Poems

"DAKILANG EXTRA"

Dear: Sambayanan,

Kilala niyo pa ba ko?

Nakikita niyo pa ba yung halaga ko sa buhay nyo?

Madalas hindi nyo ko napapansin,

Kasi hindi ako ang subject sa sentence nyo,

Hindi rin ako yung predicate,

Kasi ako yung object

Ako yung ginagamit subalit hindi naaappreciate.

Hindi ako yung bida,

Yung bidang madalas hangaan ng madla,

Yung bidang kagaya nina Cassie at Romina,

Kasi ako yung extra, ako yung nakasupporta

Pero ako yung hindi makita kita

Para akong si Bea,

Ako yung na una,

Pero kahit anong ganda

Napalitan pa rin ni Julia

Sa bawat buwan ng Agosto,

Ang wikang Filipino ang laging nakasentro,

Madalas kung marinig ang mga katagang

Wikang Filipino: Mahalin, Pagyamanin, Tangkilikin ang sariling atin

Pang slogan starter pack kumbaga

Kasi nga ang wikang Pambansa ay para syang buwan,

Na kahit anong rami naming mga bituin

Sya pa rin ang nakakaagaw ng pansin

Kasi sya yung bida at ako ang extra

Subalit lagi niyong tatandaan na kung wala ako ay wala rin ang wikang Filipino.

Hindi ko ipagpipilitan na akoy inyong pag-aralan

Hindi ako tutol sa pagiging bida ng wikang Pambansa

Dahil ng dahil sa kanya tayoy nagkakaisa

Kaya okay lng, okay lng na ako ang maging Extra

Kung sya naman yung bida

Subalit akoy may isang kahilingan.

Na kapag nakakita kayo ng Blaan, Aeta at kung ano pa man

Paki usap ko sa inyo, respetuhin niyo sila

Respetuhin niyo sila dahil pare pareho kayong Pilipino

Pilipinong nakatira sa Pilipinas na may wikang pambansang Filipino

Respetuhin niyo sila dahil kaya nilang mahalin ang DAKILANG EXTRANG kagaya ko

Nagmamahal,

Wikang Katutubo

(BUWAN NG WIKA 2019)