(T'soarelo ka senyesemane seo. ha se puo ea rona koano, empa ena ke pina e monate ea bana ba Basotho.ke utluile e nkotla botsekeng, haholo bakeng sa thothokiso e latelang. ke utluile li lumellana.)
Peretle mapeperetsa lepetleke
Peretle moja liperekisi tsa lehoetla.
Peretle mahohola lehoetla ka moka.
o ne ore li tla o etsang lierekisi tsa lehoetla?
Hoba li le tajana onore li tla o folisa maloetsi?
Kea ipotsa hore na ebe ha o li bone li nyeunya ts'enyane?
O nore li tla o etsang liperekisi tsa lehoetla?
Hoba li bonojana onore li tla o natefela?
Re o makalla o matha matloaneng khafetsa,
Kea bona li se li qalile hoo mathisa lijo tsa ba meharo.
Li o isa holimo le tlase lijo o tsamaea o thulana le banna ka liphatla.
O tsoela pele ho lebella lehoetla leha maria a atametse,
O lebeletse mohlolo
O kile oa bona kae maria a emela lehoetla ho feta?
O kile oa bona kae maria a emela poone hore e ome?
Athe o ntse ore hobaneng hona le metamo?
Peretle motho oa ho tlola meqomo.
Peretle nku ea ho ts'ela literata.
Horeng o se o hlotheile lits'iba tjee?
Ha o bona ose ole bokopa tjee!
Ha baaka ba o hlaha thusong metsoalle ea hao?
Ha baa o joetsa hore nku ha e ts'ela terata e siea boea?
Ore ke bophelo ba hao re o lese.
Nako ho se hokae, Peretle osa kena,
Aebo peretle, otla o metlesela moo keng?
O tla o tsokotseha o fefoloa ke meea tjee molato?
molato? mangole ha asa tseba hoo jara?
O lebetse ha maria a feta o ile oa nka lithoto oa sala lehlabula morao?
Peretle mamatha lepetleke,
O nore otla fella kae hee re botse?
YOU ARE READING
KHETSI
Poetryke hlokometse ka moo ho leng thata kateng ho fumana lingoloa tsa sesotho marang-rang mona. kahona ke ile ka khetha ho nka bohato ka etsa POKELLO EA LITHOTHOKISO TSE KHUT'SOANE. Tsena ke tse ling tsa lithothokiso tseo ke li ngotseng. ke utluile ke la...
