يوميات كوكي(في ليبيا)

حالنا واحوالنا"

هااايييي هااايييي هاااايييي كممممم لبثنااا؟؟؟؟
اسفة ع الانقطاع في كلام فنهاية البارت نبو نديرو حفلة لوطا بليز يعني ونخليكم مع البارت البارد :

..........

ناض كوكي وهو مستاحش حاجة اسمها ضي💔
لدرجة نسي شن يعني الضي؟

وبعد مدة انقطاع صارت احداث مع ابطالنا وبسبب هذا الانقطاع كانت الكهرباء تهيج برا ليبيا عليهم وعلى الكاتبة💔

هوسوك: نوض يا راجل افطر
كوك:تي باهي البارح مارقدتش من النو
هوسوك:قلتلك تعالى كسد معاي فوق السطح لكن انت مصكر راسك عليك جاهل هيا نوض خير مايجي بوي يفصل رقبتك

ناض كوك والدموع تترقرق من مقلتاه بكل حسرة وهمس:علاش حالتنا مستعصية؟
امتى بنكملو زي باقي الشعوب؟علاش ليبيا بالذات؟امتحان من ربي؟ولا انتقام؟شعب عاش فملذات الدنيا رغم الظلم لكن كان ليه سيط..هل هو توا جزاء ع كل لحظة كانت ثمينة فحياته؟كيف بلاد زي هاذي بنقابلو بيها حد من الخارج؟علاش مانبدوش من انفسنا؟لو كل شخص قال كلمة خير للثاني ولا كل شخص نظف قدام حوشه والكل يدفع لشركة الكهرباء ونكونوا يد وحدة حترجع ليبيا زي قبل وبزيادة...لان لو رقدنا ع وداننا لا سراج ولا حفتر حيخلوها نايرة هات من يفهم والله ما عاد فيها امل،، يخربوها ويقعدو حاصلين وحاميها حراميها السبب من شعبها ويجي يسب ليبيا شن دخل بلادك بس لو كانت تتكلم ره بكت ره شداتك واحتواتك بين طيات ترابها بس انت وانت وانتي غالطين لازم تصلحو من نفسكم باش تكونو مفتخرين بيها💔.

كمل طريقه للسفرة ولقي الفطور رامض🙂

عيط:تي خيره مرمض ياعيلة تي حتى بنة الهريسة قاااررصصصة
ميلاد:كول كابتاكل وينه الضي هو باش الهريسة تكون مليحة..كول قطاع
كوك"بتفكير":لو بوي يبدا من نفسه ليبيا حتكون زي دبي..ههيهي بوي سبب فسادها ياسي

حس بكاشيك على راسه مسح دمعتة بصمت وكمل فطوره القارص💔

طلع للشارع بيشم هواء...ولقي الجو متلوث😭
كوك:يا عليك هم المكبات

لقي نمجة مكسد قدام الشارع وواضح عليه هم السنين
:هاو يابرو شجو شن جو ضيكم
نامجون شبحلة على جنب:تتسهوك يا راجل مه فنفس الشارع احني
كوك:هيهيههيي حبيت نغيرلك جوك لكن شكلك مامشتش معاك...خيييرركككككك
نامجون:يا راجل الواحد قريب يخش ع 30 ومابناش حوشه ولاعرس زي الناس

كوك قهمز وعليه الف هم وهم اتذكر ان الوقت يجري وكلهم قاعدين فحوش اهلهم زي النساوين المعنسات

سمعو السبيندات يخدمو بدو يرقصو ويصفرو:الضييي جيييي اوووعهه خشششيييي الضااااييييي

ناضو يتجارو والشارع كله فرت فرت فرت💨لحياشهم

كوك يجري فجري مش طبيعي لقي هوسوك مداير عملية انبطاح ع الزليز وقدام المكيف وكوك ينبلط معاه