عَناويـن تائِهـة

مـشهد من الـحاضر||باللهجـة العراقيـة

" يلفت عيـون الخَلق ومايلتفت ؛
سُبحان مِن زيّـن جَمالة بالثِڪل💜

° الساعـه السابعـه و نصف صباحاً

كِعَد ع الرَصيف ينتِظر وصول خَطها مِثل كُل مَره على مَدار 5 سنين وره ما چان يمْشي بـ تَوَتُر بـ سَبب الي سِمعَه من قَبِل يوم دگ تليفونه نَزل عيونه "أستَغفُر الله رَبـي" هذا الي گاله بَعد ما قِره الاسم و رِفَض المُتَصِل
قاطَع افكاره المُتواصِله فَتح باب بيتهُم و خروج شاب منه يمشي بـ خِطوات ثابِته و رزنه اتجه نحو الخط دنگ حچه ويه أبو الخَط و دار وجهه و رِجع انتِبه للشاب و گال "وِجودَك هنا مايفيد گوم خويه گوم ماتداوم اليوم"
گاله "اوكي مَمنون مع السلامه"
رُكَب سَيارته السوده لونها مُناقِـض تماماً للون قَلبه إنتِچى ع المُقوَد نِزل شي حار على خَده مِسَحه بـ قوه هل شَخص الي مافَد يوم راح يمِل من مُراقَبَة حُبه الي من طَرف واحِد ابد !!

° فـي نفس الوقـت

فِتحَت شُباك غُرفَتها و نَبضَه قَويه أختِرقَت قلبها من شافَته گاعد ينتَظِرها رُغم انو صارِلها اسبوع ماتِداوم بس مِستَمِر ينتظرها لابِس بَدي زَيتوني و بَنطَرون أسوَد و الحِذاء و المناظِر و الساعَه بيجي ابتِسمَت من شافَته شلون مَزعوج من الشمس و الذُبان الي حَواليه بِعدت شَعرها عَن وِجهها و گالت مَقهوره عليه "اوف يا أيـاد على شِنو معَذِب روحَك و منتِظرني يَوميه" كَملَت كَلامها بـ نَبره اشْبَه بـ الغرور "و لو حَقه جَمال مثل جَمالي مايتفوت"ضِحكت و شافَته من رُكَب سَيارته فَتْره و راح رُفعَت شَعِرها و نِزلَت للصاله .

ليال"اححمد احممددددد"

احمد"ها عـيوني"

ليال"سـالمَه عيونَك ، ها گِلت لأبو الخَط عُگبَه اداوِم؟"

احمد"اي بس لازم انُقلِج منه ترى البنات الي بي ابد مو راحَه"

ليال"اووي هاي شبيك حَمودي انتَ كُلش مكَبُر السالفه شكلهن عادي مابي شي"

احمد"يا عادي يمعَوده انتو بَعدكُم ماداخلات كُليه و كل وحده الحُمره و الباودَر تارِس وجهه على شنو و تطگ بـ العِلچ بـ طَريقَه مُستَفِزه"

ليال"يلا مَعلينه بيهم براحتَك انتَ بس ها بَعدك ع الوَعد ؟"

احمد"اي اي طبعا لأن وعد الحُر دين"

310 كلـمه
انشر متى ما اتيحت لي الفرصة