نهوة السلطان ( خلقت لاعشقها )
للكاتبه *سارة وليد *
البارت 24 .....
وعد كتلك احبك تشهد الروح
ويشهدلك جفن عيني ونظرها
كلبي بس إلك يفتح البيبان
وباقي الناس ماكلب صورها
وكلبك مثل كلبي اني حسيت
من بابه شفت .... ناسه حضرها
إذا اني وحبيبي بكلب متصافين
بعد شنسوي بالناس وصورها
قصة حبنه عرفت بيها كل الناس
وأظن كل الصحف نشرت خبرها......
___________
سلطان : يابت ال...تضحكين علي
عشق : لا عفيه سلطان بلاها ... توبه والله بعد ما اضحك ابددد
اجه باتجاهي وكفه صوت التلفون ......
سلطان : والله مارد
عشق : لا يجوز ضروري ....
سلطان : هفففف
فتح خط وراح يخباره اني رجعت على تلفوني ....
فتحت الانستا وبديت اكلب بي .... كل ما ارفع راسي هو يخابر شويه وسده ..... اباوع علي يباوع عالتلفون والتنهيدات ماته ليمي صوتها ...
عشق : سلطااني
على اثر صوتي خل التلفون عالميز واجه علي بوجهه ابتسامه بس مو من كل كلبه مبين مسطنعه
سلطان : يارووح سلطانج ..
اجه كعد بصفي وخلاني بحضنه ....
عشق : هذا منو عالتلفون
سلطان : هذا مدير المركز الاداوم بي
باوعت علي باستغراب ...
عشق : وليش يخابر بهذا الوقت
سلطان : عوفي لا ادوخين راسج بي هيج رايدني بشغله وياا
طلع سلطان حجه لان ميريد يكللها الصدك وانو هو نقلو لاحدود مايريدها تخاف ... والنقل كاله المدير مؤقت
عشق : شكد بايخ مايكدرياخذ واحد غيرك اله انت يعني انت شراح تسويله ... وبعدين انت مو كتلي ماخذ اجازة
سلطان : اخذت يومين شكد اخذ يعني ....
عشق : ايي عادي اتعذر ولا تروح
طكها سلطان بضحكه ....
عشق : ليش دتضحك عوود
سلطان :مو هو ماخذني على عزيمه حتى اتعذر منه اكلج المدير مالي تكليلي اتعذر غصبا ماعلي ارضى باي يكوله......
عشق : اوووف ...يعني باجر راح تداوم
سلطان :شنو هالاوف شلعت كلبي ....
عشق : لا صدك.احجي
سلطان : اي..... ليش ماتريديني اروح ....
