نهوة السلطان (خلقت لاعشقها )
للكاتبه ** سارة وليد **
البارت الاخير ....
نسيانك مستحيل لكنني سأحاول
سأحاول رغم عن قلبي و حبي
سأحاول و ان طالت المحاولة
و لكن في النهاية سأحقق الهدف
سأحقق و لو مر بي الدهر
أياما و ليالي
شهورا و سنين
سأحاول رغم الجراح المنتظرة
سأحاول رغم المأسي المرتقبة
سأحاول رغم الصعاب الزائفة
كنت حبي و حياتي
كنت أحلامي و منامي
كنت امنيتي
و لكنني سأنسى رغم كل هذا
لكن لن تبقى سوى الذكرى الجميلة
التي مررت بها في حياتي
سأقول لحبي وداعا
سأقول لأحلامي وداعا
سأقول لك ختاما
برغم العقوبات سأحاول
____________________
وكع التلفون من ايدي جسمي كله يرجف الصفنه اخذتني بس كلامه يدور براسي
**سلطان : عشق متصاوب بجتفي ورجلي ماكدر احركها انتحاري واكف علجهه الثانيه وعلى بعد كم متر شلون ارجع **
**سلطان : حبيت اسمع صوتج قبل ماعوف هاي الدنيا اريد اموت مرتاح **
وكعت بالكاع ويا الوكعه صرخت صرخه من كلب محروك تيتمت للمرة الثانيه ..... صرختها هزت اهل البيت هز ..... طلعو الكل يركضون عالغرفه الي بيها عشق
عشق: سلطاااااان آاااااااااااه ياربي شنو هالضلم هذا فرغت حياتي بعد مترسها هو ليش هيج قدررري اني لييييش
سمير : عششق شبيج
بيبي : عششق حجيلي بيبي شبيج
اما عشق فجانت ضامه اديها لصدرها وصراخاتها مليانه وجع ..... وحالتها مثل الطفل وغابت منه امه ومثل ليل بدون كمر ...... نزل سمير عليها لان منضرها كطع كلبه
سمير : عشق احجيلي شبيج
عشق : سلطاان (وهي تشهك والنفس يضيق عليها)... سلطان
سمير : شبي سلطان
عشق بهسترة : مابي شي هو يريد يخوفني علي لازم اروح اشوفه
كامت وخطواتها متعثرة وغير متوزانه اديها وشفايفها يتراجفن ... لزم سمير ايدها وكفها ..
سمير : عشق وين رايحه تعاي كعدي ارتاحي شكلج شايفه حلم
سحبت عشق ايدها وبعيطه ...
عشق : مووووو حلللم هو عاافني يكلي ماعوفج وكال حتى الموت مياخذني منج بس ماوفه بوعده سلطان المايرجع بكلمته رجععع وعاافني
سمير : منو كلج مابي شي
عشق : ياريت سمير ياريت يطلع كل هذا حلم لو هوس بس هو كالي هو كالي (بتهيده طويله ) بس اني ماعوفه مستحيل
طلعت من الغرفه وسمير وراها .... نزلت من الدرج باتجاه باب الحوش لزمها سمير ....
سمير : عششق لزمي روحج افهمي السالفه يجوز اكو سوء فهم بالموضوع .....
