THE HEIRESS POOR CHARMING - COMPLETE

Kabanata 8

ANG kaninang kunot nang noo ni Sushi ay lalo lamang kumunot. Isang green mango pa lang ang nababalatan niya. No, she's not even halfway done with her mango. But Amaya's jarring professional mango peeling skills made her jaw drop. Her competitiveness is once again put into the test.

"How do you do that?"

"Po?"

"Bakit ang dali para sa'yong balatan 'tong mangga?"

Naka-tatlo na ito. Si Pier naman kain nang kain sa nabalatan nang mangga. Nasa labas sila ng bahay, nakaupo sa mahabang kawayang upuan sa ilalim ng isang puno.

"Madali lang po 'tong gawin, Ate Sushi." Ipinakita nito kung paano nito hawakan ang kutsilyo at mangga. Ginaya niya rin. "Hawakan n'yo lang po nang maayos ang kutsilyo saka huwag po kayong matakot na masugatan. Basta malayo 'yong mga daliri n'yo po kapag nag-sa-slice kayo."

Napansin niyang nakadantay rin sa itaas ng blade ang daliri nito. Kanina pa niya iniisip kung nasasaktan ba ito o hindi. Hindi siya humawak doon dahil blade pa rin 'yon. She might cut her fingers.

"Hindi ka ba nasasaktan?" she point out.

Agad naman nitong naintindihan ang tanong niya. Natawa si Amaya. "Ate Sushi, hindi po matulis ang itaas ng blade. 'Yong pang-slice lang po kaya okay lang po na hawakan 'yon."

"Pati ba naman 'yan queen, 'di mo alam?" May naglalarong mapanlokong ngiti sa mukha ni Pier. Inagaw nito ang hawak niyang kutsilyo at pinadaanan ng isang daliri ang itaas na blade ng knife. "Sa ilang taong nilagi mo sa mundong 'to ngayon mo lang nalaman na hindi nakakasugat ang hawakan ang parteng 'to? Wow!"

Umasim ang mukha niya kay Pierce. "Saya-saya mo e. What if hindi nga? Ikamamatay ko ba 'yon?"

Malutong na tumawa ito. "Hindi naman, na amuse lang ako sa'yo."

"Okay lang 'yan Ate Sushi. Ako nga dati nahirapan din po. Pero kapag lagi kang nagbabalat ng mangga, madali na lang po siya."

"Puwede ba 'yong yellow mangoes na lang ang balatan ko? Patikim nga." Nakatakam na siya sa manga. It was not that sour, tama lang. "Sarap."

"Queen, may gagawin ka ba mamaya?"

Naniningkit ang mga mata na ibinaling niya ang tingin kay Pierce. "Depende po sa'yo kung may ipag-uutos ka po, mahal na hari."

"Wala naman, pasyal tayo."

"Sama po ako."

"Hindi, uuwi ang nanay mo ngayon." Nanghaba ang nguso ni Amaya. "Hihiramin ko 'yong motor ni Kuya Bert para 'di tayo mahirapan."

"Isasakay mo ako sa motor?"

Namilog ang mga mata nito at napakurap-kurap. "Bakit saan mo ba gustong sumakay? Sa puso ko?"

"Ayiee," panunukso ni Amaya. "Si Ninong Pier nagpapalipad hangin."

Ginulo ni Pier ang buhok ni Amaya. "Shshs, bawal sumabat sa mga nakakatanda."

"Ang korni mo," komento niya rito.

WALANG choice si Sushi kundi simplehan ang suot. She wore blue jumper pants and a black blouse underneath. She matched it with her overused sneakers na binili ni Pier para sa kanya sa palengke. She had no choice; she needed those shoes to survive.

Mabuti na lamang at pinahiram sa kanya ni Pier ang denim jacket nito kanina. Okay lang daw rito na mabilad sa init dahil obviously sanay naman ito.

Exactly, her sentiments as well.

"We're here," anunsyo nito nang ma-i-park ang motor nito sa isang tindahan.

Naigala niya ang tingin sa paligid. "Where are we exactly?"