فصلية مع وقف التنفيذ

6

#فصلية ،،،مع وقف ألتنفيذ

#بقلمً / فراقد حسن علي

،،،،،،،،،،،،،،،،،،،،،،،،،،،،،،،،،،،

#ألبارت (6)

خالد/الله عليكم احد من عدكم كايللها من قبل
جنها نيلز لو شويه اكصر من عنده
واذانها اذان النعام تسمع دبيب النمل !!!!

فراقد /وشبي نيلز عيني
المهم قزمه واخبل
شحال لو اطول بعد

خالد/يابه قزمه ،،وام الخبزه
وكاتبه ،،واختنه ،،
بس كتبلي القصه البخ بعد لو كافي ؟؟

فراقد /بدون متلبخ اني كاتبتلك القصه

-يلا أطلعوا بدون مطرود خلي اقفل الباب
مصطفى طفي الكهرباء من يمك

-بعد ما بصمت بصمة الخروج ساعه ٣ الا ربع
ابو الخط ما موجود طالع واجب وياه كم موظف
هم يخلصون واجبهم ويطفرون مناك لبيوتهم
ميرجعون للدائره
عامر/هاا ام علوش شو واكفه هنا

فراقد/ابو يوسف طالع واجب
وخط ماكو ،اريد اخذ تكسي

عامر/ياتكسي هذا يابه؟؟ امشي اني أوصلج
انتي والطفل وجنطة تتبهذلين لحد ما توصلين الشارع

فراقد/لا يابه مااريد اكلف عليك توكل محروس بالله
تتاخر على بيتك ،،هسه اخذ تكسي

عامر /شو جيبي حسون والحكيني انتي وجنطة هذا الفصمة
بدون مجاملات ورسميات
عيبه تنحسب على كل هاي الشوارب الموجوده
واختهم تصعد تكسي ويه رجال غريب

فراقد /اروح وياك بس بشرط تاخذ كروه

عامر/اكول ليش ما تمشين وانتي في حالة صمت!!
الله يعين ابو الجهد الهندسي عليج
اكول هو موجود لو ملتحق ؟؟

فراقد /والله اليوم الفجر التحق

عامر/يروح ويرجع بسلامه

فراقد /الله يسلمك ابو شمس ،،
عامر خوش انسان شخص نظيف من ناحية القلب والعمل
-وصلني لبيتي ،
وبالطريق مريت اخذت علي من الروضة
وبعد الركضة اليومية
من مراجعه دروس الروضة لعلوشي
وتحضير وتجهيز الغدة والريوك لباجر بسلامه
وغسلت ملابس البيت الدوام ،
ورتبت البيت شويه

-وخلف الله على طيور جنة تسكتلي حسون

-ماخليت راسي على المخده الا  للساعه ب ٩
بالشتاء مااكدر اظل كاعده للساعه ب ١٠ بليل
وبالصيف اظل اقصى حدي للساعه ب ١١

-وبعد كعدت الفجر من ساعة ب ٥
ونفس الركضه اليومية
وهوسه علوشي وحسوني

-وبعد ما وصلت للدائره
واشوف خالد وجماعة خط مدينه الصدر
متواجدين باب شعبتنه

-صباح الخير جميعاً ،
اسم الله شنو هل تجمع ؟؟

-ترى خاف ناسين اليوم ٧ بالشهر ماكو رواتب
بعد ١٥ يوم تعالوا نشكر جهودكم وسعيكم