صغيرتي♡ (مكتملة)💚

الحلقة1

#صغيرتي ♡

الحلقه الاولى...

عندما يقول القدر كلمته.... فلا تستطيع   اي قوه على الارض إيقافه....

وهذا لي صار معايا.... حبيت ...وكانت اول حب في حياتي ....حبيتها من وهى عمرها 10 سنين..   اي 2003... كانت تعجبني....  وكانت ...ماتسكتش الا عندي .... وماتطلبش من حد ياخد حقها غيري...

حتى من عمي... تجيني تجري وتكرس ورايا...
فرج فرج...قول لبابا...

نقعد نقنع في عمي يسامحها عشان خاطري... واخر مره ديرها  ...

وعمي يقعد يهزب فيا يقولي خربها باه....وبعدها نحصل فيها انا....

وبعد يعدي عمي...تكرني تبيني نطبسلها....وننزللها....
ندوشه ياعمري عيب معش تزعلي بابا باه...
تبوسني ع خدي ... وتقولي انت بابا وحبيبي ...
نضحك من كلامها.... مع اني مش كبير واجد عليها بيني وبينها 8 سنين...
انا: هيا اركبي لبابا...وقوليله سامحني ...
ندى: نبش تو يضربني ...
انا: تو نركب معاك باه...

وركبنا....واعتذرت من عمي ....وخشت...

كنا لما نلتمو يوم جمعه.... نحن نسكنو كلنا... في حوش ع تلات ادوار ....
دور الاول عمي الكبير وهو لنلتمو عنده كل جمعه...
ودور تاني نحن....
ودور تالت عمي الصغير بات ندى....
قاعدين نهدرزو.... و الجو ربيعي....و دايرين باربيكو....  مكسدين كلنا في الجنان....

شوي سمعت ندى تبكي.... صبيت نجري... من لي ضربها....
عليا "اختى" : هاله ضربتها ..
ندى جتني تجري وضبطت كراعي..

انا : عليش ضربتيها ؟
هاله : هى ضربتني الاول " وقعدت تبكي"
وندى  تبكي ....

انا : خلاص اسكتن والعبن مع بعضكن هيا...

ندى: نبش نبي نقعد معاك...
مسحتلها دموعها.... وخديتها معايا....
عمي "ناصر": والله يافرج خربت . . قعدت بارده...وكل حاجه فرج....ع حاله هده ماني مزوجها غير....

انا ضحكت ....قتله حتى انا ماني متزوج غيرها....

الكلام هذا من 12 سنه فاتن....

ومع الايام بدت تكبر ...  وانا بديت نكبر وخشيت جامعه....

طبعا عندنا قانون في العائله.  شاب بس يخش للجامعه.... البنت حدها ثانوي وتقمعز في الحوش لعند تزوج لي اول حد يدق الباب.....

وتخلف لي كان في عائلتي كان قاهرني....

بنت عمي خالد "الكبير" اكبر مني بسنه.... وشاطره....  وكانت من وهى صغير خاطرها تقعد دكتوره....بس عمي هضى  راسه بكل ...

البنت قعدت تبكي....وتجدا في عمي.... وجت حكت مع باتي... حكت لعمي ناصر. ...

لكن مسكينه حكمو عليها ...
البنت خشت في حاله...وقعدت تبكي وحابسه روحها....