻄﻠﻲ ﺍﺳﺘﻔﺰﺍﺯ ﺑﺎﻩ -_-
ﺍﻧﺎ :: ﻫﺒﻞ p:
ﻳﺎﺳﻴﻦ :: ﺍﻧﺘﻲ ﺗﺨﻠﻲ ﺣﺪ ﺑﻌﻘﻠﻪ ﺍﺻﻼ
ﺍﻧﺎ :: ﻫﻬﻬﻬﻬﻪ ﺑﺎﻫﻲ ﺑﺎﻩ
ﻳﺎﺳﻴﻦ :: ﺧﻼﺹ ﺧﺸﻲ ﺧﻴﺮ ﻣﺎ ﻧﻨﻔﺼﻞ
ﺍﻧﺎ :: ﺑﺎﻫﻲ ﻋﺎﺩﻱ ﻧﻘﻮﻟﻚ ﺣﺎﺟﻪ ؟
ﻳﺎﺳﻴﻦ :: ﺗﻔﻀﻠﻲ ؟
ﺍﻧﺎ :: ﻧﺤﺒﻚ ﺭﺁﻩ ♥ ﻭ ﺣﻖ ﺭﺑﻲ
ﻳﺎﺳﻴﻦ :: ﻭ ﺁﺩﻡ ؟
ﺍﻧﺎ :: ﺗﺒﺼﺮ ﺻﺎﺡ ؟
ﻳﺎﺳﻴﻦ :: ﺟﺎﻭﺑﻲ ؟
ﺍﻧﺎ :: ﺍﻧﺖ ﺗﺴﺪﻧﻲ ♥
ﻳﺎﺳﻴﻦ :: ﺣﺘﻲ ﺍﻧﺎ ﻭ ﺣﻖ ﺍﻟﻠﻪ ﻧﺤﺒﮓ ﺗﻲ ﻧﻐﺎﺭ ﺃﺯﻑ ﻧﺘﺤﻤﻠﺶ ﻣﺎ ﻧﻘﺪﺭﺵ ﻧﻤﺴﻚ ﺭﻭﺣﻲ ﻟﻤﺎ ﺗﻘﻮﻟﻲ ﺍﺳﻢ ﺣﺪ ﻏﻴﺮﻱ ﺣﺘﻲ ﻟﻮ ﻛﺎﻥ ﺧﻮﻳﺂ
ﺍﻧﺎ :: ﺧﻮﻙ ﻛﻴﻒ ﺧﻮﻳﺎ ﻭ ﺁﻫﻮ ﻳﺒﻲ ﻳﻘﻌﺪ ﺧﻄﻴﺐ ﺑﻨﺖ ﻋﻤﺘﻲ ﻳﻌﻨﻲ ﺑﻄﻞ ﻧﻘﺺ ﻭ ﺷﻚ
ﻳﺎﺳﻴﻦ :: ﻣﺶ ﻧﻘﺺ ﺑﺲ ﺃﻥ ﺷﺎﺀ ﺍﻟﻠﻪ ﺧﻴﺮ ﻭ ﺧﻼﺹ
ﺍﻧﺎ :: ﺃﻥ ﺷﺎﺀ ﺍﻟﻠﻪ
ﻃﻠﻌﺖ ﻣﻦ ﺍﻟﻤﺮﺑﻮﻋﻪ ﻭ ﺧﺸﻴﺖ ﻝ ﺍﻟﺼﺎﻟﻪ ﻭ ﻟﻘﻴﺖ ﻫﻨﺪ ﻣﻘﻌﻤﺰﻩ ﻭ ﻋﻴﻮﻧﻬﺎ ﻟﻮﻃﺎ
ﺍﻧﺎ :: ﺍﻭﻭﻭﻭﻭ ﻋﻠﻴﻚ ﺣﺸﻢ D:
ﻧﻌﻴﻤﻪ :: ﺗﻲ ﺧﻠﻲ ﺍﻟﺒﻨﺖ ﻓﻲ ﺣﺎﻟﻬﺎ D:
ﺍﻧﺎ :: ﻣﺴﺘﻐﺮﺑﻪ ﺑﺲ D: ﻫﺬﻩ ﻧﻔﺴﻬﺎ ﻫﻨﺪ
