#البارت_الثـ2ـاني
سبحنه وطلعنه رحت دحظر ريوك وشفت عمتي كاعدة بالهول ومشغلة التلفزيون ع القران
صباح الخير عمة شلونج
هلا يمة صباح النور يبعد روحي
يمة الريوك محضرته بالمطبخ الكم صيحي رجلج وتريكوا اني سبقتكم
ليش عمة تعبتي نفسج جان خليته اني اسويه
لا يمة انتي توج عروسة بعد كلبي
اجه كريم صباح الخير يمه
صباح النور يمة
كعدنه تريكنه وكملنه كريم راح للغرفة واني بقيت غسلت المواعين وعزلت المطبخ .
رحت للغرفة لكيت كريم نايم ع الجرباية كعدت يم المراية وحطيت مكياج عود اني عروسة 👰😂
ورحت يمه بس سكوته قالقني بعدين اكول يجوز هاي طبيعته يله احسن مينگ على راسي .
من تمددت بصفه شو هذا اجه عليه وكام ينزعني بهدومي وبده يبوس بيه حيل طلع الدم من شفتي حيل وجعني وضل يبوس بجسمي كله ووووو .
حيل اذاني خلص وكام اني الصراحة هم احب هاي السوالف بس مو هيج ضليت ادردم بكلبي وهو كام
گال راح اطلع يجوز اتأخر لتانوني ع الغدة
شنو اليوم اول يوم النه وين تطلع
كريم شوفي لج هاي اخر مره تحجين هيج وياي اذا مرة ثانية راددتيني ميصير خير تره شكلج تكليلي حاضر
هزيت براسي يعني حاضر 😨
كريم اي هيج اريدج 😠
بدل وطلع واني ضليت صافنه هذا شبيه وليش هيج يحجي وياي من اول هيج لعد بالايام الجاية شيسوي
يله ميخالف يجوز عصبي وميحب المره اجادله 😐
امشي واحجي ويه نفسي مثل الخبلة
نوب كلت خل اكعد يم عمتي شوية ضوجة وهم هية خطية ضاله وحدهة طلعت لكيتهة جاي تطبخ غدة
ها عمة شدسوين اساعدج بشي
لا يمة اكعدي ارتاحي اني اسوي
الله شنو هاي الريحة الطيبة هاي بامية اكيد
ام كريم : اي زنوبة شلون راح اسويلج بامية تاكلين اصابعج وراهة
بعد كلبي عمتي عاشت ايدج
ام كريم : هههههههه بعدج مضايكتهة ودكولين عاشت ايدج
هههههههه والله عمة الريحة ترد الروح من هسه
ام كريم : اي زنوبة شلونهة ليلتكم البارحة
والله عمة ☺ كلش حلوة
ام كريم : الله يهنيكم ويبعد عنكم كل عين
زينب : اميين اكول عمة شبيه كريم شو ميحجي بالكوة واذا حجة كم كلمة ويسكت
ام كريم : والله يمة هذا طبعه من الزغر هيج ميحجي بصراحة يمه جان ابوه كلش ضالم يكتله ويعذبه ومثل الي اتعقد وكام ميحجي وقاسي حيل
لخاطري يمه تحملي طبعه تره شاف عذاب لمن مل
زينب : لا يمة شدعوة هذا رجلي ولازم اتحمله واعيش وياه ع الحلوة والمرة
ام كريم : الله يستر عليج بنيتي
كمل الغده وتغدينه اني وعمتي وكمنه نمنه وين نروح بعد للعصر كعدت الساعة ب 5 وكريم ماكو هذا وين راح ميكول عندي مرة والله يا الله خابرتني امي تسأل عليه وعلى كريم 😒 كتلهة زينين حجينه شوية وسديته كمت افتر بالبيت شو عمتي ماكو 😕 وين رايحة شنو هاي العائلة الغريبة
شوية وانفتح الباب طبت عمتي ها عمة وين جنتي
والله يمة رحت تسوكت وكلت خاف نايمة وكلت خطية اكعدهة كريم ما اجه
لا والله بعده وين راح من الصبح لهسة
يجوز ويه جماعته يمه
كتلهة يجوز صلينه وكملنه وسويت عشه خفيف وتعشينه الظاهر بهذا البيت بس اكل ونوم 😂
وضلينه نتفرج ع التلفزيون عمتي نعست وراحت نامت واني ظليت اتاني العريس ل 12 وماكو
أيست وكمت رحت للغرفة نمت
يتبع ✍
