O motle morali'a Mohale o benya joalo ka khalase.
O bonojana, banna ka moka ba lakatsa ho thetsa.
Thaka tsa mahlo a hae eka linaleli.
Haa bobotheha eka letsatsi la lehlabula.
Efela lebitso lebe ke seromo hoba o ila letsatsi.
O tsamaea ka phirimana ha banana kaofela ba fella matlung.
Ea kholoa t'sehlana ha Masilo are oa morata ba nyalane.
A thaba haare ke monna otla mo hlokomela,
A kholoa haare o mo rata ka moo a leng kateng.
Semaka ka mora lenyalo Masilo osa batla metsi hara mot'seare.
O batla Seilatsatsi a mo ele selibeng.
Ore na mosali o teng a sa tsamaeng ka ntle.
O lebetse Seilatsatsi ke eena eane Morali'a mohale tlhants'a bahlankana.
Metsoalle eea 'motsa hore na o mo jesitse phehla ngoana Mohale.
O mo salasala morao o batla metsi a seliba.
O mo khella metsi joang Seilatsatsi asa litsebe tsa mots'eare?
O lebetse Seilatsatsi ke ngoan'abo khoeli le linali.
Leha a tseba hore otla fetoha seholo,
Masilo o tiisitse o batla metsi.
Khetho etla ema le eena ngoana mosetsana.
Ana otla khetha bophelo ba hae kapa otla ema le lerato le kileng laba teng?
YOU ARE READING
KHETSI
Poetryke hlokometse ka moo ho leng thata kateng ho fumana lingoloa tsa sesotho marang-rang mona. kahona ke ile ka khetha ho nka bohato ka etsa POKELLO EA LITHOTHOKISO TSE KHUT'SOANE. Tsena ke tse ling tsa lithothokiso tseo ke li ngotseng. ke utluile ke la...
