يوميات كوكي(في ليبيا)

زي دبي *

جي الصبح وناض بطلنا وخش للحمام بيزق وبيغسل وجهه شن بيدير امالا في الحمام؟ -_-

:نهار ديمني احرف الميه هاربه ياعنبو البلاد الغبره كيف بندوش ياهووو

بدي يعيط ويخبط لين سمع امه تصيح
:جونغكوك يا ولد الكلب ياسر هادي البلاد لي يبوها زي دبي فكني من دوشتك ودوش بالمالقي

كمل دوشه وكيف جي بيستشور شعره الضي هرب
:يا ولاد السلطانة ياكلاب تي وربي لما نحرق برا امها البلاد

خدي هاتفه وطلع نادت امه
:كوكي يا وليدي جيب مشروب وانت مروح

جونغكوك:حاضر يام

طلع واتصل بصاحبه
جونغكوك:ايوا دريه شن جوك يابرو
جيمين:اوو حبيب والله ماشيه عكسه في البحر مع نامجون وجين تعالا مدايرين شوا جيب مشروب
جونغكوك:تم تم هاني جاي

في البحر+++

نامجون:بورااا ياقدع شخبارك تي وين مغيب
كوك:يا وخي عارف امها الحكايه سيوله مهناش والعيد قريب وهكا هو
جين:والله حق العيد هادا بكل مش عارف من بيعيد
جيمين:اني بنعيد
نامجون حدف طاسه البلستك ع جيمين:نوض جن يشيلك
كوك:هي شباب شن رايكم في غطستين
جيمين:هيوالله

دارو جو وكلو وشربوا اتصلت ام كوك

كوك:انعم يام
امه:تي وينك يا ولد وين المشروب
كوك:اني مع صحابي يمه تو نتصل بهوسوك ستني
امه:به

اتصل بخوه
كوك:ايوا ياكلب وين تلط؟
هوسوك:في جرابه اني خيرك؟
كوك:خزي ياعنبو سريفتك زي الكلب لي مدودة ودنه تمشي تي روح يا صايع يا متع سانا و جـ...
هوسوك:تحشم يالي ما تستحي تو نروح نهار فيتك احرف
كوك:جيب مشروب لي امك يامسخ
هوسوك:تحشم خيرك تسب النم صكر فكني منك

ناض جيمين:شباب هي ماتبو شي بنروح
كوك:حت اني مروح
جين:تي اقعدوا
كوك:لالا خلاص معادش وقت بنروح غدوة بنمشي ندور خروف
جيمين:بالله اتصل بيا بنمشي معاك
كوك:تم الساعة 8كون واتي
جيمين:خلاص تمام هي تصبحوا ع خير
الباقي:قدامك الخير

روح كوك
هوسسوك:يا متع ليسا تو نوريك من هو متع سانا ومش عارف من
كوك:به عرفت روحك تكلم في هلبا لين نسيتهم لي مش عارف من ههيهيهيهيي
هرب وصكر ع روحه الدار
هوسوك:تحساب روحك ديما بتهرب تو ندسهالك

جي الصبح

كوك اتصل بجيمين:ها يادريه وينك
جيمين قاعد راقد:هاني بنلبس السبيدرو وطالع
كوك:كداب اني برا قدام الحوش
جيمين:تي باهي الزفت شوي بس

جيمين بالله تقول مرا بتمشي العرس يعطل ويطلع نفس خلقته 🐸

طلع جيمين ورمته منفخه قاعد فيه نوم
كوك:ع من سهرت امس ياتشيمم
جيمين:وحده طرف يازرافه(وهو يمسح في وجهه يبي يطير النوم)

وصلو لسوق السعي
جيمين:شوف شوووف محلااهععع
كوك:مانعرفكش اني ره

لقي كوك كبش مليح زي لي يبيه الشيباني ميلاد(بوه)
كوك:بقداش هادا؟
الراجل:4500 وعادي نساعدوك
جيمين:قداش المساعده
الراجل:4499
جيمين:والله؟ شن قرونه بالذهب امالا
الراجل:برا لف السوق كله وشوف كان لقيت ارخص
كوك:شعب كلب يقعد طول عمره كلب تي برا روح الدنيا مشكشكه وانتم تغلو تي رخصوا وارحموا الناس باش يرحمكم ربي
جيمين:الله يرحم ايام القائد
كوك:تي بنمشي لي بنغازي اني
الراجل:تي نوض انت وياه يا خود يا اقلب وجهك
كوك:كان ع الموال هادا تي برا كوله انت خروفك بيعفنلك في السوق ره نصيحه
الراجل:مانبيش نصايح
جيمين:الله يرحم ايام....
كوك:خلاص ليبيا كلها سمعاتك وانت تعاود
جيمين:شن فيها واجعني حالنا
كوك:شكرا ع المبادرة الطيبه تو ناخدو حت خروف منقرد

لادو دينم السوق وفي الاخير حصلو خروف خروف
جيمين بوجه حزين:تي هاد خروف هاد مايسدش حت خوي الصغيرر
كوك:احمد ربي لقيناهم بـ1900
جيمين:حق ايفون7
كوك:هادي هي دبيي*

يتبع

شن رأيكم 😂😂😂
الزفت ضحكت هلبااا 💔😹
نتلاقو في حلقه تانيه ❤