ﺇﺳﺮﺍﺀ :: ﺣﺘﻲ ﺍﻧﺎ ﻣﻦ ﺑﺪﺭﻱ ﻧﺒﺤﺖ ﻓﻴﻬﺎ ﻭ ﻣﺼﺪﻭﻣﻪ D:
ﻫﻨﺪ :: ﻫﻬﻬﻪ : ‏) " ﻭ ﺗﻔﻨﺺ ﻓﻴﺎ D: "
ﻧﻮﺍﺭﻩ :: ﻋﺪﻱ ﺟﻴﺒﻲ ﺍﻟﻌﺼﻴﺮ ﻭ ﺍﻟﺒﺎﺳﺘﻲ
ﺍﻧﺎ :: ﺧﻠﻴﻬﺎ ﻣﺘﺮﻳﺤﻪ ﺗﻮ ﻧﺠﻴﺐ ﺍﻧﺎ
ﺻﺒﻴﺖ ﻟﻠﻤﻄﺒﺦ ﻭ ﺟﺖ ﻫﻨﺪ ﻭﺭﺍﻳﺎ
ﺍﻧﺎ :: ﻛﻨﻚ ﺟﻴﺘﻲ ﻳﺎ ﺣﻨﻪ ﺍﻣﺸﻲ ﺍﺩﺣﻨﺴﻲ ﻋﻨﺪ ﻋﻤﺘﻚ ﻏﺎﺩﻱ D:
ﻫﻨﺪ :: ﺗﻲ ﻛﻨﻚ ﻛﻠﺒﻪ ﺍﻧﺘﻲ
ﺍﻧﺎ :: ﺍﻳﻮﻭﻭﻭﺍﻩ ﻫﻴﺎ ﺩﻱ ﻫﻨﺪ D:
ﻫﻨﺪ :: ﻗﺴﻤﺎ ﺑﺎﻟﻠﻪ ﺣﻴﻮﺍﻧﻪ D:
ﺍﻧﺎ :: ﺗﻲ ﺑﻄﻠﻲ ﺟﻮ ﺭﺳﻤﻴﺎﺕ ﺧﻠﻴﻚ ﻧﻔﺴﻲ
ﻫﻨﺪ :: ﻋﺎﺭﻓﻪ ﻗﻠﺒﻲ ﻳﺪﻕ ﺑﻜﻞ
ﺍﻧﺎ :: ﺍﻓﺘﺤﻴﻠﻪ ﺑﺎﻩ v:
ﻫﻨﺪ :: ﺣﻲ ﻉ ﺃﻡ ﺍﻟﺴﻤﺎﻃﻪ D:
ﺍﻧﺎ :: ﺑﺎﻫﻲ ﺟﻴﺒﻲ ﻣﻨﺎﺩﻳﻞ ﻳﺎ ﺣﺎﻧﻄﻪ ﺍﻧﺘﻲ
ﻫﻨﺪ :: ﺍﺳﻤﻌﻲ ﺑﺎﻩ ﺯﻋﻤﻚ ﻧﺄﺧﺬ ﺭﻗﻤﻪ ﻭ ﻧﺮﻥ ﻋﻠﻴﻪ
ﺍﻧﺎ :: ﺃﻧﻌﻢ ﺳﻴﺪﻱ 3: ﺣﻲ ﻉ ﺍﻟﺨﻔﻴﻔﻪ ﻭ ﺣﻲ 3:
ﻫﻨﺪ :: ﻫﺎ ﺑﺎﻩ ؟
ﺍﻧﺎ :: ﺗﻲ ﻫﻮﺍ ﺗﻮ ﻳﺄﺧﺬ ﺭﻗﻤﻚ ﻭ ﻳﺮﻥ ﻋﻠﻴﻚ ﻭ ﻣﺎ ﺗﺮﺩﻳﺶ ﺧﻴﺮ ﻣﺎ ﻳﻘﻮﻝ ﻫﺬﻩ ﺗﺮﺩ ﻉ ﺃﻱ ﺭﻗﻢ ﻏﺮﻳﺐ
