صغيرتي ♡
الحلقه السادسه والسابعه
جت فترة نوتو لعليا قريب تجيب. وﻻن عمي خالد ماعندش شباب كبار... فكنت انا نطلع فيهن يجيبن في الحاجات...
كنت نطلع انا وهاله .. ومرات عمي...ومانحكيلكمش على دحنسة هاله... بارده وماعندهش كرامه بكل...
ننزل معاهن سوق... نلقها لاصقه فيا...تحسابني راجلها....
هاله: فروجه شن رايك يهبل بكل صح 😍
انا: اها حلو خودي لبنتك من توا.
هاله: قصدك بنتنا...😉
انا: استغفر الله.... ربي يشفيك...
هاله: حاولت نشفى منك بس... ماقدرتش ..
انا: ﻻ حاولي خير ماتنصدمي بالواقع...
هاله: جت قربت مني...وتدلع.... بس انا نحس ان الواقع...يقولي انت ليا ...
انا: عمتي انا نرجي فيكن في سياره....
ماأثقلها...وحتى دلع مش لايق عليها بكل.... كان خلت روحها بنت عمي وبحترامها زي الاخرات...
ركبت لسياره.... رنيت على قلبي ❤
ماردتش.. قلت معناها الوقت مش مناسب...
قعدت شويه هك.. دارتلي رنه وسكرت ...
رنيت...
انا: مراايف عليك بكل ... نراجي امتى نروح بس...
ندى:"تضحك" حتى انا والله.. رياف ونار الغيره والعه...
انا:"نضحك" عليش؟
ندى: من ثقيله لي معاك...عارفه طروحها...واكيد مستغله الفرصه...
انا: مانحكيلك....ولنقني ضعفت ..
ندى: كيف ضعفت!!
انا: يعني البنت تحبني هك... وكلامها...شكلي نزوج اتنين وخلاص...
ندى: ﻻ ليش اثنين... خوذها هى بس....
انا:"نضحك" بس انا نبيكن انتن الاثنين...
ندى: ﻻﻻ نحبش جو شركه انا... خليك معاها خير.... نبي نسكر...
انا:"نضحك" نبصر ياهبله...كنه رقاالك...
ندى: خلاص فرج نبي سكر اوكي....
انا: ندى ... ياهبله نبصر...والله قلبي مساحه لي فيه ممتلئ...سادك انتي بس.
ندى: نعرف...بس ضايقت شوي . تو بعد تروح...نشوفك باي...
انا: باي...
رقالي عشان ضايقت الهبله هذه ... بس جد بصاره ...شفتو كيف كنت مضايق منها....
كملن شراه....وروحنا للحوش... لقيتهن كلهن تحت... مرات عمي ناصر وامي والبنات....
خشينا السلام عليكم...
وبحتت فيها دغري...
مابحتش فينا بكل...
هاله: الله عليك مشوار يهبل.... طلعه مع فروجه فيها جو...
ندى صبت خشت للمطبخ هيا وعليا اختي...
هاله:"تضحك"
انا: رقالي منها...
وعديت للمطبخ...
انا: من جدك تخلي فيها تحقق في لتبي ؟
ندى: في مرعي وعنده سياره ليش انت تشيل فيهم...
انا: عمي هو لي قالي..
ندى: قول مشغول..." قعدت تبكي"
قربت منها ندى بلا هبال.. معقوله تشكي في حبي لك....والله لو بين مليون وحده... هذا "شيرت على قلبي" كله لك.... وماتقدرش وحده غيرك تاخذ ولو مش ربعه.. العشر....
ندى: نعرف...بس مانعرفش هك ضايقت .. تو نروق...
انا: باه اضحكي...هيا.. مانحبش نشوفك هك...
ندى:"ابتسمت"
انا: تعالي نوريك شريت حاجه عجبتني بكل.... دسيها عندك...
ندى: شن...
انا: اصبري...
وطلعت من الباب الخلفي للمطبخ...وعديت جبتها من سياره وجيت...
انا: غمضي عيونك...
ندى: ها.. وغمضت... وقعدت تفتح ... تغش..
انا: ﻻ بطلي غش...راه نوريكش...
ندى:" تضحك" خلاص خلاص ها...
حطيت يدي على عيونها....
وطلعت وحطيتها في يدي افتحي عيونك...
ندى:"تضحك"شن هضى...
انا: هذا شوز اول بيبي لنا.. ☺
ندى: يهبل بكل... بحتت فيا جوا.. في عيوني.... وهمستلي .. "مجنون... نحبك بابا فرج " ☺
أنت تقرأ
صغيرتي♡ (مكتملة)💚
Romanceرواية ليبية شرقاوية تحكي علي قصة حب بين اعيال عم وتحكي علي عادات وقوانين صارمة في عائلتهم وكل شي ممنوع ع بنات العائلة النقال ممنوع الجامعة وزواج بدون راي البنت والحب ممنوع وهذي قصة فرج وندي كيف انتهت بسبب العادات وتقاليد الجاهلة💔
