كبرتي وصرتي بالعشرين طويله وفاتنه وتغرين

بارت

×..الفصل التـآسع عشر..×
>..:..الجزء الاول..:..<

نزلت ومعها زيااد..كانت اروى وسحر وام زياد وام اروي جالسين في الصـآله..
مشاعل وزياد:السلآم عليكم
الكل:وعليكم السلآم
سحر تناظر زياد وتكلم مشاعل:ميشو تعآلي جنبي
جت مشاعل بتروح..بس مسكها زياد:لأ..اجلسي جنبي..
راحـوا بعد ماسلموا جلسوا ع الكنبه جنب بعض...واروى تناظرهم بـ قهر
\
/
\
/
طلع سعود من الغرفه بعد ماأخذ رقم عبدالملك من ريماا..صحيح هو تردد في انه يتصل عليهاا لان مهما كان ريما مريضه من مرضآه بس هو خلاآص من بعد وريف معد يبي أي حركه ممكن تكون ضده..يكفي حركـآت مجنون

اتصل على عبدالملك بس مايرد
تنهد وحط الجوال في جيبه وطلع برآآ يشم هوآآ
\
/
\
/
دخلت رغد غرفة ملاك وماكان في احد..فتحت اول درج من التسريحه ولقت مطلبها.. "الحبوب" .. اخذت لها كم حبه تكفيهاا ورآآحت لـ غرفتها قبل يدخل احد ويشوفهاا

دخلت الغرفه واخذت لها حبه ..وشربت مويه بعدهاا
جلست على السرير بـ رآحه "مقلقه"..هـ الشي ماتدري صح ولالا..اتصلت بـ تركي بس مافي رد..اصلاً مقفل..

وينه الحين؟؟..شعور ماتقدر تنكره انها قلقاان عليه وخآآيفه..على كل اللي شافته منه بس تحبه..لين الحين تحبه..يمكن مستحيل احد يفهمهاا..بس هي عارفه هـ الشي ومتأكده

قامت وطالعت نفسها بالمرايه..وجهها مو باين عليه الحزن ابد..وكأنهاا انساانه ماشافت هم في حياتهاا..ماكأنهاا وحده قبل فتره مو طوويله خسرت شرفهاا

وش صآر عليك ياتركي؟؟..دق طمني بس
\
/
\
/
رن جوآل زياد وطلع برآ بالحوش عشـآن يكلم..كانت مشاعل تسولف مع سحر وام اروى وام زياد واروى يسولفون مع بعض..وعيآل سحر ومي يلعبون فوق..

سحر:انتي بس شوفي كيف تطالعه..قسم بالله كنها ماقد شافت مزيون
مشاعل:هههههههه..
سحر طالعتها:من جدك تضحكين؟؟..خطاافة الرجال قدامك وانتي تضحكين؟
مشاعل:شفيهاا..ماأحس انو زياد يحبهاا..احسه بس يعتبرهاا سحابه مرة وخلاآآص
سحر:لايكثر..لاتنسين ان كاان بينهم خبز وملح
مشاعل:ان شالله قشطه انا احس ان زيااد مايحب نوعية اروى..
طالعتها قامت اروى واقفه ومشت وقفت عند مرآية المدخل..وصلحت لبسها اللي كان عبآره عن تنوره مشجره وبلوزه ورديه اما التنوره كانت نحاسيه وقصيره لين الركبه..صحيح ان اروى اكبر من مشاعل بس باين عليها صغيره
طالعت فيها مشاعل ولفت نظرهاا ان اروى متجهه لـ برآآ..

وقفت مشاعل وراحت لـ برآآ بتشوف اروى وين رآيحه..نزلت الدرج وهي تحاول تخفي صوت شبشبهاا عشان ماتحس فيهاا..شي جوااها يقول"امسكيها متلبسه"..رآحت لـ الحديقه اللي ورا البيت كانت اروى واقفه تناظر زياد اللي واقف ويكلم كان منزل رآآسه ويلعب بـ العشب بـ العكازه وهو مسند نفسه على الحجر حق النافوره

وأول ماسكر راحت له اروى..:زيـآد؟؟
التفت لهاا..وبعدها شال عينه عنها بـ ملل..:نعم؟
اروى:مو انت تقول "انا مانسى احد غآلي علي."..الظااهر الكلام اللي نقوله في الليل ننسآه بالنهار..ولالا ياولد عمي؟
زياد:اروى في شي يمكن انا غافل عنه ولا ذكرتك فيه..ترآني طلقتك
توقعت انهاا بتصيح بتنهاار بس تفآجأة بـ سخريه بحته في كلامها:هـه!..طلقتني بس قلبك معي..انت ماتحب مشاعل..نظرة البرود وطريقة التعامل معها كأنك تحبها غصب..ترا محد غصبك تتزوجهاا..
زياد طالعهاا ولايبي يرد عليها..هي ماتدري وش في قلبه..ماتدري انه يتنفس هوآآ مشاعل وتجي هي تقول شي هي تبيه يصير..صحيح ان خطته انه يعذب مشاعل شوي.. بس مو كره لهاا.. سكت ولا رد عليهاا
اروى ظنت ان الكوره في ملعبهاا وان زياد سكت ضعف..قربت له وقآلت بـ رقه ودلع:زيآد!..انت تدري اني احبك..وانا ادري انك مستحيل تعيش مع غيري..ترا مكانك ماتغير..
زياد طالعها ولا رد..يبيها تخلص اللي عندهاا عشان تذلف عنه:.........
اروى:زيـآد
زياد:مادريت ان طلاقي لك بيسبب لك كل هذا.."وأشر عليها"..حتى الغطى تركتيه
اروى:لاتنسى انك زوجي
زياد:كنت زوجك...اروى انا الحين متزوج وانتيهنا
اروى:ليش ماقلت انك متزوج وتحبهاا؟؟..انا ادري انك اخذتها عشان تقهرني.."بدت دموعها تنزل"..انت ماتحبها اعترف
زياد:انا مو مجبرو ارد عليك..خصوصا ان عقلك على قدك
اروى:شفت انك تتهرب..انت مااااااتحبهاااا