لم تكن خادمتي فقط

الفصل الخامس عشر والاخيره

لم تكن خادمتي فقط ...

الفصل الخامس عشر والاخيره ......

قالت نهله بحزن ... استني يا ادهم

توقف ادهم ثم نظر لها بحده قائلا..... قولتلكم محدش يدخل

اقتربت منه نهله قائله بغضب من نفسها .... ولو قولتلك رهف مظلومه ، ارجوك تسمعني للآخر

نظر لها بصدمه قائلا بعدم فهم ... تقصدي ايه مظلومه ازاي

نهله بحزن .... كنت فاكره بعمل كدا لمصلحتك كنت فاكره رهف بتحبك عشان فلوسك بس انا طلعت غلطانه ودمرت حياتكم بأيدي

ترك يد رهف ثم اقترب من نهله قائلا بحزم ... اخلصي يا خالتو قولي اللي عندك

رهف واخيرا تنفست براحه

تكلمت نهله والدموع تملأ عينيها ... ارجوك تسامحني يا ادهم انا هقولك كل حاجه

تغيرت ملامح وجهه بغضب شديد قائلا ... انطقي عملتي ايه

نهله بحزن ... انا كدبت عليك وفهمتك رهف نصابه حتي هددت هنا اسجنها هي ووالدها عشان تقولك اللي سمعته منها ، عملت كل دا لاني فكرتها مابتحبكش ورجعتلك عشان قولتلها هتبعدي عن حياتنا فكرتها رجعتلك عشان فلوسك

اتسعت عيناه بصدمه وقع حديثها كالصاعقة لم يستوعب ما قيل ، لايعرف ماذا يفعل كاد يقتلها لكن تراجع في لحظه فهذه خالته اللي ربته منذ صغره

قبض على يده بغضب شديد حتي اشتعلت النيران بداخله ثم تنهد بخيبة أمل كبيرة في أعز الناس ليه

اقتربت منه رهف قائله بدموع ... انا لو كنت نصابه يا ادهم كنت قبلت ورثي المزيف اللي انت بعتو ليا بحجة ورثي من جدي ، و انت محاولتش تسمعني ادافع عن نفسي وظلمتني وظلمت نفسك شوف وصلنا لايه

نظر لها بضعف ثم دمعت عيناه بألم اقترب منها بهدوء ملس ع شعرها بحب قائلا بوجع ... لسه بتحبيني برغم كل اللي عملته معاكي

نظرت له والدموع تنهمر من عينيها قائله ... لسه بحبك برغم كل وجع وكل ألم سببتهولي لسه بحبك يا ادهم وهتفضل اول واخر حب في حياتي

اخدها مسرعا في حضنه ثم بكي في حضنها بندم شديد
ادهم ... سامحيني يا رهف

رهف والدموع تملأ عينيها ... انا مسمحاك بس توعدني متسبنيش تاني

ابتعد عنها ثم نظر في عينيها وحضن وجهها بكف يده قائلاً ... من النهارده مفيش قوه في تقدر تبعدني عنك

قاطعهم عمرو قائلا بحزن ... طب ومحمد

اشتعل ادهم غضبا عندم تذكره .... هيطلقها والا ادفنه وهو عايش

اقتربت نهله نحو ادهم وقالت بحزن ... ادهم ارجوك تسامحني

لم ينظر لها ثم قال بعدم اهتمام ... انتي دمرتي حياتي بكل سهوله وعيزاني اسامحك بالسهوله دي