لمـــاذا لـــم تقل من "البدايـــة"
بإنى لـــم أكن سوى "حكاية"
و فصـــل قد يضاف إلى "الروايـــة"
وضيف يرحل في "النهـــاية"
كنت أظن أن "الصدق في الحكاية يكفي"
وأن "النقاء في الحب يكفي"
وأن "الوفاء في الغياب يكفي"
وداعاً لِ حكايةٍ لمْ تبدأ
وداعاً لـ فرحٍ لم يَحن!
وَداعاً لِمن ظَننتُه سَــ يَكون شَيْئاً و لم يَكن..... ^^^^^
****
_______________
كال اني احبج احس شي ضربني على راسي فقدت هذا شديكول
عشق : سمير ...... اذنك دتسمع شدتكول ...انت واعي .....
سمير : اييي اعرف شدكول ولاول مرة بحياتي احس روحي واعي ... احبج وعلي احبج بس (جانت عيونه تباوع بغير مكان واصابعه تمشى على شعره من التوتر )
عشق : بااوع .... بااااوع علي شلابسه بااااوع علي سميير (بعيطه ... باوع عليها ) اني اتزوجت سلطان ........... 20 سنه عايشه وياك ابيت واحد ماكدرت تكولي من لبست البدله واتزوجت جاي اتكلي احبج ولكم انتو شبيكم تريد تخبلوني اول شي بيبي وهسة انت كم وجه عندكم هاااااا
سمير : ماكتلج لان مجنت اعرف احبج ..
عشق : اطلع برة سمير
سمير : ع.. عشق..
عشق : دكووووول برررة ودير بالك تخليني اشوف وجهك انوووب
سمير : اختاريتي سلطان وعفتيني اموووت ليييش
عشق : اني مختاريت احد قدري جان سلطان .....
سمير : قدرج بايدج تكدر تعوفين العرس وتجين وياي
عشق : ههههههه( هي ضحكه وتحولت لبجيه ) هذا الطلع ويااااك تعرف شنوو... اليوم كبر سلطان بعيني تعرف ليش لانه رجاااال اجه وصارحني وماتخلى عني وحاول بكل الطرق ياخذني ويخليني احبه ورغم الكلام الي حجيته هو مانقص حبه الي بلعكس اشوفه ديزيد بينما انت كدااامي وعشت وياك عمر بليلة عرسي جاي تكلي عوفي العرس وتعاي وياي
نزلت من عيني
سمير : لعد شسوي اضل ضامه بكلبي
عشق : لك اني اعتبرك مثل اخوي
سمير بعيطه: بس اني مو اخوووج
عشق : ... صدك انت مو اخوي اذا بقة عندي خاطر يمك بكد الذرة اطلع برة وخليني اكمل هاي الليله على خير لان صدمه انوب ويوكف كلبي
سمير : انتي متحبين سلطان شلون راح تتزوجي
عشق : ولا احبك انت ...... سمير اطلع برة الله ينطيك لا يجي احد ويسمع شدتكول
انفتح باب الغرفه راد يوكف كلبي عبالي سلطان بس طلعت مروة 😥
عشق : مروة دلي عالباب ويين
سمير : ميحتاج اعرفه ويين
طلع وسد الباب بقوة اني ماشالني رجلي كعدت عالقنفه وبس صوت شهكاتي يطلع ما اعرف شنوو الذنب السويته حتى الدنيا تنكلب علي هيج مبقالي احد الاثنين الجنت اشوفهم سندي هم الي كسرولي ضهري
