>..:..الجزء الثـاني..:..<
- انا ممكن اعرف ليه هـ الخوف ؟؟
ناظرت وريف الدكتور سعود بـ ربكه وخووف..:هاه..ولا شي؟
سعود يبتسم:صرت احس ان فيني نجااسه..تراني ماأكل والله
وريف ماضحكت:بـ..بس انا..مدري..
سعود اشر لها تجلس:ممكن تجلسيـن؟
وريف:اجلس؟..لـ..ليه؟
سعود:لاحوول..ترا وربي ماأكل
وريف:بس عندك مرضى
سعود:لا انا فاضي لك..
وريف تجلس بربكـه..حتى انهاا غلطت وبغت تجلس على يد الكرسي..بس تداركت الوضع وجلست
سعود:ماأبي امدح نفسي..بس بـ حكم خبرتي كـ طبيب..انتي فيك شي
وريف:الحيـا زين
سعود ابتسم:ههه..تدرين انك فضحتي نفسك؟؟..
وريف ناظرته..شلووون؟
سعود:لمـا قلتي الحيـا زين..يعني انتي تبررين وانا الى الان في نظرك..المفروض اني ماأدري وش فيك..صح؟
وريف تفـاجأت..ذكي وسريع بديهه..
سعود:ممكن اعرف وش فيك..واعتبريني دكتورك
وريف:بس مامعي فلووس عشـان ادفع لك
سعود:ماله دااعي..على حسـابي..وبعدين من متى الصحه لهاا مقـابل انا اسوي كذا احتسب الاجر عند الله
وريف:بس انا ماعندي شي..يعني مشـاكل خاصه
سعود:اسمحي لي اقولك .انتي تكذبين علي..اول شي لانك رفتضي بحجة ان مامعك فلووس وهذا معنااه ان صدق فيك شي..والشي الثـاني ان مشاكل البيت ماتخلي الواحد متوتر وخايف كذا من النـاس..ولا انا غلطـان؟
وريف بدت تتبلور دمعتهاا..بس مانطقت
سعود بـ حنـان وجديه:صارحيني..اعتبريني طبيبك
وريف تلعب بـ أصابعهاا:مـ..مدري شقولك يادكتـور..احس نفسي ضايعه
سعود مافهم بس مانطق..وريف مرتاحة له لان كل من طلع منه صاار مرتـاااح
وريف:انا عايشه مع ابوي واختي..بس......................................... ..
سعود يحثها تكمل:ايووه
وريف:ابوي سـ..سـ..خلاااص انا لازم اقوم ورااي شغل
سعود:سكيـر؟
وريف التفت عليه:..................."لاتعليق"
سعود:حسيت..صعب ان الشخص اللي نعتبره عزوه يصير...
وريف:ادري..ادري
سعود ابتسم لها:اوكي..اجلسي
وريف جلست:......
سعود:اوكي كملي؟؟
وريف:ابوي مثل ماقلت انت..ويبيني اجيب..وربي مقدر اقول يادكتور
سعود:تجيبين ايش؟..
طنش سعود خووفها او تعاما عنه لايكبر فيهاا
وريف:يبي اجيب ........آآسفه يادكتوور هذي اشيااء خاصه ومقدر اقوول
سعود ماتغيرت ملامحه....يمكن تبلـد..:فهمت عليك..
وريف:فهمت؟؟
سعود:صعب مثل ماقلت لك..ابوك في حاله مثل هذي شي طبيعي انه يبي الفلوس بـ اي طريقه حتى لو شغـّل بنااته شغله غير شريفه..كملي..
وريف:...معي مدة شهر ان ماجبت بيجيب لي هوو بـ نفسـه
سعود تعجب من ابوو مايخااف على شرفه وشرف بنااته:بـ أي مقاابل؟
وريف تبكي:لـ اللي يدفع اكثر..
سعود:وكم بااقي ع الشهر؟
وريف:اسبووعين!
سعود:اهـاا..اوكي..عطيني مهله افكر لك وش تسووين
وريف بـ براءة طفله:بتساعدني؟
سعود يطمنها بـ ابتساامه دايم على وجهه:أكيــد
\
/
\
/
اشواق:طيب وش بتسوين؟؟..وش بتحطين لـ الزواج؟
مشاعل:امممم..مدري خصوصا ان عمي توه ميت مدري احس مو حلووه نحط حفله كبيره
اشواق:صح
مشاعل:وش رايك؟
اشواق:اجل مالك الا انك تكتفين بـ شي صغير وبسيط
مشاعل:اوكي..حتى انا صلا مالي خلق حفله وحووسه
اشـواق:فرااس كل ماجاا يعجل نوير بـ الزواج تأجل..مدري وش عندهاا
مشاعل:....اهاا...الله يهنيهم
اشواق:آآآمين
مشاعل:عاد احس نوره تبي تجهز زواج كبيـ...
قاطعها صوت جوالهاا يرن
