لست سيئه لكن عرفت قيمتي عند كل شخص 😶 #&
_______________
عشق : راح تنام هنااك
سلطان : ايي لحتى تاخذين راحتج ..
عشق : وانت راح ترتاح بنومه هناك
سلطان : احاول ليش ترديني اجي يمج
عشق :'لا لالا شكرا خليك بمكانك
سلطان : لا خاف تردين اجي يمج
عشق : يمعود لااء
طكها بضحكه وغطى راسه باللحاف
عشق : تصبح على خير
سلطان : وانتي من اهل الخير يروحي
مايكدر اله يحط ابهاراته الخاص بس تصرفه هذا
ماتوقعته منه صدمني .... خليت راسي عالمخده ورحت بسابع نومه .....
.
.
.
.
حسيت الشمس بوجهي اووف البردة فاتحيها كمت
سديت البردة بعد شينومني راحت عيني علي وهو
نايم ماعرف ايش استخطيته اني ناخذه راحتي على
هاي الجربايه الجبيرة وهو نايم عالقنفه ... هو راح
برجلي اني ماعلي بي ... اخذت ملابسي من الكنتور
وطبيت لاحمام اخذ دوش وطلعت بعده نايم اووف
نشفت شعري ونزلت جوه عالمطبخ جانو كاعدين
ديتريكون ...
عشق : صباح الخير
الكل : صباح النوور
ام سلطان : جان ضليتي لاعصر نايمه اغاتي عروس بس مو هيج
الجده : نسرين تذكرين انتي من صبحتي يمنه اول يوم شوكت كعدتي بال12
مروة : هههههههههه هااا يوم طلعتي خدجيه
ام سلطان : شذكرج بيه ياعمه 😬
الجده : تعالي بنبتي اتريكي
كعدت وياهم ...
الجده : سلطان بعده نايم
عشق : ايي جده
مروة : اييي عمي تعببب البارحه كللش مووو عشق
قصيت باللكمه .......
الجده : صحه يمه صحه .......
ام سلطان : سدي حلكج انتي وامشي كعدي اليوم عمامج مسويله وليمه خل يكعد موحلوة يضل نايم
مروة : راايحه 😬
تريد تطلع مروة ... ايي احسن خل تروح هي تكعده ... هااااا 😲 عزاااا اذا راحت وشافته نليم عالقنفه يبوووي ..قبل لا تطلع خفزت من مكاني وعطت بيها
عشق : لا لالالا اني اروح اكعده
مروة : بسم الله الرحمن الرحيم شبيج خرعتيني
