#الزوجه_البديلة🙆🔥

#الحلقه_الخامسه

#الزوجه_البديله🙆🗝

#الحلقه_الخامسه✨

معتصم كان قالب الدنيا ويعيط ويكسر ... والممرضع قاعده في اخر الممر وتبكي
المعتصم: مش قتلك ممنوع تنقلوه للمستشفى انا😡
الممرضه: ماعنديش اي دخل جى راحل ومعه مجموعه قالي بعثني ليك المعتصم ويبي المريض بعد طلعو رنيت عليك وقتلك...
المعتصم: اكيد اقريب انتِ خليك حسابك مش توا ..وطلع يجري بسياره ع امل يلقهم ورن ع انور
انور: نعم
المعتصم: مش وقت نعم خوذ امعك الرجال اللي في الحوش كلهم وكل واحد يمشي المستشفى أسألو ع"سراج" لازم تلقوه قبل ماتطلع شمس بكرا فاهم
انور: بس الحوش مش ح يكون مأمن !!
المعتصم بصوت عالي: دير اللي قتلك عليه بسرعه.. سكر ع انور وقعد يدور

اما عند انور كان يجمع في شباب ويجهزو فسلاح وسيارتهم
طلعت "زاكيه": خير يا انور شن في؟
انور: المعتصم قالي اجمع شباب
زاكيه: ان شاءالله خير ياولدي مش نقصني فجايع انا... العيل هذا من يومه امكسرني
انور: بنمشي تبي شي؟
زاكيه: غير عينك من المعتصم ماعنديش استعداد نخسره كيف ماخسرتهم💔

طلع انور والأمن وقعد حوشهم بدون اي حراسه وفي خطر كبير يهددهم ... والمعتصم مش دير خير!!!

___________________

كنت قاعده ع صالون وحسيت المعتصم طول ماروحش الحوش ناسي ساعته وسلاحه في الحوش وفالعاده ديما امعه!!
صبيت من مكاني وقربت ع ساعته ولبستها فيدي وقعدت نقلد في حركاته استفزازه ليا 😂🔥عصبيته كلهن حاجات قاسيه وتجرح بس ضحكتني💔🔥

سلحت ساعه وحطيتها مكانها وخذيت العطر كان مش ماركه او شي معروف بس ريحته ساحره.. وتذكرت يو اللي كان شارب وقرب مني بس تذكرت انه انا وهو مصيرنا وقدرنا مش ح يتفقن مع بعض وخاصه اني قدامي خيارين بس ياندمر حياة المعتصم ونمسك عليه دليل نخليه ينسجن او نحكيله كل شي بويا خططله وقالي انفذه ونخليه يطلع برا ليبيا لبين مايزول الخطر💔
فكرت وكنت محتاره نكون عدوه ولا نساعده وننهي زوجي منه ونرجع البويا يعذبني💔🚫
بس هو كان قاسي امعي في كل شي ع ليش انا نساعده قويت قلبي واختارت انكون عدوه بعدين مش ح ندير حاجه حرام اولاً البلاد ضيعوها بتجارتهم وثانياً في شرع ربي نعتبر ننهى عن المنكر!!!

بعد شوي سمعت صوت الباب يطق
انا: منو
هيفاء:افتحي انا هيفاء

مشيت فتحتلها الباب...
هيفاء:تعالي اقعدي امعانا فالحوش
انا: لا هنا اريحلي تفضلي اقعدي امعي😊❤️
هيفاء:اليوم المعتصم مش جي للحوش قال ماتخلوهش ابروحها وبعدين مافيش ولا حد من الأمن
انا: ان شاءالله خير😳
هيفاء:مزال مش عرفين ليش بس هيا بسرعه

خذيت بشت ووشاح لبستهن ع توتي وطلعت امعاها ومش متريحه قلبي نغزني..

وصلنا للحوش خشيت انا وهيفاء القيت زاكيه ونادين و معهم هيام كانت حاطه رجل ع رجل وقاعده ع نت امبرده اعصابها ع نهايه✨👌