#الزوجه_البديلة🙆🔥

#الحلقه_الثالثه

#الزوجه_البديله🙆🗝

#الحلقه_الثالثه✨

فجأه سمعت صوت وكان مش غريب عليا شفت القيتها "مريم" اختي
مريم: اسلوبك معلش.. كان تبي نعطيك حقه باضعاف وفنهايه هو حاجه ماتستحقش الواحد يتكلم عليها اساساً!!
"هيام": النقاش مش معاك لوو سمحتي ماتدخليش
انا بعد شفت مريم تشجعت
انا: بنقول كلمتين وخليهن فراسك الفستان جبته ليا نادين معناها نقاشك امعاها
"هيام": بلاش كذب بتحطيها في نادين توا

قعدت "نادين "تبكي وتقولي: اليوم غير جيتي وبديتي تخربي فالعيله🔥
انا معش قدرت نتحمل ..طلعت وسيبتهم يتعاركو ونسمع في مريم تعارك خذيت وشاحي وعبايتي من الدار وطلعت للجنينه نبكي انهرت وحسيت روحي رخيصه وبيعيني !

القيت كرسي فجنينه قعدت عليه ونبكي بالعبره ... ونسمع في خطوات حد جي بتجاهي مسحت ادموعي مانبيش نبان ضعيفه

جاني من الخلف وحط يده ع كتفي
المعتصم:"هيام" ليش قاعده هنا غريبه لبسه شي ع راسك .. نعرفك تحبي النكد معقوله مزالتي مادرتي مصيبه لتوا؟
انا: دارتها وفضت اللي فيه طبع مستحيل يقدر يغيره ... اعطيت نفسي وعد نتخلا ع شخصيتي الضعيفه بس ما فلحتش الانسان مستحيل شي يغيره💔
المعتصم انصدم لما لقاها "آيات"
المعتصم: شن دارتلك؟!
انا: ربي يخذ الحق وخلاص
المعتصم بدون مايحكي اي كلمة خش جوا ويعيط "الـ هيام"

طلعت "ام المعتصم": يافضيحي قدام الناس ماتعرفوش تحكو بصوت واطي ..ولا تأجلو
المعتصم: جيبها ليا خير مانطلعها من شعرها قدام الناس
ام المعتصم: الله لاتربحك ديما مكسرني
المعتصم بعصبيه : ع اساس رابح انا توا ..كلميها راه والله مانتحشم نخش نخذها

خشت ام المعتصم وسحبت هيام من نص العراك مع مريم لبرا...
هيام:ليش خذيتني خليني نوريها حجمها عقاب واحده جايه م شارع😡
ام المعتصم: يا نهارك الأحرف معتصم جي يعيط ويكسر من برا ويعيطلك اطلعي ابسرعه قبل مايدير مصيبه قدام الناس
هيام: يدير اللي يبيه مش خايفه منه ... السحاره ساحرته كلماته جى يجري .. خزي ع رجاله اللي هكي
ام المعتصم: اسكتي راه مش طبيعي يقتلك ويمشي فجنازتك

هيام طلعت للمعتصم وهيا اتمتم مش عجبها الواضع
"المعتصم "اول ما شفها مسكها من شعرها
هيام: اي شعري اطلقني.. اضرب اللي ماتتسمى هيا اللي تدخل فخصوصياتي
المعتصم: هيا اشرف منك ماحكتليش حتى شن صار بينك وبينها يا&&
هيام: معتصم انت عارف شن عندي ضدك
المعتصم: مش انا اللي تلوي ذراعه وربي العزه كان نبي ندفنك اليوم

"هيام" عرفت ان معتصم مش خايف م تسجيلاتها... قعدت تبكي
هيام تبكي "دموع تماسيح": انا اللي ضحيت بكل شي ع خاطرك ادير فيا هكي
المعتصم حن قلبه طلقها: احكي شن درتيلها توا!
هيام: قعدت مع ناس ونجامل فيهم ونشوف في نظرتهم ليا ويسألو ليش راحلك تزوج عليك طبيعي انا احلا واغنى منها بس ليش درت فيا هكي؟😭💔 ... وفوق هكي جيت القيتها لبسه فستاني ومش اي فستان الفستان اللي خترته ليا انت واللي لبسته في فرحت عمري💔
المعتصم :هيا شن عرفها اصلا بيك وبحاجتك؟!
هيام: مش عارفه اسألها.. وتهمت نادين بانها هيا اللي عطته ليها من اول يوم ليها هنا بدت فضيحنا قدام الناس تطلع..
المعتصم مسك اعصابه: مش ذنبها انتِ اللي كبرتي الموضوع
هيام "بنظرتها الخادعه": حسيتك تحبها😭💔
المعتصم عصباته كلمت حبيتها: ماحبيتهش ولا نحبها بس مانحبش الظلم وياويلك تطلعي ظلمتها