فصلية مع وقف التنفيذ

5

#فصلية ،،،مع وقف ألتنفيذ

#بقلمً / فراقد حسن علي

،،،،،،،،،،،،،،،،،،،،،،،،،،،،،،،،،،،

#ألبارت (5)

جميله /حسيت جواد يصحي بيه
كعدت وبعدها الشهكه بصدري

بس كالي شبيج /شمرت نفسي بحظنه ورجعت ابجي
عاد هو حظني بثنين ايديه وضمني بحظنه
كال/هاا هسه افتهمتي الدرس لو اعيده الج
كتله/افتهمت والله

-جواد لا تضوج من عندي
انت ليش متريدني ؟؟

-ترى مو قصدي لان زاعلتني هسه بهذا الاسبوع
اقصد على هاي الست اشهر المضت ؟؟

-دنيا كالتلي /لازم اكو سبب هج رافضج
ومراغب بيج ،

-والله اني كتلها يوميه
بليل اسبح يلا انام على ايده
جواد/هههههه ولج يعني مسولفتلها كلشي موو

جميله/والله مو هن دنيا وسعاد وعذراء
خلني بالوسطه وكامن يحققن ويايه
واني اضطريت احجيلهن لان خفت من امك
تاخذني للطبيب

جواد/هاي هي ماقصرتي
هسه الكي سالفتنه منشوره
بالجوادر ،،والداخل ،،والكياره
كل وحده طشت السالفه بيت اهلها

-سمعيني جميله هل مره سوتيلها
مره ثانيه ادبغ جلدج ليش تكولين جواد ما كالي
سوالفنه الخاصه ممنوع توصل باب الغرفه
لان عيب وحرام واحد يسمعها

-اني مو شغله ما راغبج بس هاجرج
اول شي مقهور من عندج
وكتلج اعتبريني صديقج مو رجلج
جذبتي عليه
واني سالتجً عندج شي ويه الكردي
وكتيلي لا ،،

-وظليت احمس بروحي وأحش جگاير
من لكيت رسايلكم بطبكات هدومج
وحبكم واضح من كلمات رسايلكم
-شوفي جميله لو رجال غيري
جان شهرج وطلكج

-بس تدريني اني خايف الله بيج لأنچ يتيمه
وماعندج والي واقبلت بيج زوجة
ليش /
لان شفتج حالج حال خالد هو يتيم وامه موجوده
وانتي يتيمه وامج وابوج مامعروف طريقهم
واني متاكد على هاي موافقتي الله راح يجازني خير
لان كفلت يتيمه

-بس خايف من شغله وحده
هي حوبة كسر القلوب مو هينه عند الله

-ولا تكولين شلون هج تكول
وتعرف بكلشي وقبلت تزوجني
وانت تعرف كسرت قلبي وقلب الولد

-اني اكلج ليش /جميله تهمنج الحبايب بشرفج
ومااريد اكلج منو هنه !!!!!
وكالن طلعت على امها

-ومن سمعت انهضمت عليج
والهذا السبب وافقت على زواجنه
والله شاهد عليه بيني وبين نفسي
واعدت روحي اكفلج واصيرلج والي
واخلصج من شر السان النسوان الماتخاف الله
-وهسه مادام  كشفت اوراقي كدامج
خلي اسولفلج بعد ليش مااخليج تباتين بيت جد
لان اخاف عليج من نهوض
ابسط ما عدها لو دبرتلج تهمه
لان امج ونهوض جانن مو على صلح
والسبب نزاع عائلي وعشائري قديم بين اهلهن