صغيرتي♡ (مكتملة)💚

الحلقة2

#صغيرتي ♡

الحلقه الثانيه.....

انا: ندى ...
ندى: نعم ...
انا: خلاص .. اطلعي كسدي مع البنات...
ندى: فرج. .قووول شن في...
انا: مرة اخرى  خلاص...
ندى: عليش مش توا ... نبي نعرف .. باه باه ..
انا: ندى لو خطبتك من عمي توافقي؟

ندي بحتت فيا بنظره كانت ممزوجه باأستغراب ... وصدمه...وضحكه...
بعدها قعدت تضحك...

انا : "ضحكت" عليش تضحكي ؟
ندي: جن عرم حاجات في راسي...
انا: لهن؟
ندى: "ضحكت" تعرف قانون العائله بدون موافقتي يقدرو ييعطوني لك...
انا: بس انا مستحيل ناخد وحده ماتبينش....
ندى: ذكرت وقت كنت صغيره كنت نقولك انت بابا و ...
انا:"ابتسمت" وحبيبي ...
ندى: ابتسمت ...
انا: وبعد كبرتي  مازلتي عند رايك ...
ندى: اها ... مازلت بابا.. ودليل بعد قتلي ماتطلعيش خفت..وسمعت الكلام...
انا: ومازلت حبيبك؟
بحتت فيا وابتسمت ..وخدت طاسة عبتها ميه ... وقالتلي هاك...
انا:من قالك عطشان؟
ندى: ليش جيت للمطبخ مش عشان عطشان؟
انا: من قالها؟
ندى: "ضحكت" هك حسيت...
انا:يعني موافقه...
ندى: شيرت براسها اها ...
انا: ووووووو  ... والله من وانتي صغيره كنت نقول ماحدياخدها غيري   ... والله  ماحتندمي....وربي يقدرني ع اسعادك ياارب...

وخذيت منها طاسه ...  شربتها ... وقتلها حطي ع راسك حاجه واطلعي كسدي مع البنات...

ابتسمت وقالتلي " حاضر"

كان اسعد يوم في حياتي..  دلوعتي لصغيره لكانت سر سعادتي. ... والله نروح مضايق ... نشوفها ونكسد معاها نتريح...

نذكر كنت في ثانوي...وكانن الامتحانات الاخيره.... وﻻني نعتبر الحفيد كبير بعد عليا بنت عمي خالد... فالازم من الامتياز ... ويقعدن لعيون عليك....
كنت مروح من امتحان كيمياء العضويه...  والماده هده تقرا ما تقرا ... امتحانها ثقيل.... راقالي بكل.... وانا طالع... تلقيت مع صاحبي أحمد يعتبر المقرب ليا...
احمد: شن درت عبقرينو...
انا: زفت...
احمد: غريبه انت زفت .... معناها انا دور تاني رسمي...😄
انا: ياره شن هضى ونبي سؤال الاخير واخدينه ؟
احمد: هو سؤال الاخير بس ؟
انا: ﻻ ﻻخرات عرفت معضمهن بس سؤال الاخير رقاها ليا....وازح حاطين عليه 10درجات...

ههههههه نذكر احمد قعد يبحت فيا وخاطره يقتلني ....
لنقني كنت فسواي ....
المهم راقلي من احمد كيف يشفط عليا عديت وسيبته....
وصلت للحوش .... نسمع في ندى  تلعب هي والبنات في الجنان...

ندى: ﻻﻻ انا راجلي فرج...وانت خودي عبدالله خويا  ....
عليا"اختي" خوكي بارد... نبي خويا انا يقعد راجلي وﻻ معش بنلعب ...
ندى: احسن حتى انا نبش نلعب...في اخت تزوج خوها غبيه...

عليا: ماتقوليش غبيه... خوكي دمه ثقيل..  وانا نبيش ...
ندى: حتى مرعي خوك دمه ثقيل ...
قعدت نضحك تو شن دخل مرعي  .... العركه كانت عليا انا وعلي عبدالله خوها...