#البارت_السـ7ــابع
صار الصبح واخذتني النومة كعدت متأخرة لكيت كريم گالعادة طالع وعمتي بغرفتهة دخلت عليهة
عمة گومي خل نلم ملابسنه ونروح لبيت اهلي بعد ما نضل وياهة شجابرنه نتحمل هذا العذاب كله .
ام كريم : لا يمة فدوة اروحلج وين نروح هذا كريم اذا يدري بيه يذبحني وحتى انتي يذبحج استري على اخوج وامج وكعدي هنا كريم ضابط وكلهة تعرفه وتخاف منه اذا يحط اهلج براسه ميرحمهم .
لعد شلون عمة نبقة هيج
ام كريم : يمة نصبر ونتحمل والله كريم شنسوي بعد .
اوووف عمة راح تموتيني انتي ليش ورطتيني بيه ليش ما كلتيلي ليش وهذا الي بطني شنو ذنبه راح اموت وربي 😭.
مرت الأيام وشهور الحمل خلصت بالمرار وية كريم مرات زين ويستخطيني ومرات لا .
وامي دائما تجي تزورني وتروح واني هم اروحلهم بس ما احجي ابد اخاف على خوية هو هذا الوحيد البقة لأمي اذا يصير بيه شي امي تموت .
اجه يوم الولادة كمت اطلك بنص الليل اخذني كريم وعمتي للمستشفى والحمد لله جبت ولد 😍 كلش فرحت من شفته نسيت كل شي .
خابروا على اهلي اجوي الصبح وكريم راح كاللهم عندي دوام وعافنه وراح .
جان كلش هادي باس الطفل كلت بلكي الله يتغير والله تعبت .
رجعت للبيت وعمتي طايرة بالطفل وفرحانة خطية اول مرة اشوفهة هيج .
كريم سماه همام 😒 يله ميخالف شنسوي اول فترة صار هادئ وكام ميحاجينه بالبيت هلكد وبعدين رجع لطبيعته وخباله .
يضربني ويهيني بس اني اتلاشه وما احاجيه لخاطر هيومي اخاف لا يكوم يضربه .
راح اسرع الاحداث بهاي الفترة ✍
بعد 3 سنوات كبر هيومي وطول هاي الفترة كريم بعيد عنه لا يضربه ولا يدناله يمكن جان يذكر الي يسويه بيه ابوه وميريد ينعاد بس جان يطلع الحرگة بية بين يوم ويوم يكتلني صار عندي عادي .
لحد ما يوم عمتي تخربطت بالليل الساعة جانت ب التسعة ضغطهة صعد كتله خل نوديهة كال انتي وديهة للمستشفى بعد وكت واني ابقة يم همام كتله دير بالك عليه جان نايم .
اخذتهة وطلعنه اجرت تكسي وديتهة للمستشفى اتأخرنه على ما نزلوا ضغطهة ابر ومغذي حطولهة صارت الساعة حوالي 11 رجعنه اكو تكسيات بابا المستشفى.
وصلنه للبيت طببتهة بغرفتهة وصعدت دشوف هيومي طبيت الغرفة ما لكيته لا هو ولا كريم تخبلت نزلت اركض كلبي نغزني يمة وليدي وين راح .
ركظت على عمتي وج عمة الحكيني .
ام كريم : خير يمة شصاير 😨
يمة همام وكريم ماكو بالبيت
ام كريم : يمة يجوز بجة واخذه وطلع لتخافين هذا وليده قابل شيريد يسويله
لا عمة طلعتيش هسه الساعة ب 11 عمة كلبي ناغزني على وليدي 😭 ضليت الوب شسوي ما ادري اخابر على كريم ميرد نوب قفله .
ورة شوية طب كريم وحده
رحت اركض عليه وك كريم وين همام شو مو وياك مو عفته يمك
كريم ميرد صعد للغرفة ركض .
كريم ولك كريم ابني وين وديته فدوة رد عليه لتموتني شسويت بيه هذا ابنك ليش هيج اسوي ما عندك رحمة متخاف الله انت
كريم ; اسكتي كافي راح اكوم اموتج والله اطلعي من الغرفة ما اريد اشوف وجهج .
يتبع ✍
