صغيرتي♡ (مكتملة)💚

الحلقة12-13

صغيرتي♡

الحلقه 12و13

بعد غضب عليا باتي .... وطلعت من الحوش...  كنت في دوامه...
حايس ومش عارف نصرف... عديت قمعزت ع شط بحر...
وقعدت نشكيله... نبكي ونفكر.... عمري ماتوقعت باتي هك يعاملني.... عمري ماتوقعت اني نمد يدي على عمي ناصر...

ندى...شن صاير فيها... حيه ميته.....
كان جنبي شاب يدخن....
مدلي سبسي ....
قال: وسع بالك ... مافيش شي يستاهل.... هك وسع بالك...

خذيتها منه.... ولعها ليا....وقعدت نشفط.... ونكح...
شاب: عادي اول مره هك ...بعدها تعود...
وقعدت نفش في غلي في دخان..... وتكسيد انا وشاب... ع بحر... جتني فتره حنيت... مشيت عند شارعنا ....
شفت باتي قدام الباب..
كان خاطري نعديلهم.... نتاسف منهم.... بس ماجتنش شجاعه.... نبي نعرف اخبار ندى...
شوي شفت احمد طالع.... لحقته بسياره.... وقف على محل  مواد غذائيه... نزلت وراه...
احمد: فرج .... وضبطني ...
وينك ياراجل ...
فرج: قاعد...
احمد: كنه شكلك هك شن في ؟
فرج: الحمدالله ... طمني على هلي... وكيف حال ندى...؟
احمد: هلك بخير....  سمعت على عمك خالد؟
فرج:كنه ان شاء الله خير...
احمد: قصدك ماتعرفش؟
فرج: تي احكي ازف
احمد: توفى
فرج: شن... بطل براده واحكي جد

احمد: والله توفى.. عظم الله اجرك...

صددمني الخبر... صعقني.   عمي توفى...وانا بعيد.. 
كيف وامتى؟
احمد: في نفس يوم المشكله...سكته قلبيه...
فرج:يعني سبب مني ...

احمد: وسع بالك ياراجل.... عمره...
فرج: ﻻﻻ...
ركبت سيارتي وعديت شور الحوش...
دقيت الباب....
فتحلي مرعي
مرعي: فرج ...
فرج: صح عمي خالد توفى
مرعي: الله يرحمه
فرج: ليش ماقتولي....
مرعي: رقمك مقفل...

ذكرت اني كسرته.... ..
انا: باتي وين؟
مرعي:قاعدين في حوش عمي خالد...
انا: نبي نخش...
خشيت... كانو كلهم في وسط الحوش... ملتمين...

انا: السلام عليكم...
باتي: انت شن جابك هنا.... شن قتلك انا....

بعد شفت منظرهم... كيف ملتمين.. ناقصهم عمي خالد.... البنات كيف خزينات.... مرات عمي.... باتي يهزب فيا... عمي محمديفنص وخاطره يقتلني... وشفت قلبي ماسكه القيلات وصبت... حسيت قلبي وقف.... شن دارو فيها...
انا: ندى كنك شن صارلك ؟
ندى تبحت فيا وتبكي.... وبعيونها كانت تقولي فرج عشان خاطري دير حل انقذ حبنا.... حرام تكون نهايتنا هك ...
باتي : طلعو من قدام وجي...
مرعي يكر فيا.... اطلع يافرج...
سالت مرعي كنها ندى..
مرعي : اطلع تو نحكيلك

دموعي ينزلن... بدون مانفطن...
طلعت معش قدرت نتحمل.... خبطت يدي في قزاز سيارتي....كسرت قزاز.... ويدي قعدت دم...
انا: وراس مرعي شن لغلط لي درته..!! هضى كله عشان حبيت ....والله كنت ناوي تاني يوم من تخرج  نطلبها.... لكن الله ﻻ يسامح لي كان سبب....
مرعي :يدك دم...هيا معايا للمستشفى ...
انا: مش وقت مستشفى...قولي كنها ندى...
مرعي:بعد عمي ضربها.... نكسرت كراعها....ويدها ...وصارلها شعب في الحوض...قريب  نشلت...لكن ربي ستر....