عَناويـن تائِهـة

الـبارت الثـاني||باللهجـة العراقيـة

♤عـَوِّذ فُؤادَكَ مِن نِـبالِ لِحاظِها أَو مـُت كَما شاءَ
الغَرامُ شَهـيدا♤

مُصطَفى"اي عيني اياد گول لَيش عود 16 بـ الشَهَر؟؟"

اياد"تَرى يامُصطَفى لي هِسَه ماتُعرُف بيه اروح و اجي عَليها لو احِبها ف مِن أقْدِم على خُطوَه الخُطوبَه ماراح تِفتِهم اي شي و تُرفُضني حالي مِن حال غَيري الي رُفضَتهُم اريد ابنيلي صوره بـ گلبها يَلا اتقَدَم و اليوم 6/6 اني 16/7 اتحَرَك"

مُصطَفى"يااا تِدري عَبَالي 16 مال هَذا الشَهَر داگول مِن جِهه يگول ماتُعرُف بيه و مِن جِهه مِستَعجِل ع الخُطبَه و الزَواج"

اياد-و هو يُغمُز-"گُرَت عَيني اگُلك شو متَيه دَرْبَك انتَ مَعْقوله الزَواج هيج يسَوي"

مُصطَفى"أُسْكُت يَمْعَود يشِل الحال صارِلها يومين زَعْلانه عَليه و اني و لا عَبالَك يومين مَحروم عَبالَك سَنه"

اياد-بـ ضِحكه رِجوليه عاليه-"ههههههه يا بويه لَك مو عَلى أَساس انتَ مَجبور عَليها؟"

مُصطَفى"و الله هيج جِنت اول اسبوعَين بَس هِسه لا مَدري شنو الي تغَير شو گِمت احِبها و ما اگدَر على فراگها"

اياد"باوِع لَعد حِكمه رَبَك ما فَد يوم احنه قِبَلنه نسَوي شي مانريدَه بَس انتَ و لأول مَره قِبَلت و شوف هِسه ماتِگدَر بلياها ...... -ذَب تَنهيده تِكسِر گلبِ الحَجَر-هوَ كُل واحِد بـ حُضُن حَبيبتَه بَس اني بـ مُحافَظة و هي بـ مُحافَظة"

مُصطَفى"يلا يَمعَود گول يالله ماناقْصَك شي انتَ حَتى تُرُفضَك"

اياد-بـ غَصَه-"ناقصَتني هي"

هُيام"نَظَر عيني هاي الأكِل أُكُل خويه أُكل وَراك ضَيم"

مُصطَفى"گِمت اغار اني"

هُيام"هههه مو عِندَك مَره تداريك شِتسَوي بيه بعد بَس هَذا المِسكين ماعِندَه وحده تداري و تدير بالها عَليه"

مُصطَفى-و هو يسوي روحَه يمسَح دموعَه الوهْميه-"اهئ اهئ اهئ"

نورا"الحمد لله ع السَلامَه اياد"

اياد"هلا نورا شلونِج"

نورا"زينه الحمد لله"

اياد"و نِعِم بالله اي نورا يگولون ملَوعَه گَلب فَد واحِد"

نورا-وهي تِخزِر مُصطَفى-"لا خويه وين اكو هِيج شي"

-مُصطَفى حَرَك اكتافه بـ مَعنى مَعليه و رُفَع ايده بـ أستِسلام-

ضِحَك اياد "لا يانَذِل شُبسُرعه تخَليت عَني و طَلَعِت روحَك الحَباب -بـ خُبُث-قابِل اعلَم الغَيب اني و اعرُف اموركُم"

هُيام"اياد حَبيبي غُرفتَك و الحَمام جَاهزين يلا تگوم؟"

اياد-و هوَ يوگَف-"ياا الله عاشَت ايدج و الله هي مال مَي حار هِسه يفُك التَشَنُج"

مُصطَفى"اي طَبعاً اذا نايم بـ السَيارَه"

اياد"مُصطَفى لَيش تضَوِجني"

مُصطَفى"لا عَيني اسِف اسِف"

راح اياد لغرفته و هيام راحت تكمل قرايتها فرغ الهول و بقت نورا و مصطفى گام مصطفى يم نورا و مد ايده وره ظهرها و لزمها زين تفاجأ من ما دفعته و ظلت تلعب بأيدها بتوتر

مُصطَفى"يابويه يا اياد الف رحمه لوالديك لو ادري هيج يسوي چان من زمان گلتله على سالفتنه"

نورا-و هي تخزره و تحاول توخره عنها-"لا مو هيج وخر عني"

مُصطَفى"نورا و الله مدا أتحمل بعدج احبج و الله احبج تعلمت على حضنج و ريحتج و شوفتج تمشين مثل الخيل يمي"

-نورا و هي توگف و تسحبه-"گوم بـ غرفتنه عيب لا ينزل اخوك مايگول ماعدهم غرفه-

-ابتِسَم مُصطَفى ابتِسامه نابِعه مِن اعماق قَلبه و شالها رِكض و صِعَد الدَرَج مِتوجِهه لغُرفَتهُم-

نورا"عزززه عززه مُصطَفى لا يطِلعون الوِلد لو الجَهال"

مُصطَفى-و الفَرحه ما واسعه گلبه رِجعَتله حبيبة قلبه"اسكتي عريس اليوم اني"

.......

500كلمـه
انشر متى ما اتيحت لي الفرصـه