جدع بلا جاه مرسى الهموم قلبه
دايما يقول الاة والذنب مش ذنبه
دا أنا لو شكيت وبكيت
جبل الحديد هيدوب الأوله غربتي
والتانيه المكتوب
جرحى القديم يا غريب انا كنت راضي به
جرحي الجديد يا حبيب زود لهاليبو
يا أهل العرب والطرب العدل مين سيده
سيده ليا للعجب وطى وباس أيده
فلاش بااااك من 13 سنهكان جاسر في هذا الوقت في اول السنه الدراسية الثانيه في كليه الشرطة
في هذا الوقت كان ولد جاسر محمود الدمنهوري عقيد في الداخليه قسم مكافحه المخدرات...وكان جاد للغايه في العمل الخاص به.
استيقظ من النوم في هذا اليوم جاسر. وذهب الي غرفه شقيقته الصغيره سـما.
سما سمسم سمسمه انتي يابت فوقي بقي خنقتيني
اممممممم اوف ياربي عاوز ايه
نظر لها جاسر بصدمه مصطنعه قائلاً في اخت محترمه تقول لاخوها الكبير عاوز ايه احترمي نفسك بدل مقبض عليكي علي الاقل اعملي حساب للبدله الميري الي انا لبسهاا.
كركرت سما بصوت مرتفع من تصرفات اخيها الاكبر.
اممممم باردو مش فاهمه حضرتك يا حضرة الظابط جاسر مصحيني ليه وانا معنديش مدرسه النهارده حلو كده احترمت البدلة اهو. قالتها بمشاغبه محببه له
اقومي انتي شهاده يا حبيبتي كبرتي وبقيتي في سته ابتدائي يلا يابت والله لو مجبتيش مجموع انتي حره هعلقك كده علي باب زويله وبعدين انا عندي كليه والنهارده اول يوم دراسة يعني اكيد انتي كمان عندك ثم قال وكأنه تذكر شئ
النهارده السبت علي فكر يعني عندك مدرسه اتفضلي قومي يلا علشان هوصلك
حاضر حاضر امتي بقي يااارب اكبر ويتوب عليا من المدرسه والقرف ده.
يلا بلاش لكاعه بقي...
اه صحيح ايه ريك في البدله؟
بتاعت بابي دي صح.........
نظر لها جاسر بإستنكار قائلآ بغرور لا يحبيبتي البدله دي بابا الي جيبهالي بنفسه ومظبطها عليا جديده لنج يعني وبعدين انتي عارفه ان بابا قالي اني لما ادخل ان شاء الله قوات خاصه ليا هديه عنده تفتكري ممكن يجبلي عربيه صح.
عادي مابابي قالي باردو لما ادخل اعلام ليا مفجاء عنده ممكن يجيب لك شقه انما اكيد هيجيب لسمسم حياته عربيه...
هاهاهاهاهاها يا بنتي انا الراجال واكبر منك وهكون ظابط ليا وضعي يعني اكيد العربيه هتكون ليا انما واعتقد انه ممكن يجبلك قطه يا قطه تعاليلي بقي قالها وهو ينقض عليها كي يحملها
انتفضت سما من علي السرير وهي تقول بصراخ خلاص يا جاسر بقي
اسمي ابيه يابت هو انا علشان بالعب معاكي يعني الهيبه راحت اشحال كنت داخلك بالبدلة قالها جاسر وعلي ملامح وجهه الصدمه ثم حمل سما من اعلي الفراش وهو يقول انا لازم كل سنه اعمل معاكي كده يعني متقوميش بالذوق ابدآ