رواية ليبية "لعبة الحياة💙" (مكتملة)💚

الحلقة1

~لعبة الحياة~
.
.
.
الحلقة الاولى
.
.
.
اليوم عرسي
انا فرحانة بكل ، مش مصدقة انه عرسي واني واخيرا بعد سنه ونص خذيت الشخص اللي نحبه والي كنت نتمني نكمل حياتي معاه

علاقتنا كانت زي اي علاقة في مشاكل وفي زعل و في ضحك وفرح بس الحمدلله مامرينش بظروف صعبة وكانن ايامنا الحلوه احلي من الايام الشينه و بعد ثمان شهور حب جا خطبني وبعدها بشهور حددنا العرس

وانا قاعده فالصاله مصبيه نراجي فيه يوصل عندي وهوا خاش عليا وبضحكته اذكرت كل شريط علاقتنا ...

قبل سنة ونص
.
.
.
.

انا كنت فجامعة وكنت مستعجله عشان تأخرت علي المحاضره ونمشي بسرعة و كنت ماسكك لكتابات في يدي ومطبسه راسي وندور في الشنطه علي تلفوني

فجآه خبط راسي في حاجه

انا : اسفه اسفه بكل والله مش قصدي وكنت ماسكه راسي

هو : ولا يهمك مش مشكله حصل خير

رفعت راسي بحتت فيه وهوا ما عدلش عليا بحت فيا وعدا وما دورنيش

خشيت للمحاضره وطلعت مع البنات مشينا للكافيتيريا

كنت مصبيه ونفس الشخص لي خبطت فيه مصبي يشرب في قهوة ويدخن ومصبيين معاه اصحابة

انا : بحتي بحتي ساره
ساره صاحبتي : نعم !؟؟ نطلب قاعده

انا : هضا هوا لي خبطت فيه قتلكن علي
ايه صاحبتي الاخرى : هضاااااا كماااالل ماتعرفيش ؟؟

انا : لالااااا من هضا

ايه : هضا معذب قلوب البنات
انا : من حقهن يتعذبن المهم شن يدير فجامعه وشن يقرا

ساره ؛ المهمه هذي شوري خلينا نطلبو ونقعمز نحكيلكن
.
.
.
نعرفكم عليا قبل ما اتعرفو علي كمال

انا اسمي مريم عمري ٢٣ سنة نقرا اقتصاد وهذي اخرلي سنة
عندي اختين اصغر مني وحده سنة ثالثه ثانوي و الاخرى اولى جامعة و خو واحد اكبر منا يقرا برا

واما سارة و ايه هذينا صحباتي من الاعدادي سارة بنت جيرانه الحوش فلحوش و ايه تعرفنا عليها فالمدرسة وقعدت صاحبتنا واجد وخشينا مع بعضنا فالثانوي والجامعة ماعنديش صحبات غير بعضنا
اية مخطوبة
وسارة ماتحبش ترتبط بكل ولا تحب يكون في حياتها حد
.
.
.
نردو لكمال

انا : احكيييي من وين تعرفيه ومن هضا ؟

ساره اسمه كمال ويقرا ماجستير اقتصاد عمره ٢٧ سنة و كان مصاحب وحده من زمان ايام يقرا بكالوريوس اسمها حنين و بعدها ماصارش نصيب و هيه نخطبت وهوا تخرج
وتوا كيف بدا يحضر في ماجسيتر السمستر هضا ورد اخري لجامعه

انا : وانتي كيف عرفتي ؟ هوا متخرج من قبل حتي ما نحن نبدو جامعه ؟

سارة : اخت حنين صاحبته القديمه كانت تقرا معانا فثانوي اسمها امل تعرفيها ؟
انا : لالا انتي وجيجك واجد ومعارفك ملاحد باهي