لم تكن خادمتي فقط

الفصل الرابع

لم تكن خادمتي فقط .....

الفصل الرابع .....

ياللهي ساعدني فانا في محنه شديده لا يعلمها غيرك
ظلت صامته مصدومه كل أملها تقدر ع الهرب منه ولكنه كان متمسك بيدها بقوه حتي شعرت بألم
قال ادهم .. خليكي هاديه عشان الاتنين النحس دول جايين علينا
لين ببرود قائله ... ايه يا ادهم مش تعرفنا ع خطيبتك ولا انت خايف عليها مننا .. ثم التفتت أنظارها لي رهف بأشمازاز
نظر لها رامي بتحذير  ثم قال بضحكه مصتنعه .. لين بس بتحب تهزر متقصدش حاجه
تحدث ادهم  بخشونه قائلا ... واخاف ليه طالما انا جنبها محدش يقدر يبصلها ولو دا حصل قدامي ادفنه مكانه .. ع العموم ميرنا خطيبتي ثم جذبها من خصرها اكثر لتلتصق به
تحدثت رهف بألم يشتعل في قلبها من قربها ليه .. الف مبروك بجد انتوا لايقين على بعض ربنا يسعدكوا

رامي باستغراب قائلا ... شكرا وربنا يسعدكم انتوا كمان

لين بغيره ... يلا يا رامي
هتف ادهم بعد رحيلهم قائلا .. يلا في داهيه
التفتت له قائله ... انا اسفه لو هدخل  بس هي دي اللي كنت بتحبها انا اسفه بس مدام نهله حكتلي كل حاجه

بصلها بمكر وقال ... تؤ تؤ تؤ مش هي .. هي وحده بس اللي بحبها من اول ما شوفتها وهي خطفت قلبي.. وبدأت علامات الحزن ع وجه ثم أكمل حديثه .. بس هي لسه مش مصدقه قوليلي اعمل ايه عشان تصدقني
نظرت له باستغراب وسالت نفسها .. بجد مش مصدقه  نفسي دا ادهم بيه الحيوان اللي هجم عليا امبارح وصفعني بقوه . النهارده يقف امامي ويقنعني بحبه مستحيل اي عقل يصدق هذا

ادهم .. سرحانه في ايه
رهف بجديه ..  ادهم بيه حضرتك متأكد مشوفتنيش قبل كدا
ادهم بتعجب قال .. لا بجد حاسس اني شوفتك وكتير كمان ليه بتسالي ...
رهف .. بسال عادي . المهم  انا اتفقت مع مدام نهله هو يوم واحد فقط وهمشي

بدأ بالغضب الشديد ولكن تحكم في نفسه بصعوبه ثم قال.  ... اللي تطلبيه ياميرنا انا مش هغصبك ع حاجه
عن اذنك هعمل اتصال
تنفست براحه قائله الحمد لله شعرت بالفرح واخيرا هعرف اتنفس .
قبل ذهابه طلبلها عصير ......
أتت هنا بكوب عصير قائله اتفضلي ياهانم العصير
نظرت لها رهف ثم أطلقت ضحكه  بصوت مرتفع لينظر لها الجميع
شعرت هنا باحراج أحست هي المقصودة بالضحكه عليها
رهف أمسكت يد هنا قائله ... حتي انتي معرفتنيش ياصديقة عمري
هنا بصدمه قائله ... ررررهف
رهف مسرعا كتمت صوتها وقالت .. وطي صوتك هتوديني في داهيه . بس ايه رأيك مدام نهله غيرتني خالص
هنا باعجاب ... واو بجد جمليه اوي بس انتي بتعملي ايه هنا انا مش فاهمه حاجه ومدام نهله قالتلي انك رحتي الشغل مكانها النهارده
لمحت ادهم يتجه نحوهم ثم قالت ... هبقي اقولك كل حاجه بس امشي بسرعه عشان ادهم بيه جاي 

كان ينظر لها بسعاده عندما رآها تضحك فهذا الضحكه جعلته يبتسم رغم عنه . ثم اقترب منها قائلا ..ع فكره كل شويه اكتشف فيكي حاجات جميله
بصتله باستغراب قائله ... واكتشفت ايه
تحدث ادهم ... جمالك وبرأتك  وضحكتك كل حاجه فيكي بتخليني اعشقك اكتر
شعرت قلبها سيتوقف من سرعه دقاته  لا تعرف لماذا ولكن أقنعت نفسها اكيد دقات الخوف لا شئ اخر 
تحدث ادهم ... زهقتي
تحدثت رهف .. جدا ونفسي الحفله تخلص بقي
ابتسم بمكر قائلا .. اعتبريها خلصت لحظه وجيلك
بالفعل طرد رامي ولين لينهي الحفله وذهب جميع المعازيم ايضا
بعد لحظات أتت نهله قائله ... تعالي ياميرنا هوصلك في طريقي
ادهم بلهفة أمسك يد رهف وقال ... رايحه فين خالتو السهره لس مخلصتش
عقدت حاجبيها باستغراب قائله ... تقصد ايه يا ادهم . ميرنا اتاخرت ولازم تمشي
رهف بدموع ... ارجوكي يامدام نهله خرجيني من هنا انا خايفه اوي
نهله .. متخافيش ياميرنا .. ثم التفتت انظارها لي ادهم قائله .. محدش يقدر يعملك حاجه وانا جنبك
اطلق ضحكه ساخره قائلا ... بس انا هعمل ياخالتوو
شهقت بفزع ثم انهمرت في البكاء قائله بتوسل ... ارجوك سيبني انت هتعمل فيا ايه
نهله بانفعال .. ادهم انت زودتها اوي
ادهم ببرود ... اهدوا شويه دلوقتي هتعرفوا كل حاجه