გამოსახულება •STRAY KIDS•

19. ანდერგრაუნდელები

— მიხარია, შენი ნახვა, იუნგი.

იმდღევანდელი. 2019 წლის 28 აგვისტო.

— მე არა. — მიუბღვირა.

ლი მანი, გველი ადამიანის ტყავში ფართოდ იღიმის. მის გვერდით სრიალდება, რომ კარგად ჩახედოს დაბრაკულ თვალებში.

— როგორ ხარ? — დამცინავად უყურებს, — როგორ სინთეზშია შენი თვალები და წლების წინ შესხმული მჟავა ერთმანეთთან?

იცინოდა.

იუნგი კი იდგა.

უყურებდა, მაგრამ ხმას არ იღებდა.

პირში სისხლის გემოს გრძნობდა.

— შენ... — წარმოთქვა ნელა, გარკვევით.

— შენი ოჯახი დავხოცე? — ცინიზმით გაუღიმა, — შენი ოჯახი ანდერგრაუნდელები იყვნენ? ვიცი.

ხარხარებდა. პირდაპირ მასზე, ზემოდან დახარხარებდა.

— სასაცილოა. სასაცილო ხარ. თვით მეტალის აგუსტ დისაც აქვს წერტილოვანი მორალი, რომელსაც აწ მკვდარ ანდერგრაუნდელებს უთმობს.

— ხმა ჩაიკმინდე...

— იცი, შენთვის დავალება მაქვს... ხომ იცი, სამყარომ მხოლოდ ოთხი წევრი გაიცნო, მეხუთე კი ჩუმად გამოიძურწა. იქნებ ეს გავახმოვანოთ?..

— რას გულისხმობ?

— ადვილია. გაიგე, ჩემი შვილი რომ მეთაური გამხდარა... ხედავ შენ? ლი ბონა ახლა უზარმაზარი კლანის მეთაურია, მამამისის გზას დასდგომია, უყურე შენ...