#الزوجه_البديله🙆🗝
#الحلقه_الرابعه
المعتصم قعد يقرب مني شوي شوي لعند ما وصلنا لعند الساس انا ندف فيه نبيه يبعد من عليا ونعيط
🚫
المعتصم: مش ح نمسك .. صح انا شارب بس مزالت في وعيي😏
بعد من عليا وقعد ع الكنبه جيت نبي نخش جوا
المعتصم بصوت مرخي: بعدين راه ليا فيك حق ولما نبي حقي نخذه غصباً عنك🔥
انا: تي غير دووش وحول ريحة الخمر اللي فيك قبل😷
المعتصم: شش شنو عودي
انا: كلامي واضح
صبى معتصم من مكانه خفت ومشيت الدار النوم وسكرت ع روحي بالمفتاح... قعدت ع سرير وظايقه بيا الدانيا
: انا شن درت فحياتي ياربي بس والله حياتي قعدت ماعد تنطاق... قعدت نتذكر في اللي صار..
كانت قاعده نحكي مع مريم اختي فموضوع مرت بويا وكيف الناس تبي تحكي علينا
مريم: بس كان نحصلها 😈
انا: تلقيه مالهاش دخل في القصه
مريم: لا تلقيها شافت الفلوس اطمعت😷💔
انا: الباب يطق شوفي من
مريم: ياااي علينا اكيد بوكي جي يبي ينكد علينا🙄
انا: توا نفتح انا
مشيت فتحت الباب
محمد: وين امك واختك😡
انا: خير
محمد: كلميهن وتعالي
انا: باه... ومشيت نكلم في امي
انا : يا امي بويا جى وشكلا في شي بيكلمنا فيه
فصيحه: باه جايته .. صبت حطت روج ورشت عطر وطلعت..
انا ضحكت: يارب صبرني عليهم😂💔
سبقتني ومشيت انادي ع مريم
مريم: خير شن يبي
انا: شكلا مرات بوك بتجيبلنا اخ ولا مش عارفه😂
مريم: تبصري😳
انا: قتلك مش عارفه غير هيا
مشيت انا ومريم للصاله وعندي فضول نعرف شن في توقعته يبي يحكي شي يخصه هوا يخص افلوسه
قعدنا كلنا في صاله
محمد: بعد بكره ح يكون زواج بنتك آيات الواحد يشتغل امعي
فصيحه: واخيراً في حد قوى قلبه وبيخذ واحده منهن😌
مريم: ليش تاخذ واحد شغله قذر حرام عليكم دمرتونا راه
محمد: بنسبه لك كبرتي وماعد واحد يخذك شن يبو فالعجوز وقاعده الصغيره تميت فيها الصفقه والعرس بعد بكره😡👌🔥
مريم: الزواج مش بالعمر ومش صفقه هو في شي اسمه تفاهم
محمد: انا خذيت الفلوس والبضاعه من الراجل مقابل يناسبني ويخذ واحده منكن😏
مريم:يعني اخت بدلتوها بفلوس مشاء الله عليكم😊👌
قعدت مريم اتعارك وامي تهدي فيها وتقوللها خليها تتزوج تشوف روحها وانا قاعده مصدومه مش مستوعبه اللي صار كيف هكي بنتزوج واحد مانعرفش حتى اسمه .... رقدت وانا نتذكر في الماضي
_____________
الصبح الساعه8
المعتصم صبى من الأريكه وراسه يوجع فيه .. مشى دار مق قهوه وقعد يتذكر اللي داره فليل مع "آيات"
المعتصم: الحمدالله ما صارش بينا شي وقدرت انسيطر ع روحي المره.. لازم نبعد ع المشروف الفتره هذي لين انحقق هدفي.. خذا نفس ودار دوش
المعتصم:عليك وحله دبشي فدار .. لف المنشف عليه
أنت تقرأ
#الزوجه_البديلة🙆🔥
Fantasiرواية عباره عن مقدمه وتسع حلقات ... مزيج مابين الأكشن والدراما والكوميديا من الواقع الليبي🖤✨
