لم تكن خادمتي فقط

الفصل التاسع

لم تكن خادمتي فقط .....

الفصل التاسع ....

ليتك تدرك معني الفوضى بداخلي
ليتك تدرك كم من وجع تسببت وكم من ألم شعرت
ليتك تدرك كم من ألم آذاني وكم من وجع كسرني
ولكنك لم كنت تدرك بشي ......

نهضت بوجع تنزف من أنفها من أثر صفعاته
ولكنها كانت لا تشعر بألم جروحها أكثر مما كانت تشعر بقلبها الذي تحطم من الداخل
حاولت تتماسك وقالت بتعب ... ادهم

نظر لها بوجع لم يتحمل رؤيتها تنزف كان يلعن نفسه بما فعل بها . نعم رغم كل ما فعلته به مازال يعشقها ..ثم لعن نفسه أكثر علي هذا الشعور وقال بغضب ... انتي شكلك مبتفهميش هتغوري في داهيه ولا اخرجك بطريقتي ، بقي حتت بت زيك خدامه تلعب عليا انا ادهم التهامي

مازالت تقف تسمع كلماته التي تدبحها ولكن لم تهتم وقالت ... ممكن تسمعني انا من حقي أدافع عن نفسي وانت حكمت عليا من غير ما تسمعني
ابتسم بسخرية قائلا ... حقك لا بجد لسه ليكي عين تتكلمي ثم امسك يدها وضغط عليها بقوه حتي تشعر بالألم لكن الألم بالداخل كان أكثر دفشها أرضا قائلا ... بقولك غوري من وشي انا مش عايز اسمعك

حاولت تتماسك وتنهض من مكانها بألم ثم نظرت له بخيبه أمل خلعت خااتمها وقالت بوجع .... خليك فاكر اليوم دا يا ادهم انا حاولت ادافع عن نفسي واقنعك اني والله عمري ماخدعتك وانت حاولت انك متسمعش والخاتم دا مبقاش من حقي تركت الخاتم ثم ذهبت ................
..............
يا لكي من قاسية سرقت قلبي لكي تفعلي كل ما يحلو لك يا لكي من انانيه تؤلمي قلبي ببساطه وتذهبي
ليتك لم تدخلي حياتي .....

ذهب ل غرفته امسك رأسه بيده من الوجع كادت أن تنفجر لا يتحمل فكره وجودها بقي مستحيل صرخ باعلي صوته لكي يرتاح قائلا لنفسه .... ليه سبتها تضيع من ايدي مره ثانيه كان ممكن اسامحها كان ممكن تتغير أو ممكن تحبني لا دي متستهلش حبي ليها دي حتت خادمه حاولت تخدعني مستحيل اسامحها ثم تنهد بوجع قائلا ... وممكن تكون مظلومه لا لو مظلومه مكنتش هنا اعز صديقتها قالت كدا مش لاقي ولا مبرر ليكي عشان اسامحك طب ليه لسه بحبك ليه بعد اللي عملتيه معرفتش اكرهك

...............

ياقلبي كفياك ألم فمن كنت تنبض له هو من ألمك
كفايه ياقلبي تحنله تاني .......

تتمشي في الشوارع كالجسد هلكان بدون روح شحب لون وجهها للون الأصفر كانت لا تفكر الي اين تذهب كل تفكيرها بمن رفض الإستماع إليها تسال نفسها اكيد ليه عذر من اللي سمعه منهم بس كان يسمعني حتي
تعبت كثيرا من كثر المشي ثم جلست علي أحدي المقاعد في الشارع تنهدت بحزن فقد صعب عليها نفسها فهي تحملت اوجاع كتير منذ وفاة والدها ووالدتها الي ذلك اليوم الملعون
بعد معاناتها الكثيره قررت ترجع لي صاحب البيت الذي كانت تعيش فيه مع جدها وتترجاه يرجع البيت لها
اقتربت من شارع بيتها
ثم شافتها جارتها والتي تدعي مديحه
اقتربت منها بلهفه و اخدتها في حضنها قائله بمكر ... كنت فين كل المده دي بجد البيت وحش من غيرك
رهف بتعب ... شكرا ليكي يا طنط مديحه عن اذنك
أمسكت يدها مسرعا قائله ... تعالي معايا دا انتي حكايتك حكايه لم تعرفي مش هتصدقي
......................
دلفت هنا غرفه نهله والدموع تنهمر من عينيها قائله ... حرامي عليكي يا مدام نهله رهف ملهاش حد هتروح فين

