Eitse lesa chaba, hoa lla phafa mapantsoleng batho ra makala.
Ba o hlaba ba o laola molilietsane basali tlasa sephoko.
Thabatelle ea ba etsisa ka le phefa eka ene e tseba hoba ke letsatsi la thabo.
Mohlomong e ne e ts'eha hoba kajeno ha esale eona fela e sephoko.
Ngoana mosetsana thabo ele e khaphatsehang hoba ho tsoetsoe khorula mor'a maqheku.
Le ntsoe la hoeletsa ho tlooa Teraeshareng lare, "Tumisang rato lena."
Basali baholo ba utloa le bona hoba ba tsoaletsoee molekane.
Ba tloha ka hae ba nkile sengoathoana sa bohobe bare atle a ba holele.
A hola ngoana Moshemane ba 'mitsa Marebele.
Ho se mengoaha basali baholo lihlooho ho opa.
Ba khalema ba satsoa khalema hose phetoho.
Ea roalellana mengoaha basali baholo lihlooho tsa opa ho feta.
Namane ea bona e t'sehla masene a eona eka a Bakuena,
E lia, e senya hose a hahang.
Bare ngoana moshemane ke petsoa majoeng.
Bare lebitla la ngoan'e motona le ka thoko ho tsela.
Ea a siea maqheku namane e ts'ehla.
Ea hatela pele ho batla leseli.
Ha eka otla fihla khoeleng, maqheku ho falla ra makala.
Ha ke makale hore o molele mor'a maqheku.
Ha se fela, o letebele la mothimokholo pokane,
Bare letebele le hola leea holimo.
Re holele Marebele.
Re holele khaitseli ea mosetsana sebetsa sa Matebele.
Re holele mokokotlo oa Matebele oa ka moso.
Re holele balimo ba thabe hoba re o betlile ka nepo.
Rea leboha hoba le rona kajeno ha re ema machabeng rea ikhant'sa.
Re re re holisitse kakapa, monna oa sebele.
Monna oa ho ts'oara teu le mohoma a lebe masimong.
Monna oa ho it'soarela ka matsoho.
YOU ARE READING
KHETSI
Poetryke hlokometse ka moo ho leng thata kateng ho fumana lingoloa tsa sesotho marang-rang mona. kahona ke ile ka khetha ho nka bohato ka etsa POKELLO EA LITHOTHOKISO TSE KHUT'SOANE. Tsena ke tse ling tsa lithothokiso tseo ke li ngotseng. ke utluile ke la...