ﻫﻨﺪ :: ﺑﺎﻩ ﺗﻤﺎﻡ
ﺍﻧﺎ :: ﻳﺮﻥ ﻳﺮﻥ ﻣﺎ ﺗﺮﺩﻳﺶ ﻋﻨﺪ ﻳﺪﺯﻟﻚ ﻣﺴﺞ ﺭﺁﻩ ﺍﻧﺎ ﺁﺩﻡ ﻭ ﺍﻟﺠﻮ ﻫﺬﺍ ﻭ ﺑﻌﺪﻫﺎ ﻣﺎ ﺗﺮﺩﻳﺶ ﻣﻦ ﺃﻭﻝ ﻣﺮﻩ
ﻫﻨﺪ :: ﺗﻤﺎﻡ ﻓﻬﻤﺖ
ﻗﻌﺪﺕ ﻧﺤﻜﻴﻠﻬﺎ ﻭ ﻭﺗﻴﻨﺎ ﺍﻟﻄﻮﺍﺳﻲ ﻭ ﻃﻠﻌﻨﺎ ﻣﺪﻳﻨﺎ ﻭ ﻣﺸﻰ ﺍﻟﺠﻮ ﺗﻤﺎﻡ
ﺭﻭﺣﻨﺎ ﻟﻠﺤﻮﺵ ﻭ ﻗﻌﺪﺕ ﻧﺤﻜﻲ ﻝ ﺭﺷﺎ ﺷﻦ ﺻﺎﺭ ﺏ ﺍﻟﺘﻔﺼﻴﻞ
~
~
~
ﺁﺩﻡ :: ﻣﺶ ﻗﺘﻠﻚ ﻣﻌﺶ ﺗﺮﻧﻲ ﻛﻨﻚ ﺍﻧﺘﻲ ﻏﺒﻴﻪ ﻭ ﻻ ﻛﻴﻒ ؟
ﺻﻔﺎﺀ :: ﺗﻮﺍ ﺃﻧﺎ ﻏﺒﻴﻪ ؟ ﺗﻲ ﻧﻘﺎﻧﻲ ﻏﺒﻴﻪ ﺣﺒﻴﺖ ﻭﺍﺣﺪ ﻛﻴﻔﻚ
ﺁﺩﻡ :: ﻳﺎ ﺑﻨﺖ ﺍﻟﻨﺎﺱ ﺍﻃﻠﻌﻲ ﻣﻦ ﺭﺃﺳﻲ ﻣﺶ ﻧﺎﻗﺼﻨﻲ ﺭﺍ
ﺻﻔﺎﺀ :: ﺑﺴﻬﻮﻟﻪ ﻫﺬﻩ ﻋﻨﺪﻙ ؟
ﺁﺩﻡ :: ﺑﻴﺶ ﺗﻔﻬﻤﻲ ﺍﻧﺘﻲ ؟ ﺗﻲ ﺧﻄﺒﺖ ﺍﻧﺎ ﻓﻮﺗﻴﻨﻲ ﺍﺯﺡ /:
ﺻﻔﺎﺀ :: ﻫﻪ ﻭ ﻣﻦ ﺧﻄﺒﺖ ؟ ﺍﻟﺸﻴﺨﻪ ﻫﻨﺪ ؟ ﻫﻬﻬﻬﻪ
ﺁﺩﻡ :: ﺷﻴﺨﻪ ﻭ ﻻ ﻻ ﺍﻧﺘﻲ ﺷﻦ ﺩﺧﻠﻚ ؟
ﺻﻔﺎﺀ :: ﻣﺶ ﻋﺎﺭﻑ ﺷﻲ ﻣﺴﻜﻴﻦ ﺍﺻﻼ
ﺁﺩﻡ :: ﺣﺘﻲ ﻟﻮ ﻛﺎﻧﺖ ﺻﺎﻳﻌﻪ ﻧﺒﻴﻬﺎ ، ﺗﻤﺎﻡ ﻫﻜﻲ ؟؟
ﺻﻔﺎﺀ :: . . .
ﻳﺘﺒﻊ . .