نظرت لها ببرود قائله ... وانا اعملك ايه ما تتحرق , تستاهل هي الي طمعت وبصت لحاجه بعيد عنها

هنا بانفعال ... يبقي لازم نتحرق كلنا وانا هقول ل ادهم بيه كل الحقيقه
نهضت بانفعال لتصفعها بقوه قائله .... انتي اتجننتي نسيتي نفسك بتكلمي مين، لو عايزه تروحي تقولي ل ادهم روحي
وشوفي ادهم هيعمل ايه فيكي انتي وابوكي مش بعيد يدفنكي عايشه
شعرت بالخوف ولكنها تراجعت فوراً

........................

كانت تغرق في النوم من شدة تعبها ثم تتقلب لتسمع صوت هادئ يقول ... هي هتفضل نايمه كدا كتير
مديحه ... يا حرام شكلها تعبانه جدا سيبها نايمه ينوبك ثواب يابني
،،، ... انا جاي اشوف شغلي ياست انتي مش فاضي
ثم دلف زوج مديحه قائلا ... بقولك ايه متقرفناش اهي البت عندك خدها وامشي

،،، ... احسن حاجه قولتها من ساعه ما شوفتك

زوج مديحه بنظره اشمأزاز ... كتكم نيله في اشكالكم

،، .... حضرتك فهمنتي غلط انا محامي وليا شغل معاها
مديحه بفضول ... شغل ايه دا يابني ماتعرفنا رهف بنتنا برضوا
نهضت من نومها قائله بغضب ... في ايه وانتوا مين

،،، ... احنا اسفين ، انا المحامي احمد فخري
وجيتلك كتير بس كنتي مختفيه لحد لما عرفت انك رجعتي جيتلك عشان حضرتك معطله شغلي بقالك شهور
نظرت له بعدم فهم قائله. ... شغل ايه انا مش فاهمه من حضرتك حاجه
المحامي بابتسامة ... هتفهمي كل حاجه بس ممكن تيجي معايا الاول
.......................
مازال يجلس في غرفته بوجه شاحب اللون وعيون حمراء متعبه وقال ... ادخل
دلفت نهله ثم اقتربت منه قائله بحزن .... ادهم هترجع تاني لحالتك القديمه وبسبب وحده هي متستهلش حزنك عليها ولا وجعك دا اعقل يا ادهم مكنتش حتت بت خادمه تعمل فيك كدا

لم تكن خادمتي فقط بل كانت محبوبتي الذي طعنتي باقوي ما عندها ورحلت
لم تكن خادمتي فقط بل كانت ملكتي الجميله الذي تسببت بدمار مملكتي برحيلها

اقترب منها بلهفه قائلا بوجع ... ارجوكي يا خالتو قوليلي كنتوا بتكدبوا عليا قوليلي اني ظلمتها قولي حاجه خلي قلبي يهدأ

صدمت نهله بكلامه لم تستوعب يحبها لهذه الدرجه
ثم قالت بحزن قائله ..... خلاص يا ادهم انساها بقي وعيش حياتك من جديد، طب اقولك انت لازم تتجوز عشان دي الطريقه الوحيده اللي تنسيك رهف ها قولت ايه

ادهم بخيبة أمل ... اللي تشوفيه ياخالتو مبقتش تفرق
.........