عَناويـن تائِهـة

البـارت الاول||باللهجـة العراقـية

♧هـِيَ نَظرَةٌ عَرَضَت فَصـارَت في الحَـشا نارا وَصـارَ لَها الفُـؤادُ وَقـودا♧

°الساعـه الثانيه عشر و ربـع
في طريقهم الى البيت

خَيال"يعني هِسه وَكته الخَط يعطَل اليوم"

لَيال"اكُلج عوفينَه من الخَط و جاوبيني خيله راح تجين اليوم؟؟"

خَيال"و الله مادري ليله لاتنسين البيت كله عليه"

لَيال"اوووف اذا انتِ ماتجين و هيله ماتجي منو يجي لَعد"

خَيال"اجي بس بشَرط"

لَيال"عسا ماتكون عيوني انطيجياها"

خَيال"يمه فال الله و لا فالج شَسوي بـ عيونج و انتي ماتشوفيهم للحلويين"

لَيال"هو هذا الهامج انتِ شَكو عَليج بس تدورين حلوين علاگتِج انترسَت"

خَيال"ههههههه خَرب ببليسج المُهم تنظفين البيت ويايه ؟؟ حتى اگدر اجي"

لَيال"هاهيه انظُفَه وياج يامعودَه بس خَلصيني و تعالي"

خَيال"الله هاهيه بَعد دائِماً سويلج عَزايم"

ليال"مَصلَحچيه"

خَيال"ليال بـ شَرفي باعي ذاك الحِلو"

لَيال"ليال مو بحال سوالفِج هايه"

خَيال"حبابه حبااابه بس نَظره بسيطه"

لَيال"اوكي اوكي خَلص دقيقه"

-التِقَت نظراتنه گلبي وِگف و عادَ و بِـ قوة حَسيته راح يطلَع من القَفَص الصدري خَليت ايدي عليه يامعوَد شِجاك اهجَع لا تِتخَبل عَليه هل نوبه اريد انزِل عيوني ماگدر شي جِذَبني اله تكوِمَت افكار بِـ راسي بـ ثواني اكثر من حَياتي كُلها حَسيته خَلص مَقسوم اليه عزززه بـ عينج ليال عود هاي انتِ الثگيله دِرت وِجهي و شِفت خَيال تباوعلي بـ أبتِسامه-

لَيال"وِجع شكو"

خَيال"گِلتلج أُخذي نَظره ع السَريع مو ضُربيها صَفنه"

لَيال"ما چِنت صافنَه"

خَيال"احچيها للدُبه يلا عيوني إِمشي إِمشي خَزيتينا عود انتِ الثگيله"

خَيال"بس و الله حَقج يا ليله يَعني العيون تخَبُل و لابِس بَدي سَمائي بارِز عَضلاته و الكَفشه اوووف الكَفشه تمووت"

لَيال"لِج اسُكتي فُضحتينا صوتِج و الا احنه نموت"

°في بيت ابو مصطفى
بعد شـهر

يَخطو خطواته بـ تَعب يريد يوصَل لباب بيتهُم يمشي بـ صعوبَه يومين لا نوم لا اكِل لا شُرب <منو الي قِبلَت بي> السؤال الي شاغِل تَفكيره يريد يتنَفس مايگدر النَفَس گوه يصعَد مِستَمِر يُضرُب اكثَر مَنطَقة بـ جِسم الانسان خائِنه اكثر مَنطَقة تنطي إهتِمام للمايهتَم تحِب المايحِب تعانَدك و تخليك تتوَسل الرَحمَه من شَخِص ماعِنده رَحمه صارله اكثَر من شَهر من شافهه تِمشي بـ خُطوات رزنه هاي المَلامِح البوجهه اكو شي بيها يجذِبه مايُعرُف شنو و ليش كُل الي يُعرُفَه انو هو حَبها و ما يگدَر بلياها

.........

مُصطَفى-بـ عَصَبيه-"ها اياد الحَمد لله ع السَلامه يصير يَعني هي هايه وَضعيه شَهر كامِل مانِدري عَنك شي لا نُعرُف انتَ بـ بَغداد و لا نُعرُف انت بـ البَصره رايح كاتِل روحَك عَليها وهيَ ولا يمها اصلاً !! بـ شَرَفَك بـ دينَك بـ عَرضَك اكو واحِد يبات بَره بيتَه بعيد عن فراشَه الدافي و غُرُفته المرَتِبه و يبات بـ سَيارتَه گِدام بيت بنيه يحبْها هيَ هايه وَضعيه؟؟!!!"

اياد-بـ كُل بُرود-"احلى نومَه هايه و اني اشوف خَيالها كُل شويَه بـ وَقت المَغرُب و الظُهُر يفوت من الشُباك"

مُصطَفى"لك ياحَبيبي مايصير هيج انتَ ماراح تضُر الا نَفسَك و تظِل تتعَذَب و تلوب مِثل السِمچَه الطالعَه من مايها لا انتَ راضي تِعتِرفلها و لا انتَ دتُخطُبها و لا انتَ راضي تعوفها"

اياد"لا راح اخطُبها و اخذككُم يوَم 16 بـ الشَهر"

مُصطَفى"شُبسُرعَه ليش عود يوَم 16؟؟"

اياد"عِندي مُخطَطَات بـ بالي"

اياد"هُيام الأكِل بَعد أخوج كُلش جوعان"

هيام"يخسا الجوع حَبيبي تَعال أُگعد هنا هِسه اجيبلكياه"

اياد"مَشكُورَه"

520كلمـة

انشر متى ما اتيحت لي الفرصـه