رواية ليبية "لعبة الحياة💙" (مكتملة)💚

الحلقة30 والاخيرة

#لعبة_الحياة 30
.
.
.
الحلقة الاخيرة
.
.
ونسمع في صوت بعيد يقول >> مرييييم  مريييييم
ناضت فتحت عيونها

خشو عليا مجموعة دكاترة وكنت دوبي فاتحه عيوني

اول ما فتحت عيوني الدكاتره مصبيين علي راسي
دار بيضا دكاترة لابسين ازرق و ضي قوي في عيوني
صوت جهاز القلب علي يساري

قعدت نبحت يمين ويسار وفيه دكتور من الدكاترة فطن لاستغرابي

الدكتور >> الحمدلله عالسلامة رديتي من الموت ربي كتبلك عمر جديد

طلع الدكتور و خشت عليا رغد تجري

رغد >> الحمددددددلله عسلامه
مش مصدقه بكل بس كنت حاسه انك ح تنوضي

نبحت في رغد ومستغربة من كلامها

انا >> رغد البيبي مات "وحطيت يدي علي بطني"
رغد>> بيبي من؟
انا >>البيبي يلي في بطني ؟؟؟
رغد استغربت >>مريم انتي ماكنتيش حامل عشان يكون فيه بيبي ويموت ؟ "وقربت جنبي"

زادت صدمتي و قعدت نلمس في بطني مع خشت محمود خش وكان باب الغرفة مردود ونحق من فيه برا

محمود >> الحمدلله ع السلامة معقولة الرقده هذي كلها

انا >>كيف كم ليا هنا
محمود>>قريب تخشي في الشهر خاشه في غيبوبه
رغد>> طبعا كل يوم كنا نجو هنا وماما امس كانت هنا هي وميرال اليوم دوري انا وطبعا محمود كل يوم هنا

قعدت قريب ننجن شهر في غيبوبه؟؟؟؟ انا امس كنت واعيه ومع عز كيف شهر ؟

انا >>ماتقولوش الحد اني نضت تعبانه ماعنديش نيه نشوف حد منبيش نشوف حد

خطم عز من قدام الباب ماسك دخان يدخن

انا >> عززززززززز "وقعدت نبحت فيه"

محمود بحت فيا وبحت في رغد ب استغراب
رغد بحتت ف محمود يطلع وطلع محمود

انا >> هضا عز هوا ليش ما يبيش يخش ؟؟؟؟ كنه واقف برا "وقعدت نفك ف روحي بنصبيله"

رغد >> مريم عز صاحب! "ومسكتني ردتني للسرير"
وكان مره مره يجيب في محمود هنا عشان ناصر ياخذ منه فالسياره ومن الذوق يعني يركب مع محمود للمستشفي ويجامل يقعد معاه شويه
ليش يخشلك جوا فالغرفة !

انا معش استوعبت شي بككككككل فكيت التغذية من ايدي عند نزل مني دم ودفيت رغد

وصبيت طلعت من الدار جت عيني في عين عز بحتت فيه و نفس دقة قلبي يلي كنت نحس فيها كل ما نشوفه ! هوا عز نفس نظرته وطوله وعيونه
مشيت خطوه شوره ونبحت فيه وهوا يبحت فيا باستغراب بس نظرته ماكانتش بس نظرة استغراب

جت الدكتورة من بعيد ادف فيا تبيني نخش للدار

انا >> فهمونيييييي شن فيه ليش يسير معايا هكيييي شن فيه بنفهم
وقعدت نمسك في راسي وحسيت راسي ثقلللللل و افكاري تخلبطن و معش استوعبت شي