#البارت_الخامس
( قلبه بلا رحمة )
صار الصبح وكعد كريم لكاني كاعدة بالكاع باوع عليه صفح 😒 وفات للحمام سبح وطلع بدل وفتح باب الغرفة وراح للشغل بالنهار هادئ بس بالليل ينكلب طنطل علينه .
طلعت ركض دشوف عمتي رحت فتحت باب غرفتهة لكيتهة نايمة .
وخرت الغطة من وجهة طلعت كاعدة وبس تبجي 😢
كتلهة شبيج عمة يوجعج شي
ام كريم : لا يمة ما بيه شي بس مكسور كلبي ابني يمد ايده عليه ويضربني ويهيني .
عمة شنسوي هو بعد واحد مريض ندعي بس الله يشافيه ويهديه.
بس عمة ليش ما حجيتيلي من الاول وخليتيني اني اختار ليش ضميتي عليه وضلمتيني هيج .
ام كريم : يمة اعذريني وسامحيني ما كتلج عبالي من يزوج يتغير ويصير ادمي .
يله عمة شنسوي هاي قسمتي ولازم ارضه بيهة الله كريم هو يرحمنه ويخلصنه من هذا العذاب.
ام كريم : سودة عليه بنيتي انتي صدك اصيلة وبت ناس لان بس الطيبة والمترباية تتحمل رجلهة بكل حالاته.
عمة لعد شلون لازم اتحملهة مهما يكون هذا رجلي ابو بيتي .
يله عمة كومي غسلي حتى نتريك ونروح للمستشفى
ام كريم : خيرج يمة يوجعج شي
لا عمة بس اشك بروحي حامل 😢
ام كريم : يا الله صدك يمة وهيج وتجيبيلنه جاهل يملي علينه البيت الله يهديك يا يمة يا كريم.
كومت عمتي كوة تمشي خطية راحت للحمام واني رحت احظر الريوك .
طلعت عمتي من الحمام وتريكنه ونضفت البيت ورحنه للمستشفى.
طبينه واخذوا دم مني وكعدنه ع الكراسي ننتظر النتيجة .
ورة ربع ساعة صاحوا بأسمي اخذت التحليل وطبيت ع الدكتورة .
ها دكتور بشري
الدكتورة : حبيبتي الف مبروك انتي حامل
الله يبشرج بالخير
الدكتورة : بس صحتج تبين تعبانة وتحتاجين راحة وراح اسجلج مقويات وفيتامينات .
ماشي دكتورة تسلمين ما قصرتي
طلعت من الغرفة واني مدري شنو شعوري فرحانة وبنفس الوقت حزنانة يا ترى شنو مصير هذا الطفل
رحت على عمتي
ام كريم : ها يمة بشري
عمة طلعت حامل
ام كريم : الف مبروك يمة يتربه بعزكم يمة صدك فرحتيني بهذا الخير هيج واشوف جهال كريم قبل ما اموت .
لا عمة لدكولين هيج عمرج طويل ان شاء الله وتشوفين احفاد احفاده .
رحنه ع الصيدلية اخذنه العلاج واني بداخلي غصة شكبرهة مدري افرح مدري احزن بس جان الحزن مسيطر عليه اكثر من الفرح 😢💔
روحي احسها
ولايه مهجوره وقديمه
وبيها ب
س اني صفيت
وحتى اني استغربتها ومابقيت
من شفتهم ضمو احلامي
بجنطهم لملميت الضال من عمري متاع
و ودعت روحي ومشيت
رحت ادور. ديره تشبه لون گلبي
ومـالـگـيـت
رجعنه وبالطريق عمتي اخذتلنه كباب وصمون كالت يمة ارتاحي وتغذي زين ما اريدج اتعبين روحج ابد
ولتفكرين بشي الله يفرجهة ساعة الساعة مضل هيج
اني امشي وابجي حتى ما اكدر احجي .
طبينه للبيت تغدينه كوة نبلع اللكمة من لا جارة 😢
خلصنه وكمنه كلت انام شوية للصبح احنه كاعدين
كالت عمتي نامي وحتى العصر نروح نزور الكاظم ونطلب مراد منه .
كتله ان شاء الله
رحت للغرفة اريد انام ما اكدر بس اذكر الي صار البارحة احس نفسي عايشة وية مجرم وفعلا هو المجرم اشرف وارحم منه 😢
احتاج ان اصرخ بقوى' الئ ان يخرج جميع الالم الذي بداخلي"💔😔
يتبع ✍
