هلووو البارت الاول اتمنالكم قراءة ممتعة......😍
عشق...
هلو اني عشق اكيد اسمي ممجود هواية بس كلش احبه لان ابوي سماني عشق لان تعذب هواي يالله كدر ياخد امي فحلف يسمي بنته عشق هاي قصه اسمي بس للاسف ماجانت عندي الفرصه اشوف هذا الحب الموت أخذهم واني بعدني صغيرا اوووف انسو الموضوع كلبت بالبارت حزن المهم وين جنت ... اويلي باجر آخر امتحان واخلص من المدرسة وابدأ مرحلة جديدة أمنيتي اصير مهندسه وابنه مستقبلي بأيدي وهذا الهدف الي اسعالى بس اكو عائق مو بس عائق بلوة ابن عمي اسمه سلطان اويلي تعرفون لزكت جونسون هو مثلها بالظبط انسان ميفهم اكله محبك ولا اريدك بس هو عقلة ضارب ميستوعب الكلام اويلي راسي كام يوجعني بس جبت طاري 😑😑 انسووو اعوفكم وين الكاتبه تكمل
(الكاتبه : تسلمين حب )
هسه خلينا نروح ع بطلنا
سلطان وهو كاعد بغرفته ورافع أسوار بيدة بي هلال ونجمه
سلطان : اه ياكلبي شوكت يخلص عذابك مشتاك والشوك ماكلك وهي كدامك متكدر تروي شوكك بيها اه يا عشق لو تدرين بعذابي لستحيتي من تصرفج وياي لو تعرفين شكد احبج جان استسلمت لحبي بس اني اخليج تحسين
سمع صوت الباب انفتح رفع راسه ابن عمه ياسر كام من الجربايه
سلطان : هلا باخويه تعال ادخل
ياسر : هلابيك اكلك جنت يم جديتي
سلطان : ايي
ياسر : وحجت حجايه ماعرف بس كلت لازم تعرف بيها
سلطان وهو عاقد حواجبه : وهي شني هاي الشغله
ياسر : كالت تريد تجيب عشق يمنه لان تكول عيب عايشه يم خوالها صارلها دهر (يعني عمر ) وهم يصرفون عليها ماشاء الله عدها عمام ولد عم كل واحد رة هالعرضه
ابتسم سلطان لان هذا الباله وهذا اليريده
سلطان : كلامها صح وعالراس بس ليش ضايج
ياسر : ضايج من خوالها من يكول ينطونها
سلطان بحده : شلووون غصبا مو عليهم هاي بنتنه خليناها يمهم لان البنيه جانت صغيره وهسة ماشاء الله مريه صايرة
ياسر: اكلك بعدها بكلبك بعدم تشوفها كمر مينوصله مثل محجيتلي
سلطان بتنهيده: اييي بعدها بس انشاء الله اجيبها ليمي حتى لو متقبل
ياسر : والله يا اخي قصة غريبة حتى الحب تريد تجرها بي
سلطان : اذا تطلب الامر ايي
ياسر : والله ماعرف شكلك بس الله يسهلك يلله اني اروح اشوف ابوي
سلطان : الله وياك
