يوميات كوكي(في ليبيا)

تحضيرات العيد(الزبون) *

جونغكوك كان مقعمز جنب العيله وفاتحين قناة218 نيوز 😂
كان ينفخ وقارن حواجبه:اوههه وااككك الزفت
جيون ميلاد :خيرمك تنفخ ياولد
كوك:يابوي نبي زبون صحابي كلهم عندهم
ميلاد:بالله تي برا حت بهركه هو عيد ماهو عرس
كوك:تي كيف يابوي كيف كل عيد نمشي بهركه وصحابي كللهمم لابسين زبونات تشبح زبون تنسى زبون
ام كوك :ميلاد حرام عليك الوليد يبي يلبس زيه زي صحابه ماتحرماش هو زبون وحيد يلبسه في الاعياد والعراس
كوك:اي بالله عليك اول مره نطلب طلب
ميلاد:شن اول مره تي امس كنت تعيط ع السبيدرو وقلتلي اول مره وكل ديما اول مره
هوسوك:يابوي كوك كلامه حق اشريله حرام عليك
ميلاد:وانت كيف شريته
هوسوك:ء..ء شريته بمعاشي
ميلاد:ها ريتوو يخدم ويدير راس مال ويشريه
كوك:حرام عليك يابوي قاعد صغير اني خودلي توا وحق ربي لما نشريه بفلوسي ونشريلك معاي
ميلاد:بكم هو
كوك بفرحه:1500
ميلاد:مصح والله وجهك
كوك:بابااا بالله هاد ارخص شي ره تعرف في حت 9000
ميلاد:تي هو قماش ره قمااش شن عاد خيرهم هك
كوك:يابوي هيا عاد بنمشي نحلق
ميلاد:خود البطاقة
كوك:ماتقولش متع الجمهورية
ميلاد:امالا شن تبي
كوك:لا يبوي لالاالااا تعلق في نص المحاسبه واني نقعد هك
ميلاد:به شن تبي
كوك:نبي فلوس كاش
ميلاد:تي خود ولا اقلب وجهك شن كاش ماكاش
كوك:به حاضر هاتها هي

في محل الزبونات
كان جونغكوك فرحان مش لاقي الفرحه وين يديرها قريب يطير رفع معاه تايهيونغ شياكه وجو ويفهم في الزبونات وصاحب المحل صاحبه يعني في واسطات😉

كوك:ها يالحب شن رايك في الزبن هادا
تاي:مليح تعرف تختار والله الاسود منلاخير
كوك:تم ترا شوفه بكم
تاي:ما تسألش بكل بكم خليها عليا
كوك تغمر تاي:نحبك يامسخ
تاي:تي حول يا عيل هههه

هما قعدين يلودو لقو عمك جيمين في تركينه
كوك:جيمين؟ ؟؟؟؟
جيمين:كوك..تاي شن جوكم
كوك:فوت جوي توا شن ادير هنايا؟
جيمين:نشري في زبون شن ندير
كوك:تتسهوك؟ ؟؟
جيمين:لا علاش
كوك:تي السنه لي فاتت شريت زبون تي انت شريته في شهر 10 ع خاطر عرس ولبسته في العيد الصغيرة
جيمين:هاك قلتها عرس وعيد صغيره لالا شبحوني فيه بنشري واحد جديد
كوك:تاي بالله شدني عليه خنما نركه طريحه…تي اني درت عركه مع اهلي وقريب تبرو مني وانت هني تتشرط لا شبحوك فيه
جيمين:به عادد خلاص
تاي:تي خليه في حاله وتعالا شوف زبونك خنخلصوه
جيمين:سلامات نتلاقو
كوك يرسل في شبحات ليزريه لي جيمين 😂😂

بعد ما روح وفرحان عمكم كوكي: تايهيونغ ياكلب لو نعرف نزغرط ره زغرطت
تاي:ههههه مبردك

خش للحوش
:ياحاج ياعزوز تعالوو
هوسوك:اووهه مبارك مبارك ترا برا البسه وتعالا

مشي لبسه تقول بيبي فرحان بالعيد 😂
خش يفشك بيه وخشمه فوق ويبتسم
امه ناضت تزغرط:الله مصلي ع النبي ربي يحفظك من العين ياوليدي
جي بوه:لي فرحان حلقت؟
هوسوك:اي حق حلقت؟...ره اليوم اخر يوم وغدوة بيبدو الايام العشرة
كوك:حيييي علياااااا لااااااا ماحلقتشششششش
ميلاد:هاد الزبون لي قاطعنا بيه

يتبع

هولا شن رايكم 😂😂😂اني بنموت من جيمين 😆
طبعا في هلبا هك ميلاد يفكر فيا بجدي 😂😂😂
استمتعوا مع حلقه تانيه 😬