واول مره يا احبابي كوكي ينوض فرحان والسبب؟
-ان بيروحو لحوشهم 😄
ميلاد:هي ماتبوا شي
الجد:لالا سلامتكم
كوك:تي هيااا عاد
الجد:تعالا يا ارنوب باش تجي لي جدك
كوك:انشاء الله (في نفسه:كانك عليا ماعاد طالع من امه الحوش)
مشوا للحوش
كوك:حـ..حوشناااا!
هوسوك:حسبي الله ونعم الوكيل تي كيف هك
كوك:الكوجيينههه الحمااامم دااارييي
ميلاد:هاد لي تفكر فيه ممه ككه ننه
كوك: تي وين بنمشوا احني كيف حوشنا كله مشي
امه تبكي:خلاص بنولو لي حوش جدك
كوك:وربي نرقد تحت زيتونه ماني ماشيها
ميلاد:خلاص انت اقعد دير شن ادير اني بنمشي
كوك:يابوي عيب ره الحوش كله نساوين واحني نخطفوا يابوي افهمني جاي اجرلنا حوش لين يسخرها ربي منا نستريحوا حني ويستريحوا العويله
هوسوك:بجديات يابوي كلامه حق لين انت تصين الحوش
امه:اني نبي بوي
كوك:يما تبي تمشي بري اني مانيش ماشي تي تشوفي في لوكاس يحزر على مرته وهي شكلها زي مالقي العزي تي خطفت جنبي دار ام عركه كبيرة
ميلاد:خلاص يافرخ وانت تنق به تو نشوف
كوك:هوسكا هي نمشوا للشباب
هوسوك:هي نوض
في حوش يونغي:')
جين:به تعالو عندي اني بروحي
كوك:لالا صحيت اني هك قلتله نبي حوش بروحي بنقرا الزفت قعدت هك اني
نامجون:تو ندورلكم حوش كويس به؟
هوسوك:ادير فينا خير والله
نامجون:خلاص امالا
كوك:وين دريتنا
تايهيونغ:مريض ليه يومين
كوك:تتسهوك؟
تايهيونغ:اقسم بالله
كوك:ايااححح ماتصلتش بيه تو يحرج حراج هلبا هو
بعد يومين كيم نامجون حصل لعيله جيون حوش الإيجار مشوا وشبحوه وعجبهم والايجار متاعه 800
ميلاد:اليوم حصلنا حوش غدوة خوالكم بيجوا يتغدوا
كوك:ت..تت.تي كيييفف
ميلاد:ضم فمك
كوك:والله مايتحشموا لو يجو يا بوي احني ناس مأجرين وهما يتبلطوا الكلب لوكاس بيجي اني بنهج اهو نقولهالكم
امه:خيرك معاه انت لوكاس؟
كوك:يما مرته تتمستك قدام المربوعه وتنادي لوكاا ومايبيناش نشبحولها تي وربي يا امي لما شفتها انخلعت
هوسوك:خلاص ياولد تحشم خيرك هكي
كوك:به به خليهم يجو هي
امه:خنادي جينا
كوك:تنادي لفاعينا تعرفي تناديها لما نعطيها طريحه
ميلاد:تي نوض اقلب وجهك من بكري واني ساكتلك
كوك: منورين
امه:جيب مشروب ياولد
كوك طلع وقربع الباب
جو خواله لكن ماجاش لوكاس وكوك طلع هج للبحر ورفع معاه الدريه وعشاه ع حسابه لان الدريه زعلان😂
بعد شهر*
كوك:حوشنا الحلووو وأخيرا صينااه
امه:ااه والله الحوش مافي احسن منه
هوسوك:حوشك حوشك يمه
ميلاد:ديرو العشي وارقدو هيا
في الليل
كوك:هي شباب كملوا العبو اني بنرقد سلامات
حط راسه ع المخده
:💣💣
كوك:لاااااااا
ميلاد:هي اطلعوا ضرب
ريتو القصه هادي كلها...كلها صارت نفس الشي كوكي مسكين قريب يجيه انهيار عصبي
كوك:اني بنمولي يابوي للحوش وخليها تتقربع عليا
ميلاد:والله كيف بنتكلم اني لان قالو يخنبوا في الحياش وانت برا لما يحسوا في حد تو يمشوا
كوك:هي السلام عليكم
كوك رفع معاه يونغي
كوك:………………
يونغي:كوك كوك كوك ياولد استاقض يعوضكم ربي
كوك:اني بنرقد تحت هادي الزيتونه
يتبع
رايكم ؟حستها مش حلوة لكن اكثر شي ضحكني متع مرت لوكاس لي وجها زي مالقي العزي 😹😹
أنت تقرأ
يوميات كوكي(في ليبيا)
Humorروايتي اصلية والاولى بتاريخ الكيبوب الليبي:) اي رواية تكون مثلها فأعرفو انها مستوحاة مني بدايتي الرائعة مع هالرواية 2019/6/20 الاولى وستظل الاولى😂💛 فرقه BTS في ليبيا ويتكلموا ليبي 🌚 كساد ورواية للتكسيد ياخي ما تتسمى روايه وياكولاب لي تقولولي اكت...
