#صغيرتي ♡
الحلقه الثالثه...
طبعا تعرفتو عليا قبل فرج حكالكم عليا من وانا صغيره☺
انا بنت عمه ناصر... وترتيبي ماقبل الاخير.. عندي اخت وحده...واخين....
وتعرفتو ع قانون العليه..."المتخلفه حشاكم""
اممم من وانا صغيره سبحان الله كان فرج عيوني... نحس بي هو باتي اكتر من باتي....
ديما يدافع عليا واخد حقي....والوحيد ليعرف يقنعني.... ديما يخش عليا بلعبه او شوكلاه...
انا:هيييي شكرا... وبسته
فرج: كل ماتنجي تحصلي اي حاجه تبيها...
انا: انا نبيك انت بس معش تغيب عليا...
طلعت مني عفويه... وقتها فرج كان ماشي للمرج...وقعد مده غادي عند خواله...
فقدته الفتره هذك ... مع اني كنت صغيره في الابتدائي....
حتى بعد نتعارك مع هاله البارده...وﻻ باتي يهزبني نعدي نجري ندور عليه مانلقش...
نقمعز ع دروج نبكي....
يجي بابا ... يسكت فيا
بابا: خلاص سادك بكا تو يروح بكرا
انا: ﻻﻻ نبي فرج انت تهزب فيا..وهاله تضرب فيا....
بابا: خلاض مش حنضربك...
هاكي كلمي...
انا:سكتت هات....
يرن يرن ..
فرج : ايوا ياعمي ...
انا: فرج تعال انا نبيك...
فرج : ندى كنك تبكي شن في ؟؟
انا: بابا يهزب فيا وهاله تضربني...
فرج: خلاص ياروحي تبكيش .. بكرا نروح نهزبهم هما 2...
انا: فرج ننبش نرقد... نبيك انا...
فرج:خلاص وعد ارقدي تفتحي عيونك تلقيني جنبك...
انا: فرج انا نجحت... وجبت ممتاز...
فرج: حييي شاطره حبيبتي...ترتيب الكم...؟
انا: الخامس ....
فرج: نمشيها لك بس المره جايه نبي الاول...
انا: حاضر.
فرج :خلاص عدي ارقدي...عشان تنوضي تلقيني
انا: باه☺
فرج : تصبحي ع خير وتغطي كويس..
انا: حتى انت .. باه ...
فرج:'يضحك" من عيوني...
انا: باي
فرج باي ..
نحب كل شي في حنيته...خوفه عليا...اهتمامه بيا....
كنت بعد نلعبو صبايا ...راجلي هو ...والا نعلبش...
يعني كبرت عليه... قلبي تربه على حبه واهتمامه....
وقعدت نشوف في حبيبي... لمسؤوله منه... كلامه امر بالنسبه ليا...
وشفتو موقف لي في عرس عليا بنت عمي خالد...
وطبعا كانت احلى ليله في عمري كله وقت اعترفلي... ماقدرتش نستوعب الموضوع .. لكنت نحلم بي ونحبه .. يبادلني نفس شعور.....
كنت نحبه ونخاف يبان عليا...وكانت هاله ...حتى هى معجبه بي...
وعليا اخته كانت اقرب وحده ليا...والحق من ناس لتزن عليا. كانت تقولي ﻻيقين ع بعضكم... والله من وانتو صغار...وانتو لبعضكم....فرج متعلق بيك بكل.. شفتي كيف يدافع عليك قدام لكل...
انا:شي هضى خلاني نتعلق بي... خوك في حاجه جوا...يملكها كلها.. بعد تشوفه تحررك من مكانها قريب تطلع وتحظنه....بعد يغيب عليها. تقعد تقيله وتغم عليا ونحس في حاجه تقيله ع صدري.. ودمعتي قريبه... نغير عليه....ونخاف.....نخاف تكون في وحده في باله.... نخاف نطلع انا كيفي كيفك...عنده....
أنت تقرأ
صغيرتي♡ (مكتملة)💚
Romanceرواية ليبية شرقاوية تحكي علي قصة حب بين اعيال عم وتحكي علي عادات وقوانين صارمة في عائلتهم وكل شي ممنوع ع بنات العائلة النقال ممنوع الجامعة وزواج بدون راي البنت والحب ممنوع وهذي قصة فرج وندي كيف انتهت بسبب العادات وتقاليد الجاهلة💔
