صغيرتي♡
الحلقه العاشره والحاديه عشر
نسمع في صوت هرجه ...
وصوت عمي خالد .. يعيط ويهارج
عمي خالد : ندى
انا: بسم الله شن في؟
ماما: اطلعي بسرعه شوفي عمك..
طلعت في الجنان كانو مقمعزين عمامي الاتنين ... وهاله وعليا اخت فرج كانن مصبيات....
انا: نعم ياعمي...
بابا طلع .... ان شاء الله خير شن في؟
عمي خالد: اركب فتش دار بنتك شوف شن فيها...
انا جسمي رعش وبحتت في هاله دغري...
دارت الوجهة البريئ وكأنه مش شورها الموضوع....
بابا: شن تحكي شن فيه في دار بناتي...
عمي خالد : اركب وشوف تربايتك....شوف العار ليصير في حوشنا ونحن مانندرو ع شي...
بابا كرني من شعري.... اركبي قدامي يابنت الكلب...
وانا قعدت نبكي.... خشينا لحوشنا ولداري....
وبدا باتي يقلب في دار.... فتش سرير... والكمودينو.... وجا لدوﻻبي.... وين الخرا طلعي...
كان المفتاح طايح في الوطا....
كنت نرعش ... ونراجي في نهايتي... خلاص انكشف كل شي.... كل شي انتهاء...
فتح دوﻻبي ... طلع نقال والهدايا.... وكل شي...
بابا: شن هضى...
انا : نبكي ... وبس...
مسكني من شعري... يابنت الكلب انطقي من ويلك.... من ويلك ياحقيره ... حاط فيك ثقه... هذا جزاتي ؟؟
انا: نبكي وبس... اااه ...
ضربني كف طحت ع الوطا... احكي وﻻ نقتلك توا...
انا معش عرفت خفت نقول فرج يتعاقب حتى هو....
فك سير وبدا فيا تشليط... وانا غير....
نعيط وخلاص.... ااااااه .. حرام عليك يابابا..... اااااه ...
خش فرج يجري.... ودف بابا...
بابا: حول يافرج خليني نربيها...
فرج: لو بتضرب اضربني انا... الغلط غلطي مش غلطها....
بابا: شن دخلك انت... ماتقوليش تعرف؟؟
فرج: كيف نعرف؟ ماحكتلكش؟
بابا: احكي شن في ؟
فرج: الحاجات هذينا مني... وانا ناوي بكرا بأذن الله نطلبها منك...
بابا نصدم من من؟ انت!!
انت يافرج.... لكنت دايرك خوها... ومأمنك عليها.... تقرني انت يافرج....انت والحقيره هذه.... وضربني
فرج: دف بابا معش تضربها..
بابا: شلط فرج ودفه.... مش شورك انا البنت هذه تموت اليوم....وقعد يضرب فيا بهمجيه... انا معش تحملت .. قعدت نعيط ...
فرج دف بابا وضربه بوكس ع وجه.... وحق ربي تصيرلهها حاجه نقتلكم كلكم....
بابا ضرب فرج .... على خشت عمي محمد
كر فرج... وقاله.. اطلع بره.. انا ماعنديش ولد يمد يده على اعمامه... ويلعب بناتهم..
عدي ياغضيب الوالدين.... من اليوم معش لك مكان بينا.. والحوش هضى يحرم عليك...
فرج نصدم من ردة فعل باته....وقعد مستك يبحت في عمي...
وانا من الكلام لي سمعته... نسيت الالم لنحس بي...حاولت نقمعز ..
عمي ﻻ ..
بابا: لك وج تحكي انتي وضربني بكراعه ع بطني...
فرج ضرب يده في ساس عشان مش قادر يدير شي....
وطلع من الحوش يجري...
وانا طحت ع ارض... وقعدت نبكي بصوت عالي.... وبعدها معش نندري ع شي غبت عن الوعي
أنت تقرأ
صغيرتي♡ (مكتملة)💚
Romanceرواية ليبية شرقاوية تحكي علي قصة حب بين اعيال عم وتحكي علي عادات وقوانين صارمة في عائلتهم وكل شي ممنوع ع بنات العائلة النقال ممنوع الجامعة وزواج بدون راي البنت والحب ممنوع وهذي قصة فرج وندي كيف انتهت بسبب العادات وتقاليد الجاهلة💔
