Letsatsi lena ha lechaba tjena le nhopota ts'ehlana khosatsana ea Bakuena,
Phoofolo e bohlale 'mamasene.
Khutsana-khulu, motho a potiloeng ke mat'soele.
Ka pele le ka morao ho eena ho eme makalabetla a banna.
Ha se fela mosali oa ho ts'oara thipa ka bohaleng.
O ts'oara thipa ka mahlakoreng ale mabeli.
Le nhopotsa motho oa ho lieha ere haa fihla a fihle ka sefutho.
Ke bua ka eena 'mamatebele ka sebele.
Khanya ea letsatsi lena eka eahae haa bobotheha
Mocheso oa lona eka bohale bahae haa khalema.
Le nhopotsa motho oa ho jara makabetla ale mabeli hose phomolo.
Motho oa ho nka bafo a ba etsa marena.
Motho oa ho namola lifaqane letsatsi ka leng.
Ba bangata ba mpotsa moelelo oa lentsoe 'm'e.
Ka mehla ke bafa lebitso lahae, hoba ho 'na 'm'e ke eena.
YOU ARE READING
KHETSI
Poetryke hlokometse ka moo ho leng thata kateng ho fumana lingoloa tsa sesotho marang-rang mona. kahona ke ile ka khetha ho nka bohato ka etsa POKELLO EA LITHOTHOKISO TSE KHUT'SOANE. Tsena ke tse ling tsa lithothokiso tseo ke li ngotseng. ke utluile ke la...
