فصلية مع وقف التنفيذ

الاخيررر

#فصلية ،،،مع وقف ألتنفيذ

#بقلمً / فراقد حسن علي
،،،،،،،،،،،،،،،،،،،،،،،،،،،،،،،،،،،

#ألبارت (10) ألاخيررر

-((الصورة مختصر للحلقة 😭😢😫))

خالد /بيت جدي انكبوا بموت أخوي زيد
وموته كسر ظهور الكل

-جان موته فاجعه صابت كل الفرع
مو بس بيت جدي
لان طفل ومقتول
موجود اسمه من ضمن مجهولين الهويه

-عزاء زيد بجهة
والسالفه الما حسبيلها
حساب بجهة!!!!!

-من رحنه وندور بالطب العدلي على اخوي زيد
والله يجفيكم الشر بصفه مدينه الطب
وهي مدينه طبيه جبيره مو صغيره
كل واحد راح يهبد من جهة

-عمي سامي داخل الطورى المدينه
وعمي سعدون راح يسال بمستشفى
غازي الحريري (قبل اسمها مستشفى عدنان)
واني وعمي سلمان رحنه للثلاجات
لكينه أخوي زيد موجود بوحده منهن
ومعلكين صورته على لوحه جبيره
وياه بعد صور شهداء مجهولين الهويه

-التلفونات اشتغلت عمي سلمان
بلغ عمي سعدون وعمي سامي
يجون علينه حتى نكمل الاجراءات
ونستلم جثة اخوي زيد ونطلعه للبيت بتابوت
وهم بلغوا الجميع

-اني هنا مو صغير جان عمري ١٨ سنه
وبصف سادس علمي بس دراستنه كلاوات
المدير والمدرسيين يخافون من الاوضاع يساعدونه
جنت مخلص امتحانات نص السنه

-من شفت صورته وعرفته من ملابسه
انصدمت وطلعت قهري بالصريخ
والله بهذيج الساعه مااستحيت من الناس
كمت اصرخ بصوت النسوان ومزقت بلوزي
ودكيت على صدري لحد ماخسفت ظلوعي
يابه طفل ويتم وعاش بضيم ينقتل ليش
شنو ذنبه !!!

-الناس الغريبه الموجودين هناك  ناموا عليه
وجتفوتي ويصيحون حرام عليك وحد الله

-الله وكيلكم ومحمد كفيلكم
بعد ماعندي قلب يحمل اي خبر لاي صدمه
خلصت عمري صدمات وحده وره الثانيه
من طلاق امي قبس لموت امي جميله
لاستشهاد خالي مهدي وهسه قتل اخوي زيد
وجبت حياتي ضيم وقهر

-شفت عمي سامي اجى يصرخ
ويجر برجال من ايده ويمشي وراه
اباوع زين يالله هذا ابوي جووووواد !!!

-لا يالله هذا ابوي جواد شعره كفشه
ولحيته طويله وشعثه
ودشداشته جربه ومزقه وكاتلها الوسخ
وهو اشعث وكاتله الوسخ ،ويمشي حافي
ومخلي ايده بحلكة ويكرط بظافره
ويباوع بوجوه العالم !!

-رررررربي رحمتك
ررررربي عفووووك ورضاااك
خلص قلبي الهي يا سيدي ومولاي
شنو الذنب الارتكبناه حتى هج يصير بينه

-فكيت روحي من الناس وكتلهم /
والله هديت وبعد ماادك على صدري
ومايدرون صدمة ابوي اليه
كطعت أنياط قلبي