#الزوجه_البديلة🙆🔥

#الحلقه_الثامنه

#الزوجه_البديله🙆🗝

#الحلقه_الثــامنه✨

في حوش فصيحه كانت قاعده تتفرج ع التلفزيون لين بابها طق مشت تفتح فيه فتحاته ولقت شي خلها تنصدم وتعيط بصوت عالي .... بعد فتحت فصيحه باب الحوش لقت الشارع كله زحما وجارتها ع الباب

جرتها:عظم الله اجرك
فصيحه: في من 😳💔
جرتها: الحاج محمد عطك عمره
فصيحه:ماتكذبيش ماتتفاوليش عليه😡
جرتها: عارفتها واعره ياخيتي ابكي عيطي محمد مات😭🔥
فصيحه قعدت تعيط وتبكي ومش مصدقه الخبر وعندها امل بأنه عيش...يمكن هيا كانت حاسه عشان هكي ماطلعتش مع مريم و كانت متضايقه قعدت💔

بدا الخبر يتسرب شوي شوي بين التجار اللي معه في اللي فرح عشان فضلهم الساحه ومنهم اللي خاف تكون نهايته ميت وعاصي ربه💔....

__________________________

عند المعتصم كان يرتب في بضاعته ويجرد فيها جه انور
فيصل:اسمع عندي لك خبر بدنيا بنسبه لك
المعتصم:شنو احكي!
فيصل:محمد عطك عمره
المعتصم"بملامح صدمه": تحكي جد كيف مات
فيصل: قالو حادث سياره بس اكيد مفتعل لان الطريق اللي يسوق فيها مافيهش زحمه سيارته انقلبت بيه طاح في وادي
المعتصم:لاحول ولاقرة الا بالله الله يرحمه ويسامحه
فيصل: قصدك مش فرحان؟!
المعتصم في عقله يفكر في "آيات" خايف عليها وهل وصلها الخبر ولالا وشن صاير فيها😩💔
المعتصم"بدون تفكير في كلامه": مستحيل نفرح عشان حد مات انا كنت نبي نعذبه مانبيش نقتله نبي نقتله وهو عايش كيف نفرح وهله قعدين يتعيطو عليه انا مش نذل ومانحبش الشماته... نبي نمشي للحوش هلي اكيد مزال ماعلموهش

ركب المعتصم سيارته ومشى ويسوق بسرعه يبي يوصل قبل الجميع ال"آيات" يبي يوسيها ويخفف عليها ماكنش يفكر في شي الا فيها وكيف يبي يوسيها ويطبطب عليها ...

وصل المعتصم ونزل خش للحوش من الباب الخلفي ونادى ع امه
زاكيه:شن دير هنا مرتك مشت مصدومه واختها تعيط وانت قاعد هنا!!
المعتصم"بعصبيه": من خبرها
زاكيه:مانندريش ياولدي ماصحيتلها الا وهيا وخيتها ياناري يتعيطو
المعتصم:تمام
زاكيه: اصبر خوذني امعك

مشت "زاكيه" لبست وطلعت للمعتصم وركبت سياره

المعتصم: بعد توصلي ملميها ليا نبيها شوي
زاكيه: غير فشنو تبيها البنت تلقها مصدومه ع بوها
المعتصم: دير زي ماقتلك بس يمى💔

وصلو زاكية خشت الخايمه امتع الصبايا لقت فصيحه اتعيط من جدها جت "زاكيه " تواسي فيها
زاكيه: اهم شي ابنيتك ماتبكيش خليك قويه عشانهن💔
فصيحه:حي ع بنياتي اللي يبو يطمعو فيهن غاب سندهن غاب اللي مايخلي فحد يقرب منهن صح ماربهنش امعي ماقعدش جنبهن بس وحتى هو بعيد عليهن كان يدعم فيهن مايعلمنش بيه يجي جيب حجتهن واللي يبنها من غير مايطلبن صح اتزوج عليا بس سند ليا كان ولهن 😭💔
"زاكيه" حضنت فصيحه وقعدت تبكي وتتذكر في زوجها وكيف مات😩